مۇنەۋۋەر ئوقۇتقۇچىنىڭ پەزىلەتلىرى

pidakar20

	مۇنەۋۋەر ئوقۇتقۇچىنىڭ پەزىلەتلىرى تەرجىمە ئەسەر قانداق ئوقۇتۇش لايھېسى ئەڭ ئەلا،قانداق ئوقۇتۇش پەلسەپىسى ئەڭ مۇۋاپىق،قانداق ئوقۇتۇش ئۇسۇلى ئەڭ ئۈنۈملۈك ،بۇ مەسىلەردە تالاش-تارتىش ئىنتايىن كۆپ.بىراق مۇنەۋۋەر ئوقۇتقۇچىنىڭ ئاساسلىق ئالاھىدىلىكى مەسىلىسدە ئورتاق تونۇشقا ئېگە،گەرچە ھەركىمنىڭ بىر يۈرۈشتىن تەلىماتى بولسىمۇ. سىزنىڭ ھەم باشقا ھەممە كىشلەرنىڭ تىزىملىكىدە مۇنەۋۋەر ئوقۇتقۇچىلارنىڭ ئالاھىلىكلىرى ئورتاقلىققا ئېگە.مەيلى ئۇ نېمە دەرس ئۆتسۈن،ئوقۇتۇش ئۇسۇلى قانداق،ئوقۇتۇش مەسئۇليىتىنى ئادا قىلالدىمۇ ياق.مۇشۇ پەزىلەتلەر بولسىلا ئۇلار ئوقۇغۇچىلارغا ئۈنۈملۈك تەسىر كۆرسىىتەلەيدۇ.سىزنىڭ قانچىلىك دەرىجىدە بۇ پەزىلەتلەرنى ھازىرلىشىڭىز ،سىزنىڭ ئوقۇتۇش ئۈنۈمىڭىزنىڭ قانچىلىكلىكىنى ۋە خىزمەتتىن قانچىلىك دەرىجىدە رازى بولىشىڭىزنى بەلگىلەيدۇ. بىز غەرەرسىز ھالدا بىر مۇكەممەل تىزىملىك تۇرغۇزۇپ چىقتۇق،ھەم نۇرغۇن كىشلەر ئالاھىدە موھىم دەپ قارىغان ئۆرنەكلەرنى ئالدۇق.سىز بۇ پەزىلەتلەرنى ئوقۇغان ۋاقتىڭىزدا ،سىز بۇ پەزىلەتلەرنى قانچىلىك دەرىجىدە ھازىرلىدىڭىز ھەم بۇلارنى تېخىمۇ مۇكەممەللەشتۈرۈشكە قانچىلىك تىرىشچانلىق كۆرسىتىش كېرەكلىكى ئۈستىدە ئويلىنىپ بېقىڭ. شەخسى جەلىپكارلىق قەدىمىدىن تارتىپ بەزى كىشلەر مەيلى باستىر بولسۇن ياكى شائىر ياكى قول ھۈنەرۋەن ،ئوقۇتقۇچى بولۇپ باققان،پەقەت ئۇلاردا باشقىلارنى تەسىرلەندۈرەلەيدىغان ئىقتىدار بولسىلا ئوقۇتقۇچى بولۇشنىڭ گىنىنى ھازىرلىغان بولىدۇ.ئۇلاردا  بىر خىل خارەكتىر چاقناپ تۇرىدىغان بولۇپ كىشلەرنى تەلپۈندۇرىدۇ،ھەتتا ئىختىيارسىز ھالدا ئۇلارنى چۈشىنىش ۋە ئۇلارغا يېقىنلېشىش ئىستېكى پەيدا قىلالايدۇ.پات كونروينىڭ(Pat Conroy) گېپى بويچە ئېيىتقاندا ،ئوقۇتقۇچى ئوقۇتۇش ئارقىلىق ئۆزىنىڭ خاس خارەكتىرىنى تولۇق نامايەن قىلغاندا ئاندىن جەلىپ قىلىش كۈچىنى ھازىرلىغان بولىدۇ. شەخسى جەلىپكارلىققا ئوخشاش پەزىلەتلەر تۇغۇلۇشتىنلا بولامدۇ ياكى كېيىن پەيدا بولامدۇ؟