بالىلىرىنى بېقىۋاتاملا ياكى تەربىيلەۋاتا

kichikoghul

	بالىلىرىنى بېقىۋاتاملا ياكى تەربىيلەۋاتاملا؟ -  بالا دېگەننى مال باقتۇرمەن،ئاش ئەتكۈزىمەن،سۇ ئەكەلتۈرىمەن،قىزىلمۇچ تەرگۈزمەن،…دېمىسەك جاپا تارتىپ بالا بېقىپ چوڭ قىلىپ نېمە قىلامىز مۇئەللىم؟ -  قارىسىلا ئاكا،مالنى سەمىرىتىپ ئۆلتۈرۈپ يىيىش ئۈچۈن،ئىشەكنى ھارۋا قېتىپ ئىشلىتىش ئۈچۈن،مۈشۈكنى چاشقان تۇتقۇزۇش ئۈچۈن باقىدىغانلىقىمىز،يەنە مەكتەپ دەرۋازىسىنى ئوغرى-قاراقچىلاردىن ساقلاش ئۈچۈن باقىدىغانلىقىمىز توغىرا.بىراق،بالىنى ئۆيدە ئىشقا سېلىش ئۈچۈن باققانمەن دېگەنلىرى پەقەت توغىرا بولمىدى. ئالدى بىلەن سېلىنىڭ بالىلىرىنى باقتىم،بېقىۋاتىمەن دېگەن مۇشۇ سۆزلىرىنىڭ ئۆزۈلا خاتا.نېمىشقا خاتا دەملا؟ بىرىنچىدىن،بالىلىرىنى بېقىش دېگەن ھايۋاننىڭ قولىدىنمۇ كېلىدۇ.لېكىن ھايۋانمۇ ھەرگىز بالىسىنى ئىشقا سېلىش،قېرىغاندا راھىتىنى كۆرۈش ئۈچۈن باقمايدۇ.بەلكى بالىسىغا بولغان مېھىر-مۇھاببەت تۈپەيلىدىن بېقىشى،ياشاش ماھارىتنى ئىگەللىتىشى مۇمكىن.ئىككىنچىدىن،بېقىش دېگەن بۇ سۆز ئۆي،دەرۋازا، خامان،ئېچىق،قوي،كالا،توخۇ،توشقان،ئىت،مۈشۈك،ھەتتا پىت باققاندىمۇ ئىشلىتىدۇ.سېلى بالىلىرىنى ھەرگىز يوقاردا مەن تىلغا ئالغان نەرسىلەر قاتارىدا كۆرمەيدىغانلا؟ - ۋوي تۈز گەپ قىلسىلا،نېمە دېگەنلىرى بۇ مۇئەللىم؟ - ئالدى بىلەن ئۆزلىرى تۈز گەپ قىلماي قويدۇلا ئەمەسمۇ.بالىلىرى ھەرگىز ئىت،مۈشۈككە ئوخشىمايدۇ.ئىت مۈشۈكنى يېمەك- ئىچمەك بېرىپ،ئاغىرتىپ قويماي،ئۆلتۈرۈپ قويماي باقسىلىلا بولىدۇ.بىراق ئادەم بالىسىغا قارىتا ئىت مۈشۈكنى باققاندەك باقتىم،بېقىۋاتىمەن،باقىمەن دېگەن ئاڭدا ئەمەس،تەربىيلىدىم،تەربىيلەۋاتىمەن،تەربىيلەيمەن دېگەن ئاڭدا بولمىسىلا بولمايدۇ. - ئەمدى شۇ مۇئەللىم،بىز دېھقان خەق ئاغزىمىزدا سىلىدەك دەپ بولالمايدىكەنمىز . - ئېغىزلىرىدا دەپ بولالمىسىلا كېرەك يوق،لېكىن كاللىلىرىدا چوقۇم،بالىلىرىنى بېقىش ئېڭىلا ئەمەس،تەربىيلەش ئېڭى بولۇشى كېرەك.باقتىم،باقىمەن دېسەك،ئادەمنىڭ بالىسىنى چوڭ قىلىشى بىلەن ھايۋاننىڭ بالىسىنى چوڭ قىلىشىنىڭ ھېچقانچە پەرقى قالمايدۇ.يەنە بىر گەپ،سىلىنىڭ بايا ئېيتقان بالامنى ئىشلىتىمەن،قېرىغاندا مېنى باقىدۇ دەپ بېقىۋاتىمەن،دېگەن سۆزلىرىمۇ خاتا.بۇنداقتا ئاتا-بالا ئوتتۇرسىدىكى مۇناسىۋەت ئەجداد-ئەۋلاد مۇناسىۋىتى بولماي،بېقىش-ئىشلىتىش،بېقىش-باقتۇرۇش مۇناسىۋىتى بولۇپ قالىدۇ.بالىلىرى سېلىنىڭ ئۆزىگە بولغان مېھىر-مۇھاببەتلىرىنى تازا ھېس قىلالمايدۇ. مېنىڭچە،ئاتا-ئانىلارنىڭ پەرزەنلەرگە بولغان مېھىر-مۇھاببىتى تەبئىي، غەرەزسىز، خالىس، تاماسىز ۋە مىننەتسىز مۇھەببەت بولۇشى كېرەك.شۇڭا بالىلىرىنى ئۆزلىرى قىلىدىغان دېھقانچىلىق ئىشلىرىغا تولا تۇتۇپ قالماي،مەكتەپكە تولۇق ماڭدۇرتسىلا.بىزمۇ،سىلىمۇ ئورتاق مەقسەتتە،ئورتاق نىيەتتە بۇ بالا مېنىڭ خىزمەتكارىم ئەمەس،ئوقۇغۇچۇم،پەرزەنتىم،چوڭ بولغاندا مۇنداق ئېسىل پەزىلەتلىك،مۇنداق ئۇلۇغ ئىشلارنى قىلىدىغان ئادەم بولسۇن،دەپ تەربىيلىسەك،بالىلىرى كەلگۈسىدە ھەم ۋەتەنگە ياراملىق ئادەم بولۇپ يىتىشىپ چىقىدۇ،ھەم ئۆزلىرىگە ۋاپادار پەرزەنت بولۇپ سىلىنى ئويلىغانلىرىدىنمۇ ياخشى بېقىپ،كۆڭۈللىرىنى سۆيۈندۈرىدۇ.ئەگەر مېنىڭ دېگەنلىرىمگە چىن پۈتمەي،بالىلىرىنى بېقىشقىلا ئەھمىيەت بېرىپ،تەربىيلەشكە سەل قارىسىلا،كەلگۈسىدە سىلە قېرىغاندا باشقا ئاتا-ئانىلارغا ئوخشاش«ئادەم بالىسىنى باقساڭ،ئاغزى-بۇرنىڭدىن قان ئۆتەر،ھايۋان بالىسىنى باقساڭ ئاغزى-بۇرنۇڭدىن ياغ ئۆتەر»كەن دەپ يىغلاپ- قاقشاپ يۈرۈيلا شۇ… مەنبە: ئۆزۈم

