توي تاپاۋەت سورۇنى ئەمەس

1670154432

	توي تاپاۋەت سورۇنى ئەمەس نەچچە ئاينىڭ ئالدىدا بىر دوستۇمنىڭ ئۆيىگە بارغانىدىم .بىر چاغدا ئۆيگە مىھمان كەلدى ،بىنا ئۆيلەرنىڭ شۇيېرى يامان-دە،ياندىكى ئۆيدىكى گپ-سۆز ئاڭلىماي دېسىڭىزمۇ  قۇلىقىڭىزغا كىرىپ تۇرىدۇ .شۇ كۈنىمۇ مېھمانلارنىڭ پاراڭلىرى خالىماسلىقىمغا قارىماي قۇلىقىمغا كىرىپ قالدى.   - چوڭ قىزىمنىڭ تويىدا چۈشكەن پۇل 55 مىڭ يۈئەندىن ئاشقاندى ،بىراق كەنجى قىزىمنىڭ تويدا چۈشكەن پۇل 50 مىڭ يۈئەندىن سەل ئېشىپتۇ. -50 مىڭ چۈشكەن بولسا يامان ئەمەس چۈشۈپتۇ ،20 مىڭ چۈشمەيۋاتقان تويلار خېلى بار ھازىر. كەنجى قىزىڭىزنىڭ تويىدا كۆپرەك پۇل چۈشمەسلىگىدىكى سەۋەب،توي دەم ئېلىش كۈنىگە توغرا كەلمىگەنلىگىدىن بولسا كىرەك . -مەنمۇ توينى شەنبە،يەكشەنبىگە توغىرلاپ قىلىشنى ئويلىغان ،بىراق رېستۇرانلاردا ئۆچىرەت توشۇپ كەتكەچكە،ھەپتە ئارلىقىدا قىلىشقا مەجبۇر بولدۇق. بۇ پاراڭلارنى ئاڭلاپ ،ئەجدادلىرىمىزدىن داۋاملىشىپ كېلىۋاتقان قىز كۆيگەن ،يىگىت سۆيگەن ،ئىختىيارلىق ئۆلچەم قىلىنغان ،قۇدىلار رازىلىق بېرىشكەن،ئەل-يۇرت لايىق بىلگەن ،مادار يەتكەن ئاساستا داستىخان ھازىرلاپ توي قىلىش ئەنەنىسىنىڭ بۈگۇنكى كۈندە تاپاۋەت سورۇنىغا ئايلىنىۋاتقانلىغىدىن كۆڭلۇم بەك يېرىم بولدى    ئۆتكەن ئايدا يۇرتۇمغا بېرىپ بىر قانچە تويغا قاتناشتىم .بۇ تويلارغا  قاتنىشىپ غەيرىلىك ھېس قىلغان يېرىم شۇ بولدىكى ، سۈرەتكە ئالغۇچى مېھمانلار توي ئىگىسىگە <<كۆڭۇل >>لىرىنى بىلدۇرگەن چاغدا ئۇلارنى بىر-بىرلەپ سۈرەتكە ئالدى .ئانامدىن سورىسام ،ئانام <<بار تاۋىقىم،يان تاۋىقىم >>دېگەن گەپ بار ،توي ئىگىسى شۇنىڭغا ئاساسەن  باشقىلارغا <قەرىز >نى قايتۇرىدۇ دەپ جاۋاپ بەردى. شۇنىڭ بىلەن ئانامغا چاخچاق قىلىپ << باللىرىنى ئوي-ئۇچاقلىق قىلىپ بولغان مېھمانلار زىيان تارتقۇدەكقۇ ئەمسە>> دېسەم ،ئانام كۈلۈپ كېتىپ:<< تويغا كەلگەندىن كىيىن پۇل قۇيىدىغان گەپ ،سۈرەتكە ئېلىپ ،خاتىرىگە يېزىلىدىغان بولغاچقا كىشلەر بىر-بىر بىلەن بەسلىشىپ بولسىمۇ كۆپرەك قويىدۇ >> دىدى.   بۇنىڭدىن بۇرۇن قاراماي تەرەپلەردە ئۇيغۇرلارنىڭ بىر قېتىملىق تويدىلا 300-200 مىڭ چۈشىدىغانلىغىنى ئاڭلىغاندىم . مانا ئەمدى توي-تۆكۇنلىرىمىزنىڭ تاپاۋەت سورۇنىلا ئەمەس ،ئابرۇيپەرەسلىك،شۆھرەتپەرەسلىك سورۇنىغا ئايلىنىپ قېلىۋاتقانلىقىغا ئەپسۇسلاندىم. شۇنىڭغا ئېچىنماي تۇرالمايمىزكى ،ئەنئەنىۋى پاك مۇھاببەتنى مەنبە قىلغان نىكاھ-توي  ئادىتىمىز مانا ئەمدىلىكتە ئەنە شۇنداق ئۇچىغا چىققان شۆھرەتپەرەسلىكنىڭ ،سازايى ھەشەمەتخورلۇقنىڭ ۋە ھەددىن ئاشقان ئىسراپخورلۇقنىڭ خىرىسقا دۇچ كەلمەكتە .مىنىڭچە پەقەت پۇللا بولۇش قىز-يىگىت مۇھاببىتىنىڭ ئۇلى ۋە بەخىتنىڭ كاپالىتى بولالمايدۇ . بىز ئوغۇل ئۆيلەش،قىز چىقىرىش چىقىمىنىڭ ھەددىدىن زىيادە ئېشىپ كېتىش سەۋەبى بىلەن بىر مۇنچە قەرىزگە بوغۇلۇپ ۋەيران  بولۇپ كېتىۋاتقان ،تويغا پۇل تېپىش ئۈچۈن ئەگرى يولغا كىرىپ تەقدىرىنى نابۇت قىلىۋەتكەن قىز-يىگىتلەرنى،قۇدىلاشقۇچىلارنى ئۈچىرىتىپ تۇرىۋاتىمىز. شۆھرەتپەرەس ،پۇلخۇمار كىشلەر شۇنى ئوبدانراق ئويلىشىپ كۆرىشى كىرەككى ،نىكاھ ۋە مۇھاببەتنىڭ تەقدىرى مال-دۇنيا تەرىپىدىن بەلگىنىدىكەن ،بۇنىڭ بېسىمى ۋە تەسىرىدە ئاجىرىشىدىغان،نىكاھسىز بىللە تۇرىدىغان ،ئۆيدىن چىقىپ كېتىدىغان ،ئىچەرمەن بولۇپ كېتىدىغان،نومۇسىنى ساتىدىغان ،ئۆلىۋالىدىغان ،ساراڭ  بولۇپ كېتىدىغان ۋە باشقا تۈرلۈك-تۈمەن رەزىللىكلەرنى قىلىدىغان كىشلەر كۆپىيىپ ،جەمىئيەت كەيپىياتى بۇزۇلىدۇ.نىكاھ-توي مۇراسىملىرىمىز ھەمىدە مىللىي ئەنئەنىمىزدۇر شۇڭا دەيمىزكى ،توي-تۆكۇنلىرىمىزنىىڭ تەقدىرى مەنپەئەت كۆزلىگەن قىسمەن كىشلەر تەرىپىدىن ۋەيران قىلىنمىسۇن .قىسقىسى مىللى ئەنئەنىمىزنىڭ جولاسى بولغان توي-تۆكۇنلىرىمىز تاپاۋەت سورۇنى بولۇپ قالمىسۇن. مەنبە: شىنجاڭ قانۇنچىلىق گېزىتى

babrim

	بۇنىڭدەك ئىشلارنى يوق دىيىشكە بولمايدۇ -ئەمما مەن تۇرىۋاتقان شەھەردە تويلارنى سالىھ قىلىدىغان ئىشلارمۇ جېقىيىپ كەتتى -پەقەت ئاز بىر قىسىدمىكى كىشىلىرىمىزنىڭ كاللىسىدىن ئوتمەيۋاتىدۇ -

oyqan100

	ئىسىت ئەنئەنە دېگەن نەدە قالدى ھە !جاجىمىزنى يەيمىزغۇ بىركۈنى ! دېگىنىڭىز ناھايىتى توغرا بوپتۇ .ھازىرقى توينى قانداقمۇ توي دېگىلى بولسۇن .كۈرۈنۈشتە خۇشاللىنارلىق كۈرۈنگەندەك قىلسىمۇ ،نۇرغۇن ئادەملەر بىزار ھازىر ئۇنداق تويدىن ،50كوينى قويغىلى بولماس بولدى ،يېقىنلىرىڭىزدىن بىر نەچچىسى ئاينىڭ ئىچىدە توي قىلسىغۇ مائاشىڭىزنىڭ كۆپ قىسمى يوق. يېقىنلىرىڭلارنىڭكىدىن باشقا تويغا قايسىڭلار رەسمىيەت ئۈچۈن بارمايمەن دېيەلەيسىلەر؟ توي پاكىزە ،ئازادىچىلىك بىلەن تۈگىسە نېمىدەي ئەمدى. ھەقىقەتەن ھەممىمىز ئويلۇنۇشقا تېگىشلىك مەسىلە

qiqakkiz

	ھازىر كۆپۈنچە ئاتا ئانىلار بالىسى تۇغۇلسا مەرىكە ئۆتكۈزمەي ، ئەقىقىسىنى قىلىدىغان بولدى . باللىرىنىڭ تويىنىمۇ خالىس قىلىۋاتىدۇ . مەنمۇ ئاللاھ خالىسا ئوغۇللىرىمنى ئۆيلىگەندە خالىس قىلىمەن . لىكىن قىز ئوغۇللىرىمىزنى ئىمانلىق ، ئەخلاقلىق ، دىيانەتلىك بولغانلار بىلەن تويىنى قىلىش ئاتا ئانىلارنىڭ بۇرچى تۇرۇپ ، تاپاۋەت سورىنىغا ئايلاندۇرىشى ، توينى ياۋرۇپاچە مەدىنىيەت بىلەن ئارلاشتۇرۇپ قىلىشى ،  ئارتۇقچە ھەشەمەتچىلىك بىلەن قىلىشى ئەۋىج ئېلىۋاتىدۇ .

natik

	تويلا ئەمەس تۇغۇلغان كۈن ، ئۆي كۈركى يەنەبىرنىمە ..يەنە بىرنمە ، دىگەندەك ۋاستىلار بىلەن پۇل تىپۋاتقانلار كۈپۈيۈپ كىتۋاتدۇھازىر بارماي دىسىڭىز تخى بىر ئىككسىگە بارسىڭىز دەسىمى غالتەككە چىقۋاتقان.:qiray146 قانداق بوپ كىتە بۇندىن كىيىن ھەييييييييييييي

ئايچىن

	توي دەپ ھەممە نەرسىگە توي بولىۋاتىدىغۇ زادى، ئوشوقچە ئىسراپچىلىق ، ھەشەمەتچىلىكنىڭ بىزنى نىمە يولغا باشلايدىغانلىقى ھەممىمىزگە ئايان ، ھەممىمىز بىلىپ تۇرىمىز لېكىن بىلىپ تۇرۇپ .......،:qiray11

fatima

	توي دەپلا تويغىلا بارساق مەيلى ئىدى.ئەمما تويدىن ئاۋۋال قىز بولسا چوڭ چىيىدا قىز سوراپ پۇل ياكى قىممەتراق رەخ قۇيدىغان،تاۋاق دەپلا ھازىر100 نى قۇيدىغان گەپ.ئىشقىلىپ كۈندىن-كۈنگە ئاينىپ كىتىپ بارغان قائىيدە يۇسۇنغا قانداقمۇ قىلارمىز.

IPAR9

	قىزلارنىڭ قۇلاق خەتنە تويىنى نىمە دەيسىز تېخى،گۈل چاي دەپ ئات قويىۋالدۇق.

zapar

	مەلۇم بىر يۇرتتا مۇنداق بىر ئىشنى كۆردۈم، رېستۇران ئىشكى ئالدىدا بىر بۇغالتىر، بىر  كاسسىر، بىر سىنئالغۇچى يەنە بىر تالون كەسكۈچى( پۇل تاپشۇرغاندىن كېيىن ئەرلەرگە قولياغلىق، ئاياللارغا يەلپۈگۈچ تارقاتقۇچى) بولدىكەن، پۇل تاپشۇرۇپ، قولىمىزغا تالون ئالغاندىن كېيىن ئاندىن ئۈستەللەرگە باشلايدىكەن، بولمسا ئۆرە تۈردىكەنمىز. مۇشۇنداق كەشپىياتلارغا نىمە ئۈچۈن نوبىل مۇكاپاتى بەرمەيدىغاندۇ؟!