ئالدىغانسەن نېمىشكە

ARKZAT

	ئالدىغان سەن نېمىشكە    كۆزلىرىم يوق كۆزلىرىڭنى كۆرۈشكە،    لەۋلىرىم يوق لەۋلىرىڭنى سۆيۈشكە.    يۈرىكىم يوق سېنىڭ ناپاك يۈرىكىڭ،         كۆيگەن ھامان گۈلخان بولۇپ كۆيۈشكە.     ئالدىغان سەن دەسلەپ مېنى نېمىشكە.       سۆزلىرىم يوق ئەمدى ساڭا دېيىشكە،     چۈشلىرىم يوق سېنى قايتا كۆرۈشكە.           پۇرسىتىممۇ چىقماس ئەمدى سەن بىلەن،     قول تۇتۇشۇپ باغچىلارغا كىرىشكە.          ئالدىغان سەن دەسلەپ مېنى نېمىشكە.     كۆڭلۈممۇ يوق ساڭا زورلاپ بېرىشكە،    مەيلىممۇ يوق سېنى يوقلاپ كېلىشكە.     بىزار قىلغاچ مېنى ۋىجدانسىزلىقىڭ،     ئىنتىلمەسمەن جۈر بولۇپمۇ كۈلۈشكە.         ئالدىغان سەن دەسلەپ مېنى نېمىشكە.       رازىمەنكى   تەنھا  ياشاپ   ئۆلۈشكە،   كۆزلىرىم يوق كۆرلىرىڭنى كۆرۈشكە.          سەن ۋاپاسىز ياردىن  قېچىپ، دەۋزەخكە       چۇچۇل بولاي، كىرىپ قالساڭ بېھىشكە.       ئالدىغان سەن دەسلەپ مېنى نېمىشكە.                                                                 ( مەنبەسى: ئەركزات نەزمىلىرىدىن )                                      ئەسكەرتىش:                  بۇ شېئىرىم «قەشقەر ئەدەبىياتى»( ھازىرقى«قەشقەر»)ژۇرنلىنىڭ  1992-يىللىق 2-سانىدا ئېلان قىلىنغان)

yawayi-0998

	ھەققىقەتەن ياخشى چىقىپتۇ... ئالدىدىڭ سەن باشتا نىمىشقا . ئالدىغانسەن باشتا نىمىشقا . ئالدىغاچقا سەن  باشتا . ئىشەنمىسەم دەپ سورىما نىمىشقا .

ئىپارە

	ھەقىقەتەن ياخشى يىزىلغان شېئركەن .

پالۋان

	كۆز يىشىم يوك پىراقىڭدا تۆكۈشكە، يۈرىكىم يوق ۋىسالغا تەلپۈنۈشكە، سۆيگۈڭدىن يار ئەمدى بولدۇمغو بىزار، ھاياتىم يوق سەن بىلەن ئۆتكۈزىشكە، ئالدىغان سەن مىنى باشتا نىمىشكە؟

ARKZAT

	پالۋان يوللىغان ۋاقتى  2011-12-24 04:18 PM كۆز يىشىم يوك پىراقىڭدا تۆكۈشكە، يۈرىكىم يوق ۋىسالغا ت ...   تەپەككۇرلىرىمنىڭ كەمتۈك قالغان قىسىمىنى تولۇقلاپ قويۇپسىز، رەھمەت!