artiken

	ھايۋان بىلەن ئادەمنىڭ پەرقى بۇلىشى كىرەكتە!

koznak

	ئاتا ئاچچىقىدا ئېيتتىكى ،-  ئى خەلىفە ئۆمەر ! ( ئىككىنچى خىەلىپە ئۆمەر رەزىياللاھۇ ئەندۇنى دېمەكچى ) مېنىڭ ئوغلۇم بېشىمغا كالتەك بىلەن ئۇردى . بۇنىڭ سورىقىنى قىلىپ بەرگىن - دەپ خىتاب قىلدى  ئاتا . - بولىدۇ ! - دېدى ئۆمەر تەمكىنراق پوزىتسىيەدە - ئاۋال مەن سەندىن بەزى سۇئاللارنى سورايمەن . ئۇنىڭغا جاۋاب بېرىشىڭ كېرەك - دەپتدۇ . - قېنى سورىغىن - ، دەپتۇ ئاتا ئۆمەرگە سەل قىيداش بىلەن . ئۇنىڭ مەقسىدى بويىچە بالا ئاتىنى ئۇرسا چوڭ گۇناھ بولىدۇ . دەردىمنى ئېيتسام ئۆمەر بالامغا ياخشى سۆز قىلسا ، شۇنىڭ بىلەن بالام نېمە دېسەم شۇنى قىلسا ......دېگەندەك تەمادا ئىدى . ئۆمەر سۇئالىنى سوراشقا باشلىدى . - بالاڭ خەت يېزىشنى بىلەمدۇ ؟ - - ياق ! - ئۇنى بىرەر خەلىپىگە ئوقۇشقا ياكى تەربىيلىنىشكە بەرگەنمۇ ؟ - ياق ! - ئۇ ئادەتتە نېمە ئىش قىلىدۇ ۋە نېمە ئىشلارنى قىلىپ چوڭ بولغان ئىدى ؟ - كىچىكىدىن قوي - كالا باقاتتى . شۇ بويىچە چوڭ بولغان ئىدى . - ئانداقتا - دەپتۇ ئۆمەر ئاتىغا ئۇدۇللا سۆز قىلىپ - بالاڭ سېنى كالىلار ئارىسىدا يەنە بىر كالىمىكىن دەپ ئۇرۇپ ساپتۇ - دەپتۇ . ئەھۋال شۇنىڭدەك بولدى . ئۆز پەرزەنتىدىن ئاغرىنىشقا ھېچ كىشىنىڭ ھېچقانداق ئۆزرىسى يوق .

