ســــېـغـــىـنــــىـمـــــەن

پالۋان

	غەزەپ ھەققىدە ئاپتۇرى: پالۋان غەزەپلەنمە كىچىك ئىشقا سەپرالىقتىن ئاغرىق بولىسەن، چوڭ ئىشقىمۇ چىچىلما ھەم، ئەيىپلىرىڭ ئىچىۋالىسەن.. غەزەپ ئىنسان ئۈچۈن دۈشمەن، بىلىپ قالغىن بۇرادەرلەر، مۇلايىم ئاتىلىش يىرىگە، زەپمۇ قوپال نامىن ئالىسەن... غەزەپ ئوخشايدۇ بىر ئوتقا، ئۆچۈت ئوتنى بولما ۋەيران، گەر ئوتقا سەن ئوتۇن سالساڭ، تۈنجى بولۇپ ئۆچۈڭ يانىسەن. غەزەپ ھەمدە چاچار ھەريان ئاداۋەت ئۇرىقىن دوستلار، غەزەپلەنسەڭ دوستۇڭ كەملەپ، دۈشمەن بىلەن يالغۇز قالىسەن. غەزەپلەنمە بولما نادان، پۇشايمانغا ئاچما يولنى، غەزەپلىنىپ ئىش بۇزىسەن، ئاندىن ھەسرەتتە سەن قالىسەن. ئاچچىقىنى يەڭگەن باتۇر، ھەقىقەتتۇر ئاگاھ بولغىل، غەزەپلەنمە، ئاچچىقىڭ يەڭ، شۇندا باتۇر ھېساپلىنىسەن. غەزەپ ئەقىلگە بىر دۈشمەن، غەزەپلەنسەڭ ئەقىل كىتىدۇ، ئەقىللىق بول، چىچىلما ھەم، شۇندا دانا بولۇپ قالىسەن. غەزەپنىڭ دورىسى سۇكۇت، جىم بولۋالساڭ ئۆزى كېتىدۇ، غەزەپلەنگەندە جىم تۇرىۋال، شۇندا ئاچچىقنىڭ سەن يىڭىسەن. غەزىۋىڭگە بويۇن ئېگىپ، شەھۋىتىڭنىڭ قۇل بولساڭ، ئىنسانلىقتىن ئەسەر قالماس، ھايۋاندىنمۇ بەتەر بولىسەن. بويسۇنمىغىن غەزەپكە يار، سەبىرلىك بول، بول ۋاپادار، شۇندا خەلق سۆيەر سىنى، ئەخلاقلىق بىر پەرزەنت بولىسەن. مەنبە: .ئۆزۈم

jmgor

	ھەقىقەتەن ياخشى چقىپتۇ. ئەسەرلىرىڭىز كىشىنى ھەقىقەتەن خوش قىلىدۇ. رەخمەت سىزگە.

پالۋان

	ســـــېغـــــىنـــــىمـــــەن ئاپتۇرى: پالۋان سېغىنىمەن نىگارنى ھەر دەم، بولغاچقا ئۇ مەن ئۈچۈن ھايات، ئۇنۇتمايمەن ئۇنى مەن پەقەت، كەلتۈرسىمۇ ئەزرائىل مامات. سېغىندۇردى شۇ قاراشلىرىڭ، كىرپىكلەردىن ئاتقان ئوقلىرىڭ، سېغىندۈردى مىنى ئەي نىگار، ماڭا قاراپ قىلغان راستلىرىڭ. سېغىنىمەن يالغىنىڭنى يار، دېگەچ سۆيگۈم ھازىرمۇ يالغان، زەپ ياراشتى ساڭا گۈزەللىك، گۈزەللىكنى ئاي سەندىن ئالغان. سېغىنىمەن ھەر بىر قاراشنى، بولغاچ نىگار ئۇندا بىر مەنا، غەزەپ بىلەن قارىدىڭ ئاخىر، ھىجران بىلەن قايغۇردۇم مانا. سېغىنىمەن ھىجرانىڭنى يار، ۋىسال بولغاچ ئۇنىڭ كەينىدىن، جۇدالىقتا قاخشايدۇ يۈرەك، قەدەم باسماي نىگار كەينىدىن. سېغىنىمەن كۈلكەڭنى ھەر ئان، سەن كۈلگەندە يورىيدۇ جاھان، يىغلىساڭ گەر بۇلۇتلار كىلىپ، يىغلار بىللە زېمىنۇ ئاسمان..... يىغلىغاندا يارىم سىنىڭ چۈن، سۈرۈتكەنتىڭ كۆز ياشلىرىمنى، ئايرىلساقمۇ ۋىسال تاپقايمىز، سىنىڭسىز يار تاشلىما مىنى. سەنسىز ھايات ماڭا تار دېگەن، سۆزلىرىڭنى سېغىندىم نىگار، مەنسىز قانداق ياشاۋاتقانسەن؟ بىلەلمىدىم، يىغلىدىم نىگار. مەنبە: ئۆزۈم

gulbaxikar

	ئابدىخالىق ئۇيغۇرنىڭ غەزەپ ۋە زار دىگەن شېئىرىنى ئەسلەتتىڭىز ، لىكىن مەنا جەھەتتىن بەك پەرىقلىنىدۇ! سىزنىڭمۇ خېلى ياخشى چىقىپتۇ ! سىزگە تېخىمۇ چوڭ ئۇتۇق تىلەيمەن!

kaqmixlar

	شىرىڭىز ھەقىقەتەن ياخشى چىقىپتۇ

lostba

	شىېرغا گۈل بەك يارىشىپتۇ

تاڭنۇر

	‹ئۇنۇتمايمەن ئۇ مەن پەقەت، › بۇ مىسرانى قايتا تەھىرلەڭ !

qolyigiti

	شىئېر بىلەن گۈل بەك يارىشىپتۇ،

arkin~kux

	شىئېرىلىرىڭىز بەك ياخشى چىقىپتۇ.