ئۇيغۇرلاردىكى 2011 – يىللىق 10 چوڭ بلوگ

yuksel.me

	يۈكسەل بلوگى تەشكىللىگەن، ئەلداۋا ساغلاملىق تورى ۋە بىلكان شىركىتى ئىقتىسادىي جەھەتتە ئالاھىدە قوللىغان ‹‹ ئۇيغۇرلاردىكى 2011 – يىللىق 10 چوڭ بلوگنى باھالاش پائالىيىتى ›› كەڭ تورداشلار ۋە بلوگگېرلارنىڭ قىزغىن قوللاپ قۇۋۋەتلىشى نەتىجىسىدە، ئومۇمەن ناھايىتى ئۇتۇقلۇق ئېلىپ بېرىلدى. ئىزدىنىش، بىلىك، مىسرانىم، نۇرقۇت، كروران قاتارلىق 5 نوپۇزلۇق مۇنبەر مەزكۇر پائالىيەت ئۈچۈن ئادىل بېلەت تاشلاش سورۇنى ھازىرىلاپ بەردى( خۇشاللىنارلىق يېرى شۇكى، يۇقىرىقى مۇنبەرلەرنىڭ تېخنىكىلىق جەھەتتە كۈچلۈك قوللىشى نەتىجىسىدە بۇ قېتىم 1 مۇ ساختا بېلەت تاشلانماي، پائالىيەتنىڭ ئادىل ۋە چىن بولۇشى ھەقىقىي ئىشقا ئاشۇرۇلدى ). ھەرقايسى بلوگلار ، ئۇلۇغ – ئۇششاق تور بېكەتلەر مەزكۇر پائالىيەتنىڭ تەشۋىقاتى ئۈچۈن ئۆز چامىلىرىنىڭ يېتىشىچە مۇناسىپ جاي بېرىشتى. ئۇشبۇ مۇناسىۋەت بىلەن، مەزكۇر پائالىيەتنى قوللىغان بارلىق تورداشلار ۋە تور بېكەت – بلوگلارغا كۆپ تەشەككۈر ئېيتىمىز! مەزكۇر پائالىيەتنىڭ ئوڭۇشلۇق بولۇشى ئۈچۈن قىممەتلىك ۋاقىتلىرىنى ئاجرىتىپ، مىننەتسىز تەر تۆككەن ئالىم ئەھەت، قىسمەت، كۆككەپتەر، مىسرانىم، ئوسمانجان نوھ بىلىگيار، كروران، جۇلالىق قاتارلىق باھالاش ھەيئەتلىرىگە ئېھتراملار بولسۇن! مەزكۇر پائالىيەتنىڭ نامزات كۆرسىتىش باسقۇچىدا جەمئىي 20 بلوگ نامزاتلىققا تاللىنىپ، تورداشلارنىڭ بېلەت تاشلاپ ئاۋاز بېرىشىگە قويۇلغان ئىدى. جەمئىي 2548 نەپەر تورداش بېلەت تاشلىغان بولۇپ، بۇنىڭ ئىچىدە 78 پارچە بېلەت تەكرار تاشلانغان بېلەت ( يەنى ئوخشاش ئىسىمدىكى 1 كىشى 5 مۇنبەردە 5 بېلەت تاشلىغان بولسا پەقەت 1 بېلەت دەپ ھېسابلاندى) دەپ قارىلىپ، ئۈنۈملۈك بېلەت 2470 پارچە بويىچە ھېسابلاندى. ئەڭ ئاخىرقى نەتىجە ھەرقايسى بلوگلار ئېرىشكەن بېلەتنىڭ جىق – ئازلىقىغا قاراپ چىقىرىلدى. تۆۋەندە، ناھايىتى قايناق ھاياجان بىلەن << ئۇيغۇرلاردىكى 2011 – يىللىق 10 چوڭ بلوگ >> شەرىپىگە ئېرىشكەن بلوگلارنى ئېلان قىلىمىز: ئۇيغۇرلاردىكى 2011 – يىللىق 10 چوڭ بلوگ دەرىجىسى بىلوگ ئىسمى تور مەنزىلى ئىرىشكەن بىلەت سانى 1 80خالتا بلوگى http://www.80halta.com 303 2 ئالىم ئەھەت بلوگى http://www.alimahat.com 275 3 تورخۇمار بلوگى http://www.torhumar.com 187 4 شاھ ئۇيغۇر بىلوگى http://shahblog.net 185 5 جېك بلوگى http://jeckblog.com 172 6 تەدبىركار بلوگى http://www.tedbirkar.net 164 7 ئۇيغۇربەگ تور تۇرايى http://www.uyghurbeg.net 161 8 ئىلقۇت بلوگى http://blog.ilqut.com 122 9 ۋەتەن بلوگى http://weten.me 120 10 كروران بلوگى http://blog.kroran.net/ 98 10 چوڭ بلوگنى مۇكاپاتلاش