koznak

	ئاتا ئاچچىقىدا ئېيتتىكى ،-  ئى خەلىفە ئۆمەر ! ( ئىككىنچى خىەلىپە ئۆمەر رەزىياللاھۇ ئەندۇنى دېمەكچى ) مېنىڭ ئوغلۇم بېشىمغا كالتەك بىلەن ئۇردى . بۇنىڭ سورىقىنى قىلىپ بەرگىن - دەپ خىتاب قىلدى  ئاتا . - بولىدۇ ! - دېدى ئۆمەر تەمكىنراق پوزىتسىيەدە - ئاۋال مەن سەندىن بەزى سۇئاللارنى سورايمەن . ئۇنىڭغا جاۋاب بېرىشىڭ كېرەك - دەپتدۇ . - قېنى سورىغىن - ، دەپتۇ ئاتا ئۆمەرگە سەل قىيداش بىلەن . ئۇنىڭ مەقسىدى بويىچە بالا ئاتىنى ئۇرسا چوڭ گۇناھ بولىدۇ . دەردىمنى ئېيتسام ئۆمەر بالامغا ياخشى سۆز قىلسا ، شۇنىڭ بىلەن بالام نېمە دېسەم شۇنى قىلسا ......دېگەندەك تەمادا ئىدى . ئۆمەر سۇئالىنى سوراشقا باشلىدى . - بالاڭ خەت يېزىشنى بىلەمدۇ ؟ - - ياق ! - ئۇنى بىرەر خەلىپىگە ئوقۇشقا ياكى تەربىيلىنىشكە بەرگەنمۇ ؟ - ياق ! - ئۇ ئادەتتە نېمە ئىش قىلىدۇ ۋە نېمە ئىشلارنى قىلىپ چوڭ بولغان ئىدى ؟ - كىچىكىدىن قوي - كالا باقاتتى . شۇ بويىچە چوڭ بولغان ئىدى . - ئانداقتا - دەپتۇ ئۆمەر ئاتىغا ئۇدۇللا سۆز قىلىپ - بالاڭ سېنى كالىلار ئارىسىدا يەنە بىر كالىمىكىن دەپ ئۇرۇپ ساپتۇ - دەپتۇ . ئەھۋال شۇنىڭدەك بولدى . ئۆز پەرزەنتىدىن ئاغرىنىشقا ھېچ كىشىنىڭ ھېچقانداق ئۆزرىسى يوق . كومپىيۇتېر قېتىۋېلىپ نەچچە بېسىشلىق يولىدا مۇشۇنداق ئىنكاس ئىككى بولۇپ قاپتۇ . قەستەن قىلمىدىم ھە !

xamal22

	شەھەر كۆرگەن ئىتتىن قورق ، دەيدىغان بىر گەپ بولىدىغان . ئولتۇرۇپ ئويلاپ قالىمەن ، بەزى ئادەملەر تىرىكچىلىكنىڭ غېمى بىلەن بىر ئۆمۈر ئۆزى تەۋە بولغان ناھىيە بازىرىنىمۇ كۆرەلمەي ئۆتۈپ كىتىدىكەن ، بەزى يىزىلاردا تىخى توي بولسا يىگىتكە ''قىزىمنى ئۆمرىدە بىر قىتىم شەھەرگە ئەكىرىپ كۆرسىتىپ چىقىشقا ۋەدە بىرەلەمسىز ''دەپ سورايمىش ، دېمەك سىرتقى دۇنيادىن بىخەۋەر مۇشۇنداق شارائىتتا ئۇلارنىڭ بالىلىرى توغرۇلۇق بۇنداق ئويلىشى ئەجەپلىنەرلىك ئەمەس......