ئوقۇرمەنلەر بۇ مەسىلىنى مۇھاكىمە قىلىپ باقسا بولىدۇ. بىز بۇ مەسىلىنى چۆرىدەپ كۆز- قارىشىمىزنى سۆزلەپ باقايلى.باشقىلار ئۈچۈن پىداكارلىق كۆرسىتىش روھى بولسىلا شەخسى جەلىپ قىلىش كۈچى كۈنسىرى كۈچىيىدۇ.مەيلى قولىنى كۆتۈرسۇن ياكى پۇتىنى ،ھەممىسى ئوقۇغۇچىلارنىڭ دېققەت مەركىزى بولالايدۇ. مەيلى سىزنىڭ خارەكتىرىڭىز قىززىققان ياكى مۇلايىم بولسۇن ،ئاۋازىڭىز يۇقىرى ياكى تۆۋەن بولسۇن ھەممسى ئوخشاش. شەخسى جەلىپكارلىقنى نامايەن قىلىشنىڭ ئۇسۇلى ھەرخىل بولۇپ ،قايسىنى تاللىشىڭىز ئۆزىڭىزنىڭ خارەكتىر ئۇسلۇبىڭىزغا ،بولۇپمۇ ئوقۇغۇچىلارنىڭ ئىنكاسىغا باغلىق.سىزنىڭ ئۆزگىچە تەبىئېتىڭىز سىزنى سەمىمى قىزىقارلىق ۋە مەپتۇنكار سۆزلىتىدۇ. مەسىلەن راندى كىشلەر ئادەتتە دەيدىغان «ماگنىتلىق»ئادەم ئەمەس.ئۇ ئادەتتە كەم سۆز ،گەپ قىلسىمۇ تۆۋەن ئاۋازدا سىلىق گەپ قىلىدۇ،كىشلەر يىغىلىش قىلسا ياكى ئوقۇتقۇچىلار ئىشخانىدا ئۈنلۈك پاراڭ سېلىشسا ،ئۇ دائىم بىر چەتتە جىمجىت تىڭشايدۇ. بىراق بۇ ھەرگىزمۇ راندىنىڭ تەپەككۇرىنىڭ تۇتۇق ،نوتۇقىنىڭ ئاجىزلىقىدىن دېرەك بەرمەيدۇ،پەقەت  ئاشۇنداق سورۇنلاردا ئۆزىنىڭ ئۆتكۈر «شەمشەر»ىنى يوشۇرۋالدى خالاس.ئەگەر ئۇنىڭ دوستلىرى ۋە ئائىلسىدىكىلەر ئۇنىڭ دەرىس ۋاقتىدىكى ئىپادىسىنى كۆرسە ،جەزمەن ھەيرانلىقتا ئۇنىڭ ئادەتتىكى بىلەن ئاسمان-زىمىن پەرقى بارلىقىنى بايقايدۇ. راندى گەرچە كىشلىك مۇناسىۋەتتە بىرئاز ئۇندىمەس پاسسىپ بولسىمۇ ،ئەمما ئۇ ئۆزىنىڭ ئادەتتە يوشۇرۇپ يۈرگەن سېھرى كۈچىنى نامايەن قىلىشنى ئۈگەنمىسە ،سىنىپتىكى ئوقۇغۇچىلارنى باشقۇرالمايدىغانلىقىنى ئۇلارنىڭ دېققىتىنى يىغىشتىن تېخىمۇ ئېغىز ئاچقىلى بولمايدىغانلىقىنى  بالدۇرلا بايقىغان. راندىنىڭ خىزمەتداشلىرى ئوقۇغۇچىلارنىڭ دېققىتىنى تارتىش ئۈچۈن قىززىق گەپلەرنى قىلاتتى،بەزىدە مۇبالىغە ھەجىۋى ھەرىكەتلەرنى قىلاتتى.بىراق ئۇ بۇنداق قىلىش ئۇنىڭ ئالاھىدىلىكى ئەمەسلىكىنى ئىنىق بىلەتتى.