توردا تونۇشقان دوستۇم

IZZAT

	(ئەسلىمە)      خىزمەت ئىھتىياجى سەۋەپلىك كۈندە دېگۈدەك كومپيۇتېر ئالدىدا ئۇيغۇرچە مۇنبەرلەرنى  كۆرەتتىم.  لىكىن كۈندە دىگۈدەك مۇنبەر كۆرۈپ تۇرساممۇ مۇنبەرلەردە تۇنۇشقان، يېقىنراق ئۆتىدىغان بىرەر تونۇشۇممۇ يوق ئىدى . خىزمەت ئالدىراش بولمىغان ۋاقىتلاردا تورغا چىقىپ ئولتۇراتتىم ياكى مۇقىم بىرەر مۇنبەرنى كۆرمەي بىرقانچە مۇنبەرلەرنى مىھمان سۈپىتىدە زىيارەت قىلاتتىم. يېقىندىن بويان مەن مەلۇم مۇنبەردىكى «ئايبانۇ» نامىدىكى قىزنىڭ يازغان شىئىرلىرىنى قىزىقىپ كۆرىدىغان، شۇ قىزنىڭ ئەسەرلىرنى ئىزدەپ ئوقۇيدىغان بولدۇم ھەم شۇ قىزنىڭ يازمىلىرىنى تولۇق كۆرۈش ئۈچۈن شۇ مۇنبەرگە ئەزا بولۇپ كىردىم.  لىكىن مەن ئۇ قىزنىڭ شىئىرلىرىنى ئۇقۇپلا بولدى قىلاتتىم. ئۇ قىزنىڭ شىئىرلىرىغا پەقەت ئىنكاس يازمايتتىم. چۈنكى، مىنىڭ ئۇنىڭ شىئىرلىرىغا باھا بەرگۈدەك سەۋىيەم يوق ئىدى. باشقا بەزى بىر مۇنبەرداشلارغا ئوخشاش ئومۇملىشىپ قالغان «ياخشى يېزىپسىز، تېخىمۇ تىرىشىڭ» دىگەندەك ئىنكاسلارنى يازغۇم كەلمەيتتى. بۇرۇندىنلا ئەدەبىياتقا بولۇپمۇ شىئىر ژانىرىغا ئالاھىدە قىزىققانلىقىم ئۈچۈنمىكىن، كۆڭلۈمدە ئۇ قىزنى بەكلا ھۆرمەت قىلاتتىم. ئۇ قىز بىلەن دوست بولۇپ ئۆتكۈم كىلەتتى. ئەمما ئۇنىڭ يازغان شىئىرلىرىنى ھەم باشقىلارنىڭ ئۇنىڭ ئەسەرلىرىگە بەرگەن باھاسى ھەم ماختاشلىرىنى كۆرۈپ ‹‹ بۇ قىز شۇنچە ئىقتىدارلىق تۇرسا، يەنە كىلىپ  باشقىلار ھەمىشە ماختاپ تۇرغاچقا مىجەزىدە ھاكاۋۇرلىقمۇ بولۇشى مۇمكىن، ئۇنداق قىزلار بىلەن دوست بولۇپ ئۆتكىلى بۇلاتتىمۇ؟ ›› دەپ ئويلاپ قالاتتىم. ھەر قېتىم ئۇ قىزنىڭ ياخشى چىققان بىرەر ئەسىرىنى ئوقۇغاندا ئۇ قىز بىلەن بىر شەھەردىن ئىكەنلىكىمنى ئويلاپ پەخىرلىنىش تۇيغۇسىغا چۆمەتتىم ھەم ئۇنىڭغا ئۇچۇر قىلىشنى، كۆرۈشۈشنى، ئۆزۈمنىڭ يازغانلىرىنىمۇ ئۇ قىزغا كۆرسىتىپ، ئۇنىڭ پىكىرىنى ئېلىپ بېقىشنى بەكمۇ ئۈمۈد قىلاتتىميۇ، لىكىن ئۇنى ھاكاۋۇر دەپ ئويلاپ قالغاچقا بۇ يىنىتىمدىن تىزلا ۋاز كىچەتتىم.    