ياپونىيە باشلانغۇچ مەكتەپ ئوقۇغۇچىلىرىنىڭ

komidiya

	ياپونىيە باشلانغۇچ مەكتەپ ئوقۇغۇچىلىرىنىڭ تاپشۇرۇقلىرى ئاز بولۇپلا قالماي، ئىنتايىن قىزىقارلىق. تاپشۇرۇق تۈرىنىڭ ئوخشىماسلىقىغا ئاساسەن تۆت خىلغا ئايرىلىدۇ: 1. ئۆرنەكلەرنى بوياش ۋە رەسىم سىزىش. تۆۋەن يىللىق ئوقۇغۇچىلىرى تاپشۇرۇقتىن ھوزۇر ئالىدۇ، يەنى ئۇلارغا چىشنى چوتكىلىغاندىن كېيىن ئۆرنەكلەرنى تولدۇرۇش (بوياش) تاپشۇرۇقلىرى بېرىلىدۇ. بالىلار ئەتىگەن ۋە كەچتە چىشىنى چوتكىلىغاندىن كېيىن، ئۆرنەكنى تولدۇرۇش ئارقىلىق ئاڭلىق چىش چوتكىلاشتەك ياخشى ئادەتىنى يېتىلدۈرىدۇ. مەكتەپلەر ئوقۇغۇچىلاردىن كۈندىلىك تۇرمۇشىنى رەسىم ئارقىلىق خاتىرىلەش تاپشۇرۇقىنى ئىشلەشنى تەلەپ قىلىدۇ؛ 2. كىتاب ئوقۇش تەسىراتى. ئوقۇغۇچىلارنىڭ كىتاب ئوقۇش ئادىتىنى يېتىلدۈرۈشىگە ئالاھىدە ئېتىبار بېرىلىدۇ. يازلىق، قىشلىق تەتىلدە چوقۇم كىتاب ئوقۇش تەسىراتىنى يېزىش تاپشۇرۇقى بېرىلىدۇ؛ 3. ئەمەلىيەتتىن ئۆتكۈزۈش. ئوقۇتقۇچىلار ئوقۇغۇچىلارغا توردىن ئۆزى تۇرىۋاتقان رايوندا قانچە كىتابخانا، ياشانغانلار ساناتورىيەسى بارلىقىنى تېپىش ياكى ياخشى كۆرىدىغان دوكتۇرلارنى تونۇشتۇرۇش قاتارلىق تاپشۇرۇقلارنى بېرىدۇ؛ 4. ئاتا-ئانىلارنىڭ بالىلارنى چۈشىنىشىنى ئىلگىرى سۈرۈش. باشلانغۇچ مەكتەپ ئوقۇغۇچىلىرىنىڭ تاپشۇرۇقىدا «ئاتا-ئانىلار بىلەن ئالاقىلىشىش خاتىرىسى» دېگەن مەزمۇن بولۇپ، بالىلار ئاتا-ئانىسىنىڭ سۆز ۋە ھەرىكىتىدە بايقىغان ھەم ھېس قىلغانلىرىنى خاتىرىگە يېزىپ، چوڭلارنىڭ پىكىر يېزىشىغا بېرىدۇ. ئوقۇغۇچىلارنىڭ كۆپ خەت يازىدىغان تاپشۇرۇقلىرى ئاز، ئوقۇغۇچىلارنىڭ روھىي بېسىمىنى ئېغىرلىتىۋەتمەسلىك ئۈچۈن ئوقۇتقۇچىلار تاپشۇرۇق بەرسە، «ۋاقتىڭلار بولسا ئىشلەڭلار، بولمىسا ئىشلىمىسەڭلارمۇ بولىدۇ» دەپ ئەسكەرتىدۇ، چۈنكى ياپونىيە مائاراىپچىلىرى ئونۋېرسال ساپانى يېتىلدۈرۈشنى مۇھىم دەپ قارايدۇ.                                                                                                   مەنبە:  ــــ شىنجاڭ قانۇنچىلىق گېزىتى

peyaz

	يۇقارقى تاپشۇرۇقلار ھەقىقەتەن بالىلارنىڭ زىھنىنى ئاچىدىكەن !!

sazguri

	بولدىلا مۇشۇ مائارىپ توغرىسىدا سۆزلىمەي جىمۇ مەن .

Zulpikar

	باشلانغۇچتا : باشلانغۇچ مەكتەپ ئۇقۇغۇچىلار قائىدىسىنى تولۇق، ماددىلارنى ئارلاشتۇرىۋەتمىگەن ئاساستا يادىلاش.سەككىز شەرەپ سەككز نۇمۇسنى ئۈنلۈك قىلىپ ئەتىگەنلىك مۇزاكىرىدە ئوقۇش، يالاڭ قاپاقلىق كۆز ئەينەك بىلەن چاچ ئارقىلىق ئەمىلىنى پەرەز قىلغىنى بولىدىغان كىشىلەر كىرگەندە گالاستۇكنى قىرلاپ تاقاپ، ئىككى قولنى كەينىگە قىلىپ مەردانە قىياپەتتە ئولتۇرۇش. قوللىرىمىزغا چىۋىق بىلەن ئۇرۇپ كۆكەرتىپ تۇرىدىغان ئوقۇتقۇچىنىڭ ئىللىق چىرايىغا قاراپ تېكىستلەرنى ئۈنلۈك قىلىپ ئوقۇش، دائىملا ‹جاڭتەي›نىڭ ئالدىدا تۇرىدىغان توم چىۋىقلارنى شۇنداق كۈنلەردە تاپقىنى بولماي قالاتتى دە..... تولۇقسىزدا : ئىتىپاق ئەزاسى بولۇش ئۈچۈن ھەپتىنىڭ يەتتە كۈنىدە تولۇقسىز مەكتەپ ئوقۇغۇچىلار قائىدىسىنى ئولۈك قىلىپ يادىلاش، ئۆتۈلگەن ئۆلۈك دەرىسلەرنىڭ تاپشۇرۇقلىرىنى قويماي ئىشلەش.(ياكى سەھەر كېلىپ كۆچۈرۈش) ئىچىمىزدە مىڭنى تىللايدىغان مۇئەللىملەرنى كۆرگەندە ھىجىيىپ تۇرۇپ سالام بېرىش...... تولۇق ئوتتىرىدىكىسى سىلەرگە قالدى..

esyankar75

	تولۇق ئوتتۇرىدا 3 يىل تولۇق ئالىي مەكتەپ ئېنتىھانى... ئالىي مەكتەپ ئەمەلىيىتى ئاز بولغان تۈگىمەس نەزەرىيەلەر ، ئەڭ ئالىي ھۆكۈمران ئوقۇش نۇمۇرلىرى....ئاخىرى چىقماس ئولتۇرۇش...

سەۋېر

	ياپونىيە مائاراىپچىلىرى ئونۋېرسال ساپانى يېتىلدۈرۈشنى مۇھىم دەپ قارايدۇ---مانا بۇ گەپنىڭ نەخ مېغىزى.

ramu

	ھەي بىزمۇ  قاچان شۇنداق باللارنىڭ ئۇنۋىرسال ساپاسىنى يىتىلدۇرەرمىز!

HAKANXUKUR

	بىز نىڭكىدە بولسا يازما تاپشۇرۇقتىن باش ئالالمايمڭز،ھەي...............، لىكىن بىزنىڭ ئالىملىرىمىزنىڭمۇ ئويلىغىنى بولىشى مۇمكىن جۇمۇ باللا !!!!!!!!!!!!!!!!!!:qiray18:qiray18:qiray13

nazigul8

	بىزنىڭ بۇ يەردە «ۋاقتىڭلار بولسا ئىشلەڭلار، بولمىسا ئىشلىمىسەڭلارمۇ بولىدۇ» دەپ قالسا، ھىچكىم ئىشلىمەيدىغۇ دەيمەن، ھەممىسى، تولا تاپشۇرۇق ئىشلەپ، ئاران تۇرغاندا:qiray13

ABEHAN

	جوڭگۇدا بىزنىڭ باللىرىمىزنىڭ ئۇنۋىرىسال ساپاسىنى يىتىلدۇرۇش قاچان ئىشقا ئاشىدۇ .