ئايالىڭىزنى رام قىلاي دېسىڭىز

سۇمەييا

	ئايالىڭىزنى رام قىلاي دېسىڭىز 1. كەڭ قۇرساق بولۇڭ، ئايالىڭىزنىڭ ئۇششاق سەۋەنلىكلىرىنى كەچۈرۋېتىڭ، چىن مۇھەببەتنى ئۈن-تىنسىز ھالدا ھەربىر ھالقىلارغىچە سىڭدۈرۈڭ. 2. ئايالىڭىزغا پات-پات كۆڭلىڭىزنى ئىپادىلەپ تۇرۇڭ، مەسىلەن، خاتىرە كۈنلەردە بىر دەستە گۈل سوۋغا قىلىپ، كارتىغا «سۆيۈملىكىڭىزدىن» دېگەندەك گەپلەرنى يېزىپ قويسىڭىز بولىدۇ. 3. ئاياللار كۆيۈنۈشكە مۇھتاج. ئايالىڭىز ئىشتىن ھېرىپ-ئېچىپ كەلسە، «تاماق ئەتمەمسەن؟!»، «ئۆي تازلىمامسەن؟!» دېمەستىن، «ئۇسسۇزلۇق ئىچىپ بىردەم ئارام ئېلىۋېلىڭ» دەپ كۆيىنىپ قويسىڭىز، ئايالىڭىز چوقۇم ناھايىتى تەسىرلىنىدۇ ۋە سىزنى تېخىمۇ ھۆرمەتلەيدىغان، سۆيىدىغان بولىدۇ. 4. ماقۇل بولغان ئىشىڭىزنى چوقۇم ئورۇنلاپ بېرىڭ، ئاياللار ئىشەنچىلىك يۆلەنچۈككە موھتاج. ئەگەر ئايالىڭىزنىڭ گېپىنى يىرىپ، ھە دىسىلا قاقشاپ تۇرىۋالسىڭىز، ئۇ قانداقمۇ يۈرەك سۆزىنى سىزگە بىمالال دېيەلىسۇن؟ 5. تېلۋىزور ياكى كومپىيوتىرغا بەك بېرىلىپ كەتمەڭ. سىز تېلۋىزور ياكى كومپىيوتېرغا بېرىلگەن ۋاقتىڭىزدا ئايالىڭىز بىر چەتتە يالغۇزسىراپ قالىدۇ. 6. ئاياللارنىڭ ئايدا بىر نەچچە كۈن كەيپىياتىنى كونتىرول قىلالمايدىغان، سەۋەبسىز خۇشال ياكى خاپا بولىدىغان چاغلىرى بولىدۇ. بۇ چاغدا ھەرگىز كارىڭىز يوق ياكى زېرىككەندەك بولماڭ. 7. ھەرگىزمۇ «بۇرۇنقى ئەرلەر نەچچە خوتۇن ئالىدۇ، نېمانداق بەختلىك» دېگەندەك گەپلەرنى قىلماڭ. گەرچە چاقچاق ئورنىدا دېسىڭىزمۇ، سىزنى بىردىنبىر دەپ بىلىدىغان ئايالىڭىزغا ئېغىر كېلىدۇ. ئاياللار بەك سەزگۈر، بۇ گېپىڭىز ئۇنىڭ گۇمانىنى قوزغاپ قويۇشى مۇمكىن. 8. ئايالىڭىزنى باشقىلار بىلەن سېلىشتۇرماڭ، ئۇ كۆڭلىڭىزدە ئۆزىنىڭ مۇكەممەل بولۇشىنى، ئەڭ گۈزەل، ئەڭ لاتاپەتلىك، ئەڭ كۆيۈمچان بولۇشىنى ئۈمىد قىلىدۇ. 9. ئايالىڭىزنى رەنجىتىپ قويسىڭىز، «ئابرۇي» ۋە «غۇرۇر» لىرىڭىزنى قايرىپ قويۇپ، چىن دىلىڭىزدىن كەچۈرۈم سوراڭ، كېيىن چوقۇم دىققەت قىلىڭ. ئاندا-ساندا خاتالىقىڭىزنى كەچۈرىدۇ، لېكىن بىر ئىشتا داۋاملىق خاتالاشسىڭىز چىدىمايدۇ. 10. ئايالىڭىزنى ھەرگىز ئالدىماڭ، راستچىل بولۇڭ. مەيلى باياشات ياكى نامرات، مەيلى سالامەت ياكى ئاغرىق بولسۇن، ھەرگىز ئايرىلمايدىغانلىقڭىزنى ئېيتىڭ. مەنبە+ئۇرۇمچى كەچلىك گىزىتى

MILYONIR

	ئۆگىنىپ تۇرايلى ھە  ھامان ئەسقاتىپ قالىدۇ

kaqmixlar

	مەن ساقلىۋالدىم كىيىن چوقۇم ئىشلىتىمەن:qiray121:qiray121

rizwangul0995

	بەك ياخشى تېيما يوللاپسىز .يېقىندىن بۇيان ئاياللار تۇغۇرلۇق كوپ تېيما يولىنۋاتىدۇ،:qiray14ھى ھى  ھى   مەن ئەرلەرنىڭ پەقەت مەسئولىيەتچان بولىشىنىلا ئۇمىت قىلمەن.

سابا

	ئايالىڭىزنى ھەرگىز ئالدىماڭ، راستچىل بولۇڭ. مەيلى باياشات ياكى نامرات، مەيلى سالامەت ياكى ئاغرىق بولسۇن، ھەرگىز ئايرىلمايدىغانلىقڭىزنى ئېيتىڭ.

terooy

	مەن تېخى خۇتۇن ئالمىدىم . خۇتۇن ئالغاندا چۇقۇم بۇ سۆزلەرنى ئۇنۇتمايمەن .  تىما ئېگسگە رەخمەت .

kapsizparixta

	شۇنداق قىلىڭلا ئەرلە:qiray18

feroza

	ياخشى يىزىلغان گەپلەركەن ،

miskin312

	مەن راستچىل بولۇشىنى ئارزۇ قىلىمەن. :qiray18

ramu

	ئاپلا 7-ماددىسىغا خلاپلىق گەپ قىلىپ قاپتىمەن دىسە!مەن ئەسلى ئايالىمنىڭ خىزمىتى بەك ئالدىراش بولغاچقاسەن رازى بولساڭ يەنە بىر خۇتۇن ئېلىپ قويسام  ئۆي ئىشلىرىغا بىر يارىدەمچى قىلىۋال دىگەن نىيەتتە دىگەن  ئەمەسمۇ.ھەيييييييي:qiray121