ئەھمەدشاقارىقاشقا خەت

maymah

	ئەسسالامۇ ئەلەيكۇم  ئەھمەت بوۋا....     مەن 2012-يىلىغا بىخۇد كىتىۋاتقان بىخىرامان بىر ئۇيغۇر ئوغلىمەن. بىر كۈنلەردە، تۇيۇقسىز سىزنىڭ نەزەر مۇفتىغا يازغان سالامنامىڭىزنى كۆرۈپ قالدىم. توۋا بۇ دۇنيادا شۇنداق ئوخشاشلىقلار بوپ قالىكەن دىسە. نەزەر مۇفتى دەپ ئاتالغان بۇ دوستىڭىز مىنىڭ ئۈرۈمچىدىكى بىر تاغامغا ئاجايىپ ئوخشايدىكەن...لىكىن مەن ئات ئەمەس ماشىنا ئالغانىدىم. ئەڭ قىزىق بولغىنى مىنىڭ بۇ تاغامنىڭ ئىسمى سىز بىلەن ئوخشاشكەن. ئۇنىڭغا بىر خەت يازغانىدىم، كۆرۈپ باقسىڭىز.سىزنىڭكىگە يەتمەيدۇ . لىكىن توغرا كەپ قالدى....ماشىنا دىگەن نىمىدۇ دەپ قالماڭ! ماشىنا بىزنىڭ دەۋرىمىزدىكى ئات. ئاتچۇ دىسىڭىز ھازىر ئات پەقەت گۆش. ------------------------------------------------------------------------------ سالامنامە ياخشىمۇسىز ئەھمەدكا سالامەتمۇ تېنىڭىز؟ مەندەكلەرنى راسا كوملاپ توملانغاندۇ يېنىڭىز؟ سۆزۈم كۆپكەن ئويلىسام تىلىغۇنغا ئەپسىزكەن، شۇڭا سىزگە خەت يازدىم،قېنى ئوقۇپ كۆرسىڭىز. يۈزمىڭ يۈەن پۇلۇمغا ئەۋەتىپسىز بىر پىكاپ، چوڭ چاتىغى يوق ئىكەن كىچىكلىرى بىھىساپ، پاكىتى يوق دەپ قالماڭ تەپسىلى سۆزلەپ بېرەي، پېقىر سىزگە ئىشىنىپ چەكتىم نۇرغۇن ئىزتىراپ. مەندىن بەكراق ئالدىراپ خوتۇن بىلەن بالىلار، كۈتۈپ بىر ئاي بولغاندا ئاران كەلدى ماشىنا. دىدىم ئەمدى ھەيدەشكە نىسىپ ئىتىپتۇ ئاللا، ئەمدى راھەت سۈرىمەن كىچىككەنگە مەيلىلا. ئاچقۇچ سالدىم پىكاپقا ئېغىزىمدا بىسمىللا، شۇنچە كۈچەپ تولغىدىم ئوت ئالمىدى زادىلا. مىڭ يالۋۇرۇپ رىمونتچى كەلدى ئىشىك ئالدىغا، ئەسلى چوڭ چاتاق يوقكەن توك تۈگەپتۇ پەقەتلا. ئۇيان بۇيانغا چېپىپ ئۈسكۈنىلەر تەل بولدى، ئون بەش مىنۇت ھەپلىشىپ مەسىلىمۇ ھەل بولدى. ئاز بولسىمۇ كەتتى پۇل ،ئوڭشالمىدى بىكارغا، بەك جاپادا پۇل تاپقاچ قورساق كۆپتى يەل بولدى. ئوت ئالدۇردۇم بىر سائەت ئىسسىمىدى پەقەتلا، تالادىن ئۆتە سوغۇق گويا توڭلاتقۇدەكلا، يەنە كىلىپ بەش مىنۇتتائوڭشىۋەتتى رىمۇتچى، مەن ئازاپتا،ئۇ خوشال، پۇلنى ئىتتىك تاپقانغا. كۆپ جاپا ،ئاز پۇل كىتىپ،ماڭدى ئاخىر بۇنىجىس، كەلدى شۇنداق ئاچچىقىم ،چىشلىرىم غىرىچ-غىرىچ. ئەمدى مەلە ئىچىدىن قايرىلسام چوڭ كوچىغا، توختىۋالدى كاساپەت كاپوتىدىن يېنىپ ئىس. رىمونتچىنى چاقىردىم يەنە كىلىپ ئوڭشىدى، بۇ ئىش قىيىن ئىكەن دەپ غۇدۇرىدى،كوڭشىدى. ئۆتتى ساپساق بىر سائەت زىمىستان قىش سوغۇقتا، ئوڭشالغىچە ماشىنا پېقىر راسا توڭلىدى. ھەيدەپ يەنە سەۋر قىپ يول بەنتىگە كەلگەندە، قىزىل چىراغ ئاستىدا ئۆچىۋالدى ئۇ يەنە. توختىۋالدى يول توساپ مىنى قويۇپ ئەلەمگە، سەۋر قىلدىم كۆنۈپ قالغاچ ئۇشبۇ زۇلۇم سىتەمگە. سۆرىگۈزۈپ نىجىسنى ئوڭشاتقىلى ئاپاردىم، زىيان بولغاچ قاتمۇقات،جىلە بولدۇم ئاقاردىم. ئەھمەتشاھنىڭ ئېتىمۇ ئەۋزەل ئىكەن بۇنىڭدىن، گەر پىيادە بولساممۇ بۇنىڭدىن تېز ماڭاردىم. خېلى ۋاقىت ئۆتكەندە پىكاپ يەنە ‹‹ئوڭشالدى››، بۇمۇ ئاسان ئىشمەسكەن يانچۇق يەنە ‹‹ئوڭشالدى›› ئەرزانراق بولسۇن دىسەم ئۇنىمىدى رىموتچى، پۇلنى تولۇق بەرگەندە،ئان قاپىقى ‹‹ئوڭشالدى››. قېنى چىداپ باقاي دەپ ھەيدەپ باقتىم بىر ھەپتە، بۇزۇلدى ئوتتۇز بەش قېتىم،يەنە ھەرخىل سەۋەپتە. پىيادە ۋاقىتلىرىم ياخشىكەن بىلمەپتىمەن، مونۇ نىجىس نەرسىنى ئالدىم قايسى ھەۋەستە. ساتاي دىدىم ئاخىرى ئېلىپ چىقتىم بازارغا، مىڭ يالۋۇرۇپ ئەللىكمىڭغا توختىدى ئاخىر باھا. رىمۇنت ھەققى قوشۇلۇپ زىيان قىپتۇ ئاتمىشمىڭ، مەندىن ئالغان بۇ بىچارە ئەمدى قانچىگە ساتا؟ ئۇرۇق توققان يۈزىنى قىلمىدىڭىز ئەھمەتكا. يەۋالدىم دىگەن بىلەن كۆرۈپ تۇرىدۇ خۇدا. بۇنداق ئەلنى قاخشىتىپ ھارامدىن پۇل تاپقىچە، دىۋانە بوپ تىلەپ يەڭ قىلىمەن دىمەي سودا. سالام خەت بولدى تامام، ئەسسالاتۇ ۋەسسالام، كۆرۈشەرمىز بىر كۈنى مەركەزگە بېرىپ قالسام. --------------------------------------------------------------------------- مايماق ئىجادىيىتى

Suchi

	ئەخمەتشاھ قارىقاشى ئات توغرىسىدا ساتىرا يازغان كىشى شۇمۇ؟شېئىرنى ياخشى يېزىپسىز.سەمىمى تەكلىپ: شېئىرىڭىزنىڭ قاپىيىلىرىنى يەنىمۇ تەڭشەشكە توغرا كېلىدىكەن.يەنە بىر مەسىلە ئىملادا خاتالىق سەل كۆپكەن.شۇڭا شېئىرىڭىزنى تېخىمۇ مۇكەممەل قىلىش ئۈچۈن يەنە كۆپرەك ئويلىنىپ ئايرىم كوپلېتلاردىكى زورمۇ-زور يېزىلىپ قالغان ۋە ياكى قاپىيەگە تازا چۈشۈپ كەتمەيدىغان يەرلىرىنى ئوڭشىۋالسىڭىز،سۆزلەرنىڭ ئۆلچەملىك(يەرلىك شىۋىنى ھىساپقا ئالمىغاندا)بولشىغا دىققەت قىلسىڭىز.مېنىڭ پەرىزىمچە سىز خوتەنلىككەن،يەنە كېلىپ كېرىيەلىكمۇ(بىلمىدىم پەرىزىم توغرىمۇ خاتا).

mosajan0997

	ھاھاھاھا... نىمانداق قىزىقارلىق دەيمەن ،شۇ پەدىگە نەق چۈشۈپتۇ... بۇ ئەسىرىڭىزنى يۆتكەشلەرگە قۇشۇلسىڭىز مۇشۇنداق ماشىنا ھەۋەسكارلىرىغا بىر ئىبرەت قىلىپ قويساقمۇ بولغىدەك....

mosajan0997

	ئۆز ۋاقتىدا مەنمۇ5-10 يىللارنىڭ ئالدىدابىر كونا موتونى ئېلىپ سىزدەك دات دەپ كەتكەن... دادام -ئاپام،بالام تۈمۈرنىڭ كونىسىنى ئالما دىسە ئۇنىماي ئاپتىكەنمەن... كىيىن ئۆيلىندىغان چاغدىمۇ شۇنداق بۇلۇپ ،شۇنداق بولغان ،ئەمدى ئۇلارنىڭ رازىلىقىنى ئېلىپ ئالمىسام زادى...ھاھاھا....

monix

	mosajan0997 يوللىغان ۋاقتى  2012-1-4 11:20 AM ئۆز ۋاقتىدا مەنمۇ5-10 يىللارنىڭ ئالدىدابىر كونا موتونى  ... ۋوي قېرىندىشىم  ،موتونىڭغۇ كونىسنى ئاپتىكەنلا ،،خۇتۇننىڭمۇ كونىسىنى ئالمىغان بولغىتتىلا چاقچاق ھە

huxqahqah

	نىمانداق قىززىق يېزىۋەتتىڭىز راسلا كۈزۈمدىن ياش چىقىپ كەتتى راس قۇمۇ ما گەپ   رەخمەت يەنىمۇ تىرىشىڭ

mosajan0997

	monix يوللىغان ۋاقتى  2012-1-4 11:28 AM ۋوي قېرىندىشىم  ،موتونىڭغۇ كونىسنى ئاپتىكەنلا ،،خۇتۇ ... ھاھاھاھا.... دوستەك ،قالغىنىنى بىر ئۈزەم بىلىمەن،بۇرۇن بىر نەچچە تىمامدا دەپ بولغان ،شۇڭا كونا خاماننى سۇرىۋەرمەي....ئويلاپ باقسام ئىچىمنى ئاچچىق قىلغاندىن بۇمۇ بىر سىناقتۇ بەلكىم دىگىنىم سەل ياخشىراقكەن...

mahbusman

	كۈلگىدەك تېمىنىمۇ كۆرىدىكەن كىشى مىسرانىمدا،رەھمەت بۇرادەر.

خوندەك

	يازغان ئىدى ئەخمەتشا، مۇخەممەستىن ساتىرا، سىز يېزىپسىز تۆكتلىكتىن،ئاڭا ئوخشاش كاتىرا. سىز دىگەن شۇ ماشىنا، ئەجەپ ئوخشاپتۇ شۇ ئاتقا، ۋىجۇدا ئىشلەنگەنمۇ سىز ئوينىغان ئۇ ماشىنا. يالغان نەدە، جا نەدە؟ سىز -بىز ئوينىغان يەردە، بۇ زامان شۇنداق زامان، بار ساققا يالغان ئاشىنا.

OTYAK

	مەزمۇنى چىن ئىكەن. شېئىرنىڭ رىتىمىدا سەل مەسىلە بار. قايتا ئىشلەپ باقسىڭىز كارامەت ساتىرا بولغۇدەك رەھمەت !