ئۇيغۇرچە ماركىلارنى ئۇيغۇرلار ئۆزى ئۆلتۈر

مەلىكە

	ئۇيغۇرچە ماركىلارنى ئۇيغۇرلار ئۆزى ئۆلتۈرىدۇ مەلىكە ئۇيغۇرچە مەھسۇلاتلىرىمىزنىڭ ھەممىسى ساختىمۇ؟  بايا تىما ئارلاۋىتىپ بۇ ماقالىنى ئوقۇغاندىن كىيىن ئۆزۈمنىڭ كەسپىمۇ مۇ ئىشلار بىلەن باغلىنىشلىق بولغاچقىمۇ تورداشلارنى ئازتولا ئىشلاردىن خەۋەرلەندۈرۈپ قۇيۇشنى توغرا تاپتىم. راستچىللىق ھامىنى يىڭىدۇ، مەھسۇلات ئىسىل بولسا ھەرقانچە باشقىلار تەرىپىدىن يالغاندىن ئۇنداق ناچار-مۇنداق ناچار دىيىلسىمۇ شاللىنىپ قالمايدۇ. ئۆزىنىڭ سۈپىتى بىلەن يەنىلا بازار تىپىپ  زەپەر قۇچىدۇ. يالغان مەھسۇلاتنى ھەرقانچە ئىسىل دەپ داڭلىسىڭىزمۇ بىرقىتىم ئىشلەتكەندىن كىيىن ئىككىنى قىتىم ئۇ مەھسۇلاتنى ھىچ كىشى ئالمايدۇ-دە سىز بازاردىن چىكىنىشكە مەجبۇر بولىسىز. ئۇيغۇرچە مەھسۇلاتلار ساختا ئەمەس. ئۇيغۇرچە ساپ ئىسىل مەھسۇلاتلارنى ساختىلاشتۇرىۋاتقان يەنىلا ئۆزىمىزنىڭ بىرقىسىم ئۇيغۇرلىرى. بىرىمىز ئالدىغا ماڭىمىز، بىرىمىز كەينىمىزىدىن تارتىمىز. بولدى باشقا گەپ قىلماي. بۇنداق دىسەم ھەيران قالماڭ. تۆۋەندىكى بىرنەچچە ئەمەلىي مىسالنى ئوقۇپ بولۇپ مىنىڭ نىمە دىمەكچى بولغىنىمنى ئاندىن چۈشىنىسىز. بىزنىڭ شىركەت تاشقى-سودا شىركىتى. ھەم ئورالمىنىمۇ ئاساس قىلىدۇ. ئورالما يەنى 包装 بولسا تۇرمۇشىمىزدىكى ھەرقانداق مەھسۇلات ئۈچۈن كەم بولسا بولمايدىغان نەرسە. بىزنىڭ شىركەتكە ھەرخىل مەھسۇلاتلارنىڭ ئورالمىسىنى ياساش ئۈچۈن ھەر يەرلەردىن ھەرخىل ئادەملەر كىلىدۇ.دۆلەت ئىچى-سىرتىدىكى خىرىدارلارنىڭ ھەممىسى بار. بىركۈنى شىركەتكە ئىككى قىرىندىشىمىز كىرىپتۇ. خۇشخۇيلۇق بىلەن كۈتىۋالدىم،ھەم ئۇلاردىن نىمە ئىشى بارلىقىنى سورىدىم، ئۇلار شىركىتىمىزنىڭ ئىچىدە ئادەمنىڭ بىرقەدەر كۆپلىكنىنى كۆرۈپ مەندىن ئايرىم ئىشخانىدە پاراڭلاشساق بولارمۇ،دەپ سورىدى. مەن ئۇلارنى ئۆزۈمنىڭ ئىشخانىسىغا باشلاپ ئەكىردىم. __سىلەرگە نىمە كىرەك ئىدى؟ ئۇلار ئىككىسى بىر-بىرىگە قارىۋەتكەندىن كىيىن سومكىلىرىدىن ئىككى تال ئورالما قاپنى چىقاردى، قارىۋىدىم ،ئارىمىزدا خىلىلا داڭلىق بولغان ***ماركىلىق قۇۋۋەت تالقىنى ھەم فىرىماسىنىڭ قاپلىرى ئىدى.(قايسى شىركەتنىڭ ئىكەنلىكىنى دەپ ئولتۇرماي). مەن ئۇلارنى شۇ شىركەتنىڭ خادىملىرى بولسا كىرەك دەپ ئويلىدىم: __سىلەر***شىركىتىنىڭ خىزمەتچىلىرىمۇ؟ ئۇلار سەل ئوڭايسىزلانغادەك ماڭا قاراپ قويدى. ___ياق، بىزگە مۇشۇنىڭ قىپى لازىم ئىدى. كۆزلىرىم ئۇلارغا مىختەك تىكىلدى: __ئەمىسە ئىچىدىكى فىرىما ھەم تالقاننى قانداق قىلىسىلەر؟؟ ئۇلار سەل جانلانغاندەك بولدى: __قاراڭ ئۇكام، بىز ھازىر ***(ئىچكىرىدىكى بىز شەھەر،دەپ ئولتۇرماي) شەھەردىكى بىز زاۋۇت بىلەن دىيىشىپ قويغان،كىلوگىرامىنىڭ باھاسى سەل قىممەت چۈشۈپ قىلىۋاتىدۇ، ئەگەر سىلەردە ئەرزان بولسا سىلەردىن قاپ بىلەن بىرگە ئىچىدىكىسىنىمۇ قۇشۇپ بىرگە زاكاس بىرىۋىتەيلى. ئىچىمدە مىڭنى تىللىدىم،شۇندىمۇ چاندۇرماي داۋاملىق سورىدىم: __بىزغۇ ئەرزان باھادا سىزگە تىپىپ بىرىمىز، لىكىن ئىچىدىكى مۇسۇلمانچىمۇ ئەمەسمۇ، مەنمۇ تازا ئىنىق بىلىپ كەتمەيمەن. ئۇلار دەرھاللا: __بىزمۇ شۇ مۇشۇ مەسىلىدە ئويلىنىپ قالدۇق، ئۇ زاۋۇتتىن سورىساق مۇسۇلمانچە دەيدۇ،ئەمدى سىز ئۇيغۇر بولغاندىن كىيىن سىز تىپىپ بەرگەن زاۋۇت بىلەن ئوبدانراق دىيىشىپ بەرسىڭىز.ھىلىقىدەك قالايمىقان نەرسىلەرنى قاتماي ياساپ بەرسە.... ھەر نىمە بولسا خىلى بولسىمۇ ئىمانى بارلىقىدىن سۆيۈندىم. __ئۇلار ھە دەپ قۇيۇپ ئۆزلىرىنىڭ بىلگىنىچە بىرنەرسىلەرنى قىتىپ قويسىچۇ؟ __ئۇنداقمۇ قىلماس؟__ئۇلار ئىككىللەنگەندەك بىر-بىرىگە قاراپ قويدى. يەنە بىرى بىر ئىشنى پەملىدىمۇ سەل خاپا بولغاندەك : __ئۇكام، ئىچىدىكىسىنى دىيىشمەي قىپىنى دىيىشەيلى،ھەربىر خىلدىن50000تال، باھاسى قانچىدىن؟؟؟ بىزنىڭ دىرىكتورىمىز يولداشلاردىن بولغاچقا ،ھازىر مۇشۇ يەردە بولسا بۇ ئىككى قاپنى ئىككىلەنمەي ياساپ پۈتتۈرۈپ قولىغا بىرەتتى،ھەرھالدا بۇ كۈنى دىرىكتۇرىمىز ئۆزىنىڭ ئىشخانىسىدا باشقا خىرىدار بىلەن پاراڭلىشىۋاتاتتى. __كەچۇرۇڭلار،  قاراڭلار،بۇ ماركا ئەنگە ئىلىنغا ماركا ئىكەن__شۇنداق دىگەچ ئۈستىدىكى ــ ™بەلگىسىنى كۆرسىتىپ قويدۇم.__بۇنداق ماركىنىڭ قىپىنى ياساش ئۈچۈن چوقۇم شۇ شىركەتنىڭ 委托书يەنى ھاۋالە خىتى(مۇشۇنداق تەرجىمە قىلدىم)نى ئىلىپ كىلىڭلار. __ئۇكام،بىزدە ئۇلارنىڭ 委托书سى نىمە ئىش قىلسۇن؟ __ئۇنداق بولغاندىن كىيىن ھالال-ھاراملىقىنى ئۆۈڭلارمۇ بىلمەيدىغان نەرسىنى مۇشۇنداق يۇز تاپقان،نام تاپقان مەھسۇلاتنىڭ ئىچىگە سىلىپ كىمنىلەرنىڭ ئىمانىنى بۇلغۇماقچى بولۇۋاتىسىز؟ بۇ مەھسۇلاتنى كىملەر سىتىۋالىدۇ؟ كىشلەرنىڭ ئىمانىنى بۇلغاڭ بىر، يەنە تىخى خەقنىڭ بازىرىنى بۇزۇڭ ئىككى... __ئۇكام، بىزىگە تولا تەربىيە قىلماي ئۆزىڭىزنىڭ خىزمىتىنى ئىشلىسىڭىز بولارمىكىن؟__ئۇلار تىرىككەندەك قىلاتتى. قاپقارا كەلگەن بۇ دادام دىمەتلىك ئادەمگە گەپ ياندۇرايمۇ قانداق قىلاي دىگەننى ئويلىشىپ بىردەم تۇرۇپ قالدىم: __ماقۇل مەن خىزمىتىمنى قىلاي، مىنىڭ بۇيەردىكى خىزمىتىم يالغۇز سىلەرگە قاپ ياساپ بىرىش ئەمەس يەنە تىخى مۇشۇنداق يالغان مەھسۇلاتلارنىڭ قىپىنى ياسايدىغانلارنى تىلفۇن ئۇرۇپ پاش قىلىش،ئەكىلىڭە قولىڭىزىدىكى قاپنى__شۇنداق دىگەچ قولىدىكى قاپنى يۇلۇپ دىگۈدەك ئالدىم. ئىشنىڭ سەل چاتاقلىقىنى ھىس قىلدىمۇ يەنە بىرى يالغاندىن ھىجىيىپ تۇرىۋالدى: __ۋاي سىڭلىم،بىز راست بىلمەپتۇق جۇمۇ...ئاق-كۆك ...دىگىنىچە بىرمۇنچە قۇرۇق سالالارنى ئىيتىپ قۇيرۇقىنى خادا قىلدى.... بىلىپ تۇرۇپتىمەن، بىزگە ئوخشاش شىركەتلەر بۇ ئەتراپتا خىلى جىق، مەن بۇلارنى يولغا سالغىنىم بىلەن ئىككىنجى بىر شىركەت ئۇلارنى قىزغىن قارشى ئالىدۇ-دە، پۇلنى نەق ساناپ، ياساپ بىرىدۇ. چۈنكى ئۇ يەردە يولداشلار ئىشلەيدۇ. ئىچىم ئاچچىق بولدى، ئىككى ئادەمگە شۇنچە نەپرەتلەندىم. شۇلارغا ئوخشاش نۇرغۇن كىشى بار، بىرەر ماركا داڭق قازىنىپ قالدىمۇ بولدى، ئىچىدىكىسى بىلەن كارى يوق، سىرتىنى ئوخشاش قىلىپ تۇرۇپ خىجىل بولماي شۇ مەھسۇلات دەپ تۇنۇشتۇرۇپ ساتىدۇ، ھەقىقىي سۈپەتلىك مەھسۇلاتلار بىلەن يۇزسىز ،نۇمۇسسىزلار قىپىنى ئوخشاش قىلىپ بازارغا چىقارغان مەھسۇلاتلار ئارلىشىپ كىتىدۇ-دە شۇ مەھسۇلاتنىڭ بازاردىكى ئورنى نۆل بولىدۇ. ئاندىن بىز نىمە دەيمىز؟ بىز قوپۇپ: ‹‹ زادى مىللىيچە ماركىدىكى نەرسىلەر ياخشى ئەمەس، ئۇنىڭدىن كۆرە پالانچىلارنىڭ ياخشى›› ‹‹نىمىدىگەن ئىشەنچىسىز بۇ؟ ھامىنى قىلغاندىن كىيىيىن سەلل ياخشىراق قىلسىچۇ؟...›› مانا مۇشۇنىڭغا ئوخشاش نارازىلىقلار ئۇيغۇرلىرىمىز ئىچىدە ئەۋج ئىلىپ كۆپلىگەن ئۇيغۇرلىرىمىزنىڭ ئىڭىدا ئۇيغۇرچە ماركىدىكى مەھسۇلات ناچار دىگەن ھالەتنى شەكىللەندۇرىۋالىمىز. ئەمدى سىز ئويلاپ بىقىڭ، ئۇيغۇرلارنىڭ مەھسۇلاتى راست ناچارمۇ؟ بۇنىڭ ھەممىسىنى ئاشۇ يۇزى قىلىن خەقنىڭ چاپىنىدا تەرلەيدىغان ئۆزىمىزنىڭ ئۇيغۇرلىرىدىن كۆرسەك بولىدۇ. ئۆزۈڭلار مۇلاھىزە قىلىپ كۆرۈڭلار، مەن كۆپ سۆزلىمەي.