راندىنىڭ ئىزچىل قىزغىن سۆيىدىغان بىر نەرسە بار ،ئۇ بولسىمۇ رەقەملەر.بىر ماتىماتكا ئوقۇتقۇچسىى بولۇش سۈپىتى بىلەن ،ئالگىبىرالىق تەڭلىمىلەر ۋە گىئومىتىيىلىك تىئورمىلارنى ئۇ ئىنتايىن ياخشى كۆرەتتى .ئۇ مۇشۇ ماتىماتكىغا بولغان چۇڭقۇر قىزغىنلىقنى تەبئى ھالدا پۈتۈن سىنىپقا يەتكۈزگەندىلا ئاندىن مۇئەييەن جەلىپكارلىق پەيدا قىلغىلى بولىدىغانلىقىغا چۇڭقۇر ئىشىنەتتى. ئوقۇغۇچىلارمۇ ئادەتتە جىم يۈرۈيدىغان بۇ مۇئەللىمنىڭ دەرىسكە كىرسىلا توك قاچىلىغاندەك روھلىنىپ ،كۆزلىرى نۇرلىنىپ ،پۇت-قوللىرى تېتىكلىشىپ ،گەپ-سۆزلىرى جانلىنىپ كەتكەنلىكىنى ھەيرانلىق ئىكىدە بايقايتتى ،ئوقۇغۇچىلارغا بەئەينى ئۆزىنىڭ سۆزلىگىنىگە مەس بولۇپ قالغاندەك تۇيغۇ بېرەتتى، شەخسى جەلىپكارلىق مەيلى قانداق شەكىلدە ئىپادىلەنسۇن ،ھامان باشقىلارنى ئۆزى قىلۋاتقان ئىشقا قىزىقتۇرىدۇ.شەخسى جەلىپكارلىق بولۇش ئۈچۈن داڭلىق چولپان بولۇش كەتمەيدۇ،موھىمى ئۆزىنىڭ خىزمىتىگە بولغان چۇڭقۇر ئىشتىياق بولىشى ۋە ئۇنى باشقىلارغا يەتكۈزۈپ بېرەلىشى كېرەك. مېھرىبانلىق بالىلار ھەمدە بارلىق جانۋالار ئۆزىگە مېھرىبانلىق كۆرسەتكەن كىشىگە چۇڭقۇر مەمنۇن بولماي قالمايدۇ.بۇ دەل كىشلەرنىڭ  ھەممە ئېتىراپ قىلغان مۇنەۋۋەر ئوقۇتقۇچنىڭ پىشقان كەسپى ئىقتىدارى ئەمەس بەلكى ئۇلارنىڭ مەپتۇنكار پەزىلىتىنى چوڭ كۆرگەنلىكىنىڭ سەۋەبى.ئوقۇتقۇچىلار بولسا بالىلار پۈتۈنلەي ئىشىنىدىغان كىشلەر.باشقىلارغا ياخشلىق قىلىدىغان كىشلەر.مېھرىبان ئوقۇتقۇچىلار مەيلى بەزىدە ئاچچىقلاپ خاپا بولسۇن ياكى تەس تاپشۇرۇق بەرسۇن ياكى دەرىسنى تېتىمسىزراق ئۆتسۇن ،ئوقۇغۇچىلار ئۇنى بۇنى دەپ غۇدۇرىمايدۇ. سىز سىزگە دەرس ئۆتكەن ئەڭ مۇنەۋۋەر ئوقۇتقۇچىڭىزنى ئەسلەپ بېقىڭ،بەلكىم ئۇ ئەڭ مۇلايىم ئادەم بولماسلىقى مۇمكىن،بىراق شەكسىزكى ئۇ سىزنىڭ ئەڭ يۇقىرى مەنپەئەتىڭىزنى ھەر ۋاقىت ئېسىدىن چىقارمايدۇ.ئۇ سىزگە ھەيدەكچىلىك قىلىدۇ،ھەتتا سىزنى باش چۆكۆرۈپ ئۈگىنىش قىلىشقا زورلايدۇ.