ataman0

	يەنە بىر گەپ،سىلىنىڭ بايا ئېيتقان بالامنى ئىشلىتىمەن،قېرىغاندا مېنى باقىدۇ دەپ بېقىۋاتىمەن،دېگەن سۆزلىرىمۇ خاتا.بۇنداقتا ئاتا-بالا ئوتتۇرسىدىكى مۇناسىۋەت ئەجداد-ئەۋلاد مۇناسىۋىتى بولماي،بېقىش-ئىشلىتىش،بېقىش-باقتۇرۇش مۇناسىۋىتى بولۇپ قالىدۇ.بالىلىرى سېلىنىڭ ئۆزىگە بولغان مېھىر-مۇھاببەتلىرىنى تازا ھېس قىلالمايدۇ. id^U%4J   ئەسسالامۇ ئەلەيكۇم تورداش قارغاندا سىز تەربىيچى ئوخشايسىز ، سىزدىن سوراپ باقسام ئەجداد-ئەۋلات مۇناسىۋىتى دىگەننى قىسقىچە شەرھىلەپ بەرگەن بولسىڭىز ؟ سىزنىڭ ھازىر دىھقان بىلەب قىشىقان مۇنازىرڭىزدىن دىھقانغا ھەقىقى تەربىينىڭ نىمە ئىكەنلىكىنى چۈشەندۈرۈش ئەمەس ، بەلكى دىھقانغا(گەرىچەسىزنىڭ بۇنداق مەخسىدىڭىز بولمىسىمۇ) ئۆزىڭىزنىڭ بىلمىنى كۆرسىتىپ قويۇشتەك تەسىر بىرىپ قويۇپتۇ، ھازىرقى دىھقانلىرىمىز قورساق تويغۇزۇشنىڭ نىرسىغا ئۆتەلمەيۋاتسا ، سىلەردەك تەربىيچىلەر دىھقانلىرمىزغا ھەقىقى تەربىينىڭ قانداق بولدىغىننى چۈشەندۈرۈش ئەمەس ،تۈگۈمەس سىياسى ئۈگۈنۈشنىڭ نىرسىغا ئۆتەلمەيۋاتساڭلار شۇ بىچارە دىھقانلارغا سىلدەك تەربىيچىلەرنى باللىرنى مەكتەپكە(تۈگمەس ئىتىز ئىشى بىلەن) بارغۇزمىغاندا ئاندىن يىلدا بىرەر قىتىم سۆھبەتلىشش پۇرسىتى كىلدىغان تۇرسا ،سىلەر دىگەندەك ئۇنداق تەربىيلەش سۆزىنى چۈشنىشنى ئۇلار كىمدىن ئاڭلايدۇ، ئۆيدىكى تىلۋوزوردىنمۇ !، ياكى ئىتىزلىققا چىق دىگەن كادىرلاردىنمۇ! ۋەياكى ...  بىزنىڭ دىھقانلىرمىز تۈگۈل زىيالىلىرمىز باللارنى باقىمىز دەيدۇ، بۇ دىگىنى ھەرگىزمۇ باللىرنى ئىت ، مۈشۈك باققاندەك باقىمىز دىگەنلىك بولمايدۇ ، ھەم ئۇنداق مەنادىمۇ ھەرقانداق ئادەم بالا باقمايدۇ. بولمىسا سىز ھەرقانداق بىر ئادەمدىن سوراپ بىېقىڭ ، بالا بىقىش سىز دىگەندەك ئىت ، مۈشۈك باققاندەك مەنىدە بالا باقىدىغان بىر ئادەم بولماسلىقى مۇمكىن ، خۇددى بىز كۆزەڭگە قاراپ ماڭ! چىشىمگە تەگمە ! دىگەنلەرنى مەن يەشمىسەممۇ سىزمۇ بىلمىگۈدەك ئەمەس ، بۇ بىزنىڭ ئۇزۇندىن بۇيان ياشاش داۋامىدا قوللىنىلغان گەپلەر ھىچقاچان ،ھچ زاماندا سىز دىگەندەك ئىت ، مۈشۈك باقىدىغان مەنىدە ئىشلىتىلگەن ئەمەس، ھازىرمۇ ھەم ھىچقايسىمىز ئۇنداق مەنىدە قوللانمايدۇ دەپ ئويلايمەن ، پەرزەنىت تەربىيسى دىگەن بۇ بەك چوڭ ئۇقۇم ، ھىلى ھەم ھازىرقى دەۋىرمىزدىكى ئەڭ تەخىرسىز تىېما ، بۇنى بۇنداق ئاددى دىئالوگ ، ياكى قىسقىغىنە مۇنازىرە بىلەن چۈشەندۈرۈپ بەرگىلى بولمايدۇ.

