مەن ئىكەنمەن ئەسلى باغرىتاش (ئۇچقۇن)

ئۇچقۇن

	بۈگۈن ماڭانەچچە كۈندىن بېرى نىسىپ بولمىغان پۇرسەت يەنى تورغا چىقىش پۇرسىتى كەلگەچ دەرھال QQ رىمنى ئاچتىم ۋە كەينىدىنلا مۇنبەرنى ئاچتىم، تېما ۋە ئىنكاسلارغا بىرە قۇر كۆز يۈگۈرتىۋەتكەندىن كېيىن كونا ئەسلىمىلىرىمنى ئەسلەپ QQ رىمدىكى ئادەملەر ئىچىدىن سېنى ئىزدىدىم، دەرۋەقە سەن توردا بار ئىدىڭ، سالام بىلەن گەپ باشلىدىم، مەن خۇددى ئارىمىزدا ھېچ ئىش يۈز بەرمىگەندەكلا پاراڭ قىلىۋەردىم ۋە سېنىڭ ئەسكەرتىشىڭنى ئاڭلاپ بېشىمدىن بىر چىلەك سۇ قۇيغاندەكلا بوپ كەتتىم، ئەسلىدە مەن سېنى شۇ گەپلىرىمنى سېغىندى دەپ ئويلىغانتىم، ئەپسۇس مەن خاتالىشىپتىمەن. سېنى مۇھەببەتنىڭ ئەگرى - توقاي ھەم گۈزەل كوچىلىرىغا ئۆزۈم سۆرەپ ئەكىرىپ ئارقىدىن رەھىمسىزلەرچە سېنى تاشلاپ باشقا بىرى بىلەن تۇرمۇش پەيزىنى سۈرۈپ ئارىدىن نۇرغۇن يىللار ئۆتكەن بۈگۈنكى كۈندە سېنى ئىزدەپ، ئۇنتۇلاي دەپ قالغان ئازاپلىرىڭنى قايتا ئەسلىتىپ، قەلبىڭنى پارە - پارە قىلىش، يۈرۈكۈڭنى زار - زار يىغلىتىش ئەسلى مەن قىلىدىغان ئىش ئەمەس ئىدىغۇ، لېكىن ئەپسۇس ئەمما بىراق مەن نىمىشقا شۇنداق قىلدىم؟ ئويلىسام ئەسلى مەن سەن بىلەن پاراڭلىشىش ئارقىلىق قەلبىمدە بۈگۈنكى ئازابىمغا سەندىن تەسەللىي تېپىش ئىكەن. دۇنيادا مەندەكمۇ رەزىل، نومۇسسىز، ۋىجدانسىز، شەخسىيەتچى ئەرلەر بارمىدۇ؟ مەن سېنى نىمە كۆرۈپ قالدىم، گاھىدا چىشلەپ، گاھىدا تاشلايدىغان ئالما كۆرۈپ قالدىممۇ ياكى ئىلىكتىرونلۇق ئويۇنچۇقخانىدىكى خالىسا كىرىپ ئويناپ ئىچى پۇشۇقىنى چىقىرىدىغان، خالىمىسا قاراپمۇ قويمايدىغان ئويۇنچۇق كۆرۈپ قالدىممۇ؟... بۇلارنى مەن دەل مۇشۇ ۋاقىتتا چوڭقۇر ئويلاپ يەتتىم ۋە قاتتىق يىغلاپ تاشلىدىم، ئۆز - ئۆزۈمدىن نۇمۇسۇم كىلىپ، ئۆزۈمدىن نەپرەتلىنىشكە باشلىدىم... لىكىن سەن يەنىلا ماڭا تەسەللىي بېرەتتىڭ ۋە ئۆزۈمنى يوقىتىپ قويماسلىقنى، باتۇرلارچە، غالىپلارچە ياشىشىمنى ئۈمىد قىلىدىغىنىڭنى ئېيتىپ مېنى باشقىچە قىلىپ قويدۇڭ. شۇ تاپتا تامغا يۆلەنگەنچە ئولتۇرۇپ ئۆتمۈش ئەسلىمىلىرىم مۇجەسسەملەنگەن تارىخ بەتلىرىمنى ۋاراقلىماقتىمەن. بىز 4 يىل ئىلگىرى توردا تۇيۇقسىز تونۇشۇپ قالدۇق، ئېنىق ئېسىمدە تۇرۇپتۇ، مەن شۇ ۋاقىتتىمۇ ساڭا ئۆزئەھۋالىم توغرۇلۇق دەرت تۆكۈش بىلەن پارىڭىمىز باشلانغانتى، سەن شۇنچىلىك تەمكىن، كۆيۈمچان، خۇددى چوڭ ئادەملەردەكلا تەبىرلىك ھەم شوخ ئىدىڭ، شۇڭلاشقىمىكىن سېنىڭ پاراڭلىرىڭ ماڭا ئىنتايىن تېز تەسىر قىلىپ توردىكى «سەن» گە بېرىپلا كەتتىم، ئۇزاق ئۆتمەي بىز پارىڭىمىز ئارىسىغا ئانچە - مۇنچە مۇھەببەت پارىڭى قىستۇرۇپ قويۇپ ئۆزىمىزچە خىجالەت بوپ كەتكەن چىراي ئىپادىسىنى قوشۇپ قۇياتتۇق، بارا - بارا مەن سېنى مەلىكەم دەپ ئاتايدىغان بوپ كەتتىم، سەنمۇ قايتۇرۇپلا ھە شاھزادەم دەپ قوياتتىڭ. .. كۈنلەر شۇ تەرىقىدە ئۆتىۋەردى بىز تەخمىنەن بىر يىل توردا مۇھەببەتلەشكەن بولدۇق، ئارلىقتا بىز كۆرۈشمەكچىمۇ بولۇشتۇق، ئەپسۇس تەقدىر بىزنىڭ رىسىقىمىزنى بىرگە ئورۇنلاشتۇرمىغانمۇ ئەيتاۋۇر بىزگە كۆرۈشۈش نىسىپ بولمىدى، ھەر ئىككىمىزنىڭ كۆڭلى تولىمۇ يېرىم ئىدى، قولىمىزغا بىرە ئىشمۇ كەلمەيتتى، خىيال سۈرۈش، توردا پاراڭلىشىش، تېلىفۇنلىشىش بىلەنلا ئۆتەتتۇق، بىر - بىرىمىزنىڭ دىدارىغا شۇنچىلىك تەشنا ئىدۇق، چۈنكى ئالدىرايدىغان بىر ئىش ھەر ئىككىمىز توي قىلىش يېشىمىزغا يىتىپ قالغان بولغاچقا تۇرمۇش لەززىتى بىزنى تېخىمۇ ئالدىرىتاتتى. ئەمدى دېمىسەم بولمايدىغان بىر ھەقىقەت، گەرچە بىز ھازىرغا قەدەر ئارىلىق مەسىلىسىنى قىلچىلىك ئويلاشمىغىنىمىزغۇ مەيلى ئەمما ئەقەللىيسى بۈگۈنكى كۈندە نۇرغۇن ئىنساننىڭ قەلبىدە خۇدادىن يۇقىرى ئورۇننى ئىگەللىۋالغان، ھەقنى ناھەق، رەزىللىكنى گۈزەل قىلىپ كۆرسىتىشكە قادىر بولاۋاتقان ئىقتىساد مەسىلىسىنىمۇ قىلچىلىك ئويلاشمىغان ئىدۇق. مەن ھەر قېتىم بۇ ھەقتە گەپ قىلاي دەيتتىم يۇ خىجىل بولاتتىم، سەنمۇ بىلىپ قالىدىغان بولغاچ بۇ ھەقتە گەپ قىلىشنى پەقەتلا خالىمايتتىڭ، چۈنكى سېنىڭ نەزىرىڭدە شۇنچىلىك يىراق ئارىلىق بىزگە تەسىر