دادام ۋە مەن

bargam

	ئەقلىمنى بىلگۈدەك بولسام، دادام بىلەن ئىككىمىز بىللە ياشايدىكەنمىز. دادام ناھىيىمىزدىكى بىردىن بىر زەرگار بولغاچقا ناھىيە بويىچە ھەممىگە تونۇش ئىدى. بىز بەزى كۈنلىرى خوشنىمىزنىڭ ئۆيىدىن ئۆي تاماق يېگەننى ھېسابقا ئالمىغاندا ئۇچ ۋاق تامىقىمىز ئاشخانىدا بۇلاتتى.داۋاملىق باشقا دوستلىرىمنىڭ ئاپىسى بىلەن بىللە بازار ئايلىنىۋاتقانلىقىنى كۆرسەم ئۇلارغا ھەسەت قىلىپ كىتەتتىم.مەنمۇ شۇ چاغدا دادامغا‹دادا، مىنىڭ ئاپام يوقمۇ؟›دەپ  سوراپ كىتەتتىم.ئۇنداق ۋاقىتلاردا دادام پەقەت بېشىمنى سىلاپ، كۇلۇپ قۇياتتى.بىر قېتىم ،مەن دۇكاننىڭ ئالدىدا ئويناۋاتاتتىم.تۇيۇقسىز ئككى ئايال كىلىپ، مىنى كۆرسىتىپ تۇرۇپ:   -ھېلىقى ئاينىسا شاڭگاڭنىڭ قىزى مۇشۇ شۇ .   -ھە، ھېلىقى ئىچكىرىگە قېچىپ كەتكەن ئايالما؟ئاڭلىسام ئۇ بارات لوبەن بىلەن تېپىشۋاپتىكەنغۇ؟   -ھەئە،قۇچاقتىكى ئالتە ئايلىق قىزىغىمۇ قارىماي شۇ لوبەن بىلەن قېچىپتىكەن.   -ھەي شەرمەندىلەر...   بۇ چاغدا، مەن بۇلارنىڭ نېمە دېيىشىۋاتقانلىقىنى چۇشەنمىسەممۇ،ئەمما ئاپامنىڭ تېخى ھايات ئىكەنلىكىنى، تېخى ئىچكىر دەيدىغان بىر يەردە بارلىقىنى ئويلاپ يېتەلدىم.مەن دەرھال دادامنىڭ قېشىغا يۈگرەپ بېرىپ،‹دادا،ئاپام تېخى بار ئىكەن.ئىچكىرىدە ئىكەن.مىنى ئاپامنىڭ يېنىغا ئاپىرىپ قويىڭە!›شۇ چاغدا دادامنىڭ كۆزلىرى يوغان ئچىلىپ،غەزەپتىن تىتىرگەن ھالدا، مىنى يۇلۇپ ئېلىپلا،يۇتۇسىغا قۇيۇپ‹مەن ساڭا دىدىمغۇ، سىنىڭ ئاپاڭ يوق دەپ، يەنە نېمە ئاپام ئاپاملا دەيسەن؟ مانا ئاپا دىگەنگە تويە!›دەپ سۆڭگىچىمگە تازا ساۋاشقا باشلىدى.مەن بەكلا قورقۇپ كەتتىم.ھۆڭرەپ-ھۆڭرەپ يىغلايتتىم.ئاخىرى دۇكاندىكى شاگىرىت بالىلا مىنى ئاجرىتىۋالدى.مەن بەك قورقۇپ كەتتىممۇ يا ئاغىرىق ئازابىدىنمۇ بىلمىدىم،يىغلاپ دۇكاننى بىر ئالدىم.يىغلاۋېرىپ ھېرىپ ئۇخلاپ قاپتىمەن.ئويغانسام دادام قۇلۇمنى چىڭ تۇتۇپ، ئۇنسىز يىغلاۋېتىپتۇ.مەن دەرھاللا دادامنى چىڭ قۇچاقلاپ‹دادا خاپا بولماڭ›دەپ يىغلاپ كەتتىم،داداممۇ مىنى چىڭ قۇچاقلاپ كەتتى.مەن ئۇنىڭمۇ يىغلاۋاتقانلىقىنى سەزدىم. شۇ كۈندىن باشلاپ،دادامغا ئاپام توغرىلىق سۆز قىلماس بولۇپ كەتتىم.   ھېلىمۇ ئىسىمدە،مەكتەپتىە ئۇقۇۋاتقان مەزگىلدە،چېچېم پۈتۈنلەي ئاپئاق سىكىلەپ كەتتى.ساۋاقداشلىرىم مەن بىلەن ئويناشنى خالىمايتى، ئۇلارنىڭ ئېيتىشىچە مەن بەك مەينەت ئىكەنمەن، مەن بىلەن ئوينىسا مىنىڭ پىتىم ئۇلارغا چىقىۋالارمىش.