بىراق سىز ئۇنىڭ سىزگە شۇنداق چۇڭقۇر كۆيۈنىۋاتقان بىر ئادەم ئىكەنلىكىنى بىلىپ تۇرىسىز. نام –ئاتاق ئۈچۈن ئوقۇتقۇچى بولىدىغانلار بولمىسا كېرەك.ئادەتتە ،دەسلىپىدە ھەر بىر ئوقۇتقۇچى باشقىلارغا ياردەم بېرىشتىن تەسۋىرلىگۈسىز خۇشاللىق تاپىدۇ،بىراق ئەپسۇسكى،ئوقۇتۇش جەريانىدىكى بەزى ئوڭۇشسىزلىقلار تۈپەيلىدىن ،بەزى ئوقۇتقۇچىلارنىڭ دەسلەپكى باشقىلار ئۈچۈن خىزمەت قىلىشتىن ئىبارەت كەسپى غايىنىڭ يالقۇنىنى ئۆچۆرۈپ قويدى.بىراق ئوقۇغۇچىلار ياخشى كۆرگەن ،خىزمەتداشلىرى ھۆرمەتلىگەن ئوقۇتقۇچىلار دەل پۈتۈن نىيىتى بىلەن باشقىلارغا ياردەم بەرگەن ،غەمخورلۇق قىلغان ئوقۇتقۇچىلاردۇر.ئۇلار شۇنىڭ ئۈچۈن پىداكاركى ،ئۇلارنىڭ بۇنداق قىلىشى مائاش ئېلىش ئۈچۈن ئەمەس ،بەلكى بۇ ئۇلارنىڭ تەبئىتى ،ئۇلارنىڭ ئەخلارقى مەجبۇريىتى. ئەمىليەتتە بۇخىل ياردەمخۇمار روھ بىز كۆپ قىسىمىمىزنىڭ ئوقۇتقۇچىلىق قىلشتىكى ھەرىكەتلەندۈرگۈچ كۈچ.مۇشۇندا كۈچلۈك ئىستەك ھەتتا مەسئۇليەتچانلىق بولسىلا دۇنيارىمىز تېخىمۇ گۈزەل بولۇپ كېتىدۇ.مەلۇم مەنىدىن ئېيتقاندا بىز ھەممىز مەڭگۈلۈك روھقا ئايلىنالايمىز ،چۈنكى مەيلى قانچە ئەۋلاد ئۆتسۈن ،پەقەت مۇشۇ پىلانىتتا ئادەملەر ياشايدىكەن ،جەزمەن بىۋاستە ياكى ۋاستىلىك ھالدا بىزنىڭ ھازىر تۆلىگەن بەدەللىرىمىزنىڭ ۋە تىرىشچانلىقىمىزنىڭ پايدىسىنى كۆرىدۇ. بۇنداق پەقەت باشقىلارنىڭ غېمىنى يەيدىغان مېھرىبانلىق ،ئاتا –ئانىنىڭ بالىغا نىسبەتەن ،دوختۇرنىڭ بىمارغا نىسبەتەن بولۇپلا قالماي ئوقۇتقۇچىنىڭ ئوقۇغۇچىلارغا نېسبەتەن تېخىمۇ بولىشى كېرەك.ئەمىليەتتە ،مېھرىبانلىق بىزنىڭ بارلىق ئوقۇتۇش خىزمەتلىرىمىزنى باغلاپ تۇرىدىغان يىلىم.ئوقۇغۇچىلار پەقەت بىزنىڭ ئۇلارغا نىسبەتەن سەمىمى كۆيۆنىشىمىزنى،ھۆرمەتلىشىمىزنى  ھېس قىلغاندىلا ،ئۇلار بىزگە ئىشىنىدۇ،بىزنىڭ نەسھەتلىرىمىزنى كۆڭۆل قويۇپ ئاڭلايدۇ. ھەممىگە ئوخشاش مۇئامىلە قىلىش مۇنەۋۋەر ئوقۇتقۇچى ئىنىققى ھەممىنىڭ گېپىگە ئىشىنىۋىرىدىغان ،ھەممە يەردە سالاچىلىق قىلىپ يۈرۈيدىغان ياخشىچاقچى ئەمەس.