مـەن، سـەن، رېـئـالـلـىـق

kapsizparixta

	مـەن، سـەن، رېـئـالـلـىـق ئەي يىگىت، مەن شۇ تاپتا سېنى خاتا بايقاپ قالغىنىمغا راستىنلا ئىشىنىۋاتىمەن. ئۇزۇن -ئۇزۇن تۈنلەرنى، ئايلارنى ئۆتمۈشكە ئايلاندۇرىۋاتقان يىللارنى سىنى سېغىنىشى بىلەن، سېنى كۈتۈش بىلەن ئۆتكۈزدۈم. سەن قەلبىڭنى ئاشكارىلاشنى خالىمايتتىڭ، ئوبرازىڭنىڭ قەلبىمدە مەڭگۈ ئىلاھتەك،جاۋاپسىز تېپىشماقتەك سىرلىق قېلىشىنى ئارزۇ قىلاتتىڭ، تولىمۇ ئەپسۇس، تۇيغۇلىرىم سىنىڭ مەخپىيەتلىكىىڭنى ھامان ئۇقىۋالاتتى، ئويلىرىڭ قەلبىمدە كۈندۈزدىنمۇ روشەن ئىدى. راست، مەن سىنى خاتا تۇنۇپ قالغان ئىدىم. سەن مۇھاببەتلىك قەلبىمدە پارلاپ تۇرىدىغان ھارارەتلىك قۇياش ئىدىڭ، مەن ئۇنىڭ يالقۇنىدا كۈيەتتىم، سەن سۇلىرى سۈپسۈزۈك بىر بۇلاق ئىدىڭ، مەن ساڭا داۋاملىق ئىنتىلەتتىم؛ سەن قەلبىمدە سۆيگۈگە باي، ھەممىگە قادىر يىگىت ئىدىڭ. مەن ساڭا كېچە-كۈندۈز چۇقۇناتتىم، سەن بىر پاراسەتلىك ئۇستاز ئىدىڭ، مەن سىنى چەكسىز، چەكسىز ھۆرمەت قىلاتتىم............. شۇ تاپتا سېنىڭ كىشىلىك مۇناسىۋەتلەر تورىدا تىپىرلاۋاتقان شەخسىيەتچىلىكىڭ، قۇرۇق شۆھرەتكە باي بىچارە ،مەغرۇرلۇقۇڭ سىنى ماڭا قايتا ئۇقۇپ بىرىۋاتاتتى... تەغدىر مىنى مەسخىرە قىلىۋاتاتتى. سۆيگۈ ئۈچۈن تۆلەنگەن بىھۇدە بەدەللەر مىنى باشقا بىر ئادەم قىلىپ چىققانىدى. مەن ياش يۇقى كۆزلىرىم بىلەن ھەممە نەرسىنى ئۆز پېتى كۆرەلەيدىغان بولغانىدىم. قان-ياشلىرىم بىلەن كۈتىۋېلىنغان تۈنلەر، مۇھاببەتلىك يۈرىكىم بىلەن يوللىرىڭغا تەلمۈرگەن تالاي كۈنلەر سىنىڭ ۋاپاسىزلىقىڭنى شۇنداق تۇيۇقسىز، شۇنداق تاسادىپىي ھالدا ماڭا ئېيتىپ بەردى. مەن سەن بىلەن يۈكسەك چوققىلارغا چىقماقچى ئىدىم. مەن سەن بىلەن نۇرلۇق تاڭلارنى كۈتىۋالماقچى ئىدىم. مەن سەن بىلەن زىمىنغا تالاي - تالاي تۆھپە قىسسىلىرىنى يازماقچى ئىدىم. ..................... سىنىڭ رىئاللىقىڭ ئاخىرى ماڭا ھەممىنى، ھەممىنى ئىسپاتلاپ بەردى. سەن مەن بىلەن يۈرۈشكە ماجالسىز ئىدىڭ. مەن سىنى تالاي يىگىتلەر ئارىسىدىن تاللىۋالغان ئىدىم، مىنىڭ كۈتۈشلىرىم شۇ قەدەر پاك، غۇبارسىز كۈتۈش ئىدى. بىراق، رىئاللىق ماڭا شۇنى تۇنۇتتى؛ سەن بۇلارغا ئەرزىمەيتتىڭ. مەن ساڭا قاراپ ئۈنسىز شىۋىرلىدىم؛ دۇنيادا ئۇلۇغلىغان ئادىمىڭنىڭ ھالاكىتىنى كۈرۈپ قېلىشتىنمۇ ئارتۇق ئازاپلىق ئىش بولمىسا كېرەك. ............... مەن، سەن ، رىئاللىق. بىز ئۈچىمىز بىر-بىرىمىزگە قارىدۇق، سەن مىنى كۆردۈڭ، مەن سەن ئۈچۈن ناتۇنۇش ئىدىم، رىئاللىق سىنىڭ ئارخىپىڭ ئىدى، سەن مەن كۈڭۈل بەرگەن ھالاكەت غارى ئىدىڭ. مەن سىنى ھەقىقەتەن خاتا تۇنۇپ قالغان ئىدىم، سەن شۇ تاپتا مىڭ پارە بولغان ئۇلۇغلۇقۇڭ بىلەن ئالدىمدا بىچارىلاچە چېچىلىپ ياتاتتىڭ، سېنىڭ قۇرۇق ھاكاۋۇرلۇقۇڭ بىلەن سىرلانغان رېئاللىقىڭ ماڭا ھەممىنى ئېيتىپ بەرمەكتە ئىدى. مەنبە :  << شىنجاڭ ياشلىرى >> ژۇرنىلدىن ئېلىندى. كومپىيوتېر ئالدىدا : لەيلى

