ئۇيغۇر ئالىمى شۆھرەت مۇتەللىپكە مۇناسىۋەتلىك قىسقا فىلىملار

narkos

	بىر نەچچە كۈندىن بېرى ھەرقايسى ئاخبارات ۋاستىلىرىدا ئالىم شۆھرەت مۇتەللىپنىڭ تەتقىقاتىنىڭ مۇۋەپپەققىيەتكە ئېرىشكەنلىكى ھەققىدىكى خەۋەرلەرنى ئاڭلاپ تولىمۇ ھاياجانلاندۇق ۋە پەخىرلىنىش تۇيغۇسى ئىچىدە بۇ ئالىمىمىزغا بارىكاللا ئېيتتۇق. شۆھرەت مۇتەللىپ باشچىلىقىدىكى بۇ تەتقىقاتتا  ،ئوخشىمىغان ئالتە مايمۇننىڭ تۆرەلمە ھۈجەيرىسىنى بىرىكتۈرۈش ئارقىلىق ،ئۈچ تال گېنى ئۆزگەرگەن مايمۇننى يىتىشتۈرۈپ چىققان . بۇنىڭ ئىچىدە Roku ۋەHexدىن ئىبارەت ئىككى قوشماق مايمۇندا ئالتە ئاتا-ئانىسىنىڭ گېنى بار.ئۇلارنىڭ قېرىندىشى بولغان Chimero  دىمۇ ئىككىدىن ئارتۇق مايمۇنننىڭ گېنى بارئىكەن. ئالىم شۆھرەت مۇتەللىپنىڭ دىيىشىچە :<ئەمەلىيەتتە، ئوخشىمىغان تەندىن كەلگەن ئېرىسى گېنلارنى بىرىكتۈرگىلى بولمايدۇ،ئەمما ئۇلار بىر ھۈجەيرىدە ئورتاق بىللە مەۋجۈت بولۇپ تۇرالايدۇ،ھەمدە بۇنىڭدىن توقۇلما ۋە ئەزالارنى تىتىشتۈرگىلى بولىدۇ.بۇنىڭدىن بۇنىڭدىن بۇرۇن بىز چاشقان ،توشقان ۋە ئۆي ھايۋانلىرى ئۈستىدە تەتقىقات ئېلىپ بارغان.ئەمما پرىماتلاردا بۇنداق تەجىربىنىڭ تۇنجى قېتىم مۇۋاپىقىيەت قىلىنىشى ،بۇ بىزنىڭ بۇندىن كىيىنكى تەتقىقاتىمىز ئۈچۈن ئەھمىيىتى زور . دېمەك بۇ ئالىمىمىز دۇنيا بىيولوگىيە پېنى ساھەسى ۋە مېدىتسىنا ساھەسىگە زور تۆھپىلەرنى قوشقان. بىز بۇ ئالىمىمىزدىن ئالەمچە پەخىرلىنىمىز ۋە ئۇنىڭغا يەنىمۇ زور بولغان ئۇتۇقلارنى تىلەيمىز. ئالىم شۆھرەت مۇتەللىپنىڭ قىسقىچە تەرجىمىھالى شۆھرەت مۇتەللىپ 1961-يىلى 8-ئاينىڭ 19-كۈنى　ئالما-ئاتا　شەھىرىدە تۇغۇلغان. 1989-يىلىدىن 1993-يىلىغىچە موسكۋا تېببىي ئىلىم گېنېتىكا تەتقىقات مەركىزىدە دوكتورلۇقتا ئوقۇپ، يېتىلىش-گېنېتىكا تەتقىقات يۆنىلىشى بويىچە دوكتورلۇق ئۇنۋانىغا ئېرىشكەن. 1993-يىلىدىن 1995-يىلىغىچە موسكۋا تېببىي ئىلىم گېنېتىكا تەتقىقات مەركىزى يېتىلىش-گېنېتىكا تەتقىقات ئىشخانىسىدا ياردەمچى تەتقىقاتچى بولۇپ ئىشلىگەن. 1995-يىلى گېرمانىيە مۈنستەر ئۇنىۋېرسىتېتىنىڭ ئىنسانىيەت گېنېتىكىسى تەتقىقات ئورنىدا زىيارەتچى ئالىم بولغان. 