كۈنلەر  يەنە بىر خىل رېتىمدا ئۆتىۋاتاتتى. ئۇ قىزنىڭ ئەسەرلىرى قايسى مۇنبەردە بولسا مەنمۇ شۇ مۇنبەردە بۇلاتتىم. لىكىن بۇرۇنقىدەك يەنىلا ئىنكاس يازمايتتىم.  كىيىن خىزمەت ئورنۇمغا دوستۇم پاتىمە يەنە بىر دوستى بىلەن بىللە كەلدى. بىز بىرلىكتە مۇنبەر كۆرۈپ پاراڭلىشىپخۇشال ئولتۇراتتۇق. ئارىدا پاتىمەنىڭ دوستىغا بىرىدىن تېلفۇن كەلدى. ئۇ بىردەم سۆزلىشىپ تېلفۇننى قويغاندىن كىيىن پاتىمەگە: -كىتاپخانىنىڭ ئالدىغا چىقىدىغان بولدۇق، ئۇمۇ شۇ يەرگە كەلمەكچى بولدى، ماڭامدۇق؟- دەپ سورىدى. مەن ئۇلارنىڭ گىپىگە قىزىقىپ ئۇلاردىن سورىدىم. -كىم بىلەن كۈرۈشەتتىڭلار؟ -مۇنبەردىكى بىر قىز بىلەن. بەلكىم سەنمۇ تۇنىشىڭ مۇمكىن؟ - قايسى قىز ئۇ؟ - مۇنبەدىكى ئايبانۇ دىگەن قىز. -ھە! شۇ قىز بىلەن كۈرۈشەمسىلەر؟ -ھەئە. نىمە بولدى؟ مىنىڭمۇ ئۇلار بىلەن بىللە چىقىپ ئايبانۇ بىلەن كۈرۈشكۈم كەلدى، لىكىن يەنە ئۇنىڭ ھاكاۋۇرلىقىنى ئويلاپ توختاپ قالدىم.ۋە بىر ئويلانغاندىن كىيىن پاتىمەگە: -ئۇنىڭغا تېلفۇن قىلىپ دىسەڭ مۇشۇ بىنانىڭ ئالدىغا كەلسە بولماسمۇ، مىنىڭمۇ ئۇ قىزنى بەكلا كۈرۈپ باققۇم بار ئىدى. -ئەمىسە بىللە چىقساق بولىدىغۇ؟ -ياق، مەن چىقماي. ئۇنىڭ بىلەن پەقەت تۇنۇشمايدىغان تۇرسام. ئۇ قىزغا دىسەڭ، مۇشۇ بىنانىڭ ئالدىغا كەلسۇن. -ئۇنداق دىسەك ئەدەپسىزلىك بولۇپ قالارمىكىن. -ئۇنداقمۇ بولماس، ئىشىمىز تۈگىمىگەن، كىلىڭ دىسەڭ بەلكىم توغرا چۈشىنەر. -ماقۇل ئەمىسە. پاتىمە ئايبانۇغا تېلفۇن قىلىپ ئۆزىنىڭ تېخى ئىشى تۈگىمىگەنلىكىنى شۇڭا خاپا بولماي ئاممىۋى سەنئەت سارىيىنىڭ ئالدىغا كىلىپ تېلفۇن قىلىشىنى دېدى. ئارىدىن 10 نەچچە مىنۇت ئۆتكەندىن كىيىن پاتىمەگە تېلفۇن كەلدى. تېلفۇن ئۇرغىنى ئايبانۇ ئىدى. مەن شۇ ھامان بىنانىڭ ئالدىغا چىقىپ، بىنانىڭ ئالدىدا بىرسى بىلەن تېلفۇنلىشىپ تۇرغان بىر قىزنى كۆرۈپ شۇمىدۇ ياكى ئەمەسمىدۇ دىگەن خىياللار بىلەن كەينىمگە ياندىم، كىرىشىمگىلا پاتىمە،--ئايبانۇ ھازىر بىنانىڭ ئالدىدا ئىكەن، چىقايلى. -ياق، مەن چىقمايمەن. -نىمىشقا؟ يا مەن ئۇنىڭ بىلەن تۇنۇشمىسام. ئەلۋەتتە مىنىڭمۇ ئۇلار بىلەن بىللە  چىقىپ ئۇنىڭ بىلەن كۈرۈشكۈم بار ئىدى، لىكىن ئۇنىڭ ماڭا ئىتىبار قىلماسلىقىدىن، شۇ سەۋەپتىن ئۇڭايسىز ئەھۋالغا چۈشۈپ قېلىشىمدىن ئەنسىرەپ چىقمايمەن دەۋاتاتتىم. -ماڭە، بىللە چىقايلى. سىنىڭمۇ ئۇنىڭ بىلەن تۇنۇشقۇڭ بار ئىدىغۇ؟ -بولدىلا مەن چىقماي. -ئەجەپ قىزىقكەنسەنغۇ؟ كۆرمىگەندە شېئىرلىرىنى ئۇقۇپ بىر كۆرۈشسەم دەۋاتاتتىڭ. ئىشىك ئالدىغا كەلگەندە قاچامسەن ئەمدى. -ئۇنداق ئەمەس سىلەر چىقىپ تېخى ئىشىمىز تۈگىمىدى، بىللە كىرەيلى دەپ ئىچىگە ئەكىرىڭلا. -ياق، بىز ئەمدى بىللە تاماق يەيمىز. -ۋاي-ۋۇي ئاداش، ياردەم قىلغىنە. مەنمۇ شۇ باھانىدە ئۇنىڭ بىلەن تۇنىشىۋالاي. -ھە بوپتۇ ئەمىسە. بىردەمدىن كىيىن پاتىمە، ئايبانۇلار بىللە ئىچىگە كىردى، ئۇلارنىڭ كىرگىنى كۆرۈپ ئىتتىكلا ئۇنىڭ ئالدىغا بېرىپ كۆرۈشتۈم. پاتىمەمۇ بىزنى ئۆز- ئارا تۇنۇشتۇردى. مەنمۇ ئايبانۇ بىلەن قىزغىن پاراڭغا چۈشۈپ كەتتىم. گەپنى ئايبانۇ باشلىغان ئىدى. -مۇنبەردىكى ئىسمىڭىز «سەھرا قىزى» مۇ؟ -ھەئە. -ئۆز ئىسمىڭىزچۇ؟ -ئىززەت، سىزنىڭچۇ؟ -مۇنبەردىكى ئىسمىم ئايبانۇ، ئۆز ئىسمىم ئايشەم. -مۇنبەرلەردە سىزنى بۇرۇندىنلا تۇنۇيتتىم، ئەسەرلىرىڭىزنىمۇ ياقتۇرۇپ ئۇقۇيمەن، بەك ياخشى يازىسىز. -ئاشۇرۋەتتىڭىز، ئۇنچىلىك ئەمەسقۇ. -راستلا بەك ياخشى يازىسىز، ئىنكاس يازمىغىنىم بىلەن ھەممە ئەسەرلىرىڭىزنى تۇلۇق ئۇقۇيمەن. -نىمىشقا ئىنكاس يازمايسىز. مىنىڭ تۇنجى ئۇچرىشىشتىلا ئۇنىڭ ئالدىدا ئۆزۈمنى چۈشۈرۈشنى خالىمىدىم، شۇڭا ئەسەرلىرىڭىزگە