ئاتا-ئانىڭىزنى يوقلاپ قۇيۇڭ!

saray1

	ئاتا-ئانىڭىزنى يوقلاپ قۇيۇڭ!     ئەسسالامۇ ئەلەيكۇم! ئەزىز تورداشلار: كەمىنە بۇمۇنبەرگە تىزىملىتىپ كىرىگەندىن بىرى تىما يوللىماي كەلگەن ئىدىم. مانا بۈگۈن 64ياشقا كىرگەن دادام بىلەن 75ياشلىق بىر ئايالنى يوقلاپ كىرىپ ناھايىتى ئەپسۇسلىنىش ئىچىدە بۇ تىمىنى يېزىپ ئولتۇرۇپتىمەن، ھەرقايسىڭلارمۇ ئۆز كۆز قارىشىڭلارنى ئىيتىپ باقارسىلەر. مەن يۇقۇردا ئىيتىپ ئۆتكەن ئايال ئۆز زامانىسىدا ئائىلىسىدىلا ئەمەس، جەمىيەتتىمۇ بەلگىلىك تەسىرى بار ئايال ئىدى. مانا بۈگۈنكى كۇندە ............... ئۈچ قىز، ئىككى ئوغۇلنى چوڭ قىلىپ ئوقۇتۇپ خىزمەتكە چىقىرىش، ۋاقىتسىز قەدىردانىدىن ئايرىلىش، يالغۇز قىلىش بۇ ئايالنى بەكلا ھالسىراتقان ئىدى. باللىرى ئالى مەكتەپكە ئۆتكەندە ناھىيە بويىچە ( مۇنەۋۋەر ئانا) باھالانغان ئانا بۈگۈن يېتىمسىراپ يالغۇز ئۆينى بىقىپ ، بالىلىرىم قاچان كىلەر دەپ ئولتۇرۇپتۇ........... ئاشۇ بالىلار بۇنى بىلەمدىغاندۇ؟ ئانىسىنىڭ بۇرۇنقىدەكلا ئۆزىنى ساقلاپ ئولتۇرغىنىنى يادىغا كەلتۈرەمدىغاندۇ؟ بىزنى كۆرۈپ: مىنى يوقلايدىغان ئادەممۇ باركەن. دەپ يىغلاپ كەتتى ... ئاتا-ئانىڭىزنى يوقلاپ تۇرۇڭ! ئۆيىگە قايتىشقا ئالدىراڭ! چۈنكى شۇ تاپتا ئاتا-ئانىڭىز يولىڭىزغا  قاراپ ئولتۇرىدۇ! بەلكىم ئازراقلا كىچىكسىڭىز ئاتا-ئانىڭىزنىڭ يۈزىنىمۇ كۆرەلمەسلىكىڭىز مۇمكىن! ئۇلار سىزدىن ھىچنەرسە تەلەپ قىلمايدۇ، پەقەت يوقلاپ تۇرۇشىڭىزنى ئۈمۈد قىلىدۇ! قىرىندىشىم ئاتا-ئانىڭىزنى يوقلاپ تۇرۇڭ!!!! مەنبە ؛ئۆزۈم

lostba

	بەك ياخشى يېزىلىپتۇ ، قولىڭىز گۈللەسۇن، ئاتا- ئانىلارنى يوقلاپ تۇرايلى

kaqmixlar

	مەن ئاپامنى بەك سىغىندىم .....قاچانمۇ قايتامەن

elyar19

	ئاتا - ئانىمىز يېنىمىز دا با ۋاقتىدا ئۇلارغا كۆپرەك ياردەملىشەيلى  ، ئۇلاغا كۆيۈنەيلى

hasalharisi

	ئاناڭ شۇ ئازار بەرمە كۆڭلىگە سېنى باققان ئاناڭ شۇ، كۆيۈپ سېنىڭ ئوتۇڭدا سۇدا ئاققان ئاناڭ شۇ. كۈندە نەچچە ئويغىنىپ سېنىڭ ئۈچۈن ئاي بولۇپ، تاڭ ئاتقىچە بېشىڭدا چىراغ ياققان ئاناڭ شۇ. بىر چاغدىكى مامۇقتەك قوللىرىدا مىڭ قاداق، سېنىڭ ئۈچۈن خامان ئېپ كەتمەن چاپقان ئاناڭ شۇ. بۆگۈن ئەمدى قاراپ باق جامالىڭغا زەن سېلىپ، قۇياش مىسال شەپقەت ھەم مېھىر چاچقان ئاناڭ شۇ. ئاق چېچىڭنىڭ تالىسى مىڭ جاپاغا دەل شاھىد، بۇ ھاياتلىق قەۋمىگە سېنى قاتقان ئاناڭ شۇ. سېنىڭ يۈكۈڭ مۈكچەيتكەن قامىتىنى ئىلىپتەك، ياشلىقىنى سەن ئۈچۈن تەقدىم ئەتكەن ئاناڭ شۇ.

كارۋان

	مەن كۈيەرمەن بالامغا بالام كۈيەر بالىسىغا.

artiken

	مۇشۇنداق تىمىلار ئۈزۈلۈپ قالمىسا بۇلاتتى.

yalguzbora

	رەخمەت سىزگە بەك ياخشى يېزىپسىز!!!!!!!!

چۇغلان

	بەك ياخشى يېزىپسىز ، مەنمۇ ئاپامىنى بەكلا سېغىندىم ،مۇشۇ تەتىلىدە چۇقۇم بېرىپ ئاپامىنى يۇقلاپ كېلىمەن .

نــۆل

	ئاناڭنى يوقلاپ تۇر دەپ ئەسكەرتىشنىڭ ئورنى يوق ئىدى ئەسلى ...