1995-يىلىدىن 1998-يىلىغىچە ئامېرىكا يۇتاھ ئىشتاتى دۆلەتلىك ئۇنىۋېرسىتېتىنىڭ ھايۋانات، مال دوختۇرلۇق ۋە سۈت مەھسۇلاتلىرى بۆلۈمىدە دوكتورئاشتىلىق تەتقىقات خىزمىتى بىلەن شۇغۇللانغان. 1998-يىلىدىن 2006-يىلىغىچە ئامېرىكا ئورېگون ئىشتاتى ساغلاملىق-پەن ئۇنىۋېرسىتېتىدا، ئورېگون ئىشتاتىدىكى دۆلەتلىك مايمۇن تۈرىدىكىلەر تەتقىقات مەركىزى كۆپىيىش ئىلمى بۆلۈمىدە تايانچ تەتقىقاتچى بولۇپ ئىشلىگەن. 2006-يىلىدىن 2007-يىلىغىچە ئامېرىكا ئورېگون ئىشتاتى ساغلاملىق-پەن ئۇنىۋېرسىتېتىنىڭ كۆپىيىش ئىلمى بۆلۈمىدە، ئورېگون ئىشتاتى دۆلەتلىك مايمۇن تۈرىدىكى جانلىقلار يادرو كۆچۈرۈش تېخنىكىسى — غول ھۈجەيرە تەتقىقات مەركىزىدە تەتقىقاتچى بولغان. 2007-يىلىدىن ھازىرغىچە ئامېرىكا ئورېگون ئىشتاتى ساغلاملىق-پەن ئۇنىۋېرسىتېتى كۆپىيىش ئىلمى بۆلۈمى ۋە ئورېگون ئىشتاتى دۆلەتلىك پىرىماتلار (مايمۇن تۈرىدىكىلەر) يادرو كۆچۈرۈش تېخنىكىسى — غول ھۈجەيرە تەتقىقات مەركىزىنىڭ مۇدىرى، تەتقىقاتچى بولۇپ ئىشلىمەكتە. تۆۋەندىكىلىرى بولسا بۇ پەخىرلىك ئالىمىمىزگە مۇناسىۋەتلىك قىسقا فىلىملەر. ئالىم شۆھرەت مۇتەللىپ شىنجاڭ تېلىۋىزىيە ئىستانسىسىنىڭ 9-يۈرۈش قانىلىدا مەركىزى خەلق رادىيو ئىستانسىسىنىڭ ئالىم شۆھرەت مۇتەللىپ ھەققىدىكى زىيارىتى ئامېرىكا CNN نىڭ ئالىم شۆھرەت مۇتەللىپ تەتقىقاتى توغرىسىدىكى فىلىمى ئامېرىكىدىكى تۇرسۇنجان ( Jeck بلوگىنىڭ قۇرغۇچىسى ) قاتارلىق بىر قىسىم ئامېرىكىدا ئوقۇۋاتقان قېرىنداشلىرىمىزنىڭ بۇ ئالىمىمىز توغرىسىدىكى قىلغان زىيارەت فىلىملىرى 1-قىسىم 2-قىسىم 3-قىسىم 4-قىسىم 5-قىسىم 6-قىسىم ( A ) 6-قىسىم ( B ) 6-قىسىم ( C ) 6-قىسىم (D ) فىلىمنى تەپسىلىي كۆرگەن قېرىنداشلىرىمىز شۇنى ھېس قىلالايمىزكى شۆھرەت مۇتەللىپ ھەقىقەتەن بىزنىڭ پەخىرلىنىشىمىزگە لايىق بولغان ئالىمىمىزدۇر. بۇ ئالىمىمىزدىكى كەمتەرلىك، ئۆز مىللىتىنى، ئۆز قېرىنداشلىرىنى سۆيۈشتەك ئېسىل پەزىلەتلىرى بىزنى سۆيۈندۈرىدۇ. ئاخىرىدا بۇ ئالىمىمىزغا چەكسىز بەخىت تىلەيمەن. ھەمدە تېخىمۇ تىرىشىپ ئۆز مۇۋەپپەقىيەتلىرى ئارقىلىق ئۇيغۇردىن ئىبارەت بۇ بۈيۈك نامنى پۈتۈن دۇنياغا تونۇتۇشىنى ئۈمىد قىلىمەن! مەنبە: تور دۇنياسىدىن يېغىپ رەتلىگەنلىرىم