خۇسۇسىدا1. مەزكۇر پائالىيەتتە بىرىنچى ۋە ئىككىنچى بولۇپ باھالانغان 80 خالتا  بىلەن ئالىم ئەھەت  بلوگىغا ئوخشاش ھالدا بىلكان شىركىتى تەمىنلىگەن تۆۋەندىكى بىلكانپەد مۇكاپات سۈپىتىدە بېرىلىدۇ. بىرىنچى باھالانغان بلوگ ئۈچۈن: 8 دىيۇيملىق بىلكان پەد ( WiFi نەشرى). باھاسى: 2398 يۈەن. ئىككىنچى باھالانغان بىلوگ ئۈچۈن: 8 دىيۇيملىق بىلكان پەد ( WiFi نەشرى). باھاسى: 2398 يۈەن. 2. قالغان بلوگلارغا  ئەلداۋا ساغلاملىق تورى قاتار بويىچە، ئۈچىنچى بولغان تورخۇمار بلوگىغا 500 يۈەن، تۆتىنچى بولغان شاھ ئۇيغۇر بلوگىغا 400 يۈەن، بەشىنچى بولغان جېك بلوگىغا 300 يۈەن، قالغان 5 بلوگنىڭ ھەر بىرىگە 100 يۈەندىن نەقپۇلنى مۇكاپات سۈپىتىدە بېرىدۇ. مۇكاپات نەقلەشتۈرۈش ۋاقىتى مۇكاپات بارلىق بلوگلارغا 1-ئاينىڭ 4-كۈنىدىن باشلاپ ئەمەلىيلەشتۈرۈلىدۇ. نەقپۇلنىڭ ۋاقىت سۈرۈكى 3 كۈن، بىلكانپەدنىڭ 2 ھەپتە. ئاخىرقى سۆز2011 – يىلى ئۇيغۇر بلوگچىلىقىمىز ئاجايىپ تېز يۈكسەلگەن بىر يىل بولدى. ئۇلۇغ-ئۇششاق تاراتقۇلارنىڭ نەزىرى بۇ ساھەگە تىكىلدى. ئارقا-ئارقىدىن سۆھبەتلەر ئۇيۇشتۇرۇلدى، فىلىملەر ئىشلەندى. بۇقايناق مەنزىرىنى كۆرۈپ ئۆزىنى باسالمىغان يۈكسەلمۇ «ئاڭلا جاھان، 2011 – يىلى ئۇيغۇر بلوگ يىلىدۇر ! » دەپ ئەلگە چوقان توۋلىغان ئىدى. ئۇيغۇر بلوگچىلىقى يۇقلۇقتىن بارلىققا كېلىپ ،نۇرغۇن ئوي – دوڭغۇللارنى بېشىدىن كەچۈرۈپ ، بۈگۈنكى كۈنگە كەلگەندە جۇش ئۇرۇپ راۋاجلىنىشتەك تەرەققىيات باسقۇچىغا قەدەم قويدى. بلوگگىرلار قوشۇنى زورايماقتا، بارغانسېرى تاۋلانماقتا، بلوگلار بارغانسېرى پىشىپ يېتىلمەكتە، سەرخىللاشماقتا. ئۇيغۇر تورچىلىقىدا ئوينايدىغان رولى بارغانسېرى گەۋدىلەنمەكتە. جۈملىدىن ئۇيغۇر تور ئاممىسىنىڭ دىققەت – نەزىرى بارغانسېرى ئۇيغۇر تور ئاسمىنىدىكى بلوگدىن ئىبارەت بۇ يورۇق يۇلتۇزغا ئاغدۇرۇلماقتا. ئەل بلوگگىرلاردىن يېڭى نەتىجىلەرنى كۈتمەكتە… ئەڭ ئاخىرىدا، << ئۇيغۇرلاردىكى 2011 – يىللىق 10 چوڭ بلوگنى باھالاش >> پائالىيىتىنىڭ تەشكىللىگۈچىسى بولغان يۈكسەل بلوگى ۋە باھالاش ھەيئەت گۇرۇپپىسىدىكى بارلىق ئەزالار يۇقىرىدا جاكارلانغان << ئۇيغۇرلاردىكى 2011 – يىللىق 10 چوڭ بلوگ >> شەرىپىگە ئېرىشكەن ھەرقايسى بلوگلارنى قىزغىن قۇتلۇقلايدۇ ۋە ئۇلارغا يېڭى يىلدا يەنىمۇ زور نەتىجىلەرنى تىلەيدۇ. بۈگۈن سىلەر ئۆزۈڭلاردىن پەخىرلىنىشكە ھەقلىق! بۈگۈن ئەلنىڭ ئالقىشى پەقەت سىلەر ئۈچۈن!!! ھارمىغايسىلەر ئۇيغۇر بلوگچىلىقىدىكى ھارماس تۇلپارلار ! ============================================ مۇناسىۋەتلىك باشقا يازمىلار: 10 چوڭ بلوگنى باھالاش توغرىسىدىكى غەلدى-غەشتى پاراڭلاربىلكان شىركىتىنىڭ 10 چوڭ بلوگنى مۇكاپاتلاش توغرىسىدىكى باياننامىسى

