بىلىۋال

barquk8

	بىلىۋال تېشىپ ساڭا غەزىپىم قەلەم ئالدىم قولۇمغا ، يامان ئىللەت خۇيۇڭنى ئېغىر كۆرمەي بىلىۋال . سۆزۈم ئېغىر كەتسىمۇ گەر زىتىڭغا تەگسىمۇ ، زەربە بەرمە ، سەن ماڭا قېرىنداش بىز بىلىۋال . ئەمەل ئۈچۈن ئازغىنە يۇقاتتىڭ سەن نېمىنى ، شۇ ئەمىلىڭ ئۆلگەندە ئەسقاتمايدۇ بىلىۋال . قېرىنداشقا قەست قىلدىڭ ياتلار بىلەن بىرلىشىپ ، ئەل قىساسى مىنەلھەق ، تۇتار سېنى بىلىۋال . ئېرىشسەڭمۇ ھوقۇققا ياشىساڭمۇ بەگلەردەك ، گەر ۋىجدانىڭ بولمىسا ھايۋاندۇرسەن بىلىۋال . سۆڭەك ئۈچۈن ئىتلارمۇ ئەرمەك ئىكەن ئىنسانغا ، ئىت ئەمەسسەن ئىنسانسەن ئۆز نەسلىڭنى بىلىۋال . ۋىجدانىڭ يوق غورۇرسىز ياشىغاندىن يۈز ئەسىر ، ئۆلگۈنىڭ خوپ ياخشىدۇر ، ۋىجدان بىلەن بىلىۋال . كۆرەڭلەيسەن ئۆزەڭچە ، بۇ ئۆتكۈنچى ئالەمدە ، باقىيغا سەن بارغاندا ، ھالىڭ خاراپ بىلىۋال . قېرىنداشنى چاقساڭمۇ ، ياتلارغا بەك ياقساڭمۇ ، ۋاقتى كەلسە يات سەندىن يۈز ئۆرۈيدۇ بىلىۋال . ھەقنى بىلىپ تۇرۇپمۇ ، قولدا ھوقۇق تۇرۇپمۇ ، خەلقىڭ كۆزلەپ بىرەر رەت سۆزلىمىدىڭ بىلىۋال . قىلدەك ھوقۇق بولسىمۇ ، سۈرى يامان پىلدەكتۇر ، ئۆلگەندە شۇ ھوقۇقتىن ، سوراق باردۇر بىلىۋال . ئىشلەتكەيسەن ھوقۇقنى ئادالەت ھەق يوللاردا ، بولمىسا شۇ ھوقۇقۇڭ ، باشقا بالادۇر بىلىۋال . ھوقۇقدارلار كېمىدۇر ، خەلىق دىمەك دېڭىزدۇر ، ھەرچاغ ئەستىن چىقمىسۇن بۇ ھەقىقەت بىلىۋال . كېمىنى سۇ كۆتۈرەر ،گېزى كەلسە ھەم ئۆرەر ، مىسالىدۇر سۆزۈمگە ، ‹‹لېۋىيەدىن›› بىلىۋال . ھوقۇق ساڭا ۋىجداندىن شۇنچىلا بەك مۇھىممۇ ، ئەمەل يوقمۇ ياشنايدۇ نۇرغۇن ئىنسان بىلىۋال. سورىساڭمۇ جاھاننى ئىسكەندەردەك ئۇلۇغ بوپ ، سەنمۇ ھامان دۇنيادىن خوشلىشىسەن بىلىۋال . ھوقۇقۇڭغا تايىنىپ، قېرىنداشنى ئەزمىگىن ، باقىي ئەمەس ئۆمۈرلۈك ھوقۇق ساڭا بىلىۋال . بولسىمۇ گەر ھازىرچە ئۆتكۈر ئوقيا قولۇڭدا ، باردۇر كىيىك خۇداسى ، پاناھچىمنى بىلىۋال . ئۆزەڭنى بىر دېمىگىن تەڭداشسىزمۇ كۆرمىگىن ، سەنمۇ ئاددى ئىنسانسەن ئۆز-ئۆزەڭنى بىلىۋال . كۈچۈم زور دەپ ئاجىزنى زار قاخشىتىپ يۈرمىگىن ، سورىقى بار جاھان بۇ ، ھەقىقەتنى بىلىۋال . بۈگۈن كەلسىمۇ يەرگە ، كەلمەسمۇ ئەتە ئەرگە ، بىرگە-بىردۇر بۇ دۇنيا ، ئۇنتۇپ قالماي بىلىۋال . ھازىرچە خار بولساممۇ ،زارۇ-قان يىغلىساممۇ ، ئايلىنىپ كېلىدۇ دۇنيا ، تاقىتىم بار بىلىۋال . ئېغىر كەتسە يازغىنىم، ئېغىر ئالما رەنجىمە ، بىلىمسىز بىر نادانمەن ، ساراڭدۇرمەن بىلىۋال . يازغىنىمنى ھەرگىزمۇ ،  قىلما تەتۈر تەرجىمە ، بەكمۇ يۇۋاش ئىنسانمەن ،قورقۇنچاقمەن بىلىۋال . يۇقارقى شېئىرىمنى كۈرۈپ بولغان مۆھتىرەم قېرىنداشلىرىمنىڭ، تۈۋەندىكى شېئىرىمنىمۇ كۈرۈپ چىقىشىنى سەمىمىي ئۈمىد قىلىمەن !!! كۆرەلمەس مىللىتىمدە يېقىندا كۆپىيىپتۇ كۆپ كۆرەلمەس ، ھەقنى بىلىپ تۇرۇپمۇ سۆزلىيەلمەس كۆرەلمەس . قىلسا بىراۋ ھەق گەپنى ئۇرا كولار كۆرەلمەس ، ماختاپ قۇيۇپ ئالدىدا غەيۋەت قىلۇر كۆرەلمەس . قېرىنداش نام چىقارسا كۆرەلمەيدۇ كۆرەلمەس ، ئىچى قوتور زەھەرلىك ھەسەتخوردۇر كۆرەلمەس . قامچىلىسا ناھەقنى قەسىت قىلىدۇ كۆرەلمەس ، تەخسىكەشتۇر ياتلارغا سۇخەنچىدۇر كۆرەلمەس . قېرىندىشىڭ مەن سېنىڭ قەسىت قىلمىغىن كۆرەلمەس ، سەنمۇ ئادەم ئەۋلادى ، تۈزەلگەيسەن كۆرەلمەس . مېنى ھەرگىز ياتلارغا، چېقىپ يۈرمە كۆرەلمەس ، مىھرىبان جان  ئانامنى، داغدا قويما كۆرەلمەس . ئاپتۇرى:ئۆزەم (مۇھەممەتئەلىجان،چۇڭقۇرچاق) 2011-يىلى12-ئاينىڭ14-كۈنى چارشەنبە كەچ يېزىلدى . ئەزىز قېرىنداشلىرىمنىڭ مېنى بۇ مەۋھۇم دۇنيادا كۆپرەك قوللاپ ئىلھام-مەدەت بېرىشىنى ، تۆۋەنچىلىك بىلەن سەمىمىي ئۈمىد قىلىمەن !!!