ئۇنداق ئەمەس مەن مەينەت ئەمەس.مىنىڭمۇ ئۇلارغا ئوخشاش كۇندە چېچىمنى تاراپ، يۇيۇپ قۇيىدىغان ئاپام بولمىغان بىلەن كۇندە پۇتۇمنى يۇيۇپ قۇيىدىغان ھەپتىدە بىرە قېتىم بەدىنىمنى يۇيۇپ قۇيىدىغان دادام بار ئىدى.شۇ مۇشۇ چېچىمنى دادام تۈزۈك جايلاشتۇرۇپ بۇلالماي يا مەن ئۆزۈم تاراپ بۇلالماي پىت بولۇپ قالاتتى.ئاخىرى بۇنىڭغىمۇ ئامال چىقتى.پات-پات چېچىمنى چۈشۈرۇپ تۇردىغان بولدۇق.مەن مەكتەپكە يېڭى كىرگىنىمدە مىنى ھېچكىم ياقتۇرمايتتى،.ئۇقۇتقۇچىلىرىممۇ مەندىن بىزار ئىدى.كىيىنچە دادام داۋاملىق مەكتىپىمىزگە پۇل ئىئانە قىلىپ، مەكتىپىمىزگە بىر نەچچە كومپىيوتىرلارنى سەپلەپ بىرىپ،تېخى بىنا قۇرلىشىغا جىق ياردەم قىلغانلىق سەۋەبى بىلەن ھەممىنىڭ ئالقىشىغا ئىرىشىپ كەتتىم.ئەتراپىمدا پۇلۇمنى كۆزلەپ، يۈرۈيدىغان دوستلىرىممۇ كۆپىيىپ كەتتى.تېخى ئۇقۇتقۇچىلىرىمدىن تارتىپ ماڭا يېقىنچلىق قىلاتتى.دەرسكە جاۋاب بېرەلمىسەم مىنى ئەيىبلەشتە تۈگۈل ئەستايىدىل چۇشەندۇرۇپ،مەدەت بىرىپ كىتەتتى.بۇلارنىڭ ھەممىسى دادامنىڭ تۆھپىسى ئىدى...   يېشىمنىڭ چوڭىيىشىغا ئەگىشىپ ئاپامنى تېخىمۇ سېغىنىدىغان بولۇپ قالدىم.بۇلۇپمۇ تۇنجى قېتىم چوڭ بولغىنىمنى ھېس قىلغان شۇ كۈنۈمدە ئاپىغا بولغان مۇھتاجلىقىم تېخىمۇ ئاشتى.لېكىن بۇ سېغىنىشلارنى دادامغا ھەرگىز ئۇقتۇرمۇدۇم.چوڭ بولغانسىرى دادامنى خۇددى مىنىڭ بالامدەك تۈزەشتۇرۇپ قۇيدىغان،ھەرخىل تاماقلارنى ئىتىپ  خوش قىلدىغان، كىر قاتلىرىنى يۇيۇپ مەمنۇن قىلدىغان بولدۇم. ئىشقىلىپ دادامغا ھازىر مەن بولمىسام بولمايدىغاندەكلا ھېس قىلاتتىم.   مانا بۈگۈن ئالى مەكتەپ ئىمتىھانىنى تۇگۇتۇپ،ئارزۇ قەغىزىنى تۇتۇپ تۇرۇپتىمەن.كۆڭلىم ئىنتايىن يېرىم.خۇددى مىنىڭ كېتىشىم بىلەنلا دادام مەن تارتقان يىتىملىكلەرنى تاتىپ قالىدىغاندەك بىئارام بولۇپ كەتتى.مەن ئويلىرىمنى دادامغا دەپ بەردىم.دادام كۇلۇپ تۇرۇپ: -ۋوي مانىڭ دېگەن گىپىنى،سىلنى مەن چوڭ قىلغان جۇمۇسلا،ئەمدى چوڭ بولۇۋېلىپلا مىنى ياراتماس بولۇپ كەتتىڭما دەپ چاقچاق قىلدى.   مەن شۇندىلا مەن دادامنى ئەمەس بەلكىم دادام مىنى بېقىپ چوڭ قىلغانلىقىنى ئىسىمگە ئېلىپ، سەل خاتىرجەم بولغاندەك بولدۇم.قۇلۇمدىكى ئىچكىر ئۆلكىلەردىكى داڭلىق مەكتەپلەرنى كۆۇرۇپ، ئاپام ئىسىمگە كىلىپ، شۇ مەكتەپلەرنى تاللىماقچى بولدۇميۇ ئەمما ئۇنىڭغا بولغان نەپرەتلىرىم بۇ ئويۇمدىن يانغۇزدى.    مەنبە: ئۆزۈم

