چـــۈش(زۆھرە.م.غاپپار)

geltagh

	_  ئورنىڭىزدىن تۇرۇڭ !  ئىشقا كېچىكىپ قالماڭ !؟    دېگەن ئاۋازدىن چۆچۈپ ئويغاندىم . _ سائەت نەچچە بولدى ؟ دەپ سورۇدۇم ئېرىنچەكلىك بىلەن . _ سائەت شىنجاڭ ۋاختى 6:30 مىنوت ئۆتتى.دىدى يولدۇشۇم .   مەن ئورنۇمدىن دەرھال تۇرۇپلا چۆگۈنگە سۇ ئالغاچ : _ بۈگۈن ھەجەپ قاتتىق ئۇخلاپ كېتىپتىمەن؟! سائەتنىڭ جىرىڭلىغان ئاۋازىنىمۇ ئاڭلىماپتىمەن؟! ناشتىلىقمۇ تەييارلاپ بېرەلمەيدىغان بولدۇم، ئەمدى قايناقسۇ ئىچىپ تۇرىدىغان بولدىڭىز_دە؟!     دىدىم ئوڭايسىزلانغان ھالدا . _ ناشتىلىقنى تەييارلاپ بولدۇم . سىز تەييارلىقىڭىزنى تېزراق قىلىپ ناشتا قىلىۋېلىڭ ! دىدى مىنىڭ تەڭلىكتە قالغانلىقىمنى كۆرۈپ . _ بولدى چاق-چاق قىلماڭە ؟!.....مەندە نەدە ئۇنداق تەلەي بولسۇن ؟  سىز ماڭا ناشتىلىق تەييارلاپ بەرگۈدەك بولغۇچە قۇيرۇقۇمنى قۇم بېسىپ كىتىدىغان ئوخشايدۇ؟؟؟ شۇنداق بولىدىغان بولسا،كۈن بىزنىڭ ئۆيدىن چىقىپتۇ دەپ خوشاللىقتىن، دوپپامنى ئاسمانغا ئاتاتتىم....دىدىم ئۇلۇق كىچىك تىنىپ . _ ئۇنداقمۇ دەپ كەتمەڭ!؟ بۇرۇن تەييارلىمىغان بولسام ئەمدى تەييارلايمەن، بۇرۇن كەيىپ سۈرۈپ ، شەخسىيەتچىلىك قىلىپ، سىزگە نۇرغۇن جاپا سېلىپ ،سىزنى قاخشاتقان بولسام ئەمدى ھەرگىز ئۇنداق قىلمايمەن .  سىز مىنىڭ شۇنچە قىلغانلىرىمنى ئاداۋەت تۇتماي،كۆڭلىڭىزدىن چىقىرىۋېتىپ ،lشۇنچە ئۇزۇن يىلدىن بېرى ھالىمدىن ئوبدان خەۋەر ئالدىڭىز،مەن سىزدىن رازى.  سىزگە قىلغانلىرىمى ئويلىسام  بەكمۇ خىجىل بولىمەن . سىزنىڭ ماڭا مۇشىنچىلىك قىلغىنىڭىزمۇ مەن ئۈچۈن زور بەخىت . مەن سىزگە 'ساقايسام سىزنى ئاسرايمەن، ھەر قانداق ئىشتا سىزگە ھەمدەمدە بولىمەن ، تارتقان جاپايىڭىزغا چۇشلۇق جاۋاپ قايتۇرىمەن' دىگەنتىمغۇ ؟ شۇڭا سىزنى ئۇزۇنراق ئۇخلىۋالسۇن دەپ سائەتنى بېسىۋېتىپ، ناشتىلىقنى ئۆزەم تەييارلىدىم، بۇ تېخى ئىشنىڭ باشلىنىشى.  دىدى ئۈستەلنى شەرەتلەپ .    مەن قۇلۇقۇمغا ئىەنمەي ،بىر ئۇنىڭغا، بىر ئۈستەلگە قارىدىم . دەرۋەقە ئۈستەلدە بىر تەخسە ياڭاق مېغىزى بىلەن  ھورى كۆتۈرۈلۈپ تۇرغان ئىككى چىنە ئەتكەن چاي تۇراتتى. مەن ئۆز كۆزۈمگە ئىشەنمەي ،ئۇنىڭغا ھەيرانلىق بىلەن قاراپ :' بۇ راسمىدۇ ؟ مەڭدەپ قالمىغاندىمەن؟' دىگەنلەرنى خىيالىمدىن ئۆتكۈزدۈم .    ئۇمىنىڭ ھاڭۋېقىپ تۇرغانلىغىمنى كۆرۈپ : _ نىمە بولماپتىمۇ؟ ھازىرچە مۇشۇنداق ئاددى بولۇپ قالدى، بارا-بارا مول قىلىۋېتىمەن.   