ئۇلار ئوقۇغۇچىلارغا كەڭ قوساق ،بەزىدە ئۆز مەيلىگە قويۇپ بېرىدۇ.بىراق ئۇلار بىلىدۇكى،ئوقۇغۇچىلار ئوقۇتقۇچىنىڭ مۇئەييەن تۈزۈملەرنى بېكىتىپ بېرىشىنى كۈچلۈك تەلەپ قىلدۇ.ئوقۇغۇچىلار دەرس ئىنتىزامىنى بىكاردىن بىكارغا بۇزمايدۇ،بەلكى ئادەمگە قاراپ يۈرگۈزۈلگەن ئادالەتسىز تۈزۈمگە نارازى بولغانلىقتىن كېلىپ چىقىدۇ.شۇنداق دېيىشكە بولىدۇكى،ئوقۇغۇچىلارنىڭ مەكتەپتە ئەڭ كۆپ ئاغرىنىدىغىنى ،ھەممە ئوقۇغۇچىلارنى ئوخشاش كۆرمەسلىك. بىر 10 ياشلىق ئوقۇغۇچى قاخشاپ مۇنداق دېدى:ئۇ بەك قاملاشمىغىلى تۇردى،مەن ئۇنىڭغا ئۆچ،ئۇنىڭ شۇنچىلىك ئادىلسىزلىقىنى دېمەيلا قويۇڭ،بىر قىز ئوقۇغۇچى نېمە ئىش قىلسا ھىچ گەپ يوق،ئۇ دەرس ۋاقتىدا پاراڭ سالىدۇ،قەغەز چۆرۈيدۇ،بۇ مۇئەللىم بىر ئېغىز جىم ئولتۇرمۇ دەپ قويمايدۇ.بىراق باشقا ئوقۇغۇچىلار ئۇنداق قىلسا ئىنىقكى ئۇنىڭ جازاسىغا ئۇچرايدۇ، ئەگەر بىز ئادەم بولۇشنىڭ ئېسىل ئەخلاقى پەزىلەتلىرى ئوقۇتقۇچىلىق مەسئۇلىيەتنى ئادا قىلغاندا موھىم رول ئوينايدۇ دەپ قارىساق ،ئۇ ھالدا بىزنىڭ ئىشلارنى ئادىل بىر تەرەپ قىلىشىمىز ،بالىلاردا گۈزەل-ئەخلاق يېتىلدۈرۈشتە موھىم رول ئوينايدۇ.شۇنى ئۇنتۇماڭكى ئوقۇتۇشنىڭ ئۆزىمۇ بىر خىل ئەخلاقى ھەرىكەت.ۋېىسسبوۇرد مۇنداق دېگەن:ئوقۇغۇچىلارنىڭ ئەخلاقى تەرەققىياتى ئۇلارنىڭ تۇرمۇشىغا تەسىر كۆرسەتكەن چوڭلارغا باغلىق.ئەگەر بالىلار ھەركۈنى ئوقۇتقۇچىنىڭ ئادىل ئەدەپلىك مۇئامىلىسنى كۆرۈپ تۇرمىسا ،نەدىن ئەدەپ-ئەخلاقنى ئۈگېنىدۇ؟ ئوقۇغۇچىنىڭ ئەھۋالىغا قاراپ ئۈگېتىش ئوقۇتقۇچى دەرس ئۆتكەن ۋاقىتتا ئىقتىدارى ئوخشىمىغان ئوقۇغۇچىلارغا دۇچ كېلىدۇ.شۇڭا بۇنداق ۋاقىتتا ئوقۇغۇچىلارنىڭ ئەھۋالىغا قاراپ تەربىيلەش ئېلىپ بېرش كېرەك.بەزى ئالاھىدە ئوقۇغۇچىلارنىڭ نەتىجىسنى ياخشىلاش ئۈچۈن ،دەرىسنى پىلانىنى ئۆزگەرتىشكىمۇ بولىدۇ.مەسىلەن ،پۇت –قولى مېيىپ ،سەزگۈ ئەزالىرى زەخمىلەنگەن ،ئۈگىنىشتە ئارقىدا ،دېققىتى تولا چېچىلىدىغان ،كەيپىياتى تۇراقسىز ئوقۇغۇچىلارنىڭ ئەھۋالىغا قاراپ خاسلاشقان ئوقۇتۇش پىلانىنى يۈرگۈزۈش كېرەك.