ھايات مىلودىيسى

ferdawishan

	ھايات مىلودىيسى                                                                  (نەسىر) ئاھ ،ھايات!نىمە دىگەن ئۇلۇغسەن؟نىمە دىگەن گۈزەل؟نىمە دىگەن سۆيۈملۈك،نىمە دىگەن قۇدرەتلىك سەن ھە.....! ھايات سەن دۇنيادىكى ئەڭ بازارلىق كىتاپ ئوقۇپ تۈگەتكىلى بولمايدىغان،چوڭ قامۇس كۈنۇ -تۈن،كىچە -كىچىلەپ يازسىمۇ تۈگىمەيدىغان. ئاھ،ھايات!سەن قەلبلەر ناخشىسىنى ياڭرىتىپ ئىلھام تۇلپارىنى قاناتلاندۇرغۇچى نازىنىن قىزسەن.سەن شادلىقنىڭ،گۈزەللىكنىڭ ئەلچىسى،سەن بىلەن ياشنار پۈتكۈل كائىنات. ئاھ،سۆيۈملۈك ھايات! سەن پۈتكۈل كائىناتتىكى بارلىق مەۋجۇداتلارغا ھەدىيە قىلىنغان خاسىيەتلىك زەمزەم سۈيى،بالقىپ تۇرىدىغان پۈتمەس بۇلاق،سەن تاڭ سەھەردىكى شەبنەم تامچىلىرىنىڭ قۇياش نۇرىدا كۈمۈشتەك كۆزىنى چاقنىتىدىغان ئوتلۇق جىلۋىسى. سەندىن باشلانغان،ئىنسانلار ھاياتلىق دۇنياسىغا بەخت بوسوغىسىدىن تۈنجى قەدەم ئالغان ۋاقتىدا تۈنجى قاردەك ئاق،خىرۇستالدەك سۈزۈك،گۈل بەرگىدەك يۇمران،قۇش بالىسىدەك بىغۇبار،دۇنيا پەقەت سەن ئۈچۈنلا يارالغاندەك ئۆز ئەركى بىلەن ئۆز ئەقلى ھۆكۈمرانلىقىغا تاپشۇرۇپ بەرگەندەك شۇ قەدەر مۇلايىم ،شۇ قەدەر رايش. ئاھ ،ھايات! سەن باشتا ئاجايپ سىھرى كارامەتلەر بىلەن باشلانغان بولساڭ،ئاقىۋەتتە ئازاپ ۋە پۇشايماننى قايغۇ -ھەسرەت تۇلپارىغا مىندۈرۈپ بىرگە ئىلىپ كىلىدىغان ھۆكۈمران سەن... ھايات سەن گۇددى چاقىپەلەكتەك گاھ يۇقىردىن تۆۋەنگە ،گاھ تۆۋەندىن يۇقىرىغا چۆرگىلەپ چۈشۈپ-چىقىپ تۇرمۇشنىڭ قاينام-تاشقىنلىق دولقۇنلىرىدا كىشىلەرنى گاھ چۆكتۈرۈپ گاھ لەيلىتىپ ئۆمۈرنىڭ ھەقىقى قىممىتىنى ھىس قىلدۇرىسەن ھەم تونۇتىسەن.سەن مەڭگۈ ئۈزۈلمەس ئىقىن،سەن باشلىغان سەپەرلەردە كىشىلەر نۇرغۇن بوران-چاپقۇن،ئىگىز تاغ-داۋان،چوڭقۇر ھاڭلارغا دۇچ كەلسىمۇ ئالدىنقىلارنىڭ ئاياغ ئىزى يەتمىگەن باياۋاندىن يول ئىچىپ ئالغا ئىلگىرلەپ ئازاپ ئوقۇبەتلەر ۋە جاپا مۇشەققەتلەر ئىچىدە كىيىنكىلەر ئۈچۈن بەخت يارىتىدۇ،ھەم بەختسىزلىك ئىچىدىن بەخت ئىزدەيدۇ.مانا بۇ ھايات يولىدىكى كۆرەش، مانا بۇ ھايات مىلودىيىسى. بۇ مىلودىيە مەڭگۈ-مەڭگۈ ئۈزۈلمەي جاراڭلاپ داۋام ئىتىدۇ،مانا بۇ مەڭگۈلۈك قانۇنيەت يۈرەكلەر قىتىدىن بالقىپ تەلپۈنىدۇ يۈرەكلەردىكى سۆيگۈ مۇھەببەت. مەنبە:نۇردۇن ئابدۇراخمان.

lostba

	تىلى بەك ياخشى چىقىپتۇ

dilmervan

	ئېسىل چىقىپتۇ، لىرىكىلىرىڭىزدىن ھۇزۇرلاندىم!   مۇڭلۇق بىر مۇزىكا كىرىشتۈرۈلگەن بولسا، مۇنبەرداشلار ئىختىيارسىز ھېسسىياتلىق ئوقۇۋەتكىنىنى تۇيماي قالاتتىكەن.   ئۆزىمىغۇ مۇزىكىدەكلا چىقىپتۇ. يەنىمۇ تىرىشقايسىز!

begzeda

	قانۇنچىلىق گىزىتىنى ئوقۇپ قويىدىكەنسىز ھە؟

ferdawishan

	سىز نىمە دىمەكچى چۈشىنەلمىدىمغۇبەگزادە؟