قەشقەرپۇتبول مەستانىلىرى جەمىيتى قۇرۇلدى

tohtamux

	ئەسسالامۇئەلەيكۇم مۇنبەردىكى بارلىق ئەزىز قىرىنداشلار! ئالدى بىلەن كۆپچىلىككە چىن كۆڭلۇمدىن سالام يوللايمەن .     پىقىر توختامۇش،بۇگۇن قىرىنداشلارغا خوشخەۋەر يۇزسىدىن تىما يوللىدىم.مەقسەتكە كەلسەك،يىقىنقى بىر ئايدىن بۇيان مەملىكىتىمىز پۇتبول بىرلەشمىسىنىڭ ئارام ئىلىشى ۋاقتى بولغاچقا، ئىچكىرى ئولكىلەردە توپ ئويناۋاتقان قىرىنداشلىرىمىز ئىلگىرى كىيىن بولۇپ، ئۆز يۇرتلىرىغا كېلىپ ئارام ئىلىۋاتىدۇ، مۇشۇ پۇرسەتنى چىڭ تۇتۇپ،كۇلۇبىمىز ئىلگىرى كىيىن بولۇپ ھەر ھەپتە دىگۇدەك مۇسابىقە ئويۇشتۇرۋاتىمىز.مىرەخمەت،ئەكرەم قاتارلىق توپچىلىمىز بىز بىلەن ھەر ھەپتە مەشىقتە..... ئالدىنقى ھەپتە ئىككى مەيدان مۇسابىقە ئىلىپ بىرىلغان، بۇھەپتە يەنە تەشۋىقات يۇزسىدىن ئاتۇشتا بىر مەيدان مۇسابىقە ئويۇشتۇرماقچى، مەقسەت پۇتبول مايسىلىرىنى بايقاش ۋە پۇتبولنى تەشۋىق قىلىش. ئالدى بىلەن كۇلۇبىمىزنى قىسقىچە تونۇشتۇرۇپ ئوتەي. كۇلۇبىزنىڭ نامى«قەشقەرپۇتبول مەستانىلىرى جەمىيتى»بۇرۇنقى كۇلۇب نامىدىن ھازىر تەرەققى قىلىپ جەمىيەتكە ئوزگەرتىلدى . كۇلۇبىمىز1999-يىلى 3-ئايدا قۇرۇلۇپ،7-ئايدا خەلىق ئىشلىرى ئىدارىسىغا ئەنگە ئالدۇرۇپ تىزىملىتىلغان،ھازىر ئەزاسى40دىن ئاشىدۇ. ئاساسلىقى بۇرۇنقى ۋەھازىرچوڭ مۇسابىقىلەردە توپ ئوينىغان،توپخۇمار ئىشچى خىزمەتچىلەردىن تەشكىللەنگەن.قەشقەر ۋىلايەتلىك ۋىلكوم كۇلۇبنىڭ تەرەققىياتىغا يىقىندىن ياردەمدە بولغان.مۇشۇ12يىرىم يىلغا يىقىن ۋاقىت ئىچىدە ھەرچارشەنبە ۋە شەنبە كۇنلىرى بىر مەيداندىن مۇسابىقە ئويۇشتۇرۇپ كىلىۋاتىمىز.مىرەخمەت،ئەكرەم،ئىبراھىمجان قاتارلىق توپچىلىرىمىز قەشقەرگە كەلسىلە بىزنىڭ كۇۇلۇبتا مەشىق ۋە مۇسابىقىدە بولىدۇ. يىقىندا ھۆكىمەت ۋەخەلىق ئاممىسىنىڭ قوللىشى ئاستىدا،زال ئىچى مۇسابىقىسى،چىمپىيونلۇق لوڭقىسى مۇسابىقىسى،شۇنداقلا پۇتبولچىلار جەمىيتىمىز نامىدىكى«قەشقەرپۇتبولچىلار بىرلەشمىسى ئىشتىن سىرىتقى مۇسابىقىسى»مۇسابىقىسىنى تەشكىللىمەكچى،كوماندا ھازىر10دىن ئاشتى، قەشقەر ۋە ھەرقايسى ناھىيەلەردە كەڭ قانات يايدۇرماقچى.شۇ سەۋەبلىك 12-ئاينىڭ18-كۇنى ئاتۇشتا سابىق شىنجاڭ كوماندىسنىڭ كاپىتانى پەرھات باشچىلىقىدىكى چولپانلار كوماندىسى(ھازىرقى يىتىشىپ چىقىۋاتقان توپچىلار ۋە بۇرۇنقى پىشقەدەم ئەزمەتلىرىمىز) بىلەن سائەت 2دە بىر مەيدان مۇسابىقە ئويۇشتۇرماقچى،مىرەخمەتجانمۇ قاتنىشىدۇ. كەڭ پۇتبولخۇمار دوسلارنىڭ بىرلىكتە قوللاپ ئەزمەتلىرىمىزگە ئالقىش ياڭرىتىشنى ئۈمۈد قىلىمىز. قىنى ئەمىسە ئاتۇشتا جەم بولايلى! ئاللاغا ئامانەت!ئاتۇشتا كۆرشىلى! باشقۇرغۇچىلارغا ئۆتۈنۈشۇم،بولسا مۇسابىقە باشلانغىچە تىمىنى چوقىلاپ ئالغا سۇرۇپ قويساڭلا!رەخمەت

lostba

	كۆپ رەھمەت

hanturk

	مۇسابىقەئاتۇشنىڭ قەيىردە بولىدۇ؟ مۇسابىقە ئورنىدىن خەۋەرلەندۇرۇپ قويۇڭ. ئاللا خالىسا مەنمۇ بارىمەن