gulrayhan

	بۇ راس بولغان ۋەقەما......سىز دادىڭىزنى چىن مىھرىڭىز بىلەن قەدىرلەڭ.....بىر ئايال بىلەن ئۆيلەنمەي سىزنى دەپ مۇشۇنچىلىك جاپالارنى چېكىپتۇ.....بۇنداق ئۇزۇن يىل بويتاقلىق بىلەن يۈرگەن ئەر كىشىلەر ئاز ئەمەس جۇمۇ......لېكىن شۇنى ئۇنىتماڭكى سىزنى ئاپىڭىز تاشلىۋەتكەن بىلەن ئۇ سىزنىڭ ئاپىڭىز....مەلۇم بىر كۈنى مەلۇم سەۋەپلەر بىلەن سىزنى ئىزدەپ كەلسە سىز ئۇنى چىن قەلبىڭىز بىلەن قارشى ئېلىڭ چۇنكى ئۇ سىزنىڭ ئۆز ئاپىڭىز....سىز شۇ كىشىنىڭ باغرىنى يېرىپ چۈشكەن كىچىككىنە گۆش ئىدسڭىز.....ئىسكى بولسىمۇ ئۇ دېگەن سىزنىڭ ئاپىڭىز بىلدىڭىزمۇ....قارشى ئېلىڭ ئۇنى...چوقۇم قارشى ئېلىڭ.....سىزگە بۇ  مېنىڭ سەمىمىي نەسىھەتىم بولسۇن....بىر كۈنلەردە ئۇمۇ قىلغانلىرىغا پۇشايمان قىلىڭ .ئاللاھ نۇرغۇن نۇرغۇن گۇناھلارنى ئۆتكۈزگەن كىشىلەرنى كەچۈرىدۇ ..بىز دېگەن ئىنسان كەچۈرمەسلىككى ھەددىمىز ئەمەس...توغرا ئۇ قاتتىق خاتالىق ئۆتكەزدى لېكىن كەچۈرۋېتىڭ.دوستۇم....كېيىن پۇشايمان قىلغان بىلەنمۇ ئورنىغا كەلمەيدۇ....بۇ بىرىنىڭمۇ بېشىدىن ئۆتكۈزگەن ئىش،سىز ئاپىڭىزنى چىن مېھرىڭىز بىلەن ئېرىتىپ قايتىدىن ئادەم قىلىلايسىز .،پەقەتلام سىز قىلالايسىز.،....بىلدىڭىزمۇ.......

bargam

	بۇ ئۇزۇم يازغان ھىكايە

muhsin.

	ھېسياتقا  تولغان  ھىكايە  ئىكەن ...   ئەسەرلىرىڭىز  مۇنبەردىن  ئۈزۈلمىگەي ................

Olmas

	ھىكايىڭىزنى بەكمۇ يېقىىملىق يېزىلىپتۇ. مۇنبەردە قەلەملىرىڭىز ئۈزۈلۈپ قالمىسۇن.