kichikoghul

	ئاپتور جاۋابىنى بويلاپ 6قەۋەت  ataman0 كە 2011-12-17 01:55 PMئەۋەتىلدى  : ۋەئەلەيكۇم ئەسسالام تورداش ئەجداد -ئەۋلاد مۇناسىۋىتى دېگەننى سىز چوقۇم بىلىسىز ،شۇنداقتىمۇ يەنە بىرقېتىم بىلەرمەنلىك قىلىپ باقاي: بۇ سۆزنى شەخس نوقتىسىدىن ئاتا-بالىلىق مۇناسىۋەت دېسەكمۇ،مىللەت،جەمئىيەت نۇقتىسىدىن ئەجداد-ئەۋلاد مۇناسىۋىتى دېسەكمۇ بولىدۇ. ئۇ تەربىيلەش ۋە يىتىشتۈرۈش،تەربىيلىنىش ۋە يىتىشتۈرۈلۈش مۇناسىتى،مۇنداقچە ئېيتقاندا،پەرزەنتىنى ياراملىق ئادەم قىلىپ تەربىيلەش ئاتا-ئانانىڭ باش تارتىپ بولمايدىغان مەسئۇليىتى ۋە مەجبۇريىتى. سىز مىسال كەلتۈرگەن   كۆزەڭگە قاراپ ماڭ! دېگەن جۈملىدىكى خاتالىق گە قوشۇمچىسىنىڭ ئورنىغا دە قوشۇمچىسىنى ئالماشتۇرساقلا ئوڭشىلىدىغان لوگىلىكىق،گىرامماتىكىلىق خاتالىق.  چىشىمگە تەگمە !دېگەن جۈملىدە ھېچقانداق خاتالىق يوق،ئۇ بىر كۆچمە مەنىگە ئىگە سۆز بىرىكمىسى. ئۇلارنىڭ ھېچقايسىسى ئىدىيە ۋە ئاڭ مەسلىسى ئەمەس. ئەمدى مەن تىلغا ئالغان بېقىش دېگەن سۆز ھەقىقەتەن يالغۇز دېھقانلارلا ئەمەس، نۇرغۇن كىشىلىرىمىز ئىشلىتىپ ئادەتلەنگەن سۆز ھەم ئاڭ مەسلىسى.  ھېچكىم بالىسىنى ئىت،مۈشۈكلەرنى باققاندەك باقمايدىغانلىقى راست، ئەمما بۇ سۆزدىن خەلقمىزنىڭ كۆپ ھاللاردا پەرزەنتلىرىنى بېقىشنى تەربىيلەشنىڭ ئورنىغا دەسسىتىۋېلىشتەك خاتا ئېڭى ئەكس ئېتىدۇ. 21-ئەسىردە خەلقمىز چوقۇم ئومۇميۈزلۈك ھالدا بېقىش دېگەنسۆزنى ئىت،مۈشۈكلەرگە ئوخشاش ھايۋانلارنى ياكى ئىدارە ئورگانلارنىڭ دەرۋازىسىنى بېقىشقا قالدۇرۇپ،بېقىش سۆزۈنىڭ ئورنىغا تەربىيلەش سۆزنى،بېقىش ئېڭىنىڭ ئورنىغا تەربىيلەش ئېڭىنى ئالماشتۇرىشى كېرەك دېگەن مەقسەتتە بۇ يازمىنى تورغا يوللاپ ئولتۇرۇپتىمەن.

