سېنى يەنە ئەسلەپ قالدىم

musilina

	ھاۋا شۇنچىلىك سوغۇق،ئاسماندىن لەيلەپ چۈشىۋاتقان ئاپئاق قار زىمىننى ئاق لىباس بىلەن ئوراپ،پۈتكۈل كائىناتنى ئاقلىق بىلەن بېزىدى! قار يېغىپ زىمىن ئاق لىباس كىيگەن ،ئاپئاق قار شادلىقى ئىككىمىزگە خاس دەپ بىلىپ بالىلارچە شادلىققا جۆر  بولغان شۇ كۈنلەرنى يەنە ئەسلەپ قالدىم ! ئاپئاق قارغا قاراپ سېنى يەنە سېغىنىپ قالدىم! بەدىنىم سوغۇق دەستىدىن شۈمشىيىپ كىچىكلەپ كەتكەندەك تۇيۇلدى ئۆزۈمگە، ‹‹توڭلىدىڭمۇ؟›› دەپ ئوتلۇق كۆزلىرىڭنى تىكىپ سوراشلىرىڭ،بېشىمنى لىڭشىتقىنىمنى كۆرۈپ  سوغۇقتا قىزىرىپ كەتكەن قوللىرىمنى ئالقىنىڭغا ئېلىپ ئىسسىتىپ قويغانلىرىڭ،قوللۇرۇڭىنىڭ ھارارىتىدىن  بەدىنىمنىڭ ئوت ئالغاندەك قىزىپ كېتىشلىرى ئېسىمگە كەچتى! مېنى بىردىنلا مۇڭ باستى! سېنىڭ شۇ ھارارەتلىك قوللىرىڭنى ئەسلەپ قالدىم ئاپئاق قارغا قاراپ....!   ئاپئاق قار ئىچىدىكى  جىمىكى نەرسە  كۆزۈمگە سېنىڭ سىمايىڭنى نامايەن قىلىۋاتىدۇ!ئاپئاق قارغا كۆمۈلگەن ، سېنى ماڭا ئەسلىتىدىغان شۇنچە كۆپ نەرسىلەر كۆز ئالدىمدا تۇرسا قانداقمۇ  سېنى ئەسىلمەي تۇراي ! ماڭا مۇھاببەتنى ،سۆيگۈنىڭ شېرىن تەمىنى ھېس قىلدۇرغان سېنى يەنە ئەسلەپ قالدىم قارغا قاراپ....!   مەن ئاپئاق قار مەنزىرىسىدىن ھوزۇر ئېلىپ،لېرىكىلق ھېسياتلارغا چۆمۈلگەن شائىر ئەمەسمەن،لېكىن نازۇك دىلى سۆيگۈ ئازابىدىن خەستىلەنگەن ،يۈرىكى ئازابقا ،قەلبى قارلىق ئەستىلىكلەرگە تولغان مۇڭلۇق بىر ئىنسانمەن....! بۇ ئەستىلكلەر،بۇ مۇڭلار ئىچىدە سەن بار ...!مۇشۇ ئەستىلكلەر ئىچىدىن تۇرۇپلا سېنى ئەسلەپ قالدىم!   ئەسلىمەي تۇرالمىدىم سېنى!ئاپئاق  قارغا كۆمۈلگەن كوچىلار،سوغۇقتا شۈمشەيگەن ۋۇجۇد،ئەسلىمىلەرگە  غەرق بولغان خىياللار....! مۇشۇلارنىڭ ھەممىسىدە سەن بار،بۇنداق بولغاندىكن سېنى ئەسلىمەي بولامدۇ؟!خىياللىرىم ئىچىدە سېنى ئەسلەپ قالدىم! بوپتۇ، ئەسلىۋالاي سېنى تاكى خىياللىرىمدىن ئىزىڭ ئۆچكىچە....! سېنى ئەسلىگەن ئاشۇ دەقىقە، ئاپئاق قارغا قارىدىم ئۇزاق. ئاق ئەستىلىك تاشلىدى بىراق، يۈرىكمگە ھېجرانلىق پىراق. ئۇنتۇپ كېتەي دېگەن ئەسلىدە، بىراق ئۇنتۇش ئەمەسكەن ئاسان. ھېجرانلىرىڭ بەرسىمۇ ئازاپ، سېنى يەنە ئەسلەيمەن ھامان. مەنبە : ئۆز قەلىمىم

OTYAK

	قاردىن پەيدا بولغان سىغىنىش تۇيغۇسى...

سەۋېر

	سېنى ئەسلىگەن ئاشۇ دەقىقە، ئاپئاق قارغا قارىدىم ئۇزاق. ئاق ئەستىلىك تاشلىدى بىراق، يۈرىكمگە ھېجرانلىق پىراق.

kaqmixlar

	يۈرۈكۈمگە ھىجرانلىق پىراق خەنجەر بولۇپ كىردى يۈرەككە ئاشۇ سوغوق زىمىستان قىشتا سىغىنىشىم يەتتى پەلەككە

پالۋان

	ئەسلەش ئۈچۈن ئۇنتۇش كېرەك... شۇڭا مەن سىنى پەقەت ئەسلىمىدىم.... چۈنكى مەن سىنى بىر مىنۇتمۇ ئەقلىمدىن چىقىرالمىدىم....

nazina0996

	ئەسلىمە ئىچىدە ئۇنتۇش!

arkzad

	مەنمۇ ئەسلىدىم

نۇربىيە

	مەن بىر ئۆمۈر ئەسلىمەيمەن ،

ئەل قىزى

	مەنمۇ بۇ تىكىستىڭىزنى ئوقۇپ ئۆزۈم ئەسلەشكە تىگىشلىك بولمىغان ئەسلىمىلىلىرىمنى ئەسلەپ قالدىم مۇسلىنە !!!! باھار كەلسە ئاچىلسا گۈللەر، ئەسلەيمەن بىرنچى سۆيگۈنۈم. ئەسلەيمەنۇ كۆزلەرىمدە ياش، ..............

witamen

	[mp3=1]http://www.axpaz.cn/nahxa/untalmidim.mp3[/mp3]

munqak

	مەنمۇ قارنى بەك ياخشى كۆرىمەن....... قار ياققاندىكى مەنزىرە نىمىدىگەن گۈزەل ھە!....

YURUPTANHA

	ئەسلەش تاتلىق،ئۇنتۇش ئازاب..........!!!

delziba

	مەنمۇ قارنى بەكمۇ ياخشى كۆرىمەن،ھەردايىم لەپېلدەپ ياققان قاردا سەن بىلەن ماڭغان شۇ كۈنلەرنى ئەسلەيمەن بىراق ئازىر ئاشۇ قار مەنزرسنى ئۆزۈم يالغۇز كۆرمەكتىمەن.

zapar

	مەن قارغا بەك ئامراق 20دەك قىز دوستۇم بۇلىدىغان ئۇلارمۇ ئامراق ئىدى. ھازىر خۇتۇنۇم ۋە ئايالىممۇ شۇنداق ئامراق. مەنمۇ سېغىناي دېگەن بىراق قايسى بىرسىنى سېغىنىپ بۇلارمەن دەيمىنا

1595054969

	ئۇنتۇپ كېتەي دېگەن ئەسلىدە، بىراق ئۇنتۇش ئەمەسكەن ئاسان.    ھېجرانلىرىڭ بەرسىمۇ ئازاپ، سېنى يەنە ئەسلەيمەن ھامان. سېگىنىش ىلكىدە وتكۇزۇپ تاڭنى، كېچا كۇندۇز ۇيكا يوك كوز دە، سەن مۇ بىركۇن ەسلەپ كالارسەن، سېگىنىشتا وتكەن شۇكۇن نى،