تالانىتلىق ئوقۇغۇچىلارنىڭمۇ ئىقتىدارلىرى ھەرخىل بولۇپ ،ئۇلارغىمۇ ئەھۋالغا قاراپ ئىش تۇتۇش لازىم. يۇقىرى ئۈنۈملۈك ئوقۇتقۇچىلار ھەرخىل ئوخشىمىغان ئوقۇتۇش ئۇسۇلى،گۇرۇپپىلارغا بۆلۆش ۋە باھالاش ئۇسۇلىنى قوللىنىپ ھەربىر ئوقۇغۇچىنى ياخشى نەتىجىگە ئېرىشتۈرىدۇ. ئۇلار ئوقۇغۇچىلارنىڭ ئەھۋالىغا قاراپ دەرىسلىك ،ئۈگىنىش پائالىيىتى،باھالاش ئۇسۇلىنى جانلىق ئىشلىتىپ ،باھالاش نەتىجىسىگە قاراپ ئوقۇتۇش لايھىسىنى بېكىتىدۇ. ئوقۇغۇچىلار ئوخشىمىغان يوللار ئارقىلىق ئوقۇتۇش مەزمۇنى بىلەن ئۇچرىشىدۇ.مەسىلەن: مۇزىكا ئاڭلاش،ۋىدىئو كۆرۆش،تېكست ئوقۇش؛مۇستەققىل ئۈگىنىش،ھەمكارلىشىپ ئۈگىنىش،گۇرۇپپىلارغا بۆلۆنۈپ ياكى پۈتۈن سىنىپ بويچە ئۈگىنىش قىلسىمۇ بولىدۇ. يۇمۇرلۇق بولۇش ئۈنۈملۈك ئوقۇتۇشنىڭ ئالدىنقى شەرتى ئۇقۇغۇچىلارغا ئۈگىنىشنىڭ قالتىسلىقىنى تونۇتۇش.ئوقۇغۇچىلار دەرىسكە نېسبەتەن بىزارلىق ياكى زېرىكىش ھېس قىلسىلا،كۆڭلىدە باشقا ئىشلارنى ئويلاپ ،ئۈگېنىشكە قەتئى كۆڭلىنى بېرەلمەيدۇ. جاھان تەرەققى قىلۋاتىدۇ،بالىلارنىڭ دېققىتىنى تارتىدىغان نەرسىلەرمۇ ئىنتايىن كۆپ ،بىز ئۇلار بىلەن بەسلىشىۋاتىمىز،ئوقۇغۇچىلار دەرس ۋاقتىدا بىر خىل ئېچىرقاش ھالىتىدە بولىدۇ،ھەرخىل ئىنتىزارلىق ۋە خىياللار ئۇلارنىڭ دەرىسكە بولغان دېققىتىنى تارتىدۇ.ئوقۇغۇچىنىڭ تۇرمۇشىدىكى خوشاللىق ،غەزەپ،قايغۇلارغا سېلىشتۇرغاندا دەرىس ۋاقتىدا ئۆتۈلۈۋاتقان نەرسىلەر قۇلاققا كىرمەيدۇ.ئويلاپ بېقىڭ ،بالىلارنىڭ ئاتا-ئانىسى تاكاللاشسا،ئۇلارنىڭ كۆڭلى پاراكەندە بولىدۇ،دوستلىرى ۋاپاسىزلىق قىلسا ،غەزەپلىنىدۇ، يېقىندا ئوينالماقچى بولغان پەي توپ مۇسابېقىسىنى كۆرۈش ئۈچۈن ھاياجانلىدۇ قاتارلىقلار.ئۇنداقتا سىز ئۆتكەن شۇ نەرسىلەر يەنە شۇنداق موھىم بولارمۇ؟ شۇڭا بىزنىڭ خىزمىتىمىز ئوقۇغۇچىلارغا دەرس ئۆتۆشلا بولماستىن،بەلكى ئۇلارنىڭ ئۈگىنىشكە بولغان قىزغىنلىقىنى قوزغاش.ئوقۇتقۇچى بۇ ۋەزىپىنى ئادا قىلىشتا ،يۇمۇرلۇق بولۇش موھىم رول ئوينايدۇ.