ئالۋاستىغا دەيدىغانلىرىم

ARKZAT

	ئالۋاستىغا  دەيدىغانلىرىم   (ئاق ئالۋاستى ئاشىقلىرىنىڭ كەچمىشلىرى ئىزىدىن )       ھەي خىروئىن، خىروئىن- ئاق ئالۋاستى، سېنى كىملەر قاچانلاردا ياساپتىكى.        سەن يوق چاغدا چېكەرمەنلەر قاغجىراپ،        يۈزمىڭ توۋا! ئۆلمەي قانداق ياشاپتىكى!؟ ياسىغانلار سېنى كىمگە ئاتاپتىكى؟! سېنى كىملەر نېمىشقىمۇ ياساپتىكى،    شۇندىن بۇيان بۇلغىمىدىڭ كىملەرنى.     سېنى چېكىپ ھەسرەت يۇتۇپ، ئېيتقىنا،    كىملەر يىغلاپ ئۆتكۈزمىدى تۈنلەرنى. خازان قىلدىڭ قانچىلىغان گۈللەرنى؟!       بۇلغىمىدىڭ كىملەرنى سەن ئەي نىجىس،   سېنىڭ بىلەن كەتتى نەگە دىيانەت!؟        سەن ئازدۇرغان تۈمەنلىگەن گۆدەكلەر، ئۆتكۈزمەكتە قارا! قانداق جىنايەت!؟ چەكتى سېنى ھەتتا قىزلار... نىھايەت! بولدى كۈنلەر سېنىڭ بىلەن قىيامەت!    ئازغۇنلارغا بەرگەي تەڭرىم ھىدايەت!!!     تولدى ئالەم سېنىڭ بىلەن كۈلپەتكە، چەككەنلەردە شەرم-ھايا قالمىغاچ. بەزىلەر بار شۇنچە ۋەھشى چوڭ بالا- تېپىۋالدى چېكىپ سېنى  قانمىغاچ. پەسكەش- رەزىل نىيىتىدىن يانمىغاچ. تاشلاپ سېنى توغرا يولغا ماڭمىغاچ،     چەككەنلەردىن ئىبرەت-ساۋاق ئالمىغاچ.   چېكەرمەنلەر قايرىپ قويۇپ ھايانى، چەكتى سېنى ۋىجدانىغا تېگىشىپ.     بەزىلەر بار سەندىن مېھىر ئۈزەلمەي، قالدى ھەتتا ئەقلىدىنمۇ ئادىشىپ. سېنى چېكىپ كەتتى ئىتتەك تالىشىپ، خۇنۈكلەشتى ئېغىز-بۇرۇن يالىشىپ.       مېڭىش ئۇيات ئۇنداقلارغا ياندىشىپ.           سېنىڭ ئۈچۈن پاك ۋىجداننى ساتقانلار،     ئۆزلىرىنى قالتىس چاغلاپ يۈرەرمىش. سېنى بىرلا  شورىۋالسا ھاياتنىڭ         ھوزۇرلىنىپ راسا پەيزىن  سۈرەرمىش،       بىرەر كۈنى چەكمەي ئۆتسە ئۆلەرمىش. مەشۇقىنى ئالماشتۇرۇپ سەن بىلەن،       چىن ئاشىقىڭ بولۇپ قانماي سۆيەرمىش.        ۋەسلىڭ ئۈچۈن يىغلاپ-زارلاپ يۈرەرمىش، باشقا كەلمىش قىسمىتىنى كۆرەرمىش،   شۇڭا سېنى جاندىن ئېزىز كۆرەرمىش.        سەن بولمىساڭ زەرداپ يۇتۇپ ئۆلەرمىش.         سېنى چېكىپ«ساما كېزىپ» يۈرگەنلەر، ئەل قەلبىدە بىر تىيىنگە ئەرزىمەس.       ئەلگە پايداڭ  يەتكەن بولسا ، ئەركزات      بولار ئىدى بۇنچە بەك كۆپ سۆزلىمەس.          چەككىنىمىز يېتەر دوستلار، بولدى-بەس!!!       چېكىۋەرسەك باسار بىزنى ئېغىر نەس!!! (  مەنبە: ئەركزات نەزمىلىرىدىن  )

apirin

	ياخشى مەنىسى  ئىنتايىن چوڭقۇر ۋە  ئوچۇق چىقىپتۇ. قالتىس يېزىپسىز بۇ نەزمىڭىزنى دىگىنىڭىز بولسۇن

saltanat

	ھەقىقەتەن ياخشى يېزىپسىز خۇرازدىكى خو............ شۇنداق ئاشۇ نىجىس كەيىپنى قىلىۋاتقانلار مۇشۇ تىمىڭىزنى كۆرگەن بولسا نىمەدىگەن ياخشى بولاتتى ھە.................

پالۋان

	ئاق ئالۋاستى قورقۇنۇچلۇق بىر نەرسە، ئۇنى چەككەنلەر بولسا يولدىن ئازغان، جىنايەت يولىغا ماڭغان، ھەقىقەت بىلەن دۈشمەن بولغان ئەخمەقلەردۇر، ئۇ ئەخمەقلەرنىڭ ئاقىۋىتى بولسا زەھەرلىنىپ ئۆلۈش ۋە ئۆزىگە زىيانكەشلىك قىلغانلىقى ئۈچۈن قىيامەتتە ئاللاھنىڭ غەزىۋىگە ئۇچراشتۇر.... تۆبە قىلغانلاردىن باشقا.... ھەقىقەتەن ياخشى چىققان نەزمە ئىكەن..... مۇشۇنداق ئېسىل نەزمىلەرنى يىزىپ تۇرىشىڭىزنى ئۈمىت قىلىمەن.

artiken

	ئاق. ئاڭلىسىمۇ ئادەم تىنىنى شۈركەندۈرىدۇ. چەكسە قانداق بۇپ كىتىدىغاندۇ!

JOKER

	رەخمەت سىزگە... artiken سىناپ باقامسىزيا بىرە 10 گىرام؟

peyaz

	قىرىنداشلىرىمىز شەيتاننىڭ ئازدۇرشىدىن ساقلانسۇن ، ھەم بۇنداق نەرسىگە يىقىن يولىمىسۇن !

nurjula

	ياخشى يېزىپسىز، ئاق تاماكىنى بىلىپ تۇتۇپ چېكىدىغانلارنىڭ ئەقلىگە ھەيرانمەن، ئىككى مۇرىسىنىڭ ئۈستىدىكى قاپاق ئەمەستۇ -ھە!

zapar

	قۇلاق ئاڭلىمسۇن كۆز كۆرمىسۇن بۇ نىجسىنى، بالىلىرىمىزغا ئىنساپ بەرسۇن ئۇلۇغ ئىگەم.

begzeda

	بەك ياخشى تىما بوپتۇ. بۇ نەرسىنى  بۇ دۇنيادا چەككەنلەر  ئۇ دۇنيادا نىمە چىكەر؟ چىكىپ ئاقنى ئۆتسە كۈنلىرىڭ، سېسسىق تىنىڭ ئويناپ كىتەرمۇ؟ ئارىمىزدىن كەتمەيسەن تىزراق. ياكى سىنى خۇدا بىلمەمدۇ...