ئوقۇش پۈتتۈرۈش دىسسېرتاتسىيىسى ھەققىدە

haci

	ئوقۇش پۈتتۈرۈش دىسسېرتاتسىيىسى ھەققىدە ياردەم سورايمەن ئەسسالامۇئەلەيكۇم، ھۆرمەتلىك مۇنبەر ئەھلى،   مەن ئىچكىردىكى مەلۇم ئۇنېۋىرسىتىتتا رۇس تىلى كەسپىدە ئوقۇيمەن. اللاھ خالىسا، كىلەر يىلى ئوقۇش پۈتتۈرۈش ئالدىدا تۇتۇپتىمەن.   نەق گەپكە كەلسەك، مەكتەپنىڭ ئورۇنلاشتۇرىشى بويىچە بۇ يىلنىڭ ئاخىرىغىچە ئوقۇش پۈتتۈرۈش دىسسېرتاتسىيىسىىنىڭ تىمىسىنى بېكىتىشىمىز كېرەك ئىدى. مەن بىر نەچچە مەزمۇننى ئويلاشتىم، يەنى رۇسىيەنىڭ سۈرىيە مەسىلىسىگە تۇتقان دىپلۇماتىك پوزىتسىيەسى، رۇسىيە- چېچىنىيە مەسىلىسى، تاتارلارنىڭ رۇسىيە جەمىيىتىدىكى رولى ۋە ئورنى قاتارلىق تىمىلار ھەققىدە ئازدۇر كۆپتۇر ماتىرىيال توپلىدۇم.   ئەمما يۇ قارقى تىمىلاردىن سۈرىيە مەسىلىسى تېخى تولۇق ئاخىرلاشمىدى، بۇ تىمىنى تۇتسام كۈندە خەۋەر كۆرۈپ، ماقالەمنى ھەر ۋاقىت ئۆزگەرتىپ تۇرىشىمغا توغرا كىلىدۇ. شۇڭا بۇنىڭدىن ۋاز كەچتىم.   چېچىنىيە مەسىلىسىنى يازسام، مەيلى ياخشى يازاي ياكى ناچار يازاي، بۇ مەسىلىگە قارىتا سۇبىكتىپ كۆز قارىشىم كۆپرەك سىڭىپ كىتىشى مۇمكىن. ئەگەر سۇبىكتىپ قاراشلىرىمنى سىڭدۈرمەي، ئوتتۇردا تۇرۇپ يازساممۇ ئوقۇتقۇچىلار مېنى ئۆز قاراشلىرىنى، ھىسداشلىقىنى سىڭدۈرىۋەتتى دەپ قاراپ، باھالىغاندا ياخشى باھاغا ئىرىشەلمەسلىكىم مۇمكىن. يەنە بىرى چېچىنىيە مەسىلىسى نازۇك تىما بولغانلىقى ئۈچۈن، مەيلى رۇسچە، مەيلى خەنچە بولسۇن ماتىرىيالغا ئىرىشمەك بىرقەدەر تەس ئىكەن. بۇنىڭدىنمۇ ئىككىلىنىپ قالدىم.   يۇ قارقىلارنىڭ ئىچىدە ئەڭ مۇۋاپىق تىما تاتارلار ۋە رۇسىيە جەمىيىتى ھەققىدىكى تىما ئىكەن. بۇنى يازغاندا ھەم ئاسان ۋە كۆپ ماتىرىيالغا ئىرىشكلى، ھەم بىر قەدەر ياخشى ماقالە يېزىپ چىققىلى بولىدىكەن. مۇناسىۋەتلىك خېلى جىق ماتىرىيال توپلاپ قويدۇم، شۇنداقلا مۇشۇ تىمىنى چۆرىدەپ يېزىشنى قارار قىلدىم. لىكىن تاتارلار رۇسلاردىن قالسا رۇسىيە فىدىراتسىيەسى تەۋەلىكىدىكى ئىككىنجى چوڭ مىللەت. تاتار مىللىتىنىڭ مەلۇم بىر تەرىپىنى نۇقتىلىق يازمىسام، ماقالەم پايتىمىدەك ئۇزىراپ، ئاخىرىنى يىغشتۇرماق تەسكە توختايدىكەن. شۇڭا سىلەردىن مەسلىھەت يىغىشنى قارار قىلدىم. تاتارلار ۋە رۇسىيە ھەققىدە قايسى نۇقتىنى تۇتۇپ يازسام بولار؟ « كۆپ تۈكۈرسە كۆل تولار» دەپتىكەن،   تاتارلار ۋە رۇسىيە ھەققىدە بىلىدىغانلار، بۇ تۇغرۇلۇق  بىلىمى كۆپرەك ئاكا- ئۇكا، ئاچا- سىڭىللار مۇشۇ ئىشىمغا ياردەم قىلساڭلار بوپتىكەن. بۇ ھەقتە ماتىرىيال بولسىمۇ مەيلى.  ئاساسلىق تەلەپ، مەيلى تاتارلارنىڭ قايسى ساھەسىنى يېزىشىمدىن قەتئىي نەزەر چوقۇم رۇسىيە جەمىيىتى ياكى مەدىنىيىتى بىلەن باغلىنىشلىق بولىشى كىرەك. رۇسىيە جەمىيىتى ياكى مەدەنىيىتىدىن ئايرىم، مۇستەقىل ھالدا تاتارلارنى تونۇشتۇرسام تەلەپكە ئۇيغۇن بولمايدۇ. [/table]چوڭقۇر ئېھتىرام بىلەن مۇنبەردىشىڭلار Haci .

ad0903

	ئەپسۇس ،مىنىڭ كەسپىمگە مۇناسىۋەتلىك بولغان بولسا ياردېمىم تېگەر ئىدى .ياردەم قىلالايدىغان قېرىنداشلار بولسا ياردەم قىلىپ قويۇڭلار.

tohrah

	مەن كۆرگەن ماتىرىيالاردا روسلارنى شۇ مەدەنىيەتكە ئىگە قىلغان شۇ تاتارلار مەسىلەن : رۇس ئۇسۇلى ئاساسەن تاتار ئۇسۇل مەدەنىيىتىدىن كەلگەن .

muhtarbay@921

	بۇ توغىرسىدا گۇگىللاپ باقتىڭىزمۇ ؟ ياكى ۋىكى توردىن چىقىپ قېلىشى مۈمكىن مەنمۇ ئەينى يىلى ماقالەمنى ياخۇدىن ، گۇگىلدىن ۋە ۋىكى تورىدىن پايدىلىنىپ يازغان . يا بولمىسا ماۋۇ ئۇلانمىغا كىرىپ ئىزدەپ بېقىڭ : http://isearch.babylon.com

anjura

	ئەسسىلامۇئەلەيكۈم: مەن بىلەن بۇ يىل تەڭ قاراردا ئوقۇش پۈتتۈرۈش ئالدىدا تۇرغان روس تىلى كەسپىدىكى ھەمشىرەممۇ ئۆتكەن ھەپتە ئاخىرىدا شۇ ئوقۇش پۈتتۈرۈش دىسسېرتاتسىيىسىنىڭ تىمىسىنى ئوتتۇرغا قويۇپ ئوقۇتقۇچىلارنىڭ تاللىشىدىنمۇ ئوڭۇشلۇق ئۆتۈپتىكەن ئەمما ئۇنىڭ قايسى تىمىنى تاللىغانلىقىنى سورىۋالماپتىمەن. سىلەر بەك بالدۇر تىما تاللامسىلەر قانداق؟! بۇمۇ بىر ھىساپتا ياخشى بولغىنى، بىزدەك ئالدىراپ قىلىشتىن ساقلانغىلى بولغۇدەك. سىزمۇ ئاۋۇ ھەمشىرەمدەك ‹ر› ھەرىپىنى بەك كۈچەپ تىترىتىپ تۇرۇپ گەپ قىلىدىغان بولۇپ قالمىغانسىز-ھە؟!روس تىلىدا شۇ ھەرپ خېلى قوللىنىدىغاندەك تۇرىدۇ. ھەمشىرىمىزنىڭ ‹ر› ھەرپىنى تەلەپپۇز قىلىشى بىزنىڭكىدىن خېلىلا پەرىقلىنىپ تۇرغاچ بىزمۇ دائىم ئۇنىڭغا شۇ ھەرىپنى كۈچەپ تۇرۇپ گەپ قىلىپ تىرىكتۈرۈپ قوياتتۇق. ئاللاھ ئىشلىرىڭىزنى ئاسان قىلسۇن. داۋاملىق ئىزدىنىپ بېقىڭ.ئاللاھ چوقۇم سىزگە بىر يەردىن بولمىسۇن بىر يەردىن چىقىش يولى بىرىدۇ.

نۇربىيە

	ھەييييييييي ، مەنمۇ  بەك تەستە يېزىپ پۈتتۈرگەن ، لىكىن كەسپىمىز ئوخشاش بولمىغاندىكىن ياردەم قىلالمايدىكەنمەن ، بىراق سىز چۇقۇم ئۆزىڭىز چۈشنىدىغان ، قىزقىدىغان  كەسىپ بولسا يېزىش     بىرقەدەر ئۇڭاي   بۇلامدىكىن دەيمەن

gunqa721

	مېنىڭچە تاتارلارنىڭ سوۋىت ئىتتىپاقى پارچىلانغاندىن بۇرۇنقى ۋە كېيىنكى دەۋردىكى ھەر قايسى تەرەپلەردىكى تەرەققىياتىنى سېلىشتۇرۇپ يازسىڭىز قانداق بولار؟ بۇنداق بولغاندا ماتېرىيالنىمۇ كۆپرەك تاپقىلى بولارمىكىن. ھەم يازىدىغان مەزمۇنمۇ كۆپ چىقىپ، خالىغانچە تاللىيالايسىز. ماقالىنى رەسمىي پۈتتىگە تاپشۇرغىچە يېتەكچى ئوقۇتقۇچى نەچچە قېتىم كۆرۈپ ئۆزگەرتكىلى سالىدۇ، ھەر قېتىملىق نۇسخىسىنى ئۆزگەرتكەندە چوقۇم ماقالىڭىزدە يېڭى مەزمۇن قوشۇلمىسا ماقالىنى ئۆتكۈزمەيدۇ. شۇڭا مۇشۇ  جەھەتتە يازسىڭىز ماقالە مەنبەسىدىن قىينالماسسىزمىكىن دەيمەن.

muhtarbay@921

	تاتارلارمۇ دەششەت باتۇر ، قورقماس بىر مىللەت، ئەينى يىللىرى روسلار ئوتىرىسدا خېلە كۈرەشلەر بولغانغۇ ؟ مۇشۇ باتۇرلىقىنى تېما قىلىپ يازسىڭىزمۇ بوپ قالار دەيمەندە

بېھزات

	ھازىر تاللىغان تېمىنى جايىدا تاللاپسىز ...شۇ بويىچە توردىن ئىزدىنىپ باقسىڭىز ۋە ياكى تاتار مەدەنىيىتىگە ئائىت كىتابلاردىن پايدىلانسىڭىز بولىدۇ !!!بىزغۇ خەنزۇچە يازغان،10000خەتلىك دەڭا،مەنمۇ تولا كۈتۈپخانا بىلەن كومپىيۇتۇر ئارىسىدا يۈگۈرۈپ يۈرۈپ ئوڭۇشلۇق پۈتتۈرۋالدىم بۇ مەكتەپنىمۇ ... سىز ھەر قاچان روس يىزىقىدا يازىسىزغۇ،دەيمەن !؟چوڭ كۈتۈپخانىلارغا بىرىپ ئىزدىنىپ باقسىڭىز ...نەق تېمىغا چۈشىدىغان ماقالىنىڭ ئۆزىگىلا ئىرىشىپ قىلىشىڭىز مۇمكىن...

sazguri

	ۋا ي   ئەستا كىلەر يىلى  مەن قانداق قىلارمەن  ؟؟؟؟مۇشۇ  ئىش  ئەڭ  تەسكەن  بىزنىڭ  مەكتەپتە !!!مىنىڭغۇ كەسپىم كومپىيۇتىر ئىدى ...ۋاختى كەلگەندە تورداشلار ياردەم قىلارسىلەر جىمۇ ....ئەمما  مۇشۇ روس تىلىنى بىر ئاڭلاپ باققىم بار ئىدى مىنىڭ