tatlek~626

	بەك ياخشى يېزىپسىز .................. قولىڭىزغا دەت بەرمىسۇن..............

zulayha

	شۇنداق ئېسىل  ھەم تىلى راۋان چىقىپتۇ . كىيىنكى ئىجادىيەتلىرىڭىزگە ئۇتۇق تىلەيمەن .

zapar

	قەلىمىڭىزگە بەركەت تىلەيمەن

matros1

	شائىرنىڭ ئۆزىلاكەنسەنغۇ ئاغىنە..........   ھەر ئۈچ كۈندە  مۇشۇنداق شېئىردىن بىرنى يازساڭ....  يېشىڭ 40 لارغا  بارغاندا شېكىسپىردەك ، نەۋائىدەك داڭلىقلاردىن بوپ قالغۇدەكسەن .........       ھەقىقەتەن ئېسىل چىقىپتۇ  ....

barquk8

	ئاپتور جاۋابىنى بويلاپ 5قەۋەت  matros1 كە 2011-12-16 08:46 PMئەۋەتىلدى  : شائىرنىڭ ئۆزىلاكەنسەنغۇ ئاغىنە..........   ھەر ئۈچ كۈندە  مۇشۇنداق شېئىردىن بىرنى يازساڭ....  يېشىڭ 40 لارغا  بارغاندا شېكىسپىردەك ، نەۋائىدەك داڭلىقلاردىن بوپ قالغۇدەكسەن .........       ھەقىقەتەن ئېسىل چىقىپتۇ  ....   ماختىغىنىڭىزغا كۆپ رەھمەت ، دىگىنىڭىزدەك بۇلۇش ئۈچۈن ئۈزلۈكسىز تىرىشىمەن ھەم ئىزدىنىمەن ، ئەڭ مۇھىمى ئەزىز قېرىنداشلىرىمنىڭ مىنى ئىزچىل قوللاپ بىرىشىنى ئۈمىد قىلىمەن . (ھەرقانداق دۇنياغا داڭلىق مەشھۇر شەخىس ياكى چولپان ۋە ياكى يازغۇچى شائىر بولسۇن ئېڭ ئالدى بىلەن ،ئۆز خەلقىنىڭ ئۆز قەۋمىنىڭ  قوللىشىسىز ئۇتۇققا ئېرىشەلمەيدۇ ھەم نام قازنالمايدۇ، دەپ قارايمەن !!! شەخسى كۆز قارىشىم. )

MILYONIR

qartekin

	بەك ياخشى چىقىپتۇ دوستۇم ! ھەقىقەتنى يېزىپسىز قۇلىڭىز دەرت كۆرمىسۇن!~

guli203

	ھەقىقەتەن  بەك  قابىلىيىتىڭىز  بار  ئىكەن . قەلەم  قۇۋۋىتىڭىز  بەك  كۈچلۈككەن،،دەۋاملىق  توختىماي تىرىشسىڭىز  داڭلىق  شائىر  بوپقالغۇدەكسىز

ah~tilek

	ھەقىقەتەن ياخشى يېزىپسىز ھارماڭ .