چېچەك

suhayla

	سەندىن رەنجىپ قالدىم سەندىن رەنجىپ قالدىم. زارىقىپ كۈتكىنىمدە كەلمىگىنىڭ ئۈچۈن، خىياللىرىمدىن كەت دېسەممۇ كەتمىگىنىڭ ئۈچۈن، يىغلىسام  ياشلىرىمنى بىرەر رەتمۇ سۈرتمىگىنىڭ ئۈچۈن . گۈل تىزىپ كەلگەنلەر ئارسىدا سەن يوق. سەلكىنلەر ئېلىپ كەلگەن سالاملاردا سېنىڭ ئاۋازىڭ يوق. ئاق بوز ئاتىڭمۇ كىشنەپ باقمىدى... ئاۋازىڭنى ئاڭلاپ باقمىدىم. تەققاسلاپ باقىمەن، شاماللارنىڭ تاتلىق شىۋىرلاشلىرىغا، چاقماقلارنىڭ قەھىرلىك چېقىلىشلىرىغا ... ئۇ ھەممىسى سېنىڭ ئاۋازىڭ. نەي ئاۋازىنى نېمانچە  ياخشى كۆرىدىغاندىمەن. ئۇنىڭدا مېنىڭ  نەچچە مىڭ يىل ياشىغانلىق داستانىم بار. ھەجەپمۇ ئۇزاق ياشىدىم ھە مۇشۇ تەنھالىقىم بىلەن. نەينى سەنمۇ ياخشى كۆرىسەن، ئازاپلىرىمنى ئۇنىڭدىن ئاڭلىيالىغىنىڭ ئۈچۈن. تېنچ كېچىدە ئاسمانغا  قارىدىڭمۇ جېنىم؟! ئاي چىققان كېچىدە پەقەت بىرلا قېتىم ئايغا  قارىغىن. ئايدىكى قاراقلىرىڭ ماڭا قالسۇن... چېچەك مەستخۇش ھېدلىرىڭدىن بىھۇش بولۇپ، ساڭا ئاستا يېقىن كەلدىم . كىرپىكىمدە لەيلەپ قالغان بىر تامچە يېشىم، ماڭا  ئاتا  قىلغان  ھېدىڭ تەپتىدە قارچۇقۇمغا سىڭىپ كەتتى. لەۋلىرىمدە ئەگىپ يۈرگەن تەبەسسۇم بەرگىڭگە لەۋ سوزغاندا، ھال رەڭ تونىڭ ئۈستىگە يېپىلغان شەبنەم زەم-زەم كەبى تەشنا دىلىمغا ھوزۇر ئاتا قىلدى. قۇرغاق، مېھىرسىرىغان ھۇجۇدۇمغا بەخشەندە ئەتكەن ئىللىقلىق باغرىڭدا، تۇيغۇمغا خىرە بىر سىيما سايە تاشلىدى. پىنھانىمدا تىپىرلىغان ئازاب ئۇچقۇنلىرى، قەلبىم قەھرىدە گۈركىرىگەن بورانلاردا لاۋىلداپ يانغىنغا ئايلاندى. ئېھ، چېچەك! مېنى يۇتۇپ كەتكىن، مەن باغرىڭغا سىڭىپ كېتەي. سېنى بىراۋلار تەسۋىرلىگەن «چېچەك  پەسلىڭ» گە سىڭىپ كېتەي. بەرگىڭدە لەيلەپ يۈرگەن شەبنەملىرىڭ بىلەن، خاتىرەمنى   يۇيىۋەتكىن. مەن كۈلگىن ئەتەم بىلەن روھىمنىڭ ئەڭ  پاك جىلۋىسىدە  سېنى باغاشلاي...

babrim

	بەكمۇ چىن ھىسىيات بىلەن يېزلىپتۇ .

nurulla112

چېچەك

	ماۋزۇسىنى بىر يەردە كۆرگەندەك قىلىمەن....:(چاقچاق) لىرىكلىرىڭىز ئۈزۈلمىگەي...

arxang

	مۇشۇنداق نەسىرلەرنى ئوقۇغۇم كىلىدۇ ، بەلكىم بالىلىقنى سىغنىغان بولۇشۇم مۈمكىن.

yalkun085

	روھىمنىڭ ئەڭ  پاك جىلۋىسىدە  سېنى باغاشلاي

nazila998

	بەكمۇ ھىسسىياتلىق ئىكەن . چۈشتىن بۇرۇن ھاۋا ئوچۇق ئىدى ،كۈن كۈلۈپ تۇراتتى ،پۈتۈن جاھان كۈلگەندەك تەبىئەت يىقىملىق ئىدى ،چۈشتىن كىيىنلا ھاۋا تۇتۇلدى ، كۈننىمۇ كۆرگىلى بولمىدى . سوغۇق جاندىن ئۆتتى . پەقەت ئىسسىق ئۆيۈملا ۋۇجۇدۇمنى ئىللىتتى .

zulayha

	تېمىنىڭ ئاپتاپ كەبى دىلىمنى ئىللىتقىنىدىن سۆيۈندۈم . توۋا قىلدىم بۈگۈن ئۆزۈمگە، ھىسلىرىمغا سالالماي قۇلۇپ. يىغلىدىممەن ئۈنۈم پۈتكىچە، مەن ئەسلىمنى تاپالماي تۇرۇپ. ~ مۇزلىغان يۈرەكتە بىرلا سېغىنىش، ئەلۋىدا دەپ بولۇپ،مەندىكى نە ئىش. بولدى قىل يۈرۈگۈم يىغلىما ئەمدى، بوپ قالسا مەيلى، قەلبىڭ مەزگىل قىش. ~ تىلىگىن بەختىڭنى اللە دىن ئۆزۈڭ، يىغلىما بىر كۈلگىن ئايىغىن ئۆزۈڭ. ھەممىگە ئاياندۇر ئۆزۈڭگە ئىشەن، مەڭگۈگە ، يەنىلا يۇرۇقتۇر يۈزۈڭ.