koznak

	مەيلى قايسى بىر تۇرمۇش ، شەكىل ، قىسمەت ئىچىدىكى ئاتا - ئانىلارنىڭ بىرىنچى بولۇپ پەرزەتنىگە ئۆگىتىدىغىنى ئادىمىيلىكتۇر . ئىنسانىي پەزىلەتلىك بولۇشتىن ئاندىن ئىككىنچى بىر ھالقىغا ئۆتمىكى لازىمدۇر . ئۆز قەۋمىقنىڭ ئالىملىرىنى ۋە ياكى ئادەەتىكى پۇقرا بولسۇن  ھېچ سەۋەبسىز ياكى ئادەتتىكى ئىشلارغا قارىتا پۇتاق چىقىرىپ ، كەلمەيدىغان قالپاقلارنى مەجبۇرى كەيدۈرۈپ چېقىپ بىرىدىغان ، تۇتۇپ بىرىدىغان زىيالىيلاردىن ، ئىشچى - خىزمەتچىلەردىن ، ئالىم - ئۆلىمالاردىن ، موللا - قارىيلاردىن سىرتتا ئىنساپ بىلەن تىجارەت قىلىپ يۈرگەن باققالنىڭ ھالى ئەۋزەلەرەكتۇر ! چۈنكى ياخشى دىگەن نام ، مىللەتنىڭ تۆۋەنلىكتىن يۇقىرىلىققا ، يامانلىقتىن ياخشىلىققا ، ئىتىپاقسىزلىقتىن ئىناقلىققا كۆچىشى - كۆتىرىلىشى ھەرگىزمۇ ئالىي مەلۇماتلىق بولۇش بىلەن ، ئالىم - ئۆلىما بولۇش بىلەن ئەمەس بەلكى ھەممىلەردە بىردەك ئادىمىيلىك قىممىتى بولىشى بىلەن ئۆلچىنىدۇ . بەزىلەر كىشىلەرنىڭ ياتلارنىڭ تىلىنى بىلمىگەنلىكلىرىدىن ئەپسۇسلىنىدۇ . بەزىلەر ئۆزىدىكى ئىمتىيازلىق ئورنىنىڭ ئۇنىڭدا بولماسلىقىدىن ئەپسۇسلىنىدۇ . ئەمما ئۆزىنىڭ قارشى تەرەپتە بولغان بەزى بىر قىممەتلىك ھەتتە نادىرلىق قىممىتىنىڭ بارلىقىنى ھىس قىلمايدۇ . چۈنكى ھەممە پەقەت ئۆز قىلمىشىنى توغرا تاپىدۇ ۋە ئۆز قىلمىشلىرىنى چىرايلىق ھېسابلىشىدۇ . ئىنسان تىرىشقۇچى بەندە . مەيلى ئۇ قايسى تەرەپتىن تىرىشقان ئىكەن ، ئۇنىڭ ئادىمىيلىك قىممىتىلا بولسا چوقۇمكى ئۇنى تامامەن قوللاشقا بولىدۇ . چۈنكى شەكىلنى ئاللاھ يارىتىدۇ . شەكىلدىكى ياخشى - يامان بولغان قىممەتنى بەندە تاللايدۇ . شۇنىڭ ئۈچۈن زىيالىيلار بولسۇن ، ئالىم - ئۆلىمالار بولسۇن كىشىلەرنى شەكىلگە ئەمەس بەلكى ئۇنىڭ روھىيىتى قىممىتىگە ئېتىبار بەرمىكى لازىمدۇر ! بىزنىڭ تالىشىدىغان ۋە ئاخىرقى چىقىرىدىغان يەكۈنىمىز مانا شۇ ! ھەر قانداق ئاتا - ئانا پەقەت قولىدىغان كېلىشىچە ، كاللىسىدىن ئۆتكىنىچە باللىرىغا نېمىنى توغرا تاپسا شۇنى تىلەيدۇ . ياش تۇرۇپ دىۋانىچىلىق قىلىۋاتقان ياشلارنى تىللىدۇق . ياش ۋە قولىدىن ئىش كىلىدىغان تۇرۇقلۇق پاھىشە قىلىپ كېلىۋاتقان قىز - ئاياللارنى تىللىدۇق . بىرسى بىرىنى ئۇرسا ، تۇتسا ، سولاپ بەرسە شۇنى تىللىدۇق . ئەمەلىيەتتە ، ھەتتە ئۈچىنچى دۇنيا ئۇرۇشى پارتىلسىمۇ بىرىنچى نۇقتا شۇكى ، ئۇ پەقەت ئىدىيەدىكى مەسىلە ! بارلىق ياخشى - يامانلىقلاردىكى ۋە شۇلارنى تىلىشىدىدىكى ئاساسلىق نوقتا يەنىلا شۇ ئىدىيەدىكى مەسىلەدۇر . ياخشى - يامانلىق ئىدىيىسى ، توغرا - خاتالىق ئىدىيىسى ئىنسانلىق روھىيىتىگە سىڭگۈسىدۇر !

