100 يىللىق تارىخقا ئىگە kodak ۋەيران بولۇشقا دۇچ كەلدى

KuRaGan

	رەقەم تېخنىكىسى پليونكا كەسپىنى ئاخىرلاشتۇردى     ئامېرىكا << ۋال كۈندىلىك گېزىتى>> نىڭ 5- يانۋار خەۋەر قىلىشىچە، ئامىرىكا castman kodak بىر نەچچە ھەپتە ئىچىدە ۋەيران بولۇشتىن ساقلىنىش ئىلتىماسىنى سۇنىدىكەن.ئەگەر بۇ فوتو-سۆرەت فىليونكا كەسپىدىكى چوڭ ماگنات راستىنلا ۋەيران بولسا،polaroid شىركىتى قاتارلىق داڭلىق ئامرىكا كارخانىلىرى دەۋرنىڭ شاللىشىغا ئۇچرايدىكەن.     ئەھۋالدىن خەۋەردار كىشىلەرنىڭ دىيىشىچە،131 يىللىق تارىخقا ئىگە بۇ كارخانا ئۆزىنى قۇتقۇزۇشقا زور تىرىشچانلىق كۆرسىتىپ، قىسمەن پاتنېت ھوقۇقىنى سېتىش شەكلى ئارقىلىق مەبلەغ توپلىماقچى بولغان،kodak ۋەيران بولۇشتىن ساقلىنىشقا تەييارلىق كۆرگەچ، بانكا بىلەن مەسلىھەتلىشىپ تەخمىنەن 1 مىليارد دوللار مەبلەغ جۇغلاپ، كارخانىنىڭ ۋەيران بولۇشتىن ساقلىنىش مەزگىلىدە،داۋاملىق يۈرۈشىشىنى قوغدىغان.      خەۋەر قىلىنىشىچە،kodak شىركىتى ئەڭ بۇرۇن بولغاندا مۇشۇ ئاي ياكى 2-ئاينىڭ باشلىرىدا ۋەيران بولۇشتىن ساقلىنىش ئىلتىماسىنى سۇنىدىكەن،ۋەيران بولۇشتىن ساقلىنىش مەزگىلىدە،كارخانا داۋاملىق قەرزىنى قايتۇرىدىكەن ھەمدە نورمال ئايلىندىكەن،kodak سوتنىڭ نازارىتى ئاستىدا، تەخمىنەن 100 تۈرلۈك پاتنېت ھوقۇقىنى ساتىدىكەن.     چەت ئەل رىقابەتچىلىرىنىڭ پىليونكا كەسپىنى ئۆزىنىڭ قىلىۋېلىشىغا ئەگىشىپ،kodak ئالدىنقى ئەسىرنىڭ 80 -يىللىرىدىن باشلاپلا كەينىگە چېكىنىشكە باشلىغان، ئارقىدىن kodak سىفىرلىق ئاپارات ۋە ئەقلى ئىقتىدارلىق يان تېلفون پەيدا بولۇشتەك ۋەزىيەتكە ئامالسىز يۈزلەنگەن،2003 - يىلى kodak پىليونكا كەسپىگە مەبلەش سېلىشنى توختىتىدىغانلىقىنى جاكارلىغان.      kodak نىڭ ۋەيران بولۇشتىن ساقلىنىشنى ئىلتىماس قىلىدىغانلىقى توغرىسىدىكى خەۋەر تارقالغاندىن كىيىن،kodak نىڭ پاي چېكى باھاسى 4 -يانۋار %28 چۈشكەن.      1930-يىلى kodak دۇنيا فوتو-سۈرەت ماتىرىياللىرى بازىرىنىڭ %75 نى ئىگىلىگەن،1964-يىلى، ئاپتوماتىك فوتوئاپپاراتنى بازارغا سېلىپ، بىر يىلدىلا 7 مىليون 500 مىڭنى سېتىپ چىقىرىپ، فوتو ئاپاراتى سېتىش جەھەتتە دۇنيا بويىچە ئەڭ يۇقىرى رىكورت ياراتقان، 1966-يىلى kodak مەھسۇلاتلىرىنىڭ چەت ئەللەردىكى سېتىلىش سوممىسى 2 مىليارد 150 مىليون دوللارغا يېتىپ، بايلىق ژورنىلىدا 34-ئورۇندا تۇرغان.1990-يىلى، 1996-يىلى داڭلىق ماركا مەسلىھەتچىلىك شىركىتىدىكى 10 چوڭ داڭلىق ماركا ئىچىدە 4- ئورۇندا تۇرغان. مەنبە : تەڭرىتاغ ئۇيغۇر تورى http://www.xjtsnews.com/normal/content/bak/homepage/content/2012-01/06/content_186454.htm