مارشال

	1990-يىللاردىن كېيىن بىز ئۆزلىگىمىزنى تۇنۇشقا ھەقىقي تۈردە باشلىدۇق.بۇ دەۋردىن كېيىن،بىزگە كەلگەن رىقابەت،خىرىس نۇرغۇن داۋالغۇشلارنى ئېلىپ كەلدى.21-ئەسىرنىڭ شەپەق نۇرى قەدەم قويغىلى 12-يىلىغا قەدەم باستى.دەۋر ئۇچقاندەك تەرەقىي قىلىۋاتقان مۇشۇنداق پەيتلەردە،ئۈمىد تۇيغۇسى بىلەن خىرىس تەڭ مەۋجۇد بۇلۇپ تۇرماقتا.تەرەقىيات يۈكسەلگەن،ئىلىم-پەن ئۇچقاندەك تەرەقىي قىلىۋاتقان بۈگۈنكى كۈندە،ئەتىكى ئىشلارنى مۆلچەرلەش بىزلەرگە قىيىن تۇيۇلماقتا. مائارىپ-بىر مىللەتنىڭ مەۋجۇد بۇلۇپ تۇرىشىدىكى ئەڭ مۇھىم ئۆتكۈنچى ئامىل.مائارىپ يۈكسەلسە،جەمىيەتتە تەرەقىيات بولىدۇ،بۇ ئىنكار قىلغىلى بولمايدىغان ھەقىقەت.مائارىپنى تەرەقىي قىلدۇرۇش ئۈچۈن خەلقنىڭ مەدەنىيەت ساپاسى يۇقۇرى بۇلۇشى،زور تۈركۈمدىكى ئىقتىساس ئىگىلىرى مەيدانغا كېلىشى شەرت. شۆھرەت مۇتەللىپ-بىئولىگىيە پېنىدا ئۇتۇق قازانغان ئالىم،تېمىدا كۆرسىتىلىپ ئۆتكەندەك،ئۇنىڭ ئىلمىي تەتقىقات ئەسىرى دۇنياۋى مەشھۇر ژۇرنال ‹‹تەبىئەت››ژۇرنىلىدا ئېلان قىلىنىپ،دۇنيادىكى ئىلىمپەن خادىملىرىنىڭ كۈچلۈك غۇلغۇلا قوزغىشىغا،بىردەك ئېتىراپ قىلىنىشىغا ئېرىشتى. بىئولۇگىيە-تەرەقىياتى بۇرۇنقى نۇقۇل بىئولۇگىيە پېنىدىن يېشىل بىئولۇگىيە ساھاسىگە قەدەم تاشلاپ،تىبابەت،مېدىتسىنا،تەبىئەت،جانلىق توغۇرسىدا بولغان تەتقىقاتنى توغرا يولغا باشلىدى،ئالىم شۆھرەت مۇتەللىپنىڭ ئىزدىنىشىمۇ ھازىرقى داۋالاش مۇمكىن بولمايدىغان،كونترۇل قىلىپ تېزگىنلىگىلى بولىدۇ دەپ قارالغان كېسەللەرگە قارىتا ئېلىپ بېرىلغان تەتقىقات بۇلۇپ،ئۇ تەتقىقات سىرى يېشىلىپ،ئۆز كەسىپىدە ئارزۇ قىلغىنىدەك ئۇتۇق،مۇۋەپىقىيەتلەرگە ئېرىشىپ قالسا،دېيىش مۇمكىنكى،ئۇنىڭ بۇ جەھەتتىكى بۇ تەتقىقاتى پۈتكۈل دۇنيادىكى ئىنسانىيەتكە پايدىلىق بولغان،نۇرغۇن كىشىنىڭ كۆڭلىنى شادلاندۇرۇپ،ھاياتقا بولغان ئۈمىدىنى ئاشۇردىغان قىزىق نۇقتىلارنىڭ بىرى بۇلۇپ قالىدۇ. تەبىي پەندىكى ئالغا بېسىۋاتقان،يېڭى نەتىجىلەرنى قولغا كەلتۈرگەن بۇ ئالىمىزغا ئۇتۇق،مۇۋەپىقىيەتلەرنى تىلەيمەن! بىز بۇ خەۋەرلەرنى ئاڭلىغاندا،تولىمۇ خوشال بولىمىز ،ئەلۋەتتە.چۈنكى،تەبىي پەن ئىنقىلابى نەچچە ئەسىردىن بۇيان،غەرب دۇنياسىدا بۇلۇنۇپ كېلىۋاتقان تەتقىقات ئىدى،ئۇيغۇر ئالىمىزنىڭ بۇ خەۋىرىنى ئاڭلاپ،كۆڭلۈم شادلاندى. بىز بۇ خوشاللىنارلىق نەتىجىلەرنى ئاڭلاپ،پەخىرلىنىش تۇيغۇسى بولغاندىن سىرت،ئۆزىمىزنى قايتا تۇنۇشنى،ھەر قانداق كىچىك ئىشلادىن باشلاپ مىللەتنىڭ تەرەقىياتىغا ئۆزىمىزنىڭ بىر كىشىلىك تۆھپىمىزنى قۇشۇشىمىزنى،ئىلىمپەن توغۇرسىدىكى كىتاب-ژۇرنال،خەۋەرلەرنى كۆپرەك كۆرۈپ تۇرۇش،ئۆزىمىزنىڭ تالاي يىللاردىن بېرى يوقالماي كېلىۋاتقان ئىدىيىرىمىزنى چۇلغىۋالغان رەزگى ئىللەتلەرنى تاشلاپ،كەلگۈسىگە ئۈمىدۋارلىق بىلەن تەپەككۇر يۈرگۈزۈپ،جەمىيەتتە ئۆزىمىزگە لايىق خىزمەتلەرنى ئۆتىشىمىز زۆرۈر. ناركۇز ئەپەندىگە كۆپ تەشەككۈر،شۆھرەت مۇتەللىپنى تۇنۇشتۇرغان،ئۇنىڭ تەتقىقات ھاياتى توغۇرلۇق بۇ تېمىنى كۆرۈپ شۇنداق خوش بولدۇم!ئاللاھ يۇلۇڭىزنى ئۇچۇق قىلسۇن!