قىلمىغان يەردە پۇل بىزگە تەسىر قىلالماسلىقى كېرەكتى، توغرا بىزگە ئەسلى خوتەندىن غۇلجاغىچە بولغان شۇنچىلىك يىراق ئارىلىق تەسىر قىلالمىغان شارائىتتا ھەر ئىككىمىز چوڭ بىلىپ كەتمەيدىغان پۇل ھەرگىزمۇ تەسىر قىلالماسلىقى كېرەك، شۇڭا بۇ تەرەپنىمۇ ئويلىشىشىمىزنىڭ قىلچە زۆرۈرىيىتى يوق، بىزنىڭ ئويلايدىغىنىمىز پۈتۈنلەي ئاتا - ئانىمىزنىڭ قوشۇلۇش قوشۇلماسلىق مەسىلىسى ئىدى، بىز پەقەت شۇ چوڭلارنى قايىل قىلىپ ماقۇل كەلتۈرەلىسەكلا باشقا ھېچقانداق تاشقى شارائىت توسالغۇ بولالمايدۇ دەپ ئويلايتتۇق. كۈنلەر ئۆتۈپ، ئايلار ئۆتۈپ بۇ ئىشىمىزمۇ ئۆي ئىچىدە ئاشكارىلاندى، دادام دەسلىپىدە ياخشىراق ئويلىشىپ بېقىشىمنى ئېيتتى، كىيىن بولمايدۇ دەپ ئەسكەرتتى، مەن دادمنىڭ ئاچچىقىنى كەلتۈرۈپ قويماي دەپ ئانامغا يالۋۇرۇپ يېلىنىپ يۈرۈپ قايىل قىلدىم، ئاناممۇ ئاخىرى قوشۇلدى يۇ، بىز ئويلىشىپ باقمىغان پۇل ئىشى يەنىلا چوڭلارنىڭ بېشىنى ئاغرىتتى، بىر كۈنى دادام مىنى ئىچكەكى ئۆيگە چاقىردى، كەينىدىن كىردىم. - ئوغلۇم، دېدى دادام. - ھە دادا، بىرە ئىش بارمىدى، مېنى غولجىغا ئەۋەتەي دىدىڭىزمۇ يا؟ دېدىم چاخچاق ئارىلاشتۇرۇپ. - ئەۋەتسەم بارامسەن؟ دېدى دادام، - ئەلۋەتتە بارىمەن دە، بولغۇسى كىلىنىڭىزنىڭ ئائىلىمىزنى قانچىلىك سېغىنىپ كەتكەنلىكىنى بىلمەيسىز دە دادا دېدىم مەن ھەييالىق قىلىپ، - غولجىغا بارغۇدەك يانچۇقۇڭدا قانچىلىك پۇلۇڭ بار؟ دەپ سورىدى دادام، تۇيۇقسىز بېشىمدىن سۇ قۇيۇلغاندەكلا سورالغان بۇ سوئالدىن ئۆزۈممۇ ھەيران قالدىم ھەم دەرھال رىئاللىققا قايتىپ يانچۇقۇمدا دەماللىققا يول كىراسى قىلغۇدەكمۇ پۇل چىقمايدىغانلىقىنى ئويلاپ چوڭ بىلىپ كەتمەيدىغان بۇ پۇل دېگەن نەرسىنىڭ ئەمدى قۇلى بولامدىم نېمە دېگەنلەر خىيالىمنى چىرماشقا باشلىدى. - يوق، سىز بېرەسىز دېدىم، يۇ خىجىللىقتا يەرگە قارىۋالدىم. ئارقىدىنلا دەرھال ئۆزۈمنى ئوشىۋېلىپلا ئۇنىڭدىن سىز ئەنسىرىمەڭ، ئۆزۈم ھەل قىلىمەن دادا، دېدىم قاقباشلىق بىلەن. - قانداق ھەل قىلىسەن؟.... شۇ قاتارلىق بىر قاتار دىئالوگلاردىن كېيىن ئىككىمىزنىڭ توي ئىشى ئۈچۈن ئۆزۈم چوڭ بىلمەيدىغان شۇ پۇلنى دەپ ئائىلەم بويىچە خېلى سارغىيىپ قالىدىغانلىقىمنى ھېس قىلىپ يەتتىم ۋە دادامنىڭ ئاخىرىدا دېگەن «يوتقانغا قاراپ پۇت سۇنساق بولامىكى، توي دېگەن بىر - ئىككى كۈنلۈك ئىش ئەمەس بەلكى ئۆمۈرلۈك ئىش، قالغىنىنى ئۆزۈڭ ياخشىراق ئويلىنىپ باق» دېگەن گەپلىرى نەچچە كۈن خىيال دېڭىزىغا چۆكتۈرىۋەتتى. ئارىدىن يەنە بىر مەزگىل ئۆتتى، ئاخىرى سېنى ھازىرقى ئائىلە شارائىتىم ۋە ئىقتىسادىم بىلەن خوتۇنلۇققا ئالالمايدىغانلىقىمغا كۆزۈم يەتتى، ئەمما ساڭا بۇ گەپلەرنى ئوچۇقتىن ئوچۇق دىيەلمىدىم. ئاخىرى ئۆيدىكىلەرنىڭ تونۇشتۇرۇشى بىلەن مەھەللەمدىكى بىر قىز بىلەن توي قىلىدىغان بولۇپ رەسمىيەتلەرنى ئۆتەشكە كىرىشىپ كەتتىم، ئارىدىن نەچچە كۈن ئۆتۈپ ھەممە ئىشلار تۈگەپ توي كۈنى توختىتىلدى، مەن دەل شۇ كۈنلەردىمۇ ساڭا چاندۇرماي كۈندە كىچە - كىچىلەپ سەن بىلەن رومانتىك پاراڭلىشىپ ئۆتكۈزىۋاتاتتىم. شۇنداق قىلىپ تويغا ئىككى كۈن قالغان ئاخشىمى مەن توي كۈنۈم توختىتىلغانلىقىنى ئىككى كۈندىن كىيىن توي قىلىدىغانلىقىمنى ساڭا ئېيتتىم، سەن مېنى چاخچاق قىلىۋاتىدۇ دەپ ئويلايتتىڭ، مىنىڭ تەكرار تەكرار ئەسكەرتىشلىرىم سېنى ئىشەندۈردى ھەم چەكسىز ئازاپلاشقا باشلىدى، ھەر ئىككىمىز تېلىفۇندا پۈتۈن كىچە يىغلاپ چىقتۇق. ئەمەلىيەتتىمۇ ھەقىقەتەن بىر - بىرىمىزگە چىداشمايتتۇق. ساڭا قانداق تەسەللىي بېرىشنىمۇ ئۇخمايتىم، سەن مەندىن پەقەت توي كۈنى يانفۇنۇمنى ئېتىۋېتىشنىلا تەلەپ قىلدىڭ ۋە خوش دېدىڭ. شۇنداق قىلىپ مەن توي قىلدىم. تاكى بىر يىلغىچە مەن تورغا چىقالمىدىم. كىيىن سەن يانفۇن نۇمۇرۇڭنىمۇ ئالماشتۇرىۋەتكەن ئىدىڭ شۇڭا سەن بىلەن بىر يىلغىچە ئالاقىلىشىش پۇرسىتى بولمىدى، سېنى پەقەت تور ئارقىلىقلا ئىزىديەلەيدىغانلىقىمنى بىلىپ يەنە تورغا چىقىپ سېنى ئىزدىدىم، لىكىن سەندىن سادا كەلمىدى، كېيىن ئاڭلىسام سەن تور دۇنياسىدا توي قىلدىم دەپلا يوقاپ كىتىپسەن. بىز شۇ ئالاقىلىشالمىغانچە 4 يىل ئۆتكەن يېقىنقى كۈنلەردە يەنە ئالاقىلاشتۇق، مەن سىنىڭ QQ رىڭغا ئارقا - ئارقىدىن خەت يېزىۋەردىم. بىر كۈنى سەندىن جاۋاپ كەلدى، تىچلىق ئەھۋال سوراشقاندىن كېيىن يولدىشىم كەپتۇ، كىيىن پاراڭلىشىلى دەپلا توردىن چۈشتۈڭ. مېنىڭ پەقەت ئىشەنگۈم كەلمىدى، مىنىڭچە سەن توي قىلمىدىڭ ھەم تويمۇ قىلمايتتىڭ، چۈنكى مەن سېنى تولىمۇ چىدىغۇسىز بىر ئازاپلارغا تاشلاپ قويدۇم، كىيىنكى بۈگۈنكى كۈنلەردە مەن ساڭا ئىشنىڭ جەريانىنى قانچە سۆزلىسەممۇ سەن بولدى بولدى دەيتتىڭ، دەردىڭنى ئۆزۈڭ بىلەتتىڭ. ەمن تەكرار -تەكرار سوراش ئارقىلىق ئاخىرى سېنىڭ تېخى توي قىلمىغىنىڭنى گۈزەل ئەسلىمىلەرگە تولغان ئاچچىق ئازابنى، يەنى مەن ساڭا تاشلاپ كەتكەن شۇ ئازاپلارنى يۈرىكىڭگە سىغدۇرۇپ پۈتۈن زېھنىڭنى خىزمەتكە باغلاشتۇرۇپ، بىر ئاماللارنى قىلىپ ئۆزۈڭنى ئالدىراشلىقلارغا مەھكۇم قىلىپ تەنھا ياشاپ كىلىۋاتقانلىقىڭنى، مېنى بىرمىنۇتمۇ ئەستىن چىقارماي ماڭا بەخىت تىلەپ كەلگەنلىكىڭنى ئاڭلاپ ھىجران ئازابىدا يۈرۈگۈم يېرىلىپ كېتەي دېدى، سەندىن شۇنچىلىك تەسىرلەندىم، ئۆزۈمنى شۇنچىلىك ئەيىپلەپ كەتتىم، ئەپسۇس سەن بولساڭ ماڭا يەنە بۇرۇنقىدەكلا كۆڭۈل بۆلۈپ قىزغىن تەسەللىي بېرىپ مېنىڭ بەختىمنى تىلەيتتىڭ. مەن شۇنچە كۆپ تەلەپ قىلىش ئارقىلىق سېنىڭ يىڭى نۇمۇرۇڭنى تېپىپ ساڭا تېلىفۇن قىلدىم، ئاۋازىڭنى ئاڭلاپ يۈرەكلىرىم باشقىچىلا يايراپ كەتتى، چۈنكى سەن بۇرۇنقىدىن بەكرەك نازلىق ھەم خۇشپېئىل بوپ كەتكەنلىكىڭ ئاۋازىڭدىنلا چىقىپ تۇراتتى، سېنىڭ ئەڭ چوڭ ئارتۇقچىلىقىڭ مەيلى ھەرقانداق ئىش يۈز بېرىشتىن قەتئىينەزەر ھاياتقا كۈلۈپ بېقىش ۋە قەيسەرلىك بىلەن دادىل ئالغا ئىلگىرىلەش ئىدى، بۇنى ماڭىمۇ دائىم تەكىتلەيتتىڭ. خىيالەن ئولتۇرۇپ مۇنداقلا يېزىپ باقتىم، بىلىمەن ياخشى يازالمىدىم، ئەمما مەن تىرىشىشنى ئويلىشىۋاتىمەن. بۇ مۇنداقلا بىر خىيالەن تەسەۋۋۇر ھە تورداشلار... تەكلىپ - پىكىرلەر مىنىڭ كىيىنكى قېتىم تېخىمۇ ياخشى يېزىشىمغا تۈرتكە بولغۇسى...

