شۇنداق يەرگە كىتىپسىەن ئاتا

6010

	ئۇ كۈن ... ئۇ كۈن ھەرگىز يادىمدىن چىقمايدۇ ...      سەن بىزنى تاشلاپ كەتكەن كۈن .. تېخى ھاياتنىڭ بىرتالمۇ سىنىقىغا ئۇچراپمۇ باقمىغان 2 تال يۇمران بىخىڭنى ئانامغا تاشلاپ قۇيۇپ كەتكەن كۈن ...      ئادەم ئەڭ ياخشى كۆرىدىغان ، ئەڭ ئامراق ئادىمىدىن ،ئۆزىنى ئەڭ چۈشىنىدىغان ئادىمىدىن ئايرىلسا بۇ چۈشۈممۇ ياكى ئوڭۇممۇ دەپ قالدىكەن ،،،   ئەپسۇس ،، مىڭ ئەپسۇس ،،، بۇ بىر رىئاللىق  . مەن چوقۇم قۇبۇل قىلىمىسام بولمايدىغان رىئاللىق .     بۇرۇن ھەممە نەرسەم تەل بولغاچقىمۇ يوقۇتۇشنىڭ بۇنچە ئازاپلىك بولىدىغىنىنى بىلمەپتىكەنمەن . مانا ئەمدى نۇرغۇن ئشلارنى تۇنۇپ يەتتىم ،(ئاتا ئۆينىڭ تۈۋرىكى) دىگەن بۇ گەپنىڭ مەنىسىنى بۇرۇن بەكمۇ چۈشەنمىگەن ئىكەنمەن ،مانا ھازىر جېنىم ئاتا سەندىن ئايرىلىپ بۇ سۆزنىڭ مەنىسىنى ھەقىقىي مەنىسىدىن چۈشەنگەن ئىدىم .     تۇلۇقسىزدا ئوقۇۋاتقان ۋاقتىمىزدا بىزگە ئۆتكەن( مېنىڭ ئاكام) دىگەن دەرسنى بۈگۈن قايتىدىن ئوقۇپ چىقتىم ، بۇ ئەسەردىكى ( بۇ پەقەت چۈشۈم ، پەقەت چۈشۈم دەپ قالاي دۇنيا ، كارامىتىڭنى كۆرسەت ...) ئاتاش ئۆلۈپتۇ دىگەن سۆزنى ئاڭلىغاندا مەنمۇ دەل ...  بۇ پەقەت چۈشۈم ، چۈشۈم دەپ ئويلىغانتىم . لېكىن بۇ چۈشۈم ئەمەس ئىدى. بۇ خىل ھېسىياتنى مەنچە ئەڭ يېقىن ئادىمىدىن ئايرىلىپ كەتكەنلەرلا بىلىدۇ دەپ ئويلايمەن.     ئۆزۈمگە ئۈزۈم ( بايىلا ساق ئادەم ، بىردەمدە ئۈلۈپ قالامدۇ ؟؟ ) دىگەن سۇئالنى قايتا قايتا قۇيۋاتماقتا ئىدىم .لېكىن تەقدىرگە بويسۇنىشىم كېرەكتە . جان دىگەن ئەنە ئاشۇنداق قاش بىلەن كىرپىكنىڭ ئوتتۇرسىدا  ئىكەن . جېنىم ئاتا بۇ دەردىمنى كىمگە ئېيتىمەن ؟ ئەمدى كىمگە بېرىپ ئغىر يىنىك گەپ قىلسام كۈتۈرىدۇ ؟ كىم بىلەن چاقچاقلىشىمەن ؟ جېنىم ئاتا بىزنى يالغۇز تاشلاپ قۇيۇپ كەتمەسلىكىىڭ كېرەك ئىدى؟ مېنىڭ نۇرغۇن ئارزۇ ئارمانلىرىمنى ئەمەلگە ئاشۇرۇش يولۇمدا سەن بولمىساڭ بولمايتتى .     47 ياشقا كىرگەن تۇغۇلغان كۈنۈڭدە سېنىڭ ئەزرائىلنىڭ ئۈلۈم خېتىنى تاپشۇرۋالدىغنىڭنى بىلمەپتىمەن جېنىم ئاتا ...   ئېڭىكىڭنى تىرەپ قويغىنىنى كۆرمىگەن بولسام ھەرگىزمۇ بۇ ھەقىقەتكە ئىشەنمىگەن بولاتتىم ، بۇرۇن ئىسسىق تۇرىدىغان قۇلۇڭ ئەمدى مۇزلاپ كىتىپتىغۇ جېنىم ئاتا ، يۈزلىرىڭ كۆپكۆك ، مەن نىمە قىلىشىمنى بىلمەيلا قالدىم .      جېنىم ئاتا سىزنى بەكمۇ سېغىندىم ،ئەمدى ئاتا دىسەم ھە دەيدىغان ئادەم يوق  ئەمدى بولدى قىلاي ، ئاللانىڭ ئورۇنلاشتۇرىشىغا بويسۇنماسلىققا نىمە ئىلاجىم . ئۇلۇغ ئاللا ياتقان يېرىڭنى جەننەت قىلسۇن جېنىم ئاتا !      كەيپىياتىم تۇراقسىز بولغاچقا تاغدىن باغدىن سۆزلەپ كەتتىم ، توغرا چۈشۈنۈشۈڭلارنى ئۈمىد قىلىمەن .

kurkum

	مەرھۇم ئاتامنى ئەسلىتىپ قويدىڭىزغۇ

turkinaz0992

	مەنمۇ مەرھۇم دادامنى ئەسلەپ قالدىم بۇ خىل ئازاپنى بېشىغا كەلگەن ئادەملا  چوڭقۇر چۈشىنىشى مۇمكىن .......

xatuti

	مىنىڭمۇ  تۇرمۇشنىڭ  راھىتىنى كۆرەلمەي ياشلا  كېتىپ قالغان دادام كۆز ئالدىمغا كېلىۋاتىدۇ.... نۇرغۇن يىللار بولدى،  بىر ئۆمۈر ئارماندا  قالىدىكەنغۇ  كىشى  ھەي .... يېنىمىزدا  ھايات بارلارنى  بەك بەك  قەدىرلەيلى ..........

musilina

	سېنىڭ ئەجرىڭ .مېھنىتىڭ بىلەن، سەپكە قېتىلدىم بولۇپ نەۋقىران. رازى قىلسام سېنى  جان ئاتا، قالماس كۆڭلۈمدە زەررىچە ئارمان.

qiqakkiz

	سىز قەيەردىن ؟ تۇنۇشتەكلا بىلىندىڭىز .  بۇنداق ئازاپنى بېشىغا كەلمىگەنلەر چۈشۈنۈپ يىتەلمەيدۇ . مەن قېيىىئانام تۈگەپ كەتكەندىمۇ خېلى ئۇزاققىچە بىر قىسمىلا بۇلۇپ قالغان . ئاتا ئانامدىن ئايرىلسام قانداقمۇ قىلارمەن . ئاللاھ  ئۇلارنىڭ ئۆمرىنى ئۇزۇن قىلغاي . شۇنداق بولسىمۇ يەنىلا ئايرىلىدىغان گەپ .

peyaz

	بارىلىق ئاتا-ئانىلار ئامان بولسۇن !!

xaydajan

	ئاتا - ئانىمىز ھايات ۋاقتىدا  قەدرىگە تازا يېتىپ كەتمەيدىكەنمىز. «ئەزرائىل كالىندار ئىشلەتمەس» دېگەندەك، ئۇ قاچان جېنىمىزنى ئالغۇسى كەلسە، شۇ چاغدا ئالىدۇ. شۇڭا دەيدىغىنىم: ئاشۇ قەدىردانلار ھايات چېغىدا ئۇلارغا كۆپرەك ھەمرا بولايلى. ئۇلارمۇ بىزدىن شۇنى تەلەپ قىلىدىكەن. مەندىن نەسىھەت: بۈگۈن بىر نەرسە ئېلىپ بەرمەكچى بولسىڭىز، بىر مىنۇتمۇ كېچىكتۈرمەڭ. بولمىسا مەڭگۈلۈك پۇشايماندا ياش تۆكىسىز. ئەتە ئاتا - ئانامنى كۆرۈپ كېلەي.

lostba

	،ئۇلۇغ اللاھ `ئاتىڭىزنىڭ ئاخىرەتلىكىنى ياخشى قىلغاي

6010

	qiqakkiz يوللىغان ۋاقتى  2012-1-6 10:56 PM سىز قەيەردىن ؟ تۇنۇشتەكلا بىلىندىڭىز .  بۇنداق ئازاپنى  ... مەن توقسۇندىن ، نەفىسە ئىسمىم ،  شۇنى دەڭە ..  ئايرىلىش ئازابى بەك قوقۇنۇشلۇق...