بۈگۈن مەن ئىلگىرىكىگە ئوخشىمايمەن

kapsizparixta

	بۈگۈن مەن ئىلگىرىكىگە ئوخشىمايمەن بۈگۈن مەن ئىلگىرىكىگە ئوخشىمايمەن ، مەن شۇنى تونۇپ يەتتىمكى ، ئادەم ئەمەلىيەتتە ئۆز ئىدىيەسىنىڭ بېقىندىسى ئىكەن . شۇڭا مەن ئۆز ئىدىيەمنىڭ خوجايىنىغا ئايلىنىپ ، ئىدىيەمنى شادلىققا ۋە ئۈمىدكە تولدۇرىمەن . تۇرمۇشتىكى تۈرلۈك قولايسىزلىقلاردىن خاپىغان بولماي ، تۇرۋاتقان مۇھىتنىڭ قۇربانىغا ئايلىنىپ كەتمەي ، غەم - خاپىلىقنى كاللامدىن نېرى قىلىپ ، ئۈمىدۋارلىقنى ئۆزۈمگە ھەمراھ ، مۇۋەپپەقىيەتنى ئۆزۈمگە بەلگە قىلىمەن . بۈگۈن مەن ئىلگىرىكىگە ئوخشىمايمەن . مەن شۇنى تونۇپ يەتتىمكى ، ۋاقىت ئەڭ قىممەتلىك بايلىق ئىكەن . شۇڭا مەن كېلىدىغان ھەربىر كۈننى ، ھەربىر مىنۇتنى قەدىرلەپ ، قانائەتسىزلىك ، خاپىغانلىق ، بىزارلىق ، ھورۇنلۇققا ئوخشاش ناھار ئىللەتلەرنىڭ قەلبىمنى چىرمىۋېلىشىغا يول قويمايمەن . بۈگۈن مەن ئىلگىرىكىگە ئوخشىمايمەن . مەن شۇنى تونۇپ يەتتىمكى ، بۈگۈن بىرلا قېتىم كېلىدىكەن ، ئۇ كەتسە مەڭگۈ قايتىپ كەلمەيدىكەن . شۇڭا مەن بالىلارچە خۇشاللىق ۋە باتۇرلارچە جاسارەت بىلەن بۈگۈننى چىڭ تۇتۇپ ، ئۇنى ھاياتىمدىكى ئەڭ ئاخىرقى بىر كۈندەك قەدىرلەپ ، ئۇ تېخى قولۇمدىن كەتمەستە سۆيگۈ - مۇھەببەت بىلەن ئۇنى بېزەيمەن . بۈگۈن مەن ئىلگىرىكىگە ئوخشىمايمەن . مەن شۇنى تونۇپ يەتتىمكى ، يىقىلىش قورقۇنۇچلۇق ئەمەسكەن . قورقۇنۇچلۇقى ئورنىدىن قايتا تۇرالماسلىق ئىكەن . شۇڭا مەن ھاياتىم ئىبرەت بىلەن تولغان تەقدىردىمۇ ،ئىلگىرىكى سەۋەنلىكلىرىم بىلەن ئۆزۈمنى چۈشەپ قويمايمەن . تۇرمۇشۇمدا مەغلۇبىيەت سايە تاشلاپ تۇرغان تەقدىردىمۇ ، ئىلگىرىكى ئوڭۇشسىزلىقلىرىم بىلەن ئۆزۈمنى چۈشكۈنلەشتۈرۈپ قويمايمەن . بەلكى ئۇلاردىن ساۋاق ئېلىپ ، كەمچىلىكلىرىمنى تۈزىتىمەن . بۈگۈن مەن ئىلگىرىكىگە ئوخشىمايمەن ! مەن شۇنى تونۇپ يەتتىمكى ، مۇھەببەتسىز ئادەم پۈتۈن دۇنياغا ئىگە بولغان تەقدىردىمۇ ھامان نامرات بولىدىكەن ؛ مۇھەببەتلىك ئادەم گاداي بولغان تەقدىردىمۇ ، يەنىلا باي ھېسابلىنىدىكەن . شۇڭا ، مەن ئۆزۈم سۆيگەن ۋە مېنى سۆيگەنلەرگە جاۋاب قايتۇرىمەن . ھېرىپ - چارچىساممۇ ئۆيۈمدىكىلەرگە ھەمراھ بولىمەن . ئىشىم ئالدىراش بولسىمۇ ، ۋاقىت چىقىرىپ دوستلىرىم ، خىزمەتداشلىرىم بىلەن بىردەم - يېرىمدەم مۇڭدىشىمەن ، ئەسرالىشىمەن ... قىسقىسى ، بۈگۈن مەن ئىلگىرىكىگە ئوخشىمايمەن ! 2010-يىللىق 5- سان ‹‹ ھاياتلىق ›› ژۇرنىلىنىڭ مۇقاۋا بېتىدىن ئېلىندى. كومپىيوتىر ئالدىدا : لەيلى

lostba

	رەسىمىڭىز ئۆزىڭىزدەكلا چىرايلىق تىمىڭىز ئۆزىڭىزدىمۇ چىرايلىقكەن

yawayi-0998

	ۋاي ياخشى گەپلەر... ھاياتى  ئوڭۇشسىزلىققا  خاپىلىققا تولغانلار ئوقىسا  تەسەللىي بولغۇدەك ھەم  نىزام  قىلغۇدەك گەپلەركەن .. رەھمەت جۇمۇ ...:qiray19

kapsizparixta

	lostba يوللىغان ۋاقتى  2012-1-3 08:23 PM رەسىمىڭىز ئۆزىڭىزدەكلا چىرايلىق تىمىڭىز ئۆزىڭىزدىمۇ  ... خۇددى مىنى كۆرگەندەكلا ئىنكاس يىزىپسىزغۇ ؟

peyaz

	كەمپىيتۇر ئالىدا جىقراق ئولتۇرۇپ ياخشى ئەسەرلەرنى يوللاپ بىزنى تەمىن قىلغايسىز !!

Eltekin

	مەن بۈگۈن ئىلگىرىكىگە ئوخشىمايمەن _ بىز شۈنچىلىك «ئالدىراش» ئىكەنمىزكى، ھاجەتمەنلەرنىڭ ئىشىغا چولىمىز پەقەتلا تەگمەيدۇ؛ ئاتا-ئانىمىزنىڭ قېشىغا بېرىپ كېلىشكە ۋاقىت يار بەرمەيدۇ؛ يەنە ..........    ئەمدى، تېلېۋېزور كۆرۈپ، ھەددىدىن زىيادە تور كۆرۈپ، ئىشخانىدا پاراڭ سېلىشىپ ياكى كۆپتىن كۆپ ئورۇنلاشتۇرۇلغان سورۇنلاردا ئولتۇرۇپ ئۆتكۈزگەن ۋاقتىمدىن بىر «شىڭگىل» نى پۇشمانسىز بولۇش ئۈچۈن ئىشلىتىمەن.

MILYONIR

	kapsizparixta يوللىغان ۋاقتى  2012-1-3 08:30 PM خۇددى مىنى كۆرگەندەكلا ئىنكاس يىزىپسىزغۇ ؟ ھەقىقەتەن شۇنداق تۇرمامدۇ

urhunbaturi

	بەك ياخشى ئەسەركەن ، بولسا كۈندە بىر ئۇقۇپ تۇرساق رۇھىي ھالىمىزغا بەكمۇ پايدىلىق .

kapsizparixta

	MILYONIR يوللىغان ۋاقتى  2012-1-3 08:43 PM ھەقىقەتەن شۇنداق تۇرمامدۇ ھا ھا ھا....قىززىق گەپ قىلىدىكەنسىز ، ئۇ مەن ئەمەس !

kunsanap

	راست بۈگۇنكىگە  ئوخشىمايدىكەنسىز !!!:qiray18 ياخشىكەن ،،، تۇرمۇش نىزامى قىلۋالسىمۇ بولغۇدەك!! رەخمەت!