This.is.It

	ھە راسىت  بۇگۈن ئەسقەر كۆكبۈرە  بىلوگىنى كۈرۈپ مۇنداق بىر خەۋەرنى ئاڭلىدىم ..... ئەسقەر  پۇتبول كېچىلىكى  (足球之夜)  پىروگىراممىسنىڭ رىىياسەتچىسى لىيۇ جەنخوڭ   بىلەن ئەسقەر  مەخسۇس شىنجاڭنىڭ پۇتبولچىلىقى توغرىسىدا سۆھبەت ئېلىپ بېرىپتۇ ...ۋە ئۆزى پىروگىرامما  قۇيىدىغان ۋاقتنى خەۋەر قىلماقچى بوپتۇ ............   دىققەت قىپ تۇرۇڭلار  ... مەنبە  :ئەسقەر كۆكبۈرە سىنا بىلوگ

zulayha

	بۇ خەۋەردىن شۇنچە خۇش بولدۇم ، دىمەك مىللىتىمىز  يوقۇلۇش ئالدىدىكى ھەرقايسى مەدەنىيەتلىرىنى ئىزدەپ، قېزىپ تېخىمۇ ئۆزىنى كۈچەيتىپ كەلگۈسىدىكى مەدەنىيەتنى قولىغا ئېلىۋېتىپتۇ . مەن بۇ كوماندىنىڭ كىيىنكى تەرەقىيات باسقۇچلىرىدا  تەمكىنلىك، سەمىمىلىك بىلەن كىبىرلەنمەي تۇرۇپ ئالغا بېسىپ ئۇيغۇر پۇتبولچىلىقىنى دۇنياغا تونۇتمىغىچە بولدى قىلماسلىقىنى كەسكىن ئۈمۈت قىلىمەن .

maymah

	ئەسقەر بوش گەپ قىلىدىغان ئادەم ئەمەس...

muhtarbay@921

	مىنىڭ بەككمۇ بارغىم بار ئىدى ، ئەپسۇس ...... 足球之夜 پروگىرامىسىنى ھەر ھەپتىنىڭ تۆتى 18:35 دە قويدۇ ، قارىغاندا كىلەر ھەپتىدە قويۇلدىكەندە ؟؟؟

anjura

	ئەسسىلامۇئەلەيكۈم: ئاتۇش؟! يۇرتۇمنىڭ ئىسمىنى كۆرۈپ يۇرتقا بولغان سېغىنىشىم يەنە بىر قەدەم ھەسسىلەپ كۈچەيدىغۇ؟ بەلكىم بۇ مۇسابىقە ئاتۇش تەنتەربىيە مەيدانىدا ئېلىپ بىرىلىدىغاندۇ؟مەنچەئاتۇشتا بۇ پۇتبول تۈرىگە قىزىقىدىغان ھەم ئالاھىدىلىكى بار مايسىلار خېلىلا كۆپ بولۇشى مۇمكىن.ئاتۇشتىلا ئەمەس يۇرتىمىز شىنجاڭنىڭ ھەر قايسى جايلىرىدىن خىل ئەزالار چىققۇسى. مىنىڭ ئىنىللىرىم پۇتبولغا بەك ئامراق ئىدى ئۇلارغا خەۋەر قىلىپ قوياي ۋاقتى بولسا مۇسابىقىنى كۆرۈپ چىقسۇن. مانا مۇشۇنداق ‹يېشىل› ساپ تەنتەربىيە تۈرلىرىنىڭ تەرەققىياتى ياشىلانسا كەلگۈسى ئەۋلادلىرىمىزنىڭ ساغلاملىقىدىن باش قاتۇرمىساقمۇ بولاتتى؟؟؟؟؟ ئىشلىرىڭلارغا ئۇتۇق، سىپىڭلەرگە تىخىمۇ بەك ‹يىشىللىق› ، كۈچ-قۇۋۋەت تىلەيمەن.داۋاملىق تەرەققى قىلغايسىلەر ئۇيغۇر خەلقىمنىڭ پۇتبۇلچىللىرى!!!

ihsan0903

	مەن ئەڭ ياخشىسى تىجارىتىمنىلا قىلايچۇ ،

zapar

	پەيزى ئىش بوپتۇ،بارالمىساقمۇ قىزغىن ئالقشىمىز جۆر بولغاي