Suchi

	بىلكان شىركىتىنىڭ مۇشۇنداق ئەھمىيەتلىك ئىشلار ئۈچۈن ماددى جەھەتتىن ياردەمدە بولغانلىقىغا رەھمىتىمىزنى بىلدۈرمىز. يېقىندا ئۇيغۇر سەنئەتكارلىرى ئەزا بولۇپ،ئۆزلىرىنىڭ مىكرو بىلوگىنى ئاچقان،80مىڭ ئەتراپىدا ئەزاسى بولغان مىكرو بىلوگ تورىنىڭ ئىسمى كۆرۈنمەيدىغۇ؟رادىئودىن ئاخىرىنى ئاڭلاپتىمەن،تور نامىنى يۈكسەل دەپ ئاڭلىدىممۇ ئىشقىلىپ.شۇنداق چوڭ بىر تور بېكىتىنىڭ بارلىغىنى ئاڭلىۋىدىم.

EnQa

	پائالىيەتنى تەشكىللىگۈچىلەر ئىچىدە يۈكسەل ئەپەندىمۇ بولغاچقا يۈكسەل بلوگى باھالاش دائىرىسىگە كىرگۈزۈلمىدى.

TaRKiN

	مۇبارەك بولسۇن!  داۋاملىشىشىنى ئۈمىد قىلىمەن.:qiray121:qiray121

52arslan

	Suchi يوللىغان ۋاقتى  2012-1-4 12:23 PM بىلكان شىركىتىنىڭ مۇشۇنداق ئەھمىيەتلىك ئىشلار ئۈچۈن م ... ئەلكۈيى تورى مىكرو بىلوگى

52arslan

	بۇ ئىش بەك ئەھمىيەتلىك بولدى ، مەن بىلەت تاشلىغان ئىككى بىلوگ 1ۋە2بوپتۇ ، بىلوگ ۋە ئۇيغۇر تورلىرى بارغانسىرى ئۆزىنىڭ رولىنى ياخشى جارى قىلدۇرۇپ مېڭىۋاتىدۇ ، ئەلكان شىركىتى بىر ساخاۋەتلىك ئىش قىلدى ، مىللىتىنى سۆيىدىغان كىشىلىرى ئۈزۈلمىگەن مىللەت ھامان بىر كۈن مۆجىزىلەرچە باش  كۆتۈرىدۇ ، ئۇيغۇر تورلىرىنىڭ ئۆزىگە خاس يول تۇتۇپ داۋاملىق ئىلگىرلىشىگە تىلەكداشمىز ، ئاندىن يەنە بىر ئۆمۈد قىلىدىغىنىم ئۇيغۇر خاككىرلىرى بىر مۇنتىزىم قوشۇن بولۇپ شەكىللەنگەن بولسا ،  قابىليىتى يىتىدىغانلار ئىنجىل تورى دىگەندەك ئۇيغۇرچە تورلارنىڭ  ئۆلۈم خېتىنى قولىغا تۇتقۇزغان بولساڭلار ！

artiken

	مۇبارەك!!!!!!!!!!!

iltebir

	مەن بۇ ئىشتىن بەك سۆيۈندۈم.

KaLGuSi

	ئەپسۇس مەن بۇ پائالىيەتگە بىلەت تاشلىيالمىدىم .  ھەي !!!

abdigine

	EnQa يوللىغان ۋاقتى  2012-1-4 12:29 PM پائالىيەتنى تەشكىللىگۈچىلەر ئىچىدە يۈكسەل ئەپەندىمۇ  ... يا خشى بوپتۇ داۋاملاشتۇرغايسلەر!