بالىلار بىلەن بىر گەۋدە بولۇپ كېتىشتە ،يۇمۇرلۇق بولۇش ئىنتايىن ئەپلىك يولدۇر.ئويۇنخۇمارلىق بەرىبىر بالىلارنىڭ تەبىئىتى.شوخ كۈلكە سادالىرى ئىچىدە ،ھەممىمىز جانلىق ،شوخ ،تېتىكلىشىپ كېتىمىز. باشقا بولۇشقا تېگىشلىك پەزىلەتلەر مۇنەۋۋەر ئوقۇتقۇچى ئوقۇتۇشتا «مېڭە»نى ئىشلىتىپلا قالماستىن«يۈرەك»نىمۇ ئىشلىتىدۇ.لوگىكىغا ۋە بىۋاستە سېزىمغا ئەھمىيەت بېرىدۇ.يۇقىرىدا تىلغا ئېلىنغان پەزىلەتلەردىن باشقا كىشلەر دائىم تىلغا ئالىدىغان تۆۋەندىكى پەزىلەتلەرنىمۇ كۆرۆپ بېقىڭ. چۈشىنىش بۇ سىزنىڭ ئوقۇتۇش ماھارەتلىرىگە پىششىق بولىشىڭىزدىن دېرەك بېرىدۇ.سىز ئوقۇغۇچىلارنىڭ نېمە ئويلاۋاتقانلىقىنى بەش قولدەك بىلىشىڭىز ،دەرىسلىك كىتابقا پىششىق بولۇپلا قالماي،«ئىشنىڭ ئېپى»نىمۇ بىلىشىڭىز كېرەك،بۇ دەل سىزنىڭ ھۆرمەتكە ئېرىشىشىڭىزنىڭ سەۋەبى.بالىلار سىزنىڭ ئەتراپىڭىزدا پەرۋانە بولۇپ يۈرۈشىدۇ،چۈنكى ئۇلار سىزنىڭ نېمىنى بىلىشىڭىز ئۇلارغا نېسبەتەن ئەھمىيەتلىك ئىش ئىكەنلىكىگە چۇڭقۇر ئىشىنىدۇ. ئۇندىن باشقا پەم –پاراسەتلىك بولۇش،مۇلايىم بولۇش،سەۋىرچان بولۇش،ھەيدەكچىلىك قىلىشقا ماھىر بولۇش،ئۆزىگە خاس ئۇسلۇب يارىتىش،ئوقۇغۇچىلارغا غەمخورلۇق قىلىش قاتارلىقلار.

lostba

	مەكتەپ باشقۇرغۇچىلار ئەڭ ياخشى ئوقۇتقۇچىنىمۇ  كاردىن چىقىرىدىغان بوپ كەتتى بۇنىڭدىكى سەۋەب باشقۇرغۇچى تەخسىكەشلەرنىڭ قونچىغىغا ئايلىنىپ قالغان

musilina

	ئوقۇتقۇچى- ھەر ۋاقىت ئوقۇغۇچىلارغا ئۈلگە بولغۇچىلاردۇر،تېمىدا ئوتتۇرىغا قويۇلغان خاسلىقلارنى يېتىلدۈرگەن ئوقۇتقۇچىلار ئوقۇغۇچىلارنىڭ قەلبىدە يۈكسەك دەرجىدە ئورۇن تۇتقان ئوقۇتقۇچىلاردۇر... يۇقارقى پەزىلەتلەرنى ھازىرلاش ئۈچۈن تېخىمۇ تىرىشچانلىقلارنى كۆرسۈتۈشۈمگە توغرا كېلىدۇ،چوقۇم تىرىشىمەن ....

azhar001

	يازما ئىگىسىگە رەھمەت !بۇتىمىنى  بىزنىڭ مەكتەپتىكى ئۇقۇتقۇچىلارغا بىر قېتىم كۆرسىتىپ قۇيىدىغان گەپكەن !

abdurahman5

	يازغۇچىغا رەھمەت، ھەممە ئوقۇتقۇچىلارنىڭ ئوقۇشىغا ئمكانىيەت بامىدۇ ـ ھە؟!!