شېئىر ئوغرىسىغا

nazar

	ئەسسالامۇ - ئەلەيكۇم مۇنبەرداشلار ، مىسرانىم ئۈچۈن تىنىمسىز تەر ئاققۇزۋاتقانلار ۋە  دائىم سىرىتتىن زىيارەت قىپ تۇردىغان دوستلار ، ھەممىڭلارغا ئاللانىڭ سالىمى بولسۇن ! تېنىڭلار سالامەت ، ئىشلىرىڭلار ئۇتۇقلۇق بولسۇن ! بۈگۈن سەل چېچىلىپ قالدىم ، بىلمىدىم ئۆزۈمنىىڭ ئەزەلدىن خەقنىڭ نەرسىسىنى ئۆزۈمنىڭ قىلغۇم كەلمەيدىغان مىجەزىم بولغاچقىمۇ ياكى  ئەجىر مېۋەمنى باشقىلار قاراپ تۇرۇپلا مېنىڭ دېگەچكىمۇ سەل ئاچچىقىم كەلدى . ئىشنىڭ جەريانى مۇنداق : تۈنۈگۈن بىر تورداش دوستۇم ماڭا ئۇچۇر يوللاپ مۇنداق دېدى ، - <<مەن بىلەن >> دېگەن شېئىرنى زادى سىز يازدىڭىزمۇ ؟  بۇ سۇئالنى ئاڭلاپ ھەيران قالدىم ،  - ئەلۋەتتە ، ئۇ شېئىرنى مەن ئوقۇشقا بارغان يىلى يازغان ، نېمە بولدى ؟  - ئۇ شېئىرىڭىزنى باشقىلار مېنىڭ قىلۋاپتۇ ، ئۇ شېئىرىڭىزنى مەن بەك ياقتۇراتتىم ، شۇڭا سىزگە ئىيتىپ قويۇش قارارىغا كەلدىم . . . . . ئۇ شۇنداق دەپ بۇ رەسىمنى ماڭا ئەۋەتىپ بەردى . ئىسلامجان شېئىرى دېگەن يەرنى كۆرۈپ يا كۈلىشىمنى ، يا خاپا بولۇشنى بىلمەي تۇرۇپلا قالدىم ، توۋۋا ، جاھاندا مۇنداقمۇ يۈزسىز ئادەملەر بولىدىكەن ھە - دەپ ئويلىدىم ئىچىمدە ، ئىسلامجان دېگەن بۇ ئادەم زادى كىم بولغىيتى دەپ خېلى سۈرۈشتۈردۈم ، بىراق ئۇنىڭ بىلەن ئالاقە قىلالمىدىم  ، پەقەت ئۇنىڭ جىلىليۈزى ئالتۈيدىن ئىكەنلىكىنى ، بۇ مۇنبەرگىمۇ كىرىپ تۇرىدىغانلىقىنى بىلەلىدىم ،   شۇڭا بۇ يەردىلا ئۇنىڭ بىلەن سۆزلىشىش قارارىغا كەلدىم . <<مەن بىلەن >> ناملىق بۇ شېئىرىمنى راست گەپنى قىلسام ئۆزۈممۇ ياقتۇرىمەن ، گەرچە كەسپى شائىر بولمىساممۇ شېئىرلىرىم ئىچىدە ئەڭ ياخشى چىققىنى شۇ دېسەممۇ بولىدۇ . ئۇ شېئىرنى مەن 2006 - يىلى 22 - ئىيۇل كۈيتۈندە يازغان ، باشقىلارنىڭ تەۋسىيەسى بىلەن ئىلى كەچلىك گېزىتىگە ئەۋەتىلىپ 2010 - يىلى 10 - ئاينىڭ 28 - كۈنى << رەنجىمە >> ناملىق غەزىلىم بىلەن بىللە <<ئىككى غەزەل >> نامىدا بېسىلغان . بۇ گېزىتتە بېسىلغان نوسخىسى : مانا بۇ مەن باشتا رەسىم ھالەتتە لايھىلىگەن نوسخا . ئەلۋەتتە شۇ مەزگىللەردە ئىملاغا خېلىلا ئاجىز ئىدىم  . مەن بۇ شېئىرنى 2010 - يىلى 8 -ئاينىڭ  30 -كۈنى بۇ مۇنبەرگىمۇ  يوللىغان ، بۇ مۇنبەردىكى ئادىرسى : https://uyghur-archive.com/misranim/viewthread.php?tid=11629 بۇ يەردە ئىسلامجانغا شۇنى دېگۈم كىلۋاتىدۇ ، سىز كىچىك بالىمۇ ياكى چوڭ ئادەممۇ ، ۋەياكى ئوتتۇرياشمۇ بۇنىسى ماڭا قاراڭغۇ ، لېكىن سىزنىڭ ئوغۇل بالا ئىكەنلىكىڭىز ئېنىق ، ئىسلامجان دېگەن بۇ ئىسىمنى ئۇيغۇر زاتى ئەزەلدىن قىز بالىغا قويۇپ باقمىغان ،  بوپتۇ ئانىڭىز سىزنى ئوغۇل دەپ تۇغقان ئوغۇل بالا بولسىڭىزمۇ ئەگەر سىز كىچىك بالا بولسىڭىز مەن يەنە سىزنى توغرا چۈشىنەي ، بىراق ئەشۇ نەزەردىن جامالىدىن دېگەن ئىسىمنى ئىسلامجان شېئىرى دەپ ئۆزگەرتىشكە قانداقمۇ كۆڭلىڭىز ئۇنىغاندۇ ؟ مەن ئۆزۈم بىر قانۇن ئىجرا قىلىدىغان خادىم بولۇش سۈپىتىم بىلەن قانۇن ئارقىلىق ئەمەس بەلكى بىر ئوغۇل بالا بولۇش سۈپىتىم بىلەن سىزنى ۋېجدان ئارقىلىق ، غورۇر ئارقىلىق سوراق قىلغۇم كىلۋاتىدۇ . بۇ يەردە مەن يەنە سىزنى توغرا چۈشىنۋاتىمەن ئىسلامجان ئەپەندىم ، مېنىڭ شېئىرىمنى ياقتۇرغاچقا شۇنداق قىلغاندۇ دەپ ، بىراق سىز ئاپتۇرلۇق ھوقۇقى دېگەن نەرسىنى بىلەمسىز ؟ قەلەم تۇتقان ئادەمنىڭ ئەشۇ قۇرلارغا قانچىلىك ئەجىر قىلدىغانلىقىنى بىلەمسىز ؟ پۇل بولسا مەن مەيلى دېگەن بولاتتىم ، بىراق بۇ دېگەن بىر قەلەم ئىگىسىنىڭ مېۋىسى ، ئەجرى ، قان - تەرى . . . . ئاز - تولا كۈچ چىقىرىپ قايتىدىن باشقا شەكىلدە لايھىلىگەن بولسىڭىزچۇ كاشكى ، يەنە شۇ مەن لايھىلەپ قويغان ئەينى نوسخىنىڭ بىر بۈرجىكىدىكى مېنىڭ ئىسمىمنى ئۆچۈرۈپ ئۆزىڭىزنىڭ ئىسمىڭىزنى يىزۋالغىنىڭىز كاللامدىن پەقەتلا ئۆتمىدى ، توخۇ چىغىدا تەييار چېچىپ بەرگەن داننى تاتلاپ يەيدۇ ، نېمە ئۈچۈن ئىكەنلىكىنى بىلەمسىز ؟ ئۇ دەل ئۆزۈم ئەجىر قىلدىم دېگەن مەنىدە ئەمەسمۇ !؟  سىز ئەجىبا توخۇچىلىكمۇ بولالمىدىڭىزمۇ ؟    خەيىر ، كۆپ سۆزلىمەي ، بەلكىم سىز شۇ چاغلاردا سەل قارىغان بولسىڭىز كېرەك ، شۇڭا ئەڭ ياخشىسى مۇشۇ مۇنبەردە راستىنلا بولسىڭىز بۇ تېمىغا ئىنكاس يىزىڭ ! ئۇ شېئىرىمنى 2006 - يىلى 11 - ئاينىڭ 11 - كۈنى ئۆزىڭىزنىڭ قىلۋاپسىز ، بەلكىم سىز شۇ چاغلارا كىچىكتۇرسىز ، لېكىن ھازىر ئەريەتكەن بولىشىڭىز مۇمكىن  ، مەيلى ئۆزىڭىزنى ئاقلاڭ ، مەيلى نېمىلا دەڭ بۇ مۇنبەردە ئورتاقلاشساق دېگەن ئۈمۈدتىمەن . بەلكىم ئالتۆيلۈك مەۋلاننى تونىشىڭىز مۆمكىن ، مېنىڭ بۇ شېئىرىم دەل شۇ ساۋاقدىشىم ئارقىلىق توردا تارقىلىپ كەتكەن ، ئەينى چاغدا مەن كۆڭۈلچەكلىك قىلىپ ئۇ ھىچكىمگە بەرمەي ئۆزۈم ساقلايمەن دېسە ئۇنۇڭغا بەرگەن گۇناھمۇ ئۆزۈمدە ، مەن شۇ چاغدىلا سىزدەك ئادەملەردىن ئەنسىرگەن . . . كۆپ چېچىلىپ قويدۇم ، مۇنبەرداشلارنىڭ توغرا چۈشىنىشىنى ئۈمۈد قىلىمەن .

ARKZAT

	ئەدەبىي ئىجادىيەت- ئەڭ ھالال مېھنەت! ئۇنى چىن ئىخلاسى بىلەن ئىزچىل تەر تۆكەلەيدىغان، يۈرىكىدە ئىجاد گۈلخانلىرى دائىم پارلاپ تۇرىدىغان پىداكار ئىنسانلارلا روياپقا چىقىرالايدۇ! باشقىلارنىڭ قان-تەرى بەدىلىگە كەلگەن ئەجىر مېۋىسىنى ئۆزىنىڭ ساختا مەھسۇلاتى قىلىۋېلىش ماھىيەتتە نومۇسسىزلىق، بەلكى ئەخلاقسىزلىق! پاكىت ھامان مۇنازىرىدىن ئۈستۈن تۇرىدۇ! بۇ. بىر ئاچچىق ساۋاق!     بۇ خىل ئەھۋاللار مۇنبىرىمىزدىمۇ بەلگىلىك دەرىجىدە ساقلىنىۋاتىدۇ. باشقىلارنىڭ جۇۋىسىدا تەرلەش-بەكلا بىمەنىلىك! ئەلنىڭ كۆزى ئەللىك. چوغنى پاختا ئىچىدە ساقلىيالمايمىز. نۇرانە قۇياشنى كىچىك ئالقانلىرىمىز بىلەن يوشۇرۇپ بولالمايمىز. ئىجادىيەتتە سەمىمىي بولايلى!

laylinilka

	راسلا بەك ياخشى يېزىلغان شېئىركەن، ياقتۇردۇم.

natik

	ئىسلامجان دىگەن خەتكە قاراڭ  بىر قەۋەت قارا رەڭنى چاپلا ئۈزنىڭ ئىسمنى يىزۋالغنى ئىنىڭ .  ps ئىشلتىدغانلار بۇنى ئوبدان بىلدۇ.  نۇمۇسسزلىقتە بۇ .

azat007

	دىمىسمۇ بولماپتۇ

yahyayasin

	ھەر ھالدا ئەمدى بولسىمۇ بايقاپسىز.          كۆچۈرمىكەشلىك راسلا بەك نومۇس!

MILYONIR

	بۇ راسلا قاملاشماپتۇ ئىسلام دېگەن كىم سەن ئۆزۈڭنى ئاشكارلىساڭ بولمامدۇ ؟ نىمە قىلىق بۇ خەخنىكىنى مېنىڭ دەپ يۈرۈشتىن خىجىل بولساڭ بولمامدۇ  ؟ ناچار بولغاندىمۇ دۇنيادىكى ئەڭ ناچار ئىشنى قىپسەن ئىسلام ئىسىمنى قويغىچە بۇددا ئىسىمنى قويسا بولامدۇ  ساڭا شائىر مۇ سەن ياكى ئوغرىمۇ ؟

zapar

	ئىسلامجان شېرىكەن.  شېئىر دەپمۇ يازالماپتۇ ھاھاھاھا، قولى تىتىرەپ كەتكەن چېغىۋا.

Aytugh

	نومۇس، نومۇس، نومۇس...... كىشىنىڭ ھالال ئەجىر-مېھنىتىنى قىزارماستىن ئۆزىنىڭ قىلىۋالغانلارغا لەنەت! مەنمۇ داۋاملىق ئۆز نەرسەمگە ئىگە بولالماي ئاچچىق يۈتۈۋالىمەن شۇڭا سىزنىڭ ھازىرقى ئۇۋالچىلىق كەيپىياتىڭىزنى ۋە غەزىپىڭىزنى چۈشىنىمەن.