ataman0

	[quote]ئاپتور جاۋابىنى بويلاپ 7قەۋەت  kichikoghul كە 2011-12-17 02:44 PMئەۋەتىلدى  : 21-ئەسىردە خەلقمىز چوقۇم ئومۇميۈزلۈك ھالدا بېقىش دېگەنسۆزنى ئىت،مۈشۈكلەرگە ئوخشاش ھايۋانلارنى ياكى ئىدارە ئورگانلارنىڭ دەرۋازىسىنى بېقىشقا 7GUJ&U) J   قالدۇرۇپ،بېقىش سۆزۈنىڭ ئورنىغا تەربىيلەش سۆزنى،بېقىش ئېڭىنىڭ ئورنىغا تەربىيلەش ئېڭىنى ئالماشتۇرىشى كېرەك دېگەن مەقسەتتە بۇ يازمىنى تورغا يوللاپ 1W g8jr's   ئولتۇرۇپتىمەن. K0g*J-   ئەسسالامۇ ئەلەيكۇم سىزنىڭ مەخسىدىڭىزنى چۈشنىپ تۇرۇپتىمەن ، بەلكىم مىنىڭ نىمە دىگەنلىكىمنى سىز باشقا مەنىدىن چۈشنىپ قالغان ئوخشايسىز ، قارسام سىز تەربىيە سۆزنى تىلغا ئىلىپ، ھەتتاكى خەلقىمىز 21-ئەسىردە بىقىش ئىېڭىنى تەربىيلەش ئېڭىغا ئالماشتۇررۇش كىرەك ! دەپ پۈتكۈل ئۇيغۇر خەلقىگە ۋەكىىلك سۆزلەرنى ئىشلىتىشا ئالدىراپسىز ، مىنىڭچە بۇنداق سۆزلەرنى نۇر بەكرى دىسە ئاندىن ئويلۇشۇپ بىقىشقا بولىدۇ ، بولمىسا بىزنىڭ بۇنداق شۇئارلىرىمىز بەت يۈزىدە قالارمىكىن ، سىزدە ئۈچكە ۋەكىلىك قىلىش ئىددىيرىڭىز خىلى كۈچلۈك ئىكەن .   سىز ئامال بار پىكىر قىلغاندا باشقىلارغا بولۇپمۇ خەلىققە ۋەكىل بولۇپ سۆزلەشتىن ساقلانسىڭىز ئاندىن  مۇنازىرمىز تىخىمۇ ياخشى داۋاملاشقۇسى ... يەنە بىر گەپ ئىدارە ، ئورگانلارنىڭ ئىشكىنى بىقىش دەپ ئالمايمىز ، دەرۋازىغا قاراش ياكى ساقلاش دەپ ئالساق زاماننىڭ تەلىۋى بويچە ئالغان بولىمىز ! مەن سىزدىن تەربىيە سۆزىگە تەبىر بىرەرمىكىن دەپ شۇنچە كۈتسەم سىز بۇ توغورلۇق پەقەت چۈشەنچە بەرمەي ، بىراقلا تەربىيلەشتىن چۈشۈپ كەتتىڭىز ، سىزنىڭ ۋاختىڭىز بولمىسا مەن تەربىيە سۆزگە ئىككى ئىغىز ئۆگەنگەن بىلمىم بويچە تەبىر بىرىپ باقاي، شۇندالا تەربىيەنىڭ چۈشەنچىسىنى يەنە بىر ئەسلىۋالساق ، تەربىيە سۆزى ‹‹ ر ب و›› سۆز  تومۇردىن ئىلىنغان ئۆتۈملۈك مەسدەردۇر ، ئۆتۈملۈك مەسدەر بولغان بۇ سۆزنىڭ لۇغەت مەنىسى  كۆپتۈرمەك ، ئۆستۈرمەك، زىيادە قىلماق ، چوڭ قىلماق ،يىتىلدۈرمەك ۋە ئۆرلەتمەك دىگەن شەكىلدە بولىدۇ ، لۇغەت كىتاپلىردىمۇ  لۇغەت مەنىسىگە بۇخىل مەنا بىرىلدۇ . ئەمدى تەربىيەنىڭ ئىستىلاھ مەنىسى بولسا ،مۇناسىۋەتلىك ئايەت-ھەدىسلەر بالا تەربىيلەشنى بالىنى جىسمانى، ئەقلى ، روھى ۋە ئەخلاقى جەھەتتىن كامىل بىر ئىنساق قىلىپ يىتىشتۈرۈپ چىقىشنى كۆرسىتىدۇ .

