كاتتا مۇكاپات

julah

	كاتتا مۇكاپات ھايۋانات دۇنياسىدا كاتتا مۇكاپاتقا ئېرىشىش توغۇرلۇق بەس مۇنازىرە قىزىپ كېتىپتۇ .    مۈشۈك ئېيىق دەپتۇ ؛ _ ئەگەر مەن كاتتا مۇكاپاتقا ئېرىشىپ قالسام ئالدى بىلەن ھۆسۈن تۈزەش ئورنىغا بېرىپ كۆزۈمنىڭ ئەتىراپىدىكى قارا داغلارنى داۋالىتىمەن ، ئاندىن تازا كېلىشتۈرۈپ بىر پارچە سۈرەتكە چۈشىمەن .    تۆگە دەپتۇ ؛ _ ئەگەر مەن كاتتا مۇكاپاتقا ئېرىشىپ قالسام ئالدى بىلەن دۈمبەمدىكى لوكامنى تۈزىتىمەن ، ئاندىن چۆل - جەزىرە ، قۇملۇقلارغا بىرقانچە جۈمەك ئورنىتىمەن .    ھەسەل ھەرىسى دەپتۇ ؛ _ ئەگەر مەن كاتتا مۇكاپاتقا ئېرىشىپ قالسام تازا ھەشەمەتلىك داچىدىن بىرنى سېتىۋېلىپ ، ھازىر ئولتۇرىۋاتقان قىستاڭ ئوپچە ياتاقتىن كۆچۈپ كېتىمەن .     ياۋا تاغىل ئات دەپتۇ ؛ _ ئەگەر مەن كاتتا مۇكاپاتقا ئېرىشىپ قالسام دەرھال بەدىنىمگە چەكتۈرىۋالغان گۈللەرنى ئۈچۈرگۈزىۋېتىمەن ، شۇنداق قىلسام باشقىلار مېنى << لۈكچەك >> دەپ خاتا چۈشۈنۈپ قالمايدۇ .    كىت دەپتۇ ؛ _ ئەگەر مەن كاتتا مۇكاپاتقا ئېرىشىپ قالسام ئەڭ ئىلغار تېخنىكىدىن پايدىلىنىپ ئۇرۇقلايمەن ۋە ھەممىنىڭ دىقىتىنى تارتىدىغان زىلۋا مودىلغا ئايلىنىمەن .    ئېيىق دەپتۇ ؛ _ ئەگەر مەن كاتتا مۇكاپاتقا ئېرىشىپ قالسام ھەشەمەتلىك رېستۇرانغا بېرىپ ئوخشۇتۇپ قورۇلغان << مايدا پىشۇرىلغان ئادەم تاپىنى >> دىن بىر كىشىلىك بۇيرۇتۇپ تازا مەززە قىلىپ يەپ ھۇزىرىنى سۈرىمەن .    شىر دەپتۇ ؛ _ كىشىلەر مېنى تولغىما ئۇسۇل ناخشا چولپىنىغا قۇيۇپ قويغاندەك ئوخشايسەن دىيىشىدۇ ، ئەگەر مەن بۇ كاتتا مۇكاپاتقا ئېرىشىپ قالسام يالغۇز كىشىلىك ناخشا كېچىلىگى ئۆتكۈزۈپ پىلاستىنكا چىقىرىمەن .    تاشپاقا دەپتۇ ؛ _ ئەگەر مەن بۇ كاتتا مۇكاپاتقا ئېرىشىپ قالسام قېرىغاندا بېقىنىش سۇغۇرتىسىغا قاتنىشىمەن . 60 ياشتىن باشلاپ قېرىغاندا بېقىنىش سۇغۇرتىسى ئالغىلى تۇرسام ھەتتا مىڭ يىل ئېلىشىم مۈمكىن ، مانا بۇ تازا كۈڭۈلدىكىدەك ھىسابات بۇلىدۇ .      مەنبە ؛ 2010 - يىل 7 - سان << شىنجاڭ ياشلىرى >> ژۇرنىلى .

noriya

	ھا ھا ھاھا  ئەجەپ قىززىققۇ ...؟

Gvljahan

	ئەگەر مەن كاتتا مۇكاپاتقا ئىرىشىپ قالسام ، ھازىرقى خىزمىتىمدىن ئىستىپا بىرىپ ، ئىشىك تۈۋىدىن يىراقراق جايغا  ئۈستىلىمنى قۇيۇپ ،لايىقىدا بېزەلگەن ئىىشخانامدا خاس ئولتۇرۇپ ، كۆڭلۈمگە پۈككەن ئىشلارنىڭ ھەممىسىنى روياپقا چىقىرىپ مائاش كىرىمىمنى ھازىرقىدىن نەچچە قاتلايتتىم ، مەندە  ھازىر شۇ پۇل بىلەن كىشى ئىشەنگۈسىز  تەۋەككۈلچىلىك كام .

yawayi-0998

	باشقا ھايۋانلانىمۇ قاتساق بولامدۇ نىمە ..

lostba

	تاش پاقا بەك جايىدا دەپتۇ

كارۋان

	نىمە دەيدىغاندۇ ماۋۇ ھايۋانلار ھا ھا ھا ھا

پالۋان

	ئەگەر مەن ئاشۇنداق كاتتا مۇكاپاتقا ئېرىشىپ قالسام نېمە قىلارمەن دېگەننى ئويلىغان بارمۇ ئارىمىزدا!

nurulla112

	پالۋان يوللىغان ۋاقتى  2012-1-7 02:28 AM ئەگەر مەن ئاشۇنداق كاتتا مۇكاپاتقا ئېرىشىپ قالسام نېم ... يوق مەن چۈنكى ھايۋان ئەمەس

nazigul8

	پاھ ماۋۇ ھايۋانلار ئادەملەردىنمۇ  بەكرەك ئەقىللىق ، بەك جايىدا كاللا ئىشلىتىدىكەن ئەمەسمۇ، بولۇپمۇ ئاۋۇ تاشپاقا...

@hiyali@

	تازا    قاملىشىپتۇ