ھاياتقا خىتاب

rewayat713

	ئەگرى توقاي ھايات داۋېنى ، قورام تاشلارغا تالاي پۇتلاشتىم . سوقۇلدى بېشىم ، تۆكۈلدى چىشىم ، بەل قويۇپ يىغلىسام ، زارلانسام تالسام ، ئاڭلا قورام تاش !!! ھارامدۇر ساڭا قىلغان كۆز يېشىم . تىز پۈكۈش ماڭا ئەسلا يات ، باش ئىگىش ئەمەس ماڭا خاس . قىلغان مەن باشتا شۇنداق ئىرادە ، تاغلارنى تىشىپ ، داۋانلار ئېشىپ ، ھايات يولىدا مەزمۇت قەدەم باس . ئۈگەتكەن ماڭا ، شۇنداق ھىكمەتنى بوۋام ، "تامچە سۇ تاشنى تېشىدۇ " ، چىداپ جاپاغا ، قىلدۇرساڭ كۆرەشنى داۋام . يولۇمنى توسقانلار ، مەنزىللەردە ئالدىمغا سىپىل سوققانلار ، بىلىپ قال !!! سەنلەر مېنىڭگە ئەندىشە بولالمايسەن ، بۇ مۈشكۈل سەپەردە ئالدىمنى توسالمايسەن . چۈنكى بىر يۈرەك ، سوقىدۇ قارغايدەك جاسارەتتە ،   بىر روھ  ، ئۆرتەيدۇ ۋولقان كەبى ھارارەتتە . ...... مانا ئاخىرى ، شۇ قورام تاشلار بولدىغۇ تۆشۈك ، بوينىنى قىسىپ ، يىقىلغانلارغا بولدىغۇ بۆشۈك . بىر تاغ ، مەغرۇر تاغ . بىر ئەر ، قەيسەر ئەر . بىر تامچە ، قىلدىغۇ شۇ تاغنى دانچە . بىلسەڭ تاغۇ تاش ، بۇ تامچە ئەمەستۇر كۆز ياش . بۇ تامچە ، بوۋام ئىيىتقان شۇ تامچە . بۇ تامچە ، مىھنەتلىك تامچە . بۇ تامچە ، پىشانەمدىن تامچىغان تامچە . 2010.روزا ھىيىت .

xugkarim

	چاشما  شېئېرنى ياخشى يازىدىكەنسىز .....

nurulla112

	پەچەتكەن.   نەدىن ئەكەلدىڭىز بۇ قىممەتلىك سوۋغاتنى؟

kaqmixlar

	ھەقىقەتەن ياخشى يىزىپسىز

rewayat713

	nurulla112 يوللىغان ۋاقتى  2012-1-6 11:07 PM پەچەتكەن.   نەدىن ئەكەلدىڭىز بۇ قىممەتلىك سوۋغ ... شۇنداق بىر يازغان ئۆزۈم  ~ ئەينى چاغلاردا .

fatima

	ھايات  بىز ئۈچۈن ئىنتايىن قىممەتلىك،بەزى بۇ ھايات بىزگە يەشكىلى بولمايدىغان سۇئاللارنى تاشلىسا بەزى،ئونبەش كۈنلۈك تۇلۇنئايدەك كۈلۈپ باقىدۇ.  چاچما شېئىرڭىزغا ئاپرىن  بەك ئىسىل چىقىپتۇ.

nazigul8

	چاچما شېىردىن ھاياتلىقتىكى ئىگىلمەس ئىرادە بەك جانلىق ئىپادىلىنىپتۇ، تىز پۈكمەس ئىرادىدە،  تۆكۈلگەن تەر، مېھنەت-ئەجىرلەر شېئىردىكىدەك ھەرگىز يەردە قالمىسۇن. بۇ ئىگىلمەس ئىرادىلەر شېئىرىمىزدىلا ئەمەس، ئەمىلىيىتىمىزدىمۇ ئۆز ئىپادىسىنى تاپقۇسى! بۇندىن كېيىنكى ئىجادىيەتلىرىڭىز تېخىمۇ بەركەتلىك بولغۇسى!

muhsin.

	مەن  مۇشۇنداق  شېئېرلارنى بەك ياقتۇرىمەن ...................

rewayat713

	fatima يوللىغان ۋاقتى  2012-1-6 11:31 PM ھايات  بىز ئۈچۈن ئىنتايىن قىممەتلىك،بەزى بۇ ھايات بىزگ ... دۇرۇس ، بىز ھاياتتا مەيلى ئۆز بېشىمىزغا چۈشكەن  كۈلپەت ياكى ئورتاق بىر قەۋمنىڭ بېشىغا كەلگەن ئىغىر كۈنلىرىدىن ئوھسىراپ ، ئىڭىكىمىزنى يۆلەپ سۈكۈتكە چۆمسەك بولمايدۇ . سۈكۈتتىن  پارتىلاشتىن ، سۈكۈتتىن ھالاك بولۇشنىڭ ئىھتىمالى چوڭ . شۇڭا بىز ھەرقانداق قىيىنچىلىق ئالدىدا يەنىلا روھلۇق ، جەڭڭىۋار ، دىلى ھۆر ھالەتتە تۇرىشىمىز كىرەك . بىز بۈگۈن ئۆزىمىز ، قىرىنداشلىرىمىز ھالىغا ئىچ ئاغرىتىپ ، ئوھ تارتىپلا ئۆتسەك ، ئەتە كىلىپ بىزنىڭ بالىمىز بىزگە ئىچ ئاغرىتىدۇ .

lostba

	ئىشلىگچكە ئەر، كۆكىرىدۇ يەر