كۆچۈرمىكەشلەردىن بولايلى

qoqas

	“بىلمىگەننى سوراڭ، بىلگەنلەر دەپ بەرسۇن.بىلگىنىڭىزنى يوللاڭ، بىلمىگەنلەر بىلىۋالسۇن”ئىنتىل سەيناسىنىڭ بۇ شۇئارى ماڭا بەك ياقىدۇ. ياخشى بىلىملەرنى تېخىمۇ كۆپ كىشىلەرگە تارقىتىش ھەممە ئادەمنىڭ مەسئۇلىيىتى!يېقىندىن بۇيان مۇنبەرلەردە يازغىلى نەرسە تاپالمىغاندەك، كەچكىچە كۆچۈرمىكەشلىك توغرىسىدا ئاغزىدىن كۆپۈك چاچرىتىپ سۆزلەيدىغان بىر قىسىم كىشىلەر پەيدا بولۇپ قالدى. قاراپ باقسام ئۇلارنىڭ كۆپىنچىسى يازمىسىنى باشقىلار ئوغرىلاپ كەتكەنلەر ئەمەس بەلكى بىر قانچە تور بېكەتكە كىرىپ ئوخشاش مەزمۇننى كۆرۈپ قالغان “باھالىغۇچىلار” ئىكەن. ئۆزلىرىنىڭ يازمىلىرىنىڭ كۆچۈرۈپ ئىشلىتىشكىمۇ يارىمغانلىقى، باشقىلار يازغان نادىر مەزمۇنلارنىڭ تور – تورلاردا كۆچۈرۈپ تارقىتىلىپ نامى چىقىپ كېتىۋاتقانلىقىغا ئىچى ئاداپ، چىدىماي قېلىۋاتقانمۇ بىلمىدىم، داڭلىق ئوبزورچىلاردەك كەسكىن باھا بېرىپ، ئاجايىپ ھاياجان بىلەن ئىلىم تارقىتىۋاتقانلارنى تىللىغىلى تۇرۇپتۇ.بۇ قۇرلارنى ئوقىۋېتىپ مېنى تازا بىر كۆچۈرمىكەش بىر نىمىمۇ بۇ دەپ ئويلاۋاتامسىز؟ئەلۋەتتە، مەن كۆچۈرمىكەش. ئالدىنقىلارنىڭ بىلىم – ھېكىمەتلىرىنى كېيىنكىلەرنىڭ قەلبىگە كۆچۈرگۈچى كۆچۈرمىكەشمەن. مەن ئىلىم كۆچۈرىمەن. ھېچكىم مېنى تا ھازىرغىچە كۆچۈرمىكەشلىك بىلەن ۋە ياكى ئەسەر ھوقۇقىغا دەخلى يەتكۈزۈش جىنايىتى بىلەن ئەيىپلەپ باققىنى يوق. ئەكسىچە “ئىنسان روھىنىڭ ئىنژىنىرى” دىگەن پەخىرلىك نام بىلەن ئاتاپ كەلمەكتە. ئەمدى توردىكى كۆچۈرمىكەشلىك مەسىلىسىگە كەلسەك، توردىن بىرەر نەرسە تېپىشقا دۇچ كەلسە دەرھال گوگىل ياكى بەيدۇغا ھاۋالە قىلىمىز، ئونمىڭلىغان ئوخشاش نەتىجىلەرنى تېپىپ بېرىدۇ، ھاجىتىمىز راۋا بولىدۇ. تور بېكەتلەرنىڭ ئۆمرى ئوخشاش بولمايدۇ، ياخشى بىلىملەر بىلەن تولغان بىر قىسىم تور بېكەتلەر نامەلۇم سەۋەپلەر بىلەن تاقىلىپ قالىدۇ، شۇنىڭ بىلەن تەڭ ئىچىدىكى ياخشى مەزمۇنلارمۇ تەڭلا يوقايدۇ. شۇ ياخشى بىلىملەر پەقەت شۇ كۆچۈرمىكەشلەرنىڭ ئەجرى بىلەن باشقا تور بېكەتلەرگە چاپلىنىپ ساقلىنىپ قالىدۇ. كېيىنكىلەرگە لازىم بولغاندا ئەسقاتىدۇ. ئەسلەپ بېقىڭلار، ئىلگىرىكى نۇرغۇن بېكەتلەر كېيىن بوشلۇق پۇلىنى ۋاقتىدا تاپشۇرالماي دېگەندەك سەۋەپلەر بىلەن تاقىلىپ قالدى، ئىچىدىكى شۇ مەزمۇنلارچۇ؟ ئەمدى نەدىن تاپىسىز؟ پەقەت باشقا بېكەتلەرگە كۆچۈرۈلگەنلىرىلا ساقلىنىپ قالدى. ئەسىرىڭىزدىن باشقىلارنى پايدىلانمىسۇن دېسىڭىز تورغا يوللىماڭ. ۋەياكى مەتبۇئاتلارغا ئەۋەتىپ قەلەم ھەققى خەجلەڭ. تورغا ئۈن تىنسىز باشقىلار ئۈچۈن خالىس ياردەم قىلىدىغانلار داۋاملىق يازىدۇ. ئۇلارنىڭ يازمىلىرىنى بىز داۋاملىق كۆچۈرىمىز. شۇ نادىر يازمىلاردىن تېخىمۇ كۆپ كىشىنى بەھىرلەندۈرۈپ شۇ يازغۇچى ئېرىشىدىغان ساۋاپنى تېخىمۇ ئاشۇرىمىز. تورغا چىققان ھەممىلا ئادەمنىڭ بىر نەرسە يازالىشى ناتايىن، ئەمما ھەقسىز ئېرىشكەنلىرىنىڭ بەدىلىگە ئازراق ئەجىر قىلىپ ئېرىشكەنلىرىدىن باشقىلارنىمۇ بەھرلەندۈرسە ئۇنىڭ نىمە يامىنى بار؟توغرا چۈشىنىدىغان تورداشلارغا سەمىمى تەكلىپىم:باشقىلار ئۈچۈن پايدىلىق دەپ قارىغان بىلىملەرنى ئاپتورغا ھۆرمەت قىلغان ئاساستا نۇرغۇن بېكەتلەرگە چاپلاڭلار. تېخىمۇ كۆپ كىشىلەر پايدىلانسۇن ۋە شۇ بىلىملەر تور دۇنياسىدىن يوقاپ كەتمىسۇن. “كىتاپ ئوغرىسى ئوغرى ئەمەس” دىگەندەك ئىلىم تارقاتقان گۇناھ ئەمەس. مەنبە : مۇئەللىم تورخاتىرىسىدىن

peyaz

	ئاپتۇرنى ۋە كىلىش مەنبەسىنى ئەسكەرتكەن ھالدا مىنىڭچە يوللىسا بىز پايدىلانساق بولارمىكى دەيمەنغۇ ؟

omak~layla

	كۆچۈرۈشكە كەلگەندە مىنىڭ ئالدىمغا ئۆتەلەيدىغىنى يوققۇ دەيمەن ، ھى ھى ھى

ansar1013

	ناھايىتى ئۇرۇنلۇق تەكلىپ بوپتۇ، لكىن مۇمكىن بولسا ئەسلى مەنبەسىنى ئەسكەرتكەن ئاساستا يوللىسا بىزمۇ كىمنىڭ ئەسلى ئاپتۇرى ئىكەنلىكىنى بىلۋالساق مۇشۇنداق بولغاندا ھەر خىل ئۇقۇشماسلىقلارنىڭ ئالدىنى ئالغىلى بولىتى.

artiken

	مەنمۇ ھازىرغا قەدەر كۈچۈرمىكەشچىلىك بىلەن ياشاپ كىلىۋاتىمەن.

مەتو

	شۇ شۇ.........جىق ئادەمنىڭ ئاختۇرۇش دائىرىسى كەڭ بولىدۇ ئەمەسمۇ؟ ئۇيەر -بۇيەرلەرنى ئاختۇرۇپ تاپماقمۇ ئاسان ئەمەس ئەلۋەتتە.....مىسرانىمدا تىلغا ئېلىنمىغان،بىز خەۋەر تاپمىغان ياخشى ياخشى تېمىلار بولسا كۆرۈپ باقساق بولىدۇ....قاندا دىمىدىم باللا؟؟؟؟؟؟

zulayha

	مەنمۇ شۇنداق ئويلايمەن . لېكىن كۆپۈنچە كىشىلەر بۇنداق قارىمايدىكەن .

peyaz

	ئاپتور جاۋابىنى بويلاپ 6قەۋەت  zulayha كە 2011-12-22 02:27 PMئەۋەتىلدى  : مەنمۇ شۇنداق ئويلايمەن . لېكىن كۆپۈنچە كىشىلەر بۇنداق قارىمايدىكەن .   زۇلەيخا خانىم بۇ تىزىۋالغان ناۋاتلىرىڭىزدىن بىر خەتنى كۆرگەندەك ھىس قىلۋاتىمەنغۇ ؟

kaisar

	ئاپتور جاۋابىنى بويلاپ 7قەۋەت  peyaz كە 2011-12-22 02:34 PMئەۋەتىلدى  : زۇلەيخا خانىم بۇ تىزىۋالغان ناۋاتلىرىڭىزدىن بىر خەتنى كۆرگەندەك ھىس قىلۋاتىمەنغۇ ؟ مەنمۇ شۇ .......

saraghutun

	كۆچۈرمكەشلىككە  قارشى تۇرۇش  مۇنبەرنىڭ  خاسلىقىنى  ساقلاش بىلەن مۇناسىۋەتلىك  سىزنىڭ  گەپلىرىڭىزنى  خاتا  دىمەيمەن ئەمما  ئوخشاش  بىر  تېما  ھەممە مۇنبەرلەردە چاپلاقلىق تۇرسا ..ئويلاپ بېقىڭە مۇنبەر ئىناۋىتى بىلەن بىۋاستە مۇناسىۋەتلىك بوپ قالىدۇ ..