128 يۈەنلىك پولۇ ، 98 يۈەنلىك كالا گۆشى ئۈگرى

nawkeran

	ئۈرۈمچى خەلقئارا ئايرودۇرۇمىدا بىر چىنە كالا گۆشى ئۈگرىسى 98 يۈەن ، بىر تەخسە پولو 150 يۈەن ، شۇنداقمۇ ئىنسابسىزلىق بولامدۇ ؟ مانا بۇ 8 - دېكابىر سائەت 9 دىن 8 مېنۇت ئۆتكەندە مەملىكەتلىك سىياسىي كېڭەش تاشقى ئىشلار كومىتېتىنىڭ مۇئاۋىن مۇدىرى خەن فاڭمىڭنىڭ ئۈرۈمچى خەلقئارا ئايرودۇرۇمى ئەتراپىدىكى بىر ئاشخانىدا تاماق يەپ بولغاندىن كېيىن ئۆزىنىڭ مىكرو بلوگىدا ئېيتقان سۆزى . ئارقىدىن ، ئۇ يەنە مىكرو بلوگدا ئامېرىكىنىڭ مۇئاۋىن زۇڭتۇڭى بايدىننى بۇ ئاشخانىدا تاماق يەپ باقسا دەپ تەكلىپ بەرگەن .     11 - دېكابىر ، ئۈرۈمچى خەلقئارا ئايرودۇرۇمى T2、T3 بېكەتلىرىدە ئادەم ناھايىتى كۆپ بولۇپ ، بىراق شۇ يەردىكى قەھۋەخانا ، قولايلىق ماگىزىنلاردا ئادەملەر سانىۋالغۇدەكلا ئىدى .     بىزنىڭ بۇ يەردە توك بار ، تېلېفونىڭىزغا توك قاچىلىسىڭىز بولىدۇ ، مۇلازىم قىز مۇخبىرغا ناھايىتى قىزغىنلىق بىلەن ئۆزىنىڭ تاماقلىرىنى تونۇشتۇرۇشقا باشلىدى . كالا گۆشى ئۈگرىسى 98 يۈەن ، سوغۇق سەي ، مېۋە ۋە تۇخۇم قوشۇپ بېرىلىدۇ ، مىفەن 108 يۈەن ، گۆش پولو 128 يۈەن ، شورپا ، سوغۇق سەي ، مېۋە قوشۇپ بېرىلىدۇ . ئۇنىڭدىن باشقا چاي ۋە قەھۋەنىڭ ھەر بىر ئىستاكانى 90 يۈەن .    يەنە بىر دۇكاندا مۇخبىر ۋاڭ لاۋجى ، قىزىل بۇقا قاتارلىق ئىچىملىكلەرنىڭ 20 يۈەن ، كىچىك بوتۇلكىلىق پىۋىنىڭ 48 يۈەن ئىكەنلىكىنى بىلگەن .     ‹‹ مەن ئادەتتە ئۆيدە تاماق يەۋېلىپ ، ئاندىن ئايروپىلانغا ئولتۇرىمەن ، ئايروپىلاندا ئولتۇرىدىغانلار ئۈچۈن ، ئايرودۇرۇمدا تاماق يېيىش شەرت ئەمەس ، ئۇنىڭ ئۈستىگە بۇ يەردىكى تاماقلارنىڭ باھاسى ناھايىتى قىممەت ›› ، - دېدى پات - پات كاماندىروپكىغا چىقىدىغان ياڭ خانىم .      مۇخبىر يەنە ئايروپىلانغا چىقىدىغان ئېغىزلاردىكى ئىچىملىكلەرنىڭ 20 يۈەن ئەتراپىدا ئىكەنلىكىنى ، ئادەتتىكى مېنىرال سۇنىڭ 5 -6 يۈەن ئىكەنلىكىنى ، ئايروپىلاندىن چۈشىدىغان ئېغىزدا سېتىلىۋاتقان ئىچىملىكلەرنىڭ 6 يۈەندىن 8 يۈەنگىچە ئىكەنلىكىنى بايقىغان .     مۇناسىۋەتلىك خادىم بۇ ھەقتە نۇرغۇنلىغان يولۇچىلارنىڭ ئەھۋال ئىنكاس قىلغانلىقىنى ، ئايرودۇرۇم ئەتراپىدا تاماقخانىلارنىڭ بولماسلىقى تاماق باھاسىنىڭ  يۇقىرى بولۇپ كېتىشىگە سەۋەب بولغانلىقىنى ئېيتقان .   مەنبە : تەڭرىتاغ تورى

Alpida001

	128 يۈەنگە بىزنىڭ ماۋۇ جەنۇپتا گۆش پولودىن 10 يېرىمنى يەيسىز

peyaz

	مەن ئايرۇپىلانغا ئولتۇرۇپ ئۇرۇمچىگە چۇشكەندە دىققەت قىلماپتىمەن، ھەم ئۇسسۇزلۇقمۇ ئىچىپ باقماپتىمەن ، مىنىڭچە يەنىلا خەلىقئارا بازارنىڭ 15-18 سوملۇق پولۇسى ھەقىقەتەن ياخشى ۋە قۇۋەتلىك !!

salkindax

	ئايدۇرۇم رەھبەرلىكىنىڭ  مەسئۇليىتى بار دەپ ئويلايمەن !

سەۋېر

	ئايرىپورىتنىڭ ئېگىسى گىپىڭىزنى ئاڭلامۇ؟ خىلى سالماقلىق بىلەن گەپ قىلىپسىز....

kapTalis

	نېمدا  قىممەت .

Jim

	مۇشۇنداق باشلىقلار كۆپەرەك ئۇچرىسا مۇشۇنداق ئىشقا ،ئاندىن پۇقرالارنىڭ ھالىنى بىلەتتى بولمىسا جاھان شۇلارنىڭ بولىۋېرىدۇ .بۇمۇ بەلكىم ناخشىمىكى

سەۋېر

	دېگەنلىرىڭىز تولىمۇ ئورۇنلۇق. بۇنداق كىچىك ئىشلارنى مەركەزنىڭ چوڭ باشلىقلىرى ھەل قىلمىسا،يەرلىك خادىملار بېر باشقا ئېچىقىپ بولالمايدۇ. مەنغۇ بۇ ئايرىدورۇمغا بېرىپ باقمىغان،لىكىن بۇ تىمىدېن كۆرۈپ بەكلا ھەيران قالدىم .شۇ يەرنىڭ رەھبەرلىرى قىممەتلىك ۋاقتىنى چىقىرىپ پايتەخىت خەلىقئارا ئايرىدورىمى T-3گە بېر كېلىپ كەتسە.(ئۆز كۆزۈم بىلەن كۆرۈپ مۇئامىلىسنىڭ قانداقلىقنى بىلگەچكە دەۋاتىمەن)