ئىپارە

	مەن يىلى تىخى قاشتېشى مۇنبىرىدىن بۇ ئەسىرىڭىزنى كورگەنتىم. ئاجايىپ تەسەۋۋۇر كۇچىگە باي بوپكىتىپسىز ھە؟

dilnaz-ay

	ياخشى يېزىپسىز...

maggu520

	ئاخىرى بارمۇيا؟؟؟ ياخشى چىقىپتۇ . مەۋھوم دۇنيادىكى مۇھەببەتنى بەك ياخشى تىسۋىرلەپسىز .ماڭا  بۇ ئش سىزنىڭ بىشىڭىزدىن ئۇتكەن  ئشتەك بىلىندۇيا  ئەسكەرتمىگەن بولسىڭىز راسلا بىشدىن ئوتكەن ئوخشايدۇ دەپ قالاركەنمەن.

begzeda

	تەسەۋۋۇر  دېگەن شۇنداق بولسا،

nurjula

	تېمىنى كۆرۈپ ۋاي ۋۇي يەنە بىر مۇھەببەت شېئىرىكەندە دەپ كۆرۈشتىن يالتىيىپ، بىر كىرىپ باقاي جۇمۇ دەپ كىرسەم، بىر ياخشى يېزىلغان ھېكايىكەن ئەمەسمۇ؟ مۇنبەردىكى تېمىلاردىن 10 تېمىدىن 7 سى شېئىر دىسەم ئىشىنەمسىلەر، شېئىر ئوقۇشنىغۇ ياخشى كۆرەتتىم، بىراق بۇ شېئىرلارنىڭ تولىلىقىدىن سەل بىزار بولىدىغان بولۇپ قالدىم، شۇڭا تاس قاپتىمەن سىزنىڭ بۇ ھىكايىڭىزنىمۇ ئوقۇماي چىقىپ كەتكلى!

Xarminaz

	ئاكىجان ، بۇ راستنلا تەسەۋۋۇرىڭىزمۇ ياكى ................. ؟

lostba

	ياخشى يېزىپسىز

zulayha

	بۇ  تەسەۋۋۇرىڭىزنىڭ داۋامى كەمدەكلا  ھە . ئوقۇرمەنلەرنى تېخى ئەمدى گۈلزارلىققا باشلاپ قويۇپلا ، ئېلىپ چىقىپ كەتكەندەك ، يېرىمى يوقتەك بىلىندى ماڭا. لېكىن شۇنداق ياخشى يېزىپسىز. بىرلا يېرى ماڭا ياقمىدى .  يەنى يىغلاپ كەتتىم - دىگەن جاي بىلەن يىغلىشىپ كەتتۇق . بۇ يەردە ئۆزىڭىزنىڭ يىغىسىنى يىگىتلىككە ئېلىپ ، باشقىچە ئالسىڭىز تېخىمۇ ياخشى بولاتتى. بۇ قىسقىغىنە ھىكايىڭىزدىن سىزنى يىغلاڭغۇ، نامەرت ، ھورۇن دەپ چۈشەندىم. يەنى ئىشنىڭ پېشىنى تۇتۇپ تۇرۇپ ، پۇل تېپىشقا باشچىلاپ كىرىپ ئاندىن بۇ توينى قىلسىڭىزمۇ بولاتتى. ياكى مەخسىدىڭىزنى ئېيتسىڭىز  قىز يول كۆرسىتەر بولغىيتى. قىزنىڭ مۇھاببىتىدىن مەس بولماي ، غەيرەت ئېلىشىڭىز كېرەك ئىدى . توقۇلما بولسىمۇ ، ئىدىيىڭىزگە سىڭدۈرۈپ يازغانلىقىڭىز ئۈچۈن ، خارەكتىرىڭىزگە باغلىنىپ قالىدۇ . مەندىن خاپا بولۇڭ ھە.

jan-lala

	بۇ تېمىنى مىسرانىمدىمۇ كۆرگىمىندىن خوشالمەن