Я!У♬ㄒ

	ناچارلار

52arslan

	نەق گەپ ، مىللى تاۋارلىرىمىزنىڭ قەدرىنى بىز  ئۆزىمىز قىلساق بولىدۇ

TaRKiN

	بۇنى خۇددى 4تەڭگىنى دەپ ۋىجدانىنى ساتقان بىلەن تەڭ دەپ ھىس قىلدىم. مەن ئۆزىمىزنىڭ مەھسۇلاتلىرىنى مەيلى ياخشى بولسۇن ياكى ناچار بولسۇن،‹نىرى تۇرۇپ تۇرە› دەپ باقمىدىم. ئىشلىتىۋەردىم.قىسقىسى قوللاپ كەلدىم. شۇڭا يىقىننىڭ ياغى ئىشلىتىۋاتقان مەھسۇلاتلارنىڭ سۈپىتى خىلىلا ياخشىلاندى.ھەم مەنمۇ مەمنۇن بولدۇم. ماركىسىنى دەپ ئولتۇرماي.       ئۆزىمىزنىڭ پۇتىغا پالتا چاپماي،بولسا قوللاپ-قۇۋەتلەيلى،شۇ چاغدىلا مىللىي كارىخانىلار مىللىيلار بازىرىنى ئىگىلەپ،بىز ئۈچۈن تىخىمۇ ياخشى مەھسۇلاتلارنى تەغدىم قىلالايدۇ.

zapar

	مۇناپىقلارنى قاراڭ، مۇنداق ئىشلارمۇ بار دەڭە...ھەي. بىر تىللىۋالاي..ۋاي ھەزلەك بەچچىلەر، تىلىڭغا قوڭى يوغان چىقار ئەبلەخلەر!

bujahan

	بىزدەك دورۇمچۇقلار يەنە قەيەرلەردە باردۇ؟بىرسى بىرئىشنى قىلسا ئەتىسىلا يەنەبىرسى دورايدۇ.ئاقىۋەتتە ھەر ئىككىلىسىنىڭ ئىشى ئاقمايۋاتقان.

zapar

	[quote]ئاپتور جاۋابىنى بويلاپ 4قەۋەت  zapar كە 2011-12-23 01:10 PMئەۋەتىلدى  : مۇناپىقلارنى قاراڭ، مۇنداق ئىشلارمۇ بار دەڭە...ھەي.   قانۇن نازارەتچىلىكنى كۈچەيتىش كېرەك ئىدى مۇشۇنداق ئىشلارغا.

zinnure

	گەلنى خەق بۇلغىمايدۇ ، ئۆزىمىز بۇلغايمىز !        نېمىشقا ؟   پۇل ئاللىقاچان پۈتۈن ئەزايىمىزنى ئۆزىگە بويسۇندۇرىۋالغان ...

yaro

	دۇرۇس ئايتاسېن

0998attella

	كۆڭلۈم   يىرىم   بوپ   قالدى   بۇ  تىمىنى  ئوقۇپ............  ئاھ  خۇدا تالقان ،فىرىما　خىلى ئومۇمىلشىپ  قاپتى  بۇنداق نەرسىلەرنى  نەدىن ئىلىش كىرەك..