ئەنسىرەيمەن

kapsizparixta

	ئەنسىرەيمەن بەزىلەرنىڭ باشقىلارغا ھاكاۋۇرلۇق قىلىۋاتقىنىنى كۆرسەم "شۇ ھاكاۋۇرلۇق ئۆزىنىڭ بېشىغا چىقمىغىيدى" دەپ ئەنسىرەيمەن.    بەزىلەرنىڭ ھەددىدىن زىيادە ئازاپلىنىپ كېتىۋاتقانلىقىنى كۆرسەم"ئۇلار ئۆزىنى يوقىتىپ ،ھاياتىنى نابۇت قىلىۋېتەرمۇ"دەپ ئەنسىرەيمەن. باشقىلارنىڭ كۆڭلىگە ئازار بەرگەنلەرنى كۆرسەم"ئۇلارمۇ كەلگۈسىدە ئازار يەپ قالارمۇ؟"دەپ ئەنسىرەيمەن. بەزىلەرنىڭ غەمسىز،خوشال ھالىتىنى كۆرسەم"بۇ كۈنلەرمۇ ئۆتۈپ كېتەرمۇ"دەپ ئەنسىرەيمەن. بەزىلەرنىڭ ئاتا- ئانىسىنى قاقشىتىۋاتقانلىقىنى كۆرسەم"ئەتە قىيامەت-قايىم بولارمۇ؟"دەپ ئەنسىرەيمەن. باشقىلارنىڭ ئېغىر كۈندە قالغىنىنى كۆرۈپمۇ،ئۇلارغا ياردەم قولىنى سۇنمىغانلارنى كۆرسەم"ئۇلارنىڭمۇ بېشىغا مۇشۇنداق كۈنلەر كېلىپ قالارمۇ"دەپ ئەنسىرەيمەن. ئىنساننىڭ زىننىتى بولغان كىيىمنىڭ بەدەنلەردە ئازلاپ كېتىۋاتقانلىقىنى كۆرسەم"بەزى ئىنسانلار ھايۋانغا ئۆزگىرىپ كېتەرمۇ"دەپ ئەنسىرەيمەن. دوستلىرىمنىڭ كىتاب كۆرگەچ ناخشا ئاڭلاۋاتقانلىقىنى كۆرسەم"كەلگۈسىدە خەلقىم مەرىپەت خۇمار خەلق ئەمەس،مەشرەپ خۇمار خەلققە ئايلىنىپ كېتەرمۇ" دەپ ئەنسىرەيمەن. بەزى ياشلىرىمىزنىڭ ئويۇن-تاماشا ھەلەكچىلىكىدە ئالدىراش ئىكەنلىكىنى كۆرسەم"ئۇلار كىتاب كۆرۈشكە ۋاقىت چىقىرالماي،ئاخىرى ئۆزىنى ئويۇنچۇق قىلىۋېتەرمۇ؟"دەپ ئەنسىرەيمەن. ئوقۇتقۇچىلارنىڭ خاتالىق ئۆتكۈزگەن ئوقۇغۇچىسىغا يۈرەكلىك ھالدا تەنبىھ بېرەلمىگەنلىكىنى كۆرسەم"ئۇلار خاتالىق پاتقىقىغا يەنىمۇ چوڭقۇر پېتىپ كېتەرمۇ؟"دەپ ئەنسىرەيمەن. ئوقۇغۇچىلارنىڭ تۈرلۈك ئىمتىھانلاردىن قورقۇۋاتقانلىقىنى كۆرسەم"ئۇلار ھاياتلىقنىڭ بىر ئىمتىھان ئىكەنلىكىنى بىلمەي قالارمۇ!"دەپ ئەنسىرەيمەن. بىرەر ئىشنى قىلماقچى بولۇپ،ۋاقىت يەنە بارغۇ دەپ تاشلاپ قويغانلارنى كۆرسەم  "كۈنلەرنىڭ بىرىدە  شۇ بىھۇدە ئۆتكۈزگەن ۋاقىتنىڭ سورىقىغا دۇچ كېلىپ قالارمۇ؟"دەپ ئەنسىرەيمەن. مەنبە:<< تارىم غۇنچىلىرى>> دىن ئېلىندى.

azeza

	مەنمۇ دائىم   دۇنيادا بۇلىۋاتقان بەزەن ئشلارنى كۆرۈپ مۇشۇ ئىشلار مىنڭ بېشىمغا كىلىپ قالارمۇ دەپ ئەنسىرەيمەن.

dilbar

	مەن ئەنسىرگەن ئىشلار ئاخىرى يۈز بەردى.

Eltekin

	ھەددىمىزدىن ئېشىپ تاماقلارنى چەكتىن ئاشۇرۇپ يەپ، ئىسراپ قىلىپ تاشلىغىنىمىزدا ... بىر ۋاقلىق غىزا ئۈچۈن زار يىغلاپ، جاننى ھەلقۇمغا ئالىدىغان كۈن كېلىپ قالارمۇ دەپ ئەنسىرەيمەن !

maymah

	مەن ئارزۇلىرىمنىڭ ئارزۇ بوپ قېلىشىدىن ئەنسىرەيمەن

OZTURK02

	ئارمانغا چۇشلۇق دەرمان يوق .....................

ئىپارە

	مەن   پەقەت  دادامدىن  ئەنسىرەيمەن! ئاللادىن ئۇنۇڭغاياخشىلىق،  ھىدايەت،ئومۇر ،خاتىرجەملىك تىلەيمەن!    نىمىشقىدۇر  كوزۇمگەياشلار   كىلىپلا تۇرىدۇ.ئى   ئاللا  مەن چىدىماي قىلىۋاتىمەن  ،  مەن    زادى  قانداق قىلسام بولار؟

娜紫拉

	ھەقىقەتەن  دۇرۇس  سۆزلەر    بۇئالەم  ئۆتنە ئالەم  .........لەيلى     مەژنۇننى  قەدىرلەڭ    ھەھ  :qiray13:qiray13:qiray13:qiray13

مامكاپ

	ئىپارە يوللىغان ۋاقتى  2012-1-2 06:30 PM مەن   پەقەت  دادامدىن  ئەنسىرەيمەن! ئاللادىن ئۇنۇڭغاياخ ...

subihan

	كىشىلەر ھامان  ئەنسىرەپلا ئۆتىدۇ ، مەنمۇ شۇنىڭ ئىچىدە .   ھايات مۇساپىسىدىكى تېپىشماقلار بەلكىم ، شۇ ئەنسىرەشلەرنىڭ ئىچىگە يۇشۇرۇنغان بولۇشى مومكىن ؟!