mares

	:qiray12

noriya

	ئىسىل يازمىدىن بىرنى ئىلىپ كەپسىز ، خەت ئۇرغان قوللىرىڭىزغا دەرت كەلمىسۇن .:qiray18

artiken

	يىڭى سانىمۇ!  خۇتەنگە كەلمىدى دىسە!

kuzum

	سىزنى بۇيەردىمۇ ئۇچراتقىنىمدىن خۇشالمەن تاتلىق قىز

daptiman

	ئۇزۇڭنى بل  ئۆزگنى قوي

ئامىلە

	سۈرەتلەر بەك پەيزىكەن، ساقلىۋالدىم، جاپا تارتىپسىز.

yawayi-0998

	مۇشۇ سۆزلەرنى مەن  بىر قىزغا  دىگۇم كىلىدۇ ... جاھان نىمىدىگەن تەڭشەلمىگەن ھە ...

yawayi-0998

	مۇشۇ سۆزلەرنى مەن  بىر قىزغا  دىگۇم كىلىدۇ ... جاھان نىمىدىگەن تەڭشەلمىگەن ھە ...

Zulpikar

	مەن چۈشۈمدە سېنى كۆردۇم، سەن شۇنچىلىك قورقۇنۇچ ئىچىدە.ساڭا قاراپ كۈچەپ ۋاقىراۋاتىمەن، ھىچكىم ئاڭلىمايدۇ،چۈنكى ھېچكىمنىڭ نەزىرىگە ئېلىنمىغان.چۆچۈپ ئويغاندىم، چۈشنىڭ ئاسارىتى تېخى مىنى قىينىماقتا.رىئاللىققا ئەمدى قانداق يۈزلەنگۈلۈك ؟ سەن مەندىن مۇشۇ سۇئالنى سورىغان ۋاقتىڭدا مەن پەقەت ساڭا دىمەكچىمەنكى: مەن قايتىدىن باشلايمەن،ئۆتكۈزگەن بارلىق خاتالىقلىرىمنى ئۇنتۇپ كېتىمەن، مىنى ئازغۇنلۇققا باشلايدىغان، باشلىغان سەۋەپلەرنى مەندىن يىراق قىلغىن.يالغۇز قالغان ۋاقىتلىرىڭدا مەندىن رەنجىمە. مىنى ئەسلىمەڭنىڭ بىر بۇلۇڭىغا مەھكەم ئورۇنتۇپ قويۇپ باشقا نەرسىلەرنى ئويلىما.كەلگۈسىگە يۈزلىنىمىز، بىز بىرلىكتە ئالغا ئىلگىرلەيمىز. بىرلىكتە مەسئۇلىيەتنى ئۈستىمىزگە ئالىمىز. ئەمىلىيەتتە مەن ھەممىنى ياخشى قىلالمىدىم.ئەمىلىيەتتە بىز مۇكەممەل ئەمەس....ھەرگىز قورقما، مەن سەن ئۈچۈن ئۆزگىرىمەن.. ____________ ھى..ھى..ئۇزۇن بوپتىكەن يېزىپ باقمىغىنى...ئەسەرگە ئەگىشىپ ئازىراق جۆيلۈپ باقتىم.