بۆرە باشلىغان يول

yasinawut

	بۆرە باشلىغان يول                               ‹‹سۆيگۈ››ئاتلىق پاھىشەنىڭ ناز كەرەشمىسىدىن خۇدۇمنى يوقۇتۇپ «مۇھەببەت›› دېگەن بىر نىمىدىن ئۆزۈمنى قاچۇرۇپ يۈرگەن كۈنلىرىمدە ،‹‹ توقۇمىچى قىز ›› نىڭ ئىشرەتخانسىدىن قايتىپ كېلىۋاتقان ‹‹پادىچى يىگىت ››كە يۇلۇقۇپ قالدىم. ئۇ مىنى گۈزەل ‹‹ سامان يولى ›› قاۋاقخانىسىغا باشلاپ كىردى ۋە ‹‹ھىجران›› ماركىلىق ھاراق بىلەن مېھمان قىلدى. ھاراقنىڭ تەسىردىن كەيپىم ئۆرلەپ ‹‹پادىچى  يىگىت›› چالغان نەيدىن چىقىۋاتقان سەۋدالىق كۈيىنى ئاڭلاپ ھەممىنى ئۇنۇتتۇم. ساراڭلىقىم تۇتتى.        ‹‹پادىچى يىگىت››نىڭ كانىيىدىن بۇغدۇم. قوللىرىمنى ئۇ نەپەستىن توختىغىچە ئاجراتمىدىم. ئۇنىڭ ئۆلۈكىنى سۆرەپ يۈرۈپ ھېلىقى ‹‹ سۆيگۈ ›› ئاتلىق پاھىشەنى ئىزدەپ تاپتىم . ۋە ئۇنىمۇ ‹‹ پادىچى يىگىت›› نىڭ پوتىسى بىلەن بوغۇپ ئۆلتۈردۈم . ئۆلۈكلەرنى قانداق يىغىشتۇرۇش ئۈستىدە ئويلىنىپ تۇرسام ‹‹ پادىچى يىگىت ›› نىڭ كەپىسىدىن بۆرىنىڭ ھۇۋلىغان ئاۋازى ئاڭلىنىپ قالدى . ئىسىمگە كەلدىم . ‹‹پادىچى يىگىت ››نى كۆككە دەپنە قىلدىم.‹‹سۆيگۈ›› ناملىق پاھىشە ئايالنى چېچىدىن تۇتۇپ سۆرەپ ئاپىرىپ ‹‹ مۇھەببەت›› ئېلاھ ھەيكىلگە يۈلەپ قويدۇم . كەپىگە بىرىپ قارىسام بىر يوغان كۆك بۆرە ‹‹ پادىچى يىگىت››نىڭ يىلقىلىرىنى قوغلاپ يۈرۈپتۇ . يىلقىلىرىنىڭ تۇيىقىدىن چىققان چاڭ_ توزاڭ ئاسمانغا كۆتۈرۈلۈپ ‹‹توقۇمىچى قىز››نىڭ ئىشرەتخانسىنى كۈمۋىتىپتۇ . ئاھ! بۇ نېمە كارامەت!  ئاشۇ چاڭ _ توزاڭ مىنى‹‹توقۇمىچى قىز›› نىڭ غەزەپلىك كۆزىدىن چىققان ئوتنىڭ كۆيدۈرۈشىدىن ساقلاپ قالدى. بۆرىگە رەھمەت!  مىنى ساراڭلىقتىن قۇتقازغان ئاشۇ كۆك بۆرىگە رەھمەت!       مەن تەشەككۈرۈمنى بىلدۈرۈشۈم كېرەك. بۇرۇلۇپ قارىسام كۆك بۆرە تاغ چوققىسىغا چىقىپ كېتىۋىتىپتۇ. ئۇپۇق يىرىپ چىققان قۇياشنىڭ نۇرى تاغ چوققىسىنى يۇرۇتۇپ تۇرۇپتۇ . سىنچىلاپ  قارىغان ئىدىم . ھەقىقىي‹‹مۇھەببەت›› ئىلاھىنى كۆردۈم. ئۇ تاغ چوققىسىدا ماڭا قاراپ كۈلۈمسىرەۋىتىپتۇ . مەن بۆرىنىڭ كەينىدىن بار  كۈچۈم  بىلەن يۈگۈردۈم . قۇياش نۇرى بۆرە كۆزىدە چاقناپ يولۇمنى  يورۇتقان  ئاشۇ پەيىتتە مەن ھەممىنى، ‹‹ سۆيگۈ ››ئاتلىق پاھىشەنىڭ مۇھەببەت ئىلاھ ھەيكىلىگە يۈلەپ قۇيۇلغان جەسسىدىنى ، كۆككە دەپنە قىلغان ‹‹ پادىچى يىگىت ››نى ، چاڭ_ توزاڭغا كۆمۈلگەن ‹‹ توقۇمىچى قىز ›› ئىشرەتخانسىنى پۈتۈنلەي ئۇنۇتتۇم . تېنىمدىكى بارلىق كۈچۈمنى يىغىپ بۆرە ئىزىدىن ئەگەشتىم.   تاغ چوققىسىدىكى ‹‹مۇھەببەت›› ئىلاھى مىنى كۈتۈپ تۇرۇۋاتىدۇ. مىنىڭ كىلىپ سۆيگۈ ئىزھار قىلىشىمنى كۈتىۋاتىدۇ . شۇنداق ، مەن ئۆز يولۇمنى تاپتىم! مىنى بەخىتكە ئېرىشتۈرىدىغان شۇ يولنى تاپتىم !     ئۇ بولسىمۇ بۆرە باشلىغان يول ! ......                                                                  مەنبە:   ياسىن ئاۋۇت .