باھا بەرگۈدەك سەۋىيەم يوق دىمەستىن، «-مەن مۇنبەرگە بەك ئالدىراش چىقىمەن، شۇڭا ئىنكاسيازغۇدەك ۋاقىت يوق» دەپلا قويدۇم. ئۇنىڭ بىلەن پاراڭلىشىش جەريانىدا شۇنى ھىس قىلدىمكى، ئۇ ھەرگىزمۇ مەن ئويلىغاندەك ھاكاۋۇر قىز بولماستىن بەلكى، ئىنتايىن خوشپىئىل، چىقىشقاق، خۇشچاقچاق، چىرايىدىن تەبەسسۇم كەتمەيدىغان، كەمتەر ۋە سەمىمى قىز ئىكەنلىكىنى، ئەمىلىيەتتە ھەقىقى ھاكاۋۇر قىزنىڭ ئايبانۇ ئەمەس دەل ئۆزۈم ئىكەنلىكىنى ئويلاپ، ئايبانۇنىڭ ئالدىدا خىجىللىق ھىس قىلىپ قالدىم. پاراڭلىشىش جەريانىدا يەنە ئۇنى كۆرمەي تۇرۇپ كۆپ جەھەتلەردىن خاتا چۈشىنىۋالغىنىمنى، ئۇنىڭ مەن ئويلىغانغا پۈتۈنلەي ئوخشىمايدىغانلىقىنى، ناھايىتى سەمىمى قىز ئىكەنلىكىنى ھىس قىلدىم. بىز يەنە ئۆز-ئارا تېلفۇن نومۇرىمىزنىمۇ سورىۋالدۇق ۋە بۇندىن كىيىن ئىزدىشىپ تۇرىدىغان بولدۇق. ئارىدىن نەچچە كۈن  ئۆتكەندىن كىيىن يىڭى نەشىردىن چىققان بىر ژورنالدىن ئايشەمنىڭ بىر پارچە شېئىرىنى كۆرۈپ، ئۇنى تەبرىكلەپ قىسقا ئۇچۇر يازدىم. بىز شېئىر توغرىسىدا ھەم باشقا ئىشلار توغرىسىدا ئۇچۇرلىشىپ ئۇچۇر سانىمىز نەچچە ئون پارچىغا يەتكەن ئىدى. كىيىنكى كۈنلەردە بىز پات-پاتلا تېلفۇنلىشىدىغان بولدۇق. ئۇنىڭ بىلەن كۆرۈشكەنسىرى ئۇنىڭ مەن ھىس قىلمىغان يەنە باشقا ئارتۇقچىلىقلىرىنىمۇ ھىس قىلىشقا باشلىغان ئىدىم. بىر كۈنى كەچرەك ئىشتىن چۈشۈپ موتسىكلىتلىق ئۆيگە ماڭغان ئىدىم. ئويلىمىغان يەردىن يېرىم يولغا كەلگەندە، موتسىكلىتنى بىر ماشىنىدىن قاچۇرىمەن دەپ يول بويىدىكى سىمۇنت توساققا قاتتىق ئۇرۇۋالدىم. بەختكە يارىشا مەن موتسىكلىتتىن يىقىلىپ چۈشكەن بولساممۇ، پۇتۇم ئازراق ئاغىرىغاندىن باشقا ھېچنىمە بولمىغان ئىدىم. لىكىن موتسىكلىت بۇزۇلۇپ قالغان ئىدى. ئۇنىڭ رولى ھېچيەرگە بۇرالمايدىغان بوپ قالغان ئىدى. نىمە قىلىشىمنى بىلەلمەي شۇ ئەتراپتىكى دوستۇم سۇفىيەگە تېلفۇن قىلدىم، ئۇزاق ئۆتمەيلا ئۇمۇ كەلدى. شۇ ئارىدا ئايشەمدىن ماڭا تېلفۇن كىلىپ قالدى. بىردەم ئەھۋاللىشىپ تۇرغاندىن كىيىن ئۇ تۇيۇقسىزلا سوراپ قالدى. -سىز ھازىر نەدە؟ نىمانچە ۋاراڭ-چۇرۇڭ؟ -مەن يولدا -نىمە قىلىۋاتىسىز؟ كۈندە خېلى بۇرۇنلا ئۆيگە چىقىپ بۇلاتتىڭىزغۇ؟ -ئازراق كىلىشمەسلىككە ئۇچرىدىم. - زادى نىمە ئىش بولدى؟ ئەنسىرەتمەي تىز دەڭە! -موتسىكلىتنى ماشىنىدىن قاچۇرىمەن دەپ سىمۇنىتقا ئۇرىۋالدىم. -نىمە!؟ ئۇنداقتا ئەھۋالىڭىز قانداقراق؟ -ئەنسىرىمەڭ، پۇتۇم ئازراق ئاغرىۋاتىدۇ. موتسىكلىت بۇزۇلۇپ قالدى. -سىز ھازىر نەدە؟ مەن باراي. -بولدى، ئەنسىرىمەڭ. ئارلىقىمىز خېلى بار،سىز كەلگىچە ۋاقىت بىر يەرگە بېرىپ قالىدۇ. يەنە كىلىپ يېنىمدا دوستۇم بار. -ئۇنداق بولسا مەيلى. بىز بىردەم پاراڭلاشقاندىن كىيىن خوشلاشتۇق. ئۇنىڭ يېنىڭىزغا باراي دىگىنىدىن بەكلا خوشال بولغان ئىدىم. ئۇ كۈنى دوستۇم سوفىيە بىلەن موتسىكلىتنى رىمۇنىتخانىغا ئەكىرىۋەتكەندىن كىيىن ياتاققا يېنىپ كەلدىم. ئەتىسى ئەتىگەن ئورنۇمدىن تۇرغاندا خېلى ياخشى بولۇپ قالغان ئىدىم. ئاخشام پۇتۇمنىڭ ئاغرىقىدا دىققەت قىلمىغان ئىكەنمەن، يىقىلىش جەريانىدا بىر ئايىغىم يىرتىلىپ كەتكەن ئىكەن. بۇنى كۆرۈپ دوستۇمنىڭ توسقىنىغىمۇ ئۇنىماي ناشتىمۇ قىلماستىن ياتاقتىن چىقتىم. ئەتىگەنراق چىقىپ كەتمىسەم بىردەمدىن كىيىن يولدا ئادەم كۆپىيىپ قالسا يىرتىق ئاياغ بىلەن ماڭغىلى بۇلاتتىمۇ؟ يولغا چىقىپلا تاكسىدىن بىرنى تۇسۇپ ئىش ئورنۇمغا كەلدىم، سودا-سارايلار تېخى ئېچىلمىغان ئىدى. ئەمدى خىزمەتداشلىرىم ئىشقا كەلگەندە بىرەرى چىقىپ ئاياغ ئەكىرىپ بەرمەكتىن باشقا ئامال يوق ئىدى. سۇفىيەنى ئانىسىنى ئەتىگەن تەرەپتە دوختۇرخانىغا ئاپارماقچى بولغانلىقى ئۈچۈن ئۇنى ئاۋارە قىلىشنى خالىماي ئۇنىڭغا بۇ ئىشنى دىمەيلا يېنىپ كەلگەن  ئىدىم. ئەتىگەندە باشقا مۇھىم ئىشمۇ بولمىغاچقا مۇنبەر ئارىلاپ ئولتۇردۇم. شۇ ئارىدا ئايشەمدىن يەنە تېلفۇن كەلدى. -نەدە ھازىر، دوستىڭىزنىڭ يېنىدىما؟ -ياق، ئىش ئورنۇمدا. -بەك بالدۇرغۇ؟ نىمانچە بۇرۇن بېرىۋالدىڭىز؟ نىمە دىيىشىمنى بىلمەي بىردەم تۇرۇپ قالغاندىن كىيىن يۇشۇرماي ئەھۋالنى دېدىم. -ئاخشام پۇتۇمنىڭ ئاغرىقىدا دىققەت قىلماپتىمەن. يىقىلغان ۋاقتىمدا ئايىغىم يىرتىلىپ كىتىپتىكەن، ئەتىگەن كۆرۈپلا ناشتىغىمۇ ساقلىماي كەلدىم. بىردەمدىن كىيىن كوچىلاردا ئادەم كۆپىيىپ كەتسە يىرتىق ئاياغ بىلەن ماڭغىلى بولمايدۇ-دە. ئايشەم گىپىمنى ئاڭلىغاندىن كىيىن بىردەمگىچە يېنىڭىزغا بارىمەن دەپ تېلفۇننى قۇيىۋەتتى. ئارىدىن بىرەر سائەت ئۆتكەندىن كىيىن، ئۇ مىنى ھەيران قالدۇرۇپ ماڭا ناشتىلىق ھەم بىر ئاياغ  ئېلىپ كەلگەن ئىدى. -نىمە قىلغىنىڭىز بۇ، بەك ئاۋارە بوپسىز؟ -ئەكەلمىسەم يىرتىق ئايىغىڭىز بىلەن چىقىپ ئاياغ ئالامتىڭىز؟ بۇ گەپنى ئاڭلاپ ئىختىيارسىزلا كۈلۈپ تاشلىدىم. -قېنى كىيىپ بېقىڭە، دەل كىلەمدىكى. ئۆزۈمنىڭ رەزمىرى بويىچە ئالدىم، دەل كەلمىسە ئالماشتۇرۇپ بىرىدىغان بولغان. -ھە، دەل كەلدى، لىكىن مىنى بەك خىجىل قىلىپ قويدىڭىز... -ئۇنداق دىمەڭ، قولۇمدىن كەلگىنىنى قىلدىم شۇ. موتسىكلىت قانداق بولدى؟ -كەچكىچە ياساپ بىرەمدىكى. مەن ئۆز ۋاقتىدا ھاكاۋۇر دەپ ئويلىغان قىزنىڭ بۇنچىلىك سەمىمى ۋە ئاقكۆڭۈل ئىكەنلىكىنى پەقەت ئويلاپ باقىمىغان ئىدىم. ئۆز ۋاقتىدىكى خىياللىرىم ئۈچۈن ئۇنىڭ ئالدىدا خىجىللىق ھىس قىلىۋاتاتتىم. شۇندىن كىيىن بىز تېخىمۇ يېقىن دوستلاردىن بولۇپ قالغان ئىدۇق. بىللە بازار ئايلىنىمىز،  كىتابخانىلارغا كىرىمىز، بەزىدە ئۆيگە تاماققا كىلىڭ دەپ تېلفۇن قىلىدۇ. ئۆيىگە بېرىپ تاما يەپ كىلىمەن. ئۇنىڭغا يازغان ئەسەرلىرىمنى كۆرسىتىپ پىكىرىنى  ئالىمەن. دوستلىقىمىزنىڭ مەڭگۈ مۇشۇنداق داۋاملىشىشىنى ئۇلۇغ ئاللادىن تىلەيمەن. مەنبە: ئۆزۈم

