خارۋاد: قەدىرلىكىم، كەلمەمسىز. مەكتىپىمىزنى پۈتتۈرگەنلەرنىڭ يىللىق كىرىمى 200 مىڭ دوللاردىن كەم ئەمەس ! ئېلانغا ئىشەنمەڭ ! ئوقۇغۇسى بارلارنى رەت قىلىشقا ئەڭ ئامراق مەكتەپ بىز ئەمەس ! ئەڭ ئادەمگەرچىلىكى يوقى ماسساچۇستىس تەبىي پەنلەر ئىنىستىتۇتى ! ھەرگىز ئۇيەرنى ئىلماس قىلماڭ ! بىزگە ئىشىنىڭ ! گەرچە 20مىڭدىن ئارتۇق ئىلتىماس قىلغۇچىلاردىن پەقەت %9 لا ئادەم قوبۇل قىلساقمۇ، يەنىلا ئىلتىماس قىلىڭ!ناھايتى شۇ خەت ساندۇقىڭىزدا رەت قىلىنىش ئۇچۇرىدىن بىرسى كۆپىيىپ قالا . قېنى كېلىڭ ! تېخىمۇ كۆپلىگەن ئىلتىماس قىلغۇچىلار كېلىڭلار! شۇنداق بولغاندا بىزنىڭ ئوقۇغۇچى قوبۇل قىلىش نىسبىتىمىز %1 تۆۋەنلىشىدە ئۈمىد زور !
پرىنسىتون: ھېچبولمىسا بىرەر پارچە ئىتلىماسنامىدە بولسىمۇ كبرىڭىزنى تولۇق نامايەن قىلىڭ ! شۇنداق قىلالىسىڭىز مەكتىپىمىزگە قىسىلماي كىرەلەيسىز ! بىلىڭكى ، بىزنىڭ يېشىمىز ئامېرىكا قوشما شىتاتلىرىنىڭكىدىنمۇ چوڭ !
غەربىي قىسىم ھەربىي مەكتىپى : ئۇنىۋېرسىتىتتا ئوقۇيسىز ، پۇلدىن قىسىلمايسىز
يالى: مەكتىپىمىزگە كەلگىنىڭىزدىلا ۋىليام.خاۋورد(27-نۆۋەتلىك ئامېرىكا زۇڭتۇڭى)،چوڭ بوش(41-نۆۋەتلىك ئامېرىكا زۇڭتۇڭى)،كىلىنتون(42-نۆۋەتلىك ئامېرىكا زۇڭتۇڭى)،كىچىك بوش(43-نۆۋەتلىك ئامېرىكا زۇڭتۇڭى) قاتارلىقلارنىڭ ئىزىغا ئەگىشەلەيسىز ، بىز سىزگە بىر دۆلەتنى قانداق ئىدارە قىلىش ياكى قانداق ۋەيران قىلىشنى ئۆگىتىمىز.
ستانفورد: خارۋاد نېمىگە ھېساپ ؟ كالفورنىيە بىزنىڭ زېمىنىمىز . سىز بىزگە نىسبەتەن ئۇنچە مۇھىم ئەمەس ، بىراق يەنىلا ئىلتىماس قىلىپ قويغىنىڭىز ياخشىراق، ئامىتىڭىز كېلىپ چوڭ مۇكاپات تۇتۇپ قالامسىز تېخى .
كالفونىيە تەبىي پەنلەر ئۇنىۋېرسىتىتى : تۈن يېرىم سائەت ئۈچ،تۆتلەردە خەققە ئوخشاش شىرىن چۈش كۆرۈپ ياتماستىن ،ئەكسىچە فىزىكا تەجرىبىخانىسىدا ھاردىم-تالدىم دېمەي تەجرىبە ئىشلەپ ئىلىم-پەننىڭ سىرلىرى ئۈسىتىدە ئىزدىنىش ، نىمە دېگەن ئەھمىيەتلىك ھايات ھە ! ئىچىڭىز پۇشقان ، كۆڭلىڭىز يېرىم ، ئاچچىقلانغان ۋاقىتلىرىڭىزدا ئىچىگە نىترات كىسلاتا قاچىلانغان كاۋىنى ئالتىنچى قەۋەتتىن تاشلاپ پارتىلىتىش ئارقىلىق ئاچچىق چىقىرىش ، بېسىمنى يىنىكلىتىشنى ئويلاپ باقتىڭىزمۇ؟ قېنى ئۇنداق بولسا مەكتىپىمىزنى ئىلتىماس قىلىڭ !