artiken

	نامى بار شىركەت تۇساتتىنلا زاۋاللىققا يۈزلىنىپتۇ دىسە!

maymah

	دەۋر ئاۋۋال پەيدا قىلىدۇ،ئاندىن شاللايدۇ.......

kahrizat

	سان ئۆزگىرىش سۈپەت ئۆزگىرىشنى پەيدا قىلىدۇ

Naprat2009

	دەۋرگە ماسلىشىپ، يېڭى تېخنىكىلارغا مەبلەغ سېلىپ ياكى تەتقىق قىلىپ چىقىپ، داۋاملىق ئالغا بېسىشى كېرەك ئىدى. ۋەزىيەتنى مۆلچەرلىيەلمەي قالغان.

gomnam

	ماسلاشقانلار تاللىنىپ ماسلشالمىغانلار شالندىغان دەۋىر بۇ..

toxkanjan

	ھازىر ھەممە نەرسە ئىلىكتىرلىشپ كەتتى،شۇڭا بۇنداق چەكلىمىلكى بارھەم ئىختىزاد كېتىدىغان كەسىپلەر بارغانسىرى شاللاندى.ئەمدى مۇشۇ نېفىتقا كەلسەك ،ھازىر ماشىنلارنى نېفىتسىز ھەم توكسىزمۇ ھەركەتلەندۈرەلەيدىغان تېخنىكىلار بولسىمۇ لىكىن ھەرقايسى دۆلەت رەھبەرلىرى دۆلەتنىڭ مەنپەتىنى دەپ شەخسنىڭ مەنپەتىنى نابۇت قىلدى،نېفىت مەيلى ئېكسپۇرت بولسۇن ياكى ئىمپورت بولسۇن مۇشۇ دۆلەتنىڭ باج غەزنىسىگە تۆھپە يارتىدۇ،شۇڭا ھەرقانداق بىر دۆلەت رەھبىرى ھېچ بولمىسا ھازىر ئاغزىدا مۇھىت ئاسىراش دىگەن بىلەن نېفىتسىز ماشىنا ھەركەتلەندۈرۈشنى ئانچە قوللاپ كەتمەيدۇ،

lostba

	ۋەزىيەتنى مۆلچەرلىيەلمەي قالغان

يىشيۇ

	ھەي بالا ھەي .نەدە شاللىنىپتۇ ئۇ شىركەت ،يىلىمۇ 130 يىلدىن كۆپرەك دەۋىر سۈرۈپتىغۇ ، بۇ يەردىكى مەسىلە ---بازارغا يۈزلىىنپ بولالمىغانلىق مەسىلىسى.سىفىرلىق ئاپاراتلار دەۋىرگە ماسلىشىپ بولدى ،فىليۇنكىلىق ئاپاراتلار .قۇلايسىز بولغاچقا مۇدىدىن قالدى .بۇ ھەرگىز ۋەيران بولۇشقا كىرمەيدۇ ،

KuRaGan

	لېكىن بۇرۇن ئوبدان ئەسلىمىلەرنى قالدۇرۇشتا ئوبدان ئەسقاتقانتى~~~مانا ئەمدى دەۋېرگە يېتىشەلمەي قاپتۇ~~~ ھەر قانداق شەيئى زاۋاللىققا يۈزلىندۇ-دە~~~ئامال يوق~~!