kichikoghul

	ھەرقانداق مۇھاكىمە ماقالىسىدە ئاپتور ئۆزۈنىڭ مەلۇم نۇقتىنەزىرىنى-كۆز قارىشىنى ئوتتۇرغا قويىدۇ. بىقىش ئېڭىنى تەربىيلەش ئېڭىغا كۆتۈرۈش كىرەك،يوقارقى ماقالىنىڭ نۇقتىنەزىرى.نۇقتىنەزەرىم خاتا بولسا قاتتىق رەدىيە بېرىڭ . بولمىسا،ئۇ يەر بۇ يەردىن پۇتاق چىقارماڭ.ھەق گەپنى ھەرقانداق ئادەم دېسە بولىۋېرىدۇ.مەن ھېچقاچان خەلققە ۋەكىلىك قىلىمەن دېمىدىم. سىز دېگەن قاراش،ساقلاش سۆزىگە كەلسەك،كۆپىنچە ئورۇنلاردا ئېكىرانغا-سىنئالغۇ سۈرەتلىرىگە قارايدىغان ئادەم ئايرىم،ئىدارىنى،دەرۋازىنى باقىدىغان ئادەم ئايرىم،قاراش سۆزىگە قارىغاندا بېقىش سۆزىدە مەسئۇلىيەت ئەكس ئېتىدۇ.بېقىش سۆزىگە قارىغاندا تەربىيلەش سۆزىدە ساپا ئەكس ئېتىدۇ. دەرۋازا ساقلاۋاتىمەن دېسە،مۇۋاپىق بولامدۇ،ياكى دەرۋازا بېقىۋاتىمەن دېسىمۇ،بۇنى ئۆزۈڭىز ئويلاپ كۆرۈڭ. تەربىيە سۆزىگە(راسىت گەپنى قىلسام، تەربىيە سۆزى ‹‹ ر ب و›› سۆز  تومۇردىن ئىلىنغان ئۆتۈملۈك مەسدەردۇر ،ئۆتۈملۈك مەسدەر بولغان بۇ سۆز...ۋە تەربىيەنىڭ ئىستىلاھ مەنىسى...دېگەنلىرىڭىزنى مەن پەقەت چۈشنەلمىدىم.)ئۆزۈڭىز بىر ئوبدان تەبىر بېرىپسىز،مەندىن نېمىشقا ئىمتىھان ئالغانلىقىڭىزنى ھېچ چۈشنەلمىدىم.مەن ئۆزۈمچە تەبىر بەرسەم،تەربىيە تەربىيلەنگۈچىلەرنى تەربىيلىگۈچىنىڭ ئارزۇسىدىكىدەك،كۆڭلۈدىكىدەك ...ئادەم قىلىپ يىتىش مەقسىتىدىكى ۋەز-نەسىھەت،ئۈلگە كۆرسىتىش ۋە ئۆگۈتۈش جەريانى. مەزكۇر ماقالە ھەرگىزمۇ سېستىمىلىق بىر تەلىم-تەربىيە ماقالىسى ئەمەس،پەقەت ئەۋلاد تەربىيىسى ھەققىدە بەت بۇسۇغۇسى.