مىنىڭدىن ئايرىلساڭ قانداق قىلارسەن

yalkun085

	بىر ئاتىنىڭ تىلىدىن . <<بالام >>...دەپ ياشايمەن دۇنيادا ،بالام ، مىنىڭدىن ئايرىلساڭ قانداق قىلارسەن ؟ بىر سەندىن يوق ئۆزگە مىنىڭدە كالام ، مىنىڭدىن ئايرىلساڭ قانداق قىلارسەن ؟ تۆرەلدىڭ دۇنياغا، شاتلاندىم چەكسىز ، پەرزەنت ئۇ ئىنساننىڭ دىل بېغى ، شەكسىز . ئالقاندا ئۆستۈڭسەن ئەركە ۋە كەپسىز ، مىنىڭدىن ئايرىلساڭ قانداق قىلارسەن ؟ بوينۇمغا مىندۈردۈم ، يەسلىگە چاپتىم ، سەن ئۈچۈن كەڭ قوللۇق مۇرەببە تاپتىم . ھەرجايدا ماختاندىم، ئەيىبىڭنى ياپتىم ، مىنىڭدىن ئايرىلساڭ قانداق قىلارسەن ؟ كۈنلەرنى ئۆتكۈزدۈم سەندىن يەپ ۋايىم ، يىقىلساڭ يۈلىدىم ئەنسىز مەن دائىم . سايەمدە ياشنىدىڭ،كۈلدى مۇرادىم ، مىنىڭدىن ئايرىلساڭ قانداق قىلارسەن ؟ مەكتەپكە تەڭ باردىم،جىلتاڭنى ئېسىپ ، ساقلىدىم تالادا بوينۇمنى قىسىپ . ئاناڭمۇ تەڭ كەلدى ئىزىمنى بېسىپ ، مىنىڭدىن ئايرىلساڭ قانداق قىلارسەن ؟ مەكتەپتىن ئۆمچىيىپ كەلسەڭ ،مەن تاشتىم، سەن ئۈچۈن تالايلار بىلەن تاقاشتىم . ھەتتاكى ئۇستازىڭ بىلەن مۇشتلاشتىم ، مىنىڭدىن ئايرىلساڭ قانداق قىلارسەن ؟ ئىمتاھان باشلانسا مەن سەنچۈن بىدار ، ھەل قىلدىم پۇل بىلەن بولسا ، نەدىشۋار . سۇئالغا جاۋاپلار قىلدىم ھەم تەييار ، مىنىڭدىن ئايرىلساڭ قانداق قىلارسەن ؟ ھاشاردەك تۈگەتتىڭ ئالىي مەكتەپنى ، بەش يىلدا تارتتىم مەن ئۆمۈرلۈك دەرتنى . دىپلومسىز قايتساڭمۇ چوڭ قىلدىم گەپنى ، مىنىڭدىن ئايرىلساڭ قانداق قىلارسەن ؟ خىزمىتىڭ بولمىسا كىلەمدۇ ئۇيقۇم ، ئوخشىدى پىداكار جەڭچىگە تۇرقۇم. رەھبەرنىڭ يۇلىدا كۈندە پوس تۇردۇم... مىنىڭدىن ئايرىلساڭ قانداق قىلارسەن؟ ھەل بولدى ئاقىۋەت خىزمەتمۇ ساڭا ، يار بولدى ياش تۇرۇپ پىنسىيە ماڭا . نە ئىشلار كىلەركىن بۇندىن كىيىن تاڭا ! مىنىڭدىن ئايرىلساڭ قانداق قىلارسەن ؟ پۈتەمدۇ شۇ بىلەن غەملىرىڭ تېخى ، ئاناڭنىڭ ئارمىنى - تۇيۇڭ خوشلۇقى . ئېلىندى سەن ئۈچۈن قوشنامنىڭ بېغى ، مىنىڭدىن ئايرىلساڭ قانداق قىلارسەن ؟ چىرايلىق ئۆي سالدىم تۇيۇڭغا ئاتاپ ، بىزىدى ھوجراڭنى ئاناڭ پايپاسلاپ . ھەركىمگە يالۋۇردۇم قەرىز سۇراقلاپ ، مىنىڭدىن ئايرىلساڭ قانداق قىلارسەن ؟ تېپىپسەن بىكارچى جۆرىدىن بىرنى ، (ئاۋۋال قوي ، تويدىن سوڭ بورىدىن بىرنى ). ئېيتايمۇ دەرتلەرنىڭ مىڭدىن بىرىنى ... مىنىڭدىن ئايرىلساڭ قانداق قىلارسەن ؟ تۇيۇڭنى قىپقويدۇق دۆڭگە - داراستا ، ئاقىۋەت يۆگىنىپ قالدۇق پالاسقا . قەرىزنىغۇ تۈلەرمىز جان بولسا،ئاستا ، مىنىڭدىن ئايرىلساڭ قانداق قىلارسەن ؟ نەۋرىمۇ قۇچتۇق بىز ، ئارمانغا يىتىپ ، باقىمىز ھاپاشلاپ،يا تە-تە ئىتىپ . غېمىڭدە يەنە بىز ، ئۇيقۇسىز يېتىپ ، مىنىڭدىن ئايرىلساڭ قانداق قىلارسەن ؟ سىناقتىن ئۈتەلمەي <<ئىشسىز >> بوپ كەتسەڭ ، مەن قانداق كۆز يۇماي ، رىيازەت چەكسەڭ . ئاناڭغۇ يىغلايدۇ <<مەن بالدۇر كەتسەم>> ، مىنىڭدىن ئايرىلساڭ قانداق قىلارسەن ؟ زامانغا باب ئىنسان بۇلالمىدىڭ سەن ، تۈگىتىپ بىر كىتاب ئۇقالمىدىڭ سەن . يارىتىپ بىر ئىشنى قىلالمىدىڭ سەن ، مىنىڭدىن ئايرىلساڭ قانداق قىلارسەن ؟ ئەقىل تاپ ئوغلۇم ،بۇ ھەسرەتنامىدىن ، رۇسلىنىپ ، ئاتاڭنى خالاس ئەت غەمدىن . كۈتەرمەن يىڭىچە خىسلەت نەۋرەمدىن ، مىنىڭدىن ئايرىلساڭ قانداق قىلارسەن ؟ بالام دەپ ياشىدىم دۇنيادا ،بالام ، غېمىڭدىن يوق ئۆزگە ئاتاڭدا كالام . ئويلىسام كۆپ ئىكەن باشتىلا چالام ، مىنىڭدىن ئايرىلساڭ قانداق قىلارسەن ؟ مەنبە : جۇڭگۇ مىللەتلىرى ژورنىلى .

lostba

	مەن كۆيەرمەن بالامغا، بالام كۆيەر بالىسىغا

nurjula

	بەك ياخشى شېئىر ئىكەن، دىمىسىمۇ ھازىرقى ياشلارنىڭ ئاتا ئانىغا بېقىنىۋىلىش پىسخىكىسى بەك ئېغىر! رەھمەت سىزگە!

azeza

	ئاتا -ئاندا بالىنىڭ غېمى ،بالىدا ئۇيۇنىڭ ،كەيېپ ساپانىڭ غېمى.

سۇمەييا

	ياخشى شېئىر ئىكەن، رەخمەت

nazigul8

	بۇ شېئىردىن بالىنىڭ ئاتا-ئانىسىغا بېقىنىش ئىدىيىسىنىڭ قانداق شەكىللىنىدىغانلىنىمۇ كۆرگەندەك بولدۇم، بالىلارنىڭ كىچىكىدىنلا باشلىدىغان ئائىلە تەربىيىسىنىڭ، مەكتەپ تەربىيىسىدىنمۇ مۇھىم ئىكەنلىگىنىمۇ ھىس قىلغىلى بولىدىكەن. نىمە تەرسەڭ شۇ ئۈنىدۇ، دىگەندەكلا.

xjhiyal.com

	ھەي بالىدىگەن ئاتا-ئانىلارغا خاپىلىق ئەكىلىشتىن باشقىنى بىلمەيدىكەنمىز........

zul.ay1

	:qiray19:qiray19:qiray19

Nidarim

	دىمىسىمۇ ھازىرقى ياش-ئۆسمۈرلەرنىڭ كۆپىنچىسى ھەشقىپىچەكتەك ئاتا-ئانىسىغا تايىنىپلا ياشىماقتا..

dilnaz-ay

	ھەممە ئاتا- ئانا بالىسىغا كۆيىدۇ، لېكىن بىر قىسىم ئاتا-ئانىلار بالامنى بەك چوڭ كۆردۈم دەپ مەيلىگە قويۇپ بېرىپ ئاخىرى شېئېردا تەسۋىرلەنگەندەك ئاقىۋەتكە دۇچار بولۇپ قالىدۇ...