ئەركزات: بالىلار

ARKZAT

	بالىلار                                                           ئويلىغىنىڭ ئەكسىنى قىلىدىكەن بالىلار،             دەرد-ئەلەمدە باغرىڭنى تىلىدىكەن بالىلار.                   يېگۈزسەڭمۇ يېمەستىن، كىيگۈزسەڭمۇ كىيمەستىن،           ئۆزىنى شاھ، سېنى خەس بىلىدىكەن بالىلار.            ئۆمىلىسە ئۆمىلاپ، ئوت-سۈيىدە يۈرسەڭمۇ،             خىجىل بولماي شىللەڭگە مىنىدىكەن بالىلار.                      تۇغدۇڭ، باقتىڭ، چوڭ قىلدىڭ، خىراجىتى سېنىڭدىن،           موزاي ئىنەك ئەمگەندەك ئىمىدىكەن بالىلار.               قاغا بىلەن دوستلاشساڭ يەيدىغىنىڭ نىجاسەت،          كىملەرنىدۇر دوستۇم دەپ يىغىدىكەن بالىلار.            نەپسى ئۈچۈن ساتمىغان بىساتلىرىڭ قالمىدى،    گېزى كەلسە تېرەڭنى شىلىدىكەن بالىلار.         يۈرىۋەرسەڭ بىر كۈنى يول تاپىدۇ بالام دەپ*،     پۇت-قولۇڭنى ئىلمەكتە ئىلىدىكەن بالىلار.       كىرپىگىمۇ مامۇقتەك يۇمشاق بولغاچ بالىسى، رەنجىتسىمۇ كۆزلەرگە سىغىدىكەن بالىلار،            بالام ئۈچۈن دەپ ياشاپ كەتتۇق بەكمۇ ھالسىراپ،   ۋاي تاڭ، قاچان ئەقىلگە كېلىدىكىن بالىلار!؟ ___________   * بۇ مىسرا شائىر  م.راشىدىن مىسراسىغا يانداش يېزىلدى                                                           2012-يىل 8-يانۋار، كەچ ( مەنبەسى: ئەركزات نەزمىلىرىدىن )

lostba

	مەن كۆيەرمەن بالامغا بالام كۆيەر بالىسىغا

barquk8

	تەربىيىۋى ئەھمىيىتى بار نەزمىكەن دەپ قارىدىم ! ھارماڭ قېرىندىشم ، ئاللا قولىڭىزغا دەت بەرمىسۇن !

kapitan

	بىر كۈنى بالاڭ ئازسا،ئاھ ئۇرما ،يول تاپىدۇ بىر كۈنى ، ئامان بولسا ، ئۇلارمۇ پۇل تاپىدۇ بىر كۈنى . خاتا باسقان قەدەملەر قالدۇرغاندا قاتاردىن ، ئۆزى ماڭغان چاتقالغا ئوت ياقىدۇ بىر كۈنى. گەدەنكەشلىك ھېچكىمدىن ئۇدۇم ئەمەس ئۇلارغا ، ئۆزى كېلىپ ئالدىڭغا گەپ ئاچىدۇ بىر كۈنى . ئات بولغۇچە ئاساۋتاي ھەر يان چاپسا چاپمامدۇ ، ئۇلارغىمۇ بۇ دۇنيا يۇك ئارتىدۇ بىر كۈنى . "ئاق "نى چەككەن ئاغزىدا ئوقۇپ ئەپسۇس- پۇشايمان ، قاراپ ئۇلار كەينىگە ئۇھ تارتىدۇ بىر كۈنى . كوچىلارغا تۈن بويى بۈگۈن پاتماي يۈرگەنلەر ، چىللىسىمۇ كوچىلار جىم ياتىدۇ بىر كۈنى . تەييار توقاچ قولۇڭدىن يەۋەرمەيدۇ ئۇلارمۇ، ئۆزلىرىمۇ ئۇن تارتىپ، نان ياقىدۇ بىر كۈنى . بۇ ئالەمدە ھەر ئىشنىڭ سائېتى بار ،ۋاقتى بار ، خۇددى سەندەك ئۆي تۇتۇپ ،ئۆي قاقىدۇ بىر كۈنى . كۆندىرىدۇ بۇ جاھان تالاي ئىشقا ئۇلارنى ، شۇلار چاپقان ئۆستەڭدە سۇ ئاقىدۇ بىر كۈنى . بىز ئوينىغان نۇرۇزنى بىزدەك ئويناپ شۇلارمۇ ، ئىزىمىزدا ئىگەرلەپ ئات چاپىدۇ بىر كۈنى ، پىشانەڭگە ئاسماندىن ئىللىق قۇياش نۇر چاچسا ، يۈرىكىڭگە بالاڭمۇ نۇر چاچىدۇ بىر كۈنى. سەنمۇ ئاتا -ئاناڭنى ئۆتكەن بولساڭ ئەزىزلەپ ، ئوغۇل- قىزىڭ ساڭىمۇ تون ياپىدۇ بىر كۈنى . شۇ ئىشلارنى كۆرەلمەي ئۆلۈپ كەتسەڭ ئامال يوق، ھايات بولساڭ مەيدەڭگە گۈل تاقايدۇ بىر كۈنى . يامان دېسەڭ بالاڭنى ،كىم بىرىدۇ ياخشىنى ، ھازىر يامان بولسىمۇ ئەسقاتىدۇ بىر كۈنى . مۇھەممەتجان راشىدىن   ...

xah!

	ئانىنىڭ كۆڭلى بالادا ئىكەن، بالىنىڭ كۆڭلى تالادا ئىكەن.

nurjula

	ئۆيلۈك قىلىپ، ئۆي ئىلىپ قېتىپ قويساڭ قاتاغا، ئۇزۇن ئۆتمەي نەۋرە بېقىپ قالدىكەنسەن جاپاغا. دىگەنلىڭىز بەرھەق، شۇ تاپتىلا بىر- ئىككى بالىنى بېقىپ بولماي كېتىپ بارىمىز، ئاتا- بوۋىلىرىمىزنىڭ 10-15 بالىنى قانداق بېقىپ، قايسى سەۋىر بىلەن بېقىپ قاتارغا قوشقانلىقىغا ئەقلىم ھەيران!:qiray11

zulayha

	ھەقىقەتەنمۇ ئېسىل شېئىر بوپتۇ .قەلەم قۇۋىتىڭىزگە  رەھمەت جۇمۇ ئەركزات ئەپەندى. داۋاملىق ئېسىل يازمىلىرىڭىزنى كۆرۈپ تۇرايلى.

yntak

	بەكمۇياخشى يېزىلىپتۇ،

artiken

	چىنلىققا تۇيۇنۇپتۇ

dilbar

	‹بالىلىق ئۆي بازار،بالىسىز ئۆي مازار› ،يامان دىگەن بالىمۇ بىر كۈنلىرى ئەسقېتىپ قالىدۇ دەيمەن.......ئىسىل يازمىلىرىڭىز ئۈزۈلمىگەي...