eerpan

	سۈزۈك سۇدەك تولىمۇ يېقىشلىق چىققان ئەسەركەن بۇ . قۇرلار ئارىسىدىكى دوستلۇق مېھرى ئادەمنى بىر دىل پاكلىقىغا باشلايدىكەن . سىزگە ھەم شۇ ‹ ھاكاۋۇر › دوستىڭىزنىڭ ئىجادىيىتىگە ئۇتۇق يار بولسۇن !

aiyxa

	دوستلۇقىڭلارنىڭ مەڭگۈ داۋاملىشىشىغا تىلەكداشمەن.

fatima

	تېمىڭىزدىن قارىسام،بۇ تىمىدا تىلغا ئالغان  دوستىڭىز ‹‹ئايشەمگۈل ئىمىن تەبەسسۇمغۇ›› دەيمەن. ئايشەمگۈلنىڭ شېئىرغا بەك تالانتى بار.دوسلۇق رىشتىڭلارنىڭ مەڭگۈلۈك بۇلشىنى ئۈمۈت قىلىمەن.

arman3383

	مۇنبەرداشلارنىڭ  كۆپىنچىسى  نىقاپلىق  چەۋەندازلار  سۈپىتىدە  ياشايدىكەن.مۇنبەردىلا  تۇلىمۇ  سىلىق-سىپايە، ئاقكۆڭۈل، دىيانەتلىك...ئەمما  رىئالىقتاشۇنداق ئۆتەلەيدىغان  مۇنبەرداش  دوسىتلارنىڭ چىقمىقى  تۇلىمۇ  تەس  ئىكەن. نىقابىڭارنى  ئېلىۋېتىشكە  جۈرئەت  قىلالامسىلەر مۇنبەردىكى  چەۋەندازلار؟؟؟

tarhamak

	بەش -ئالتە يىللىق تور  ھاياتىمدا ... نۇرغۇن كىشىلەر بىلەن تونۇشۇپتىمەن ... بەزىلەر بىلەن يۈز تۇرانە كۆرۈشكەنمۇ بولدۇم ... بەزىلىرى بىلەن ھەقىقىي قەدىناسلاردىن بوپ كەتتۇق ... ئاخىرقى يەكۈنۈم ھەركىم ئۆز تىپىغا ، مەقسىدىگە يارىشا دوستقا ئېرىشىدىكەن ...نىيىتى ياماننىڭ قازىنى تۈشۈك دېگەن تەمسىل بۇيەرگىمۇ تازا ماس كېلىدىكەن ... ئەمما قوي تىرىسىگە ئورىنىۋالغان بۆرىلەرمۇ يوق ئەمەس ... ئۇنداقلارغا يۇلۇققاندا ھەممىنى بىر تاياقتا ھەيدەش تولىمۇ بىمەنىلىك ئەلۋەتتە ... بىراق تور ھەرگىزمۇ رىئاللىق ئەمەس ... بۇيەردە دىۋانە ئۆزىنى شاھزادە كۆرسىتەلەيدۇ ، مىكىجىن گۈزەل مەلىكىگە ئايلىنالايدۇ ... لېكىن بۇيەردىمۇ ئەتراپىمىزدىن تاپالمايدىغان نى - نى ئىسىل كىشىلەرنى ئۇچرىتىپ قالىمىز ... ئىشقىلىپ تورغا ، توردىكى مۇناسىۋەتكە توغرا پوزىتسىيەدە بولساق ... ئۆزىمىزگىمۇ ، ئۆزگىمۇ ياخشى ...

ansar1013

	سىزنىڭ شۇنداق  ياخشى دوس تېپىۋالغانلىقىڭىزغا تۇلىمۇ ھەۋىسىم كەلدى،دوسلىقىڭلارنىڭ مەڭگۈ داۋامىلىشىشىنى ئۈمۈت قىلىمەن.

ئامىلە

	ماڭىمۇ شۇنداق ياخشى دوسلار ئۇچراپ قالسا ھە!!! ئەپسۇس مەن كۆڭۈل ئېچىش ئۈچۈنلا مۇنبەر ئارىلاپ بىرەرىگە قىزىقىپمۇ باقماپتىمەن.

meyinshamal

	مەنمۇ ئەسەرگە قىزىقىپ ئاپتورغا قىزىقىپ كەتمەيمەن .

سەۋېر

	مىنىڭمۇ بۇ مۇنبەردە تونۇشقان نەچچە دوستۇم ۋە بېر ئىنىم بار. توردىن ياخشى پايدىلانساق،مەۋھۇم دۇنيادىمۇ سەمىمىي دوستلۇققا ئېرىشەلەيمىز،دۇنيادا سەمىمىي - ئاقكۆڭۈل كىشلەر يەنىلا كۆپ.