saroman

	、ئاغىنە   بىرىنجى بولۇپ مەن كۆرۈپتىمەن ،بىز باياتىن تېخى تورخانىدا كۆرۈشكەن ئىدۇق ،ئەسىرىڭلا تېزلا پۈتۈپ چىقىپتۇ ، يوشۇرۇن مەناغا باي ئىكەنسىلەر،

كارۋان

	يۇلتۇزلار تۇركىمىنىڭ گەپلىرىكەنغۇ.ھەقىقەتەن ياخشى يېزىپسىز.مەنىسى بار ئەسەر.

zulayha

	ھىسلىرىڭىزنىڭ توقۇمىچى قىز توقۇغانلىرىدىنمۇ جىق مەناغا باي تەپەككۈرىدىن ، ئاسماندىكى پادىچى يىگىتنىڭ ھوزۇرىدىن ،ئەتراپىدىكى يورۇق يۇلتۇزلار ئارىسىدىن تۇرۇپ خۇشاللاندىم . سۆيگۈ ئاتلىق تۇلپارىڭىزنىڭ ، جاھان سۆيگۈلىرىنى جەم قىلىپ ، شۇ يولنى بويلاپ چېپىپ ، ئۇپۇققا تۇتاشقان قەلىبلەرنى تۇتاشتۇرىشىنى ئۈمۈت قىلىمەن . /thread-62931-1-1.html

noriya

	قالتىسقۇ ياسىن ئاۋۇت

مامكاپ

	چۈشەنمىدىم.. تۇقۇمچى قىز بىلەن پادىچى يىگىتنىڭ سۆيگۈسىنى ساختا دىمەيدىغانسىز؟؟..   ئەسەردە ئىپادىلەنمەكچى بولغان يۇشرۇن مەنا نىمە؟..كەمىنە كام ئەقىلمەن. چۈشەنچە بەرسىڭىزكەن.

elyar19

	قىززىق يېزىپ سىز جىمۇ ... مىسرانىمغا پات-پات كىرىپ تۇرسام بولغۇدەك

alnazar

	ئەقىلگە ئىشارەت يامانغا تاياق توقماق دەمدىمىز بۇنى .....

lostba

	بۆرە تۇتۇمى

پالۋان

	مىنىڭ بۆرە باشلىغان ئۇ يولدىن ماڭغۇم يوق، چۈنكى يەنە بىر نۇرلۇق يول مىنى چاقىرىۋاتىدۇ... ئۆزۈمنى، ئائىلەمنى جەھەننەم ئوتىدىن قۇتقۇزىشقا چاقىرىۋاتىدۇ!