maymah

	شۆھرەت ئاكىمىزنىڭ بىئولوگىيەدە قولغا كەلتۈرگەن بۇ بىر قاتار نەتىجىلىرىنى كۆرۈپ ھاياجىنىمنى باسالمىدىم. قانداقلا قىلىپمۇ مەن بىلەن ئوخشاش <<ئانا>>دەپ تىلى چىققان ،نان يەپ چوڭ بولغان بۇ قېرىندىشىمنىڭ نەتىجىسىدىن پەخىرلىنىش ھېسياتىدىن پەقەتلا قۇتۇلالمىدىم.شۇنىڭ بىلەن بىرگە ئۇنىڭغا ئوخشاشلا <<ئانا>>دەپ تىلى چىققان ،نان يەپ چوڭ بولغان ئۆزۈمنىڭ مىللىتىمگە شۇ ئالىمنىڭ 1%چىلىك شۆھرەت ئېلىپ كىلەلمىگەنلىكىمدىن ئىنتايىن خىجىل بولدۇم.ئەمما مىنىڭ پەقەتلا رولۇم يوقمۇ ئەمەسلىكىدىن كۆڭلۈمنى خېلى تەسكىن تاپقۇزدۇم.رولۇم شۇكى مەن چاۋاك چالالايمەن،ئالقىشلىيالايمەن.قوللىيالايمەن. شۆھرەت ئاكا تەكلىماكان ئېتىكىدىن سىزگە ئوتلۇق سالام ۋە قۇتلۇقلىرىم كەتتى.ئاللا خالىسا كىلەر نۆۋەت ۋەتەنگە كىلىپ قالسىڭىز گۈلدەستىلىرىم بىلەن سىزنى كۈتىۋېلىشكە ئاللا نىسىپ قىلسۇن. قېنى مۇنبەرداشلار پەخىرلىنىڭلار ،چاۋاك چېلىڭلار!!!!! سىلەرگە شۇنداق خىتاپ قىلىمەن~~~~ مەدھىيەڭلارنى ئايىماڭلار....ئۇ كەتمەن چاپتى بىز چاۋاك بولسىمۇ چالايلى~~

白绿光

	تىخى قايسى كۈنى ، ئۈلۈشكۈنغۇ دەيمەن ، دۇنيادىكى ئىشلار فىروگراممىسىدا كۆرگەن ، ئەمما ئىسمىنى ئاڭلاتمىغانتى ،.

kaisar

	白绿光 يوللىغان ۋاقتى  2012-1-9 10:27 PM تىخى قايسى كۈنى ، ئۈلۈشكۈنغۇ دەيمەن ، دۇنيادىكى ئىشلار ... ئىسمى ئاتالمىش ئېكرانىغا پاتمىغان گەپ .             مەنمۇ يۇقۇرقى تورداشلار دىگەن پىكىردە  . مېنىڭ ئۈلگەم بولدى .     پەخىرلىنىمەن .

پاۋىل

	、ئەمدى بۇيىلقى  نۇبۇل مۇكاپاتى بۇ ئالىمىمىزغا نىسىپ بۇلۇشىدا ئۈمۈت تۇغۇلدى.

maymah

	ئەگەر نوبىلنى ئېلىپ قالسا مۇنبەرگە يوللانغان شۇ توغرىسىدىكى تىما نېمە بولۇپ كىتەر...... نادىرلىنىشىغۇ تۇرغانلا گەپ.

باياۋان

	ئالىمىمىزنىڭ ئىش-ئىزلىرىدىن دىلىم سۈيۈندى ، مۇبارەك بولسۇن ~

YELAN

	ياشاپ كەت ئەي سۈيۈملۈك ئۇيغۇر ئۇغلى. سىزگە ۋە سىزنە بېقىپ قاتارىغا قۇشقان ئاتا-ئانىڭىزغا مىڭ رەھمەتلەر بۇلسۇن.

lostba

	مۇبارەك بولسۇن