دىدى كۈلۈپ تۇرۇپ . _ ياق-ياق.....شۇنداق ياخشى بوپتۇ . مۇشۇنىڭغۇمۇ ئاللھاقا مىڭ شۈكرى!!!ھەر نىمە بولسا.........مەن بوغۇزۇمغا كېلىپ قالغان سۆزنى ئىچىمگە يۈتۈۋېتىشكە مەجبۇر بولدۇم . ئۇنىڭ ماڭالماسلىغى ئېسىگە كېلىپ قالسا ، قايتا ئولتۇرۇپ قېلىشىدىن ئەنسىرەيتىم . چۈنكى ئۇ سەككىز يىلنىڭ ئىسپىرىتتىن زەدەرلىنىپ ، مىڭىگە ئوزۇقلۇق يېتىشمەي مىڭە يىگلەش كېسىلىگە گىېىپتار بولۇپ قېلىپ ، ماڭالماس بولۇپ قالغان ئىدى . شۇڭلاشقا تېخىمۇ ئەنسىرىدىم .    _توۋا بۇ نىمە كارامەت ؟ خۇدايىمنىڭ ماڭا راستىنلا ئىچى ئاغرىغان ئوخشايدۇ ؟! تۈنۈگۈن تېخى ماڭالمايۋاتقان ئادەم ، بۈگۈن بىر ئوبدان مېڭىپ يۈرمەمدۇ ؟؟! بۇ بىر مۆجىزە ....بولۇپمۇ بىز بىر ئائىلە كىشىلىرى ئۈچۈن مۆجىزە . قىزىمىز دادىسىنىڭ ساقىيىپ ماڭالايدىغان بولغانلىق خەۋىرىنى ئاڭلىسا قانچىلىك خوشال بولۇپ كېتەر ؟  ئۇرۇق تۇققانلارچۇ ؟؟؟ مەن بۇ خوش خەۋەرنى ئالدى بىلەن قىزىمىزغا يەتكۈزۇپ ، ئۇنى ئەتتىگەندى بىر خوش قىلىۋېتەي دىگەن خىيال بىلەن تېلفونغا قول ئۇزاتتىم..........    جىرىڭ.....جىرىڭ..........قىلغان ئاۋازدىن چۆچۈپ ئويغۇنۇپ كەتتىم .......تېلفونغا ئۇزاتقان قولۇم بوشلۇقتا قالدى..       باياتىن بېرى مىنى خوشال قىلىپ، بەخىتنىڭ نىمىلىكىنى ھېس قىلدۇرغان مۆجىزىنىڭ چۈش ئىكەنلىكىنى كىممۇ ئويلىغان دەيسىز؟؟؟    مەن كۆزۈمنى چىڭ يۇمۇپ يېتىۋالدىم .   كۆزۈمنى ئاچساملا باياتىنقى بىردەملىك بولسىمۇ بەىىت ئاتا  قىلغان مۆجىزىنىڭ ،ئۈستەلدىكى ناشتىلىقنىڭ، غايىپ بولۇپ كېتىشىدىن ، بىر ئوبدان مېڭىپ يۈرگەن يولدۇشۇمنىڭ ماڭالماي قېلىشىدىن ، شۇنداقلا  ھەممە نەرسىنىڭ ئۆز ئىزىغا  چۈشۈپ قېلىشىدىن قورقاتتىم .      ئاھ...خۇدا !!!!! بۇ مىنىڭ چۈشۈم بولماي ئوڭۇم بولۇپ قالسىچۇ كاشكى؟ مەن بۇنىڭ ئوڭۇم بولۇپ قېلىشىنى بەكمۇ ئارزۇ  قىلاتتىم ئەمەسمۇ ؟   چۈش رىياللىققا ئايلىنالىغان بولسا نىمە دىگەن ياخشى بولاتتى ھە؟  چۈش ھامان چۈشتە...ئامال قانچە؟ مەن مەڭگۈ ئيغانمىساممۇ چۇش رىياللىققا ئايلىنالمايدۇ.   ئەگەر  شۇنداق بولغان بولسا ئىدى مەن مەڭگۈ كۆزۈمنى ئاچماسلىققا رازى ئىدىم...............        سائەتمۇ توشۇپ قاپتۇ .....تۇرۇپ ناشتىلىق تەييارلاي............       ئۇھ............ئاللاھقا مىڭ شۈكرى !  چۈشۈمدە بولسىمۇ بەخت نېسىپ بوپتۇ .                           2005-يىل 2-ئاي (مەنبە ئۆزەم)

jamxiit

	بىر كۈنى  بىر چۈش كۆرۈپتىمەن چۈشۈمدە بىر قىزغا ئاشىق بوپ قاپتىمەن ، ئەتىگىنى ئويغۇنۇپلا ئىشقىم بىلەن بىر شىئېر كەلتۈرۋەتتىم !! چۈش ئىكەن ئۇ گويا تىلۋۇزۇر، تاپالماسمەن سىزدىن بىر قۇسۇر. شۇندىن بېرى بىر كۆڭلۈم سىزدە، ئولتۇرالماي ئېچىلىپ بەھۇزۇر......

sazguri

	چۇشىڭىزنىڭ  رىئاللىققا ئايلىنىشىغا تىلەكداشمەن

peyaz

	ئىرىڭىزنىڭ كىسىلىگە شىپاھلىق تىلەيمەن ، سىز جـــاپا تــــارتىپىسز ، الــلــە ئەجىرىڭىزنى بەرگەي !!!!!!!!

geltagh

	چۈش ئەگەردە بولسا ېىياللىق ،                                            چەكمەس ئىدىم بۇنچە رىيازەت .                                             شۇ كۈنلەرگە مىڭلارچە شۈكرى ،                                            توۋرۈك سۇنسا تۆت-تام نە ھاجەت .        ياخشى تىلەكلىرىڭلارغا كۆپ رەھمەت!!!!! تىلىگىڭلار كەلسۇن

Xarminaz

	چۈش دېگەن ئاجايىب بولىدۇ - ھە ...... بەزىدە چۈشمۇ ئادەمگە بەزى ئىشلاردىن بىشارەت بېرىدۇ . چۈش........ مەنمۇ گاھىدا چۈشۈمدىن ئويغانمىسامكەن دەپ كېتىمەن .

kaqmixlar

	يولدىشىڭىزغا ئاللاھ تىن شىپالىق تىلەيمەن

پالۋان

	مەن بەزىدە كۆرگىنىمنىڭ بىر چۈش بولۇپ قىلىشىنى، ۋە ئۇيقۇدىن تىزلا ئويغۇنۇپ كېتىشنى ئارزۇ قىلىمەن.... لېكىن ئۇ بەرىبىر رېئاللىق.... مۇشۇنداق تۇيغۇغا چۆمگىنىمدە يالغۇز كېيىك دېگەن ناخشىنىڭ مۇنۇ سۆزلىرىنى ئەسلەپ قالىمەن: بولسا چۈش كۆرگەنلىرىم، كەتسەم ئىدى بىر ئويغۇنