جۇڭگودىكى تۇنجى ئۇيغۇر ئادۋۇكات

kanunblog

	جۇڭگودىكى تۇنجى ئۇيغۇر ئادۋۇكات يېڭى جۇڭگو قۇرۇلغاندىن كېيىن ، 1954 – يىلى 9 – ئايدا يېڭى جۇڭگونىڭ تۇنجى ئاساسى قانۇنى ئېلان قىلىندى . بۇ قانۇننىڭ ئېلان قىلىنىشى قانۇن نوقتىسىدىن جىنايى ئىشلار دىلوسىدىكى جاۋاپكارنىڭ ئاقلىنىش ھوقۇقى ئېتراپ قىلىنىپ ، ئادۋۇكاتنىڭ دەۋا پائالىيەتلىرىگە قانۇن بويىچە قاتنىشىش سالاھىيىتى ۋە ئورنى بىكىتىلدى . 1955 – يىلى 3 – ئايدا ، شىنجاڭ 2 – قېتىملىق ئەدلىيە يېغىنىدا ئۈرۈمچى شەھرىدە ئۈرۈمچى شەھرىدە ئادۋۇكاتلىق تۈزۈمىنى سىناق يولغا قويۇش قارار قىلىندى . شۇ يىلى 4 – ئايدا ، شىنجاڭ يۇقىرى خەلق سوت مەھكىمىسى ئۈرۈمچى شەھەرلىك خەلق سوت مەھكىمىسىدە ھۆكۈمەت ۋەزىپىسىدىكى ئىككى نەپەر ئاقلىغۇچىنى ئادۋۇكاتلىق كەسپى بىلەن شۇغۇللىنىشنى سىناق تەرىقىسىدە تەسىس قىلدى .شۇ چاغدا قانۇن ئىقتىساسلىقلىرى كەمچىل بولۇپ ، تەشكىل ئويلىشىش ئارقىلىق بەكرى ساۋۇتنى تۇنجى نامزاتلىققا تاللاپ ، 1956 – يىلى 7 – ئايدا خىزمىتىنى ئۈرۈمچىگە يۆتكەپ ، شىنجاڭ ئادۋۇكاتلار جەمئىيىتى تەييارلىق كومىتېتىنىڭ مۇئاۋىن مۇدىرى قوشۇمچە ئۈرۈمچى شەھەرلىك قانۇن مەسلىھەتچىلىك باشقارمىسىنىڭ مۇئاۋىن مۇدىرى قىلىپ تەيىنلىدى . شۇنىڭدىن باشلاپ بەكرى ساۋۇتنىڭ ئادۋۇكاتلىق ھاياتى باشلاندى .بەكرى ساۋۇت 1925 – يىلى 4 – ئايدا قەشقەر ۋىلايىتىنىڭ كوناشەھەر ناھىيىسىدە دېھقان ئائىلىسىدە دۇنياغا كەلگەن . 1940 – يىلى شىنجاڭ پىداگوگىكا مەكتىپىگە قوبۇل قىلىنغان . 1943 – يىلى 7 – ئايدا ئوقۇش پۈتتۈرگەن . ئازاتلىقتىن كېيىن ، شىنجاڭ خەلق ھۆكۈمىتى تەپتىش مەھكىمىسىدە خىزمەت قىلغان . 1951 – يىلى قاغىلىق ناھىيىلىك خەلق سوت مەھكىمىسىنىڭ مۇئاۋىن مەھكىمە باشلىقى بولغان . بەش يىلدىن كېيىن ، يۇقىرنىڭ ئورۇنلاشتۇرۇشى بىلەن شىنجاڭ سىياسىي قانۇن ئىنىستىتۇتىنىڭ قانۇن سىنىپىدا ئوقۇغان . ئوقۇش پۈتتۈرگەندىن كېيىن ، شىنجاڭ يۇقىرى سوت مەھكىمىسىنىڭ جەنۇبى شىنجاڭ شۆبە مەھكىمىسىگە تەقسىم قىلىنىپ سوتچى بولغان .سوتچىلىقتىن تۇيۇقسىز سالاھىيەت جەھەتتە ئادۋۇكاتلىققا ئايلىنىپ دەسلەپتە ئۇنىڭ ئىدىيىسىدىن ئۆتمىدى . ئەينى چاغدا رەھبەرلىك ئۇنىڭغا خىزمەت ئىشلىدى ، ئادۋۇكاتلىقنىڭ ئاممىنىڭ قانۇنلۇق ھوقۇق – مەنپەئەتىنى قوغدايدىغان خىزمەت ئىكەنلىكىنى چۈشەندۈردى .ئۇ ئادۋۇكاتلىق خىزمىتىگە قەدەم قويۇپ ئۇزۇن ئۆتمەي شىنجاڭ ئەدلىيە نازارىتى دۆلەتنىڭ تەلىپىگە ئاساسەن ئەدلىيە ئىكىسكۇرسىيە ئۆمىكى تەشكىللەپ بىيجىڭغا بىرىپ ئىكىسكۇرسىيە قىلىپ ئۆگىنىشكە ئورۇنلاشتۇردى .ئۇلار ئويلىمىغان يەردىن ، بىيجىڭغا كىلىپلا پىڭ جىننىڭ كۈتىۋىلىشىغا ئېرىشتى . كۈتىۋىلىشتا بۇ ئېكىسكۇرسىيە ئۆمىكىدىكى سوتچىلارنىڭ تونۇشتۇرىشىنى ئاڭلاپ بولغاندىن كېيىن ، تۇيۇقسىزلا : ھەممىڭلار سوتچىمۇ ؟ ئاراڭلاردا ئادۋۇكات يوقمۇ ؟ دەپ سورىدى . پىڭ جىن بۇلارنىڭ ئارىسىدا بەكرى ساۋۇتنىڭ ئادۋۇكات ئىكەنلىكىنى ئاڭلاپ ئۇنىڭ قولىنى سىقىپ تۇرۇپ : دۆلەتتە ئادۋۇكات بولمىسا بولمايدۇ ، چوقۇم ياخشى خىزمەت قىلىڭ ، دېدى . بۇ بەكرى ساۋۇتقا ئادۋۇكاتلىق خىزمىتىنىڭ مۇھىملىقىنى تونۇتۇپ ، ئىدىيىسىدە زور بۇرۇلۇپ پەيدا قىلدى .1957 – يىلى ئوڭچىللىققا قارشى ھەرىكەتنىڭ ئەۋج ئىلىشىغا ئەگىشىپ يېڭىدىن بەرپا بولغان ئادۋۇكاتلىق تۈزۈمى ۋە ئادۋۇكاتلىق خىزمىتى ئىنكار قىلىنىپ ، يېڭىدىن قۇرۇلغان ئادۋۇكاتلىق ئورۇنلىرى ئارقا – ئارقىدىن ئەمەلدىن قالدۇرۇلدى . شۇنىڭدىن كېيىنكى 20 يىلدا جۇڭگو ئادۋۇكاتلىق تۈزۈمى بولمىغان دەۋىرگە قەدەم قويدى .1979 – يىلى 7 – ئايدا ، شىنجاڭ ئادۋۇكاتلىق تۈزۈمى قايتىدىن ئەسلىگە كىلىپ قۇرۇلدى . 1980 – يىلى بەكرى ساۋۇت يەنە شىنجاڭ ئەدلىيە نازارىتىنىڭ ئادۋۇكاتلار باشقارمىسىغا يۆتكىلىپ خىزمەت قىلدى . بۇ شىنجاڭنىڭ ئادۋۇكاتلار خىزمىتىنىڭ يېڭى بىر بۇرۇلۇش نۇقتىسىغا قەدەم قويغانلىقىدىن دېرەك بەردى . مەنبە : قانۇن بلوگى http://www.kanunblog.com/

