مىسرانىم تورى قۇرۇلغانلىقىنىڭ 5 يىللىق كۈنى!

Misranim

	ئەسسالامۇ ئەلەيكۇم.. تور بېكىتىمىز 2004 - يىلدىكى چىننۇرىدىن كېيىن 2007- يىلى 1- ئاينىڭ 1- كۈنى رەسمىي ھالەتتە مىسرانىم نامى بىلەن تورداشلار بىلەن يۈز كۆرۈشۈپ كېلىۋاتىدۇ. مانا بۈگۈن 2012-يىلى 1- ئاينىڭ 1- كۈنى تور بېكىتىمىز قۇرۇلغىنىغا دەل 5 يىل بولغان قۇتلۇق كۈن. بۇ 5 يىل مابەينىدە نۇرغۇن ئىشلار بولۇپ ئۆتكەن بولسىمۇ ،تور بېكىتىمىز ئىزچىل مۇقىم ۋە تەرەققىيات يۆنىلىشىدە مېڭىپ كېتىۋاتىدۇ ھەم ماڭغۇسى. بۇ جەرياندا ئىزچىل قوللىغان باشقۇرغۇچىلار قوشۇنى ھەم يىمىرىلمەس ئىناق بولغان ئەزالار قوشۇنىدىن تەركىب تاپقان مىسرانىم ئۇيغۇر تورچىلىقىدا ئۆزىنىڭ ئورنىنى تېخىمۇ مۇستەھكەملىدى. گەرچە بىر قىسىم باشقۇرغۇچىلىرىمىز تۇمۇش بېسىمى ۋە بىر قىسىم ئىشلار سەۋەبى بىلەن مۇنبەر باشقۇرغۇچىلىق خىزمىتىدىن ئايرىلغان بولسىمۇ ئۇلارنىڭ تۆھپىسىنى  ھەر ۋاقىت ئەسلەيمىز ئەلۋەتتە. بىز مۇشۇ مۇناسىۋەت بىلەن بىزنى قوللىغان،ئىزچىل ياخشى تەكلىب - پىكىرلەرنى بېرىپ كېلىۋاتقان تورداشلارغا چوڭقۇر رەھمىتىمىزنى بىلدۈرىمىز.. بارلىق تورداشلارنىڭ مىسرانىم چوڭ ئائىلىسىدە ئىناق - ئىتتىپاق ھالدا ئۆز ئارا ھەمكارلىشىپ بىر نىيەت بىر مەقسەتتە مىسرانىم تەرەققىياتىغا تۆھپە قوشۇشىنى چىن قەلبىمىزدىن ئۈمۈد قىلىمىز. ______ قىستۇرما: بۈگۈن تورىمىزنىڭ 5 يىللىق قۇتلۇق كۈنى ،، مۇنبىرىمىز سېستىمىسىمۇ مۇۋەپپىقىيەتلىك  ھالدا كۆچۈپ بولدى، تورداشلارغا دەرىسلىكلەرنى بىر بىرلەپ يوللايمىز.شۇنداقلا مۇنبەر ئىشلىتىش قوللانمىسى تۈزۈپ تورداشلار ھوزۇرىغا سۇنىمىز.. يەنە ئېيىتىپ ئۆتۈشكە توغرا كېلدىغىنى بۇ قېتىم بىز مۇنبىرىمىزدىكى تۆھپە قوشقان ھەر بىر ئەزانىمۇ چالا قويمىغان ھالدا تېرىشچان ئەزا دەرىجىسىدىن يۇقىرى بولغان بارلىق ئەزالارغا يوللىغان يازما توردا تۇرۇش ۋاقتى قاتارلىقلارنى ئويلاشقان ھال 1 دىن 2 گىچە ،باشقۇرغۇچى ۋە ئالىي ئەزالارغا 3 گىچە مېدال تارقاتتۇق.. ھەممىمىزنىڭ مىسرانىم قۇتلۇق قەدەملىرى ئاستىدا تېتىك روھ،مەردانە قەدەملەر بىلەن مىسرانىمنىڭ ئەتىسى ئۈچۈن تېخىمۇ كۆپ كۈچ چىقىرىشىنى چىن قەلبىمدىن ئۈمۈد قىلىمىز.. شۇنداقلا مىسرانىم تورىنىڭ بۇنىڭدىن كىيىنكى ئۇيغۇر تورچىلىقىدا ئۆزىگە خاس رەڭدار مەزمۇنلىرى بىلەن تورداشلارنىڭ تور مەنىۋيىتىنى ھەقىقىي تۈردە قاندۇرىشىنى تىلەيمىز. مىسرانىم تور باشقۇرۇش ئىشخانىسى 2012- يىلى 1-ئاينىڭ 1- كۈنى