kubri

	بۇ تۇرمۇشتا مۇشۇنىڭغا ئوخشاش ئىشلار ئاز ئەمەس ئەلۋەتتە، يىتىمچىلىكنىڭ دەردىنى تارتىپ، بوينى قىسىلىپ، كۆزلىرىدىن ياش،يۈرىكىدىن قان ئېقىۋاتقان بالىلىرىمىز نۇرغۇن.  ئارىمىزدا يەنە  شۇنداق قەيسەر ئانىلار، قەيسەر دادىلار شۇ يالغۇز ھالەتتە بالىنى ئۆزى تەربىيىلەپ قاتارغا قوشۇپ كېتىپ بارىدۇ.   كۆزىمىز كۆرمىسىمۇ قۇلىقىمىز ئاڭلاپ تۇرىدۇ. يەنە شۇنداق ۋىجدانسىز، مەسئولىيەتسىز ئاتا بولغۇچى ھەم ئانا بولغۇچىلار بىر دەملىك ئاچچىق ۋە ياكى بىردەملىك كۆڭۈلنى دەپ شۇ بالىلىرىمىزنى يىتىملىك يولىغا تاشلاپ بەرمەكتە.....بىر كۈنلەردە  ئۇلار پۇشايمان قىلسىمۇ ئاللىقاچان كېچىككەن....       ھازىرقى جەمىيەتكە قارايدىغان بولساق،  ئازراقلا چىقىشالمىسا ئۆزۈمنىڭ قانۇنلۇق ھوقۇق - مەنپەئەتىمنى قوغدىمىسام بولمايدۇ،  ياكى بولمىسا مەن بۇنىڭ بىلەن ئۆي تۇتالمىغىدەكمەن،  بىزنىڭ تۇرمۇشىمىزنىڭ ئاخىرى چىقمايدىغان ئوخشايدۇ ،  دەپ سوت مەھكىمىسىگە بېرىپ ئەرز سۇنۇپ ئاجرىشىدىغان ۋە ياكى كېلىشىپلا ئاجرىشىپ بىر ئائىلىنى ۋەيران قىلىدىغان ئىشلار تولىمۇ كۆپىيىپ كەتتى.  ئاجرىشىش دېلوسىنىڭ كۈنسىرى كۆپىيىشى بىزلەرنى  ئېچىندۇرماي قالمايدۇ.  ئاجرىشىشنىڭ ئۇگالىغا قالىدىغىنى يەنىلا شۇ بالىلار بولۇپ قالىدۇ.  شۇ بالىلار  ھەرقانچە ياخشى بېقىلسىمۇ ئاتا-ئانا مېھرىگە قانمىغان  كۆڭلىنىڭ بىر يەرلىرى سۇنۇق بولىدۇ.....        كونىلاردا « نىكاھ بىلەن ئويناشماڭ، ئويلاشماستىن تويلاشماڭ » دېگەن گەپ بار.  شۇنداق نىكاھ ئويۇن، چاقچاق ئەمەس، بىر دەملىك كۆڭۈل خوشى ئەمەس. بىر ئائىلىنى قۇرۇش دېگەنلىك ئەكىسچە يۈكسەك مەسئولىيەتنى ئۈستىگە ئېلىش دېگەنلىكتۇر. ئاتا بولغۇچى ئاتىلىق مەجبۇرىيىتىنى، ئانا بولغۇچى ئانىلىق مەجبۇرىيىتىنى ياخشى ئۆتىسە بۇ ئائىلىگە دەز كەتمەيدۇ، بۇ ئائىلىنىڭ بەختىنى ھېچكىم بۇزىۋىتەلمەيدۇ.        بىز ئادەملەر مەڭگۈ ئۆگەنگۈچى. بىز ھەربىر دەقىقىدە ياشاش ئۈچۈن تىپىرلىغان ۋاقىتتا ھاياتتىن نۇرغۇن نەرسىلەرنى ئۈگىنىمىز....  بېىشىدىن جىق ئىشلارنى ئۆتكۈزگىچىلەر بىزگە قانداق ياشاش يولىنى قالدۇرۇپ كەتكەن.  بىز بىلمىگەننى ھېس قىلىپ يېتەلمىگەننى ئەنە شۇ  بۇرۇنقىلارنىڭ ھاياتى بەدىلىگە كەلگەن تەجىربە - ساۋاقلىرى ئارقىلىق بىلىمىز ھەم چۈشىنىمىز.  شۇنداق بولغانىكەن،  بىز ئازراق خاتالىق ئۆتكۈزگەندە ۋە ياكى باشقىلار خاتالىق ئۆتكۈزگەندە بىراقلا ئۈمۈدسىزلىنىپ كېتىشنىڭ ھاجىتى يوق.  ئادەم دېگەن ئەلۋەتتە تۇغۇلۇپلا ھەممە ئىشنى بىلىپ كەتمەيدۇ. شۇنداق بولغانىكەن  نۇرغۇن ئىشلارغا سەۋر قىلىشنى ئۈگىنىۋىلىش بەكمۇ بەك مۇھىم.   كونىلارمۇ «سەۋىرنىڭ تېگى ئالتۇن» دەپ بىكارغا ئېيتمىغان،  ئاللاھمۇ سەۋىر قىلغۇچىلارنىڭ ئەجرىنى بېرىدۇ.  نۇرغۇن ئىشلاردا بىز سەۋر قىلالىساقلا  كۆڭۈل ئاغرىقى، بەختسىزلىك ، ئۇرۇش - جىدەلدىن ساقلىنىپ قالىمىز.      ياخشى ئاتا- ئانىلاردىن بولۇش ئەمەس بۇ ھاياتتا.    قەلەم ساھىبىنىڭ بۇ ماقالىسى دەل نىكاھ ئائىلە ئاتا بالا تەربىيە قاتارلىق نۇقتىلارنى ئەكىس ئەتتۈرۈپتۇ. كىشىنى ئويغا سالالىغان بىر كىچىك ھېكايە شۇ قەلەم ساھىبىنىڭ ئوتۇقى ھېسابلىنىدۇ.      ياخشى تېتىملىق ھېكايىلىرىڭىزنى داۋاملىق يوللاپ تۇرۇڭ.

xilapa

	قانداق قىلسا،ئەسەر يىزىپ يوللىغىلى بولىدۇ دوسلار ،ئۈگۈتۈپ قويساگلار   602261745

kuzyixi111

	ياخشى يىزىپسىز دادا دىگەن شۇنداق ئۇلۇغ ئانمۇ ھەم  شۇنداق ئۇلۇغ

mhrgya

	بەك ياخشى يېزپسىز