xamal22

	يەنە بولسا يوللاپ قويۇڭلار مۇشۇنداق جوڭگودىكى ئۇتۇق قازانغان ئۇيغۇر يولباشچىلىرىمىزنى ،بولسا داڭلىق سەخسلىرىمىزنىڭ تەرجىمالى توغرىسىدا مەخسۇس سەھىپە ئىچىلغان بولسا تىخىمۇ ياخشى بولاتتى

azeza

	xamal22 يوللىغان ۋاقتى  2011-12-31 08:12 PM يەنە بولسا يوللاپ قويۇڭلار مۇشۇنداق جوڭگودىكى ئۇتۇق ق ... مەنمۇ مۇشۇنداق ئويدا...

jasuryigit

	شامالنىڭ پكىرى ئورۇنلۇق بۇگۇنكى ۋەئۆتمۇشتىكى ئۇتۇق قازانغان ئۇيغۇرلا ۋە كۆزى ئوچۇق كەتكەنلەرگە مەخسۇس بىر سەھىپە ئىچىش مۇھىمكەن.

rinatcn

	بۇ توغۇرلۇق كۆپ بىلىمگە ئىگە بولدۇم

peyaz

	رەھمەت بىلوگىڭىزنى تاماشا قىلىپ چىقتىم !!

asrar729

	بۇ ئادۇكات مەن بىلەن يۇرتداشكەن ...كۆرۇپ خوش بولدۇم ....ئۇيغۇر ئادۇكاتچىلىق ئىشلىرى تىخىمۇ روناق تاپقاي....

maymah

	داڭلىقراق جىنايەتچىدىن كىمنى ئاقلاپ كىمنى قارىلىغان.........بولسا ئەمەلى ئىشلىرىدىن خەۋەر بەرسەڭلار

باياۋان

	داڭلىقلىرىمىزنى بىلىۋالايلى . يوللاپ تۇرۇڭ !

dawan~

	مۇشۇنداق  ئۇتۇق قازانغان قېرنداشلىرمىز بولسا داۋاملق يوللاپ تۇرارسىز