ماسساچۇستىس تەبىي پەنلەر ئىنىستىتۇتى : بىز بىر توپ غەلىتە مەخلۇقلار ، مەكتەپ قۇرۇلىشى ۋە ياتاقلىرىمىز بۇنىڭغا ئىسپات بولالايدۇ . مەكتىپىمىزگە ئىلتىماس قىلىپ سىناپ كۆرۈشىڭىز كېرەك . چۈنكى ، قانداق سەۋەپ بىلەن رەت قىلىنىدىغانلىقىزنى چوقۇم بىلگىڭىز بار .
دۇك ئۇنىۋېرسىتىتى : بىزنىڭ تەنھەركەت كوماندىمىز تەنتەربىيە بىرلەشمىسىنىمۇ يەر چىشلىتۋەتكەن! ، قېنى ئېلتىماس قىلىڭ! مەكتىپىزدە يۈز بەرگەن باسقۇنچىلىق دېلولىرىدىن ئۇنچە قورقۇپ كەتمەڭ!
دارتموس ئۇنىۋېرسىتىتى : مەكتىپىمىز يېڭى خامشپىردىمۇ ياكى ۋېرمونت شىتاتىدىمۇ ؟ بولدىلا غاجىشىپ ئولتۇتمايلى ، ئىشقىلىپ مەكتىپىمىز كۆپ مىللەتلىك رايوندا ، نېمىلا بولمىسۇن ، بىزنىڭ نامىمىز ياڭراق . ئەگەر سىز قارتېيىلىشنى ، دوستلار يىغىلىشىنى ياخشى كۆرسىڭىز مەكتىپىمىز سىزنىڭ ئەڭ ياخشى تاللىشىڭز بولالايدۇ.
كولۇمبىيە ئۇنىۋېرسىتىتى: مەكتىپىمىز نيۇ-يوركنىڭ ئەڭ ئاۋات يېرىگە جايلاشقان ، بىراق بىزنىڭ ئوقۇغۇچى قوبۇل قىلىش نىسبىتىمىز پەقەت %10لا جۇمۇ. تەلىيىڭىز ئوڭدىن كېلىپ مەكتىپىمىزگە كىرەلمىسىڭىز نيۇ-يورك ئۇنىۋېرسىتىتىگە بارسىڭىز بولىدۇ ، ئۇيەردىكلەرنىڭ كۆپىنچىسى مەكتىپىمىزگە تاللىنالمىغانلار .
چىكاگو ئۇنىۋېرستىتى : گوت ئۇسلۇبىدا سېلىنغان مەكتەپ قورۇسى ھەقىقەتەن كۆركەم . سىز بىر غەلىتە ئادەم بولسىڭىز ، غەلىتە ماقالىلەرنى يازالايدىغان قابىليەتكە ئىگە بولسىڭىز ، ئۇنداقتا مەكتىپىمىز سىزنىڭ ئەڭ توغرا تاللىشىڭىز ! بىزگە كەلگەن ئىلتىماسلارنىڭ ھەممىسى بىر-بىرىدىن غەلىتە يازمىلار.
بروۋىن ئۇنىۋېرسىتىتى: توغرا، مەكتىمىزنى بىرخىل رەڭ نامى بىلەن ئاتىشىمىزنىڭ سەۋەبى ، ئۆگىنىش مۇھىتىنىڭ دەرىجىدىن تاشقىرى ئەركىن بولۇشى بىلەن مۇناسىۋەتلىك . ئەگەر سىز بىر غەلىتە ئادەم بولۇشنى خالىسىڭىز ، ئۇنداق سىزنى تەبرىكلەيمىز ، سىز جايىنى تېپىپسىز . چىكاگو كالتەك توپ مەيدانىغا بېرىپ باققانمۇ ، ئۇ يەر بىزدىنمۇ «ئەركىن» ، بىراق ھېچقىسى يوق . ئىسىڭىزدە بولسىۇن، بىز ئەركىنلىككە چوقۇنىمىز !
ۋاشىنگتون ئۇنىۋېرسىتىتى : تەنتەربىيە بىرلەشمىسىدىن رەت قىلىنغانلارنى قارشى ئالىمىز ! قېنى مەرھەمەت . نام-شۆھرىتىمىز ئۇيەرلەرگە يەتمىسىمۇ باشقا جەھەتلەردە ھېچكىمدىن قالغۇچىلىكىمىز يوق . ئەڭ پەيزى تۇرمۇش كۆز ئالدىڭىزدىلا !
غەربىي شىمال ئۇنىۋېرسىتىتى : بىز مىچىگان كۆلى بىلەن قوشنا . سىز چىكاگو شەھەر مەركىزىگە ۋېلىسپىتلىق بېرىپ كەلسىڭىز بولىدۇ . بىراق راستلا شۇنداق قىلسىڭىز توڭلاپ ئۆلۈپ قېلىشىڭىز مۇمكىن
مەنبە : شىنخۇا تورى