خىيالچان تىلەك

ajinur

	كىم ئۇ قۇلىقىم تۈۋىگە كىلىپ پىچىرلاۋاتقان ؟ كىم ئۇ خىيال ئىشىكىمنى قىقىپ ئارامىمنى بۇزىۋاتقان ؟ كىم ئۇ خىيال ئويلىرىمغا سەۋەپ بولىۋاتقان ؟ كىم ئۇ قەلىپ ئىشىكىمدىن سوقۇنۇپ كىرىپ يۈرىگىمنى ئوغۇرلاشقا پىتىنىۋاتقان؟ كىم ئۇ چۈشلىرىمدە ئايان بولۇپ ئويغانساملا غايىپ بولىۋاتقان؟      خىياللىرىم چىچىلدى ، ھەربىر كۈلكە ۋە ئازابىمغا مەنە قىتىلدى. ئۇ ھىچبىر ئەيمىنمەستىنلا قەلىپ بوسۇغامدىن ئۈسۈپ كىردى ۋە يۈرىگەمنى ئوغۇرلىماقچى بولىۋاتىدۇ، ئەمما ئۇ زادى كىم؟ نە سەۋەپ بۇنچە يۈرەكلىك ھالدا خىيال ئىشىكىمنى قىقىپ ، قەلىپ بوسۇغامدىن ئۈسۈپ كىرەلەيدۇ؟ ئۇنىڭدىكى بۇ مەغرۇرلۇق ۋە ئىشەنىچ نەدىن كەلگەن؟       توغرا ، توغرا، ئۇنىڭغا بۇ قوڭرۇقماس يۈرەكنى ئۆزۈم بىرىپتىمەن . ئۇنى ئۆزىگە بۇنچە ئىشەندۈرگىنى مىنىڭ ئۇنىڭغا بولغان كۈچلۈك مۇھەببىتىم ئىكەن. يۈرىگىمنىمۇ ئۆزۈم ئۇنىڭ قولىغا تۇتقۇزۇپ قويۇپتىمەن، خىيال ئىشىكلىرىمنىمۇ ئۆزۈم ئۇنىڭ ئۈچۈن كەڭرى ئىچىپ بىرىپتىمەن ...... توۋا، توۋا قىنى ئىلگىركى مەن ؟ قىنى مەندىكى ئىلگىركى مەغرۇرلۇق ؟ مەن ئىلگىرى ھىچ نەرسىگە باش ئەگمەيدىغان ، ئۆزۈمنىڭكىنىلا راست دەيدىغان ھالەتتە ئىدىمغۇ ؟ مانا ھالا بۈگۈنگە كەلگەندە ئۇنىڭ ئۈچۈن ئۆزۈمنى ، تەبىيىتىمنى يوقۇتىۋاتىمەنمۇ ؟ ئۆزۈمگە قاراپ بىردە ھەيران بولسام ، بىردە ئىچىنىۋاتىمەن ،ھىچبىر ئىشەنگۈم كەلمەيدۇ دىسە .       ئەجىبا مۇھەببەت دىگەن مۇشۇمۇ ؟ بۇلار مۇھەببەتنىڭ سىھرى كۈچىمۇ ؟ بەلكىم راستلا شۇنداقتۇ ، ئەمما بۇ مۇھەببەت يالغۇز ماڭىلا تەۋە. بۇ مۇھەببەت پەقەت ئاتا قىلىش بىلەنلا چەكلىنىپ قالدى ، ئىرىشىشكە مۇمكىن بولمىدى ...... مەنبە : ئۆزۈم يازغان

kurkum

	ياخشى چىقىپتۇ.

zulayha

	ئاتا قىلىش- ئەمما ئېرىشەلمەسلىك . بۇ بىر بولسا چوڭقۇر مۇھاببەتنىڭ يىغىندىسى بولسا، يەنە بىر تەرەپتىن چىن سۆيگۈ ئىگىلىرى ئۈچۈن ئۆمۈرلۈك ئازاپتىن دېرەك . ئەزىزىم ، اللە دىن سىزگە چەكسىز خاتىرجەملىك ئىچىدىكى چىن سۆيگۈلەرنى تىلەيمەن .

qolyigiti

	ياخشى ئەسەر ئىكەن

fatima

	ئۆز مۇھەببىتىنى ئاتا قىلىش ،چوڭقۇر مۇھەببەت،ئىرشەلمەسلىك مەڭگۈلۈك ئازاپ.ئەمما قەلبىڭىزدە چوڭقۇر  مۇھەببەتىڭىز بولسا ئۇ سىزنى ،ئۈمۈدسىزلىكتىن، ئۈمۈدلەندۈرۈپ،ھەر ۋاقىت ئازاپلانغان قەلبىڭىزگە ئۆز سىھرى كۈچى بىلەن تەسەللى بىرىپ تۇرىدۇ.

روھزاد

	خىيالچان تىلەك                            ل. مۇتەللىپ تېڭىرقىمايمەن،دوستلار،تىلەيمەن ئالىي تىلەكلەرنى، چۈشۈرمەيمەن كۈرەشكە دەپ تۈرگەن بۇ بىلەكلەرنى. مەرد باغۋەن خازان قىلمايدۇ ۋاقىتسز باغنى، تەربىيسىز سۇلدۇرۇپ گۈل -چىچەكلەرنى. خىيالىم خۇددى تەلپۈنۈپ تۇرغان بىر سەبىي بالا، ئىمىش ئۈچۈن قەدىردان ئانىدىكى قوش ئەمچەكلەرنى. لەززەتلىك خىيال ئارسىدا بېقىپ ئاسىمانلارغا، تەپەككۇر كۆزى بىلەن كۆرىمەن روشەن بۇرجەكلەرنى. جانان ناز ئۇيقۇدا يېتىپ نېچۈن تولغانماس؟ ئاشقى كۈتۈپ تۇرسا ئېچىپ يورۇق رۇجەكلەرنى..... نىمشىقا يازماي تىلەك ئارىلاش مۇڭلۇق لىرىكىلارنى، سۆيگۈ ئىشقى ئۆرتەپ كۆيدۈرسە بۇ  يۈرەكلەرنى. ئەزەلدىنلا خىيالچان.....مۇڭلۇق بىر يىگىت ئىدىم، تىڭشىغاچقا مومام ئاغزدىن ساماۋى چۆچەكلەرنى. سۆيگۈ دېڭىزى چوڭقۇرلۇقىدا مەن قاينام تۇرسام، ئۇسسۇزلۇقۇم قانداق قانسۇن ئىچىپ كىچىك كۆلچەكلەرنى.    يازمىڭىزدىكى تىلەك نەدىمۇ خىيالچان تىلەك بولسۇن، يۈزى قېلىنلىق بىلەن قەلب ئىشىكىنى چېكىپمۇ قويماي ئۈسۈپ كىرگەن تىلەك ئىكەنغۇ ؟! تېمىسىنى ئۆزگەرتىپ قويسىڭىز بولغۇدەك، ئەدەبسىز تىلەك ۋەياكى يۈزى قېلىن تىلەك دېگەندەك.

arman3383

	لىرىكىلىق پىچىرلاش...مۇھەببەت   نەقەدەر  شىرىن؟...

xiwas1-

	چۈشەنمىدىممۇ ! بېشى بىلەن ئاخىرىقى مەزمۇن تازا باغلاشمىغاندەك ھىس قىلدىميا

maymah

	روھزاد يوللىغان ۋاقتى  2012-1-6 03:47 PM خىيالچان تىلەك                            ل. مۇتەللىپ ئىسىل گەپ قىپسىز...

lostba

	ماۋزۇسىنى ئالماشتۇرۇۋېتىڭ