بۇ ئىشلار قاچانمۇ تۈزۈلەر

123kuknur

	يېقىنقى يىللاردىن بۇيان تۈرلۈك شەكىلدىكى «سېلىق»لار  بارغانسېرى كۆپۈيۈپ كەتتى، مىسالغا ئالساق كۆچەت تىكىش ھەققى،گىزىت - ژورنال ھەققى،ئىستىراخۇانىيە  ھەققى، ھەر تۈرلۈك ئىئانىلەر، ئالاھىدە پارتىيە ئەزالىق ھەققى،ئەسلىھەلىك يېزا ئىگىلىكىگە ياردەم ،تولۇقلىما پۇلنىڭ بېجى دەمدۇ ياكى لاتارىيە ھەققى... ... دەمدۇ ئىشقىلىپ تۈرلۈك سېلىقلار. مۇئاشى ئەسلىدىنلا  ئۆزلىرىنىڭ تۇرمۇش چىقىمى ۋە پەرزەنتلىرىنىڭ تۇرمۇش خىراجىتىنى ئاران كۆتۈرۈپ كېتىۋاتقان بىزدەك«مۇئاش»لىقلارنىڭ يەلكىسىنى ئېغىر دەرىجىدە باسماقتا.    بىزنىڭ بۇ ناھىيىدە ھەرقانداق بىر يېڭى لايىھە تۈزۈلسە ئالدى بىلەن بىچارە ئوقۇتقۇچىلىرىمىزنىڭ بېشىغا كېلىدۇ، يۇقۇرىدىن بېرىلگەن ھەر ئايلىق تولۇقلىما پۇلىمىزمۇ ناھىيىدىكى كاتتىلار تەرىپىدىن ئالدى بىلەن مائارىپ سېستىمىسىدا «ئۈنۈم»ىگە قاراپ تەقسىملەش ئۇسولىنى قوللۇنۇپ كېلىۋاتىدۇ.(پۈتۈن ناھىيە بويىچە پەقەت مائارىپ سېستىمىسى بىلەنلا چەكلەندى،باشقا ھەر قانداق ئورۇندىكى ئىشچى- خىزمەتچىلەر بۇ پۇلدىن تولۇق بەھرىمان بولۇپ كەلمەكتە).    يۇقىرىقى ھەقلەردىن بىر قىسىم ھەقلەرنى توغرا چۈشۈنۈشكە بولىدۇ، بىراق بەزى  ئىشلار كاللىمىزدىن زادى ئۆتمەيدۇ. بۈگۈن ئەتىگەنلىك يوقلىما ئاخىرلىشىشىغا ئەگىشىپ مالىيە خادىمى يۇقىرىدىن ھەر بىر ئوقۇتقۇچىغا 100يۈەنلىك لاتارىيە بېلىتى سېتىۋىلىش ۋەزىپىسى كەلگەنلىكىنى ئۇقتۇردى. ئىلگىرىكى يىللاردا 50يۈەندىن سېتىۋېلىپ بىر پۇڭ مۇكاپاتقا ئېرىشەلمەي ئىچىمىز ئاچچىق بولۇپ، دەردىمىزنى ئىچىمىزگە يۇتقان ئىدۇق. ئەمدى ماۋۇ ئىشنى كۆرۈڭ، 100يۈەن، 100يۈەن دېگەن بىزگە ئوخشاش يېزىدىكى«شەھەر»نوپۇسلار ئۈچۈن بىر ئاز ئېغىر تۇيۇلىدۇ. نېمە ئۈچۈن دەۋاتامسىز؟ ئەسلىدىلا ئەر-خوتۇن ئىككەيلەننىڭ مۇئاشى بىلەن ئۆينىڭ چىقىمىنى قامداپ، ئىككى پەرزەنتنى ئوقۇتۇۋاتقان(بالىلىرىمىنىڭ چوڭى ئىچكىرىدە ئالى مەكتەپتە .كىچىكى ناھىيە مەركىزىدە تولۇق ئوتتۇرىدا ئوقۇيدۇ) بىزگە ئوخشاش ئائىلىلەر يېزىدا ئانچە كۆپ ئەمەس،چۈنكى %99ئىشچى-خىزمەتچىنىڭ يەر-تېكى بار. ئەھۋالى بىزگە قارىغاندا خېلى ياخشى. ئەمما ماۋۇ مۇكاپات چىقمايدىغان لاتارىيەسىنىمۇ بىزگە زورلاپ تېڭىشى كاللىمىزدىن زادى ئۆتمىدى.    بىزنىڭ بۇنداق يولسىز تەلەپلەرنى رەت قىلىش  ھوقوقىمىز يوقمۇ؟ بۇنداق ئىشلارنىڭ ئارقىسىغا بىرەر پايدا-مەنپەئەت يوشۇرۇنغان بولامدۇ؟ كەڭ تورداشلارنىڭ بىر مەسلىھەت بېرىشىنى سورايمەن. (قېلىپتىن چىقىپ كەتكەن سۆزلەر بولسا توغرىسىنى چۈشۈنەرسىزلەر) مەنبە: ئۆزۈم

natik

	راس بىزنىڭ يۇرتتم تارتىقان چەكنى باشلىقلار تارسا پۇل چىقىپ، پۇخراغا رەخمەت چىققان

★Esl~YaXa★

	ھەي ```` قانداق قىلىمىز شۇ ```  ئالدىنقى قېتىم مەنمۇ ئاڭلىغان ```  بىر دوستۇمنىڭ ئائىلىسىدىكىلەرگە  لاتارىيە چىكىنى مەجبۇرى ئالىسىلەر دەپتىكەن ```` توۋا دىسە ```` بۇ كۇنلەرمۇ ئۆتۈپ كىتەر ````

.tuz.

	ئۇستازغا يول تەتۈر بولسا ، يۇرتنى ئاپەت باسۇر .............

kapTalis

	توۋا...............

mollam22

	سىز بىلەن بىز تۈزەلگەندە چۇقۇم تۈزۈلۈپ قالار دەيمەنغۇ ساقام.

123kuknur

	ۋاي ئاتامەي،ئەينەن ئىنكاس قىلىدىغانغا كىمنىڭ ھەددى؟ھەر يىلى بار بۇ سېلىق،ئەمما ھېچكىمنىڭ كارى بولمىسا،ئىستىراخۇانىيە،لاتارىيە دىگەنلەرنى سېتىپ بەرگەنلەرنىڭ مۇكاپاتى(提成)بار تۇرسا، بۇنداق تەييار" نان"نى قايسى باشلىقنىڭ يىگۈسى كەلمىسۇن؟