چاۋشىيەندىكى ئەركىنلىك

nawkeran

	چاۋشىيەندىكى ئەركىنلىك (چاۋشىيەن ساياھەت خاتىرىلىرىدىن) چاۋشىيەن ھەققىدە كۆپ نەرسىلەرنى بىلمەيمىز، بەزىلەر ئۇيەرنىڭ ئەھۋالىنى جۇڭگونىڭ 70-يىللاردىكى ئەھۋالىغا ئوخشىتىدۇ. ئۇيەرگە بارغاندىن كىيىنلا ئاندىن ھەقىقى تۇنۇشقا ئىگە بۇلىسىز. چاۋشىيەن يېزىلىرىدىكى قاتناش قۇرالى ئاساسەن ۋەلسىپىت، يەنە كالا ھارۋىلىرىمۇ بار. چاۋشىيەندىكى ساياھەتتە سىزنىڭ كومپىيۇتىر ۋە يانفۇن ئېلىپ يۈرىشىڭىز چەكلىنىدۇ، فوتو ئاپاراتى ئېلىپ يۈرۈش ئۈچۈن ئىلتىماس قىلىشىڭىز كېرەك، تەستىقلانسا ئاندىن بۇلىدۇ، شۇڭا چاۋشىيەن زىيارىتىدە كۆرگەنلىرىڭىدىن قالدۇرىدىغان خاتىرىڭىز بەك ئاز بۇلىدۇ. چاۋشىيەنگە بارغاندىن كىيىنلا جۇڭگۇدا يانفۇن، تور، تاللا بازىرى، ئالى مېمانخانا، ئىت ۋە سىمىزلەرنىڭ كۆپلىكىنى چۇڭقۇر ھېس قىلىسىز. چاۋشىيەن خەلىقىنىڭ ياز كۈنلىرىنى چوكامۇز يەۋاتقىنىنى كۆرۈپ، يۇرتىڭىزدىكى 雪糕 ئەسلەيسىز. ئۇلاريەۋاتقان ئاشلىقنىمۇ بىلەت بىلەن نورمىلىق سېتىۋالىدۇ، چاۋشىيەن ئاياللىرىنىڭ بىر كۈنلۈك ئاشلىق نۇرمىسى 300گىرام ئىكەن. ياز كۈنلىرى يول بۇيى مىنىرالنى سۇ دېگەنگە ئىنتىزار بۇلۇپ كېتىسىز، چۈنكى ئۇ يەردە ئۇنداق سۇ يوق-دە. ساياھەت جەريانىدا قۇنالغۇلارغا چۈشسىڭىز، كەچلىرى سىرتقا چىقىش چەكلىنىدۇ. چاۋشىيەندە مائارىپ، داۋالىنىش، ئولتۇراق ئۆي ھەقسىزئىكەن، ئەمما ھەقسىز بولغان بىلەن ئادەتتىكى قېرىنداش قەلەممۇ شۇنداق قىس بۇلۇپ، چاۋشىيەن باللىرىغا بىرەر سوۋغاتلىق ئېلىپ بېرىشنى ئويلىسىڭىز چۇقۇم قېرىنداش قەلەم ئېلىپ بېرىڭ، شۇندىلا بالىلارنى تازا خوش قىلىۋىتەلەيسىز. چاۋشىيەندە سىياسى دېگەن نەرسە شۇنداق سەزگۈر نەرسەكى، ساياھەت يىتەكچىسى بولغانلار سىياسى جەھەتتە قاتتىق تەربىلەنگەنلەردۇر، ئۇلار يىتەكچىلىك جەريانىدا «ئامېرىكا» دېگەن ئاتالغۇنى تىلغا ئېلىشقا توغرا كەلگەندە چۇقۇم «ئامېرىكا جاھانگىرى» دەيدۇ. چاۋشىيەن خەلىقىنىڭ دۇنيا ھەققىدە بىلىدىغانلىرى ناھايىتە ئاز. چاۋشىيەندىكى ئەڭ چىرايلىق جايلار ياكى كىم ئىرسىن تۇغۇلغان جاي ياكى شۇ كىشى ياشىغان جاي، ئىشقىلىپ شۇلار بىلەن مۇناسىۋەتلىك يەرلەردۇر. كىم ئىرسىن جەمەتى تىرىك ۋاقتىدا ھۇقۇق ئېلىپ كەلگەن قۇدىرەت بىلەن ياشىسا، ئۆلگەندىن كىيىنمۇ شەرەپ بىلەن ھەربىر چاۋشىيەنلىكنىڭ قەلبىدىن ئۇرۇن ئالىدۇ، ھەر بىر چاۋشىيەنلىك كىم ئىرسىن ئۈچۈن ياشىدى، ئەمدى بولسا كىم جۇڭئىل ئۈچۈن ياشاۋاتىدۇ. ساياھەت جەريانىدا يول بۇيى كىم ئىرسىننىڭ باش سۈرىتى ھەيكىلى، ياكى بۇكىشىنىڭ ئىككى قۇلى بىلەن بىلىنى تۇتۇپ تۇرغان پۈتۈن بەدەن ھەيكىلى ھەممىلا جايدا كۆزگە چېلىقىدۇ، رەسىمگەچۈشمەكچى بولسىڭىز چۇقۇم كىم ئىرسىن ۋە شۇلارغا مۇناسىۋەتلىك جايلاردىلا رەسىمگە چۈشەلەيسىز، ئۇندىن باشقا نەرسىلەرنى سۈرەتكە تارتىۋالسىڭىزمۇ بىكار، چۈنكى ساياھەت يىتەكچىلىرى ئەڭ ئاخىرىدا فوتو ئاپاراتىڭىزنى بىر قېتىم تەپسىلى تەكشۈرۈشتىن ئۆتكۈزىدۇ. ساياھەت يىتەكچىسى يول بۇيى دېگەن گەپنى ئېغىزىدىن چۈشۈرمەيدۇ. چاۋشىيەندە ھېس قىلىدىغىنىڭىز ئەركىنلىكنىڭ تۇلىمۇ قەدىرلىك ئىكەنلىكى. چۈنكى چاۋشىيەندە رەسىمگە تارتىش ئەركىنلىكىڭىز يوق، نەرسە سېتىۋېلىش ئەركىنلىكىڭىز يوق، ئۇلارسىزنىڭ يېقىنلىىشىڭىزنى خالىمايدىغان جايلارغا يېقىنلىشىش ئەركىنلىكىڭىز يوق، تورغا چىقالمايسىز، يانفۇن ئېلىپ يۈرەلمەيسىز. چاۋشىيەن پۇقرالىرىمۇ ئۆز دۆلىتىنىڭلا توربىكەتلىرىگە كىرەلەيدۇ، چەتئەلنىڭ ھەر قانداق توربىكەتلىرى چەكلەنگەن. چاۋشىيەن كوچىلىرىنىڭ ئىككى قاسنىقىدىكى بىنالار كونا ھەم پاكار، 1997-يىلىدىن كىيىنكى ئۈچ يىللىق تەبىئىي ۋە ئادەملەرنىڭ سەۋەبىدىن بولغان ئىقتىسادى قىيىنچىلىق جەريانىدا ھۆكۈمەتنىڭ تەمىنلىشىگە تايىنىدىغان ئاھالىلەر نەچچە ئاي يىمەكلىك ئالالمىغان، بۇ جەرياندا زادى نەچچىلىك ئادەم ئاچلىقتىن ئۆلگەن؟ چاۋشىيەن ھۆكۈمىتى ھەرقانداق ھەقىقى خەۋەرنى قامال قىلىدىغان بولغاچقا بۇ نامەلۇم. شۇ يەرلىك ئاھالىلارنىڭ ئېيتىشچە، بەزى جايلاردا يىمەكلىك بولمىغاچقا، كىشىلەر يىيىش ئۈچۈن ھەتتا دەرەخ قوۋزىقىنىمۇ تالاشقان. چاۋشەندە گۆش يىيىش بەك تەس، ھەر يىلدىكى دا، يەنى كىم ئىرسىننىڭ تۇغۇلغان كۈنىدە ئىككى پارچىدىن دوفۇ بىرىلىدۇ، يېقىنى يىللار مابەينىدە، بۇ بايرامدا يەنە ئازراقتىن نەق پۇل تارقىتىدىغانمۇ بولدى. چاۋشىيەن باللىرىمۇ كەمپىت –پىچىنىلەرنى يىيەلمەيدۇ، چاۋشىيەنلىكلەر ئاساسەن ئۇرۇق كېلىدۇ، بەزىلەر چاقچاق قىلىپ : دىيىشىدۇ. چاۋشىيەن پۇقرالىرى بىر يەردىن يەنە بىر يەرگە بېرىش ئۈچۈن چۇقۇم ساقچىلاردىن تەستىق ئېلىشى لازىم، تەستىقسىز بىر يەرلەرگە بارسا قولغا ئېلىنىدۇ. ۋەھالەنكى چاۋشىيەن پۇقرالىرى ھەرگىزمۇ ھۆكۈمەتتىن نارازى بولمايدۇ، ئۇلار يۇقىرىقى قىيىنچىلىقلارنى ئامېرىكا جاھانگىرلىرى كەلتۈرۈپ چىقارغان دەپلا چۈشۈنىدۇ، ئامېرىكا جاھانگىرلىرى بىزنى ئىقتىسادى مۇھاسىرىگە ئالغاچقا بىز مانا مۇشۇنداق قىيىنچىلىقتا قالدۇق، دەپلا ئويلايدۇ، چۈنكى ئۇلار كىچىكىدىن تارتىپلا مەكتەپلەردە ئەنە شۇنداق تەربىيە كۆرىدۇ. سىز بىر چاۋشىيەن پۇقراسىدىن : دەپ سورىسڭىز، ئۇلار چۇقۇم :< بىزنىڭ تۇرمۇشىمىز خۇددى جەننەتتە ياشاۋاتقاندەك بەختلىك، چۈنكى باشقا دۆلەتلەردە تېخى رادىئۇ - تېلىۋىزورلار يوق ئىكەن، ئەمما بىزدە بار، باشقا دۆلەتتىكىلەرئاچلىقتىن يىگۈدەك نەرسىسى يوق ئىكەن، ئەمما بىزدە بار، باشقا دۆلەتتىكىلەر كېسەل بولسا بىر مۇنچە پۇلغا داۋالىنىدىكەن، ئەمما بىزدە ھەقسىز، مانا بۇلارنىڭ ھەممىسى ئۇلۇغ داھىمىزنىڭ شاپائىتى...> دەپ جاۋاپ بىرىدۇ. ئۇلار دۇنيا توغرىسىدا ھېچنەرسە بىلمەيدۇ. ئۇلار پەقەت پىيۇڭياڭ رادئىو ئىستانسى ۋە تىلىۋىزىيە ئىستانسىنىڭ مۇقۇم بولغان بىر نەچچە قانىلىنى بىلىدۇ، بۇ قاناللاردا بولسا مەدھىيەلەش ۋە قىزىل ناخشىلاردىن باشقا نەرسە يوق. ئەگەر بار دىيىلسە، ئامېرىكا جاھانگىرلىكىنى سۆكۈش، يەنى بارلىق قېيىنچىلىقلار ۋە ئاپەتلەرنىڭ مەنبەسى ئامېرىكا جاھانگىرلىكى ئىكەنلىكىنى تەشۋىق قىلىشتىن ئىبارەت. نۆۋەتتە كىم جۇڭئىل تەختىنى ئىككىنجى ئوغلىغا بىرىشنى پىلانلىماقتا، شۇنداق بولغاندا بۇلار ئۈچ ئەۋلات چاۋشىيەنگە ھۆكۈمران بولغان بۇلىدۇ، يېقىنقى يىللاردىن بىرى چاۋشىيەن ئالى دەرىجىلىك ئەمەلدارلىرىنىڭ چەتئەلگە قېچىش ھادىسىسى كۈرۈلمەكتە. چاۋشىيەنگە بارغاندىلا ئاندىن ئەركىنلىكنىڭ شۇ قەدەر قىممەتلىك ئىكەنلىكىنى ۋە چاۋشىيەندىكى ئاتالمىش ئەركىنلىكنىڭ نەقەدەر مەنىسىز ئىكەنلىكىنى ھېس قىلىسىز. شۇنداق ئەركىنلىكنىڭ ئۆزى بىر بەخت، ئەركىنلىك بولمىغان يەردە ھەقىقى بەختمۇ بولمايدۇ، ئەركىنلىك بولمىغان كىشلىك غۇرۇر بىرخىل سۈنئى كىشلىك غۇرۇر ھېساپلىنىدۇ. مەنبە: ۋىسال سىتودىيسىدىن ئېلىندى

peyaz

	چاۋشەندىكى ئاتالمىش ئەركىنلىكنىڭ نەقەدەر مەنىسىز ئىكەنلىكىنى بۇ تىمىنى ئوقۇپ چۇشىنۋالدۇق !!

karluk007

	چاۋشىيەن پۇقرالىرى تەڭداشسىز دۉت،دولەت مەمۇرلىرى بولسا قاتمال كىشلەردىنكەن.توۋا دىمىسە باكاكەن

MILYONIR

	چاۋشەنلىكلەرنىڭ  ھالىغا ۋاي

banggi

	بۇنىڭ تۇرمە بىلەن نىمە پەرقى ؟!   كىم جەمەتى پۇخرالىرىنى بۇنچە قىيناپ نىمە خۇشاللىق تاپار.

atilla705

	كىمجۇڭئىل ئۆلمەسنىڭ ئالدىدىكى ماقالە ئوخشايدۇ. ھازىر ئوغلى تەختكە چىقىپ بولدىغۇ. كىمجۇڭئىن دىگەن ئوغلى.  28 ياشقا كىرگەن ئادەمگە دۆلەتنى تاپشۇرۇپ بەردىدە بۇلار. تىلەك ئىبراھىم  نەچچە يىلنىڭ ئالدىدا جۇڭگونىڭ چاۋشەن بىلەن چىگرىلىنىدىغان يېرىدىن خىزمەت سەۋەبلىك ساياھەتكە چىقىپتىكەنتۇق. شۇ ماقالىدىمۇ يۇقارقىغا ئوخشاش نەگىلا قارسا كىمئېرسىن بىلەن كىمجۇڭئىل نىڭ ھەيكىلى سۈرىتى باركەنتۇق. خەلق مەيدانىدا بولسا :  21 - ئەسىردىكى قىزىل قۇياشىمىز كىمجڭۇئىل دىگەن  باركەنتۇق. خەلقلىرى بۇنداق بولغان بىلەن كىمئېرسىن جەمەتىدىكىلەر دەھشەت پۇل خەجلىيەلەيدىكەن، قايسى توردا كۆرگەنتىم. سۇ ئۈستى كاتىرلىرىنى ئېلىپ، دەھشەت ئېسىل ماشىنا بىلەن يۈردىكەن..........................

tusun84857

	تڭما ئىگىسىگە تەشەككۇر

tusun84857

	تڭما ئىگىسىگە تەشەككۇر

elijan

	، ئەگەر بىر چاۋشىيەنلىك كورىيەگە بېرىپ قالسا بىر مىللەت تۇرۇپ كورىيەلىكلەرنىڭ (چاۋشىيەندە كورىيە دىگەن گەپنى ئېغىزغا ئېلىشقا بولماسمىش ، پەقەت شىمالى چاۋشىيەن دىيىشكىلا بۇلىدىكەن ) ياشاۋاتقان شارائىتى بىلەن ئۆزىنىڭكىنى ئويلاپ ،كىم جەمەتىنى تىرىك تۇرغۇزۇپ ھەر كۈنى بىر چىشلەمدىن گۆشىنى يەۋالارمىكىن دەيمەن ...

teznap

	نىمە دىگۇلۇك ، توۋا ............

hazniqi

	بىز چاۋشيەنلىكلەرگە ئېچىنىپ ئولتۇرغان مۇشۇ دەقىقىلەردە ئۇ يەردىكى خەلقلەر ئامىرىكىنى تىللىشىپ ئولتۇرۋاتقاندۇ ھەقاچان ...:qiray8........

TONGTUR70

	شەخىسكە چوقۇنىشنىڭ ئاقىۋىتى چوقۇم شۇنداق  ___ خەلقنى قۇللۇققا باشلايدۇ.

nijatkurban

	ئەجداتلار مىراسى بولغان ئەتلەسنىڭ جۇلاسىنى ئۇنتۇپ قالمىغان بۇ سىڭلىمىزغا بېلەت تاشلاپ قوللاپ قويايلى. تور ئادرېسى： http://goo.gl/LCr0P ھەر قايسى چ چ توپلىرىدا ۋە مۇنبەرلەردە تارقىتىپ قويساڭلار. بۇ سىڭلىمىزغا ۋاكالىتەن ھەر قايسىڭلارغا رەھمەت.

كارۋان

	ئاجايىپ گەپلەرغۇ بۇ.:qiray11