Eltekin

	ئەسسالامۇئەلەيكۇم!      مىسرانىم ۋە ئۇيغۇر تور دۇنياسىدا ئۆزىنىڭ ئىككىلىك ئىسىل سۆزلىرى بىلەن بىزنىڭ دىلىمىز، تىلىمىز، ئىش-ھەرىكىتىمىزنى ئۆرپ-ئادەت، ئەدەب-ئەخلاققا يېقىنلاشتۇرۇپ كېلىشتە ئاكتىپ رول ئويناۋاتقان ئەزىز قېرىنداشلار، مىلادى كالېندارى بويىچە كەلگەن يېڭى يىلىڭلارغا مۇبارەك بولسۇن! ئۆزىمىز قوللىنىپ كېلىۋاتقان بۇ كۈن ھىسابىدا، بۇ يېڭى كۈن نۇقتىىسىدىن كېيىنكىى كۈنلىرىڭىلار ساغلاملىق، خۇشاللىق، بەخت ۋە ئازادىلىكتە ئۆتكەي!      مىسرانىم مۇنبىرىنىڭ بەش يىللىقىنى بولۇپمۇ مۇنبەر سەيناسى ئارقىلىق ئىلىم-بىلىم، ئەدەب - ئەخلاق تارقىتىش ۋە توغرىلاشتا مۇھىم رول ئويناشتا تىرىشقانلارنى چىن دىلىمدىن تەبرىكلەيمەن ھەم داۋاملىق شۇنداق سىجىللىق بولۇشىنى، بىزنىڭ قېرىنداشلارچە مېھرىمىز، شوئارلىرىمىزنىڭ ئەمىلىي تۇرمۇشىمىزدا كىچىككىنە بولسىمۇ ئەمىلىيىلىشى ئۈچۈن ھەر قايسى مۇنبەرداشلارنىڭ داۋاملىق ئەجىر سىڭدۈرۈپ تۇرىشىنى ئۈمىد قىلىمەن!     ھەممىڭلارنىڭ تېنىگە سالامەتلىك، ئائىلەڭلارغا خۇشاللىق، ئاتا-ئانا ، ئۇرۇق-تۇققانلىرىڭلارغا خاتىرجەملىك، بالىلارغا ساپ ئەقىل ۋە ئەخلاقنى تەكرار ، تەكرار تىلەيمەن!

qin^ar

	ۋاھ !   مىسرانىمنىڭ 5  يىللىقىغا  مۇبارەك بولسۇن ، بۈگۈن خۇشاللىق قوش كەپتۇ دىسە .  مىسرانىمنىڭ  كەلگۈسى تېخىمۇ پارلاق بۇلىشىغا تىلەكداشمەن .......

دەتمەن

	قۇتلۇق  بولسۇن !!!!

Tughrul

	مىسرانىم مۇنبىرىنىڭ بۇنىڭدىن كىيىنمۇ مۇقىم ۋە ساغلام ھالدا تەرەققى قىلىشىنى چىن قەلبىمدىن ئۈمىد قىلىمەن .

lazzat

	مىسرانىم  تور مۇنبىرىنىڭ 5 يىللىقىنى قىزغىن تەبرىكلەيمىز  ! تارقاتقان مىدالىڭىزغا كۆپ  تەشەككۈر !

dawan~

	مىسرانىم قۇرۇلغانلقنڭ بەش يىلقغا مۇبارەك بولسۇن، ھەم بىزگە مۇشۇنداق ئىسل سورۇنى ھازىرلاپ بەرگەن مىسرانمغا ئالاھدە رەخمەت ئېيتمەن!

ئەلشاھ

	يېڭى مۇنبەر ھەقىقەتەن بوپ قالىدىكەن ، سۈرئىتى بەك تىزكەن ، باشقا ئىقتىدارلىرىمۇ مۇكەممەللىشىپتۇ ، قېپ قالغان يېرى بولسا ئاستا ـ ئاستاتۇلۇقلىنىپ ماڭسا بولغۇدەك . 5 يىللىقىغا مۇبارەك بولسۇن ، بۇ تور بەتمۇ خېلى چوڭ بوپ قاپتۇ مانا ... (ئىنكاسىمنى ئۇقۇپ بولغاندىن كىيىن بەتنى يېڭىلاپ قايتا ئۇقۇپ بېقىڭە ... بەك قىزىقارلىق ئىش يۈز بىرىدۇ  )

yolkezar

	مۇبارەك بولسۇن! كۈچىمىزنىڭ يىتىشىچە قوللايمىز!

پاۋىل

	مۇبارەك بەش يىل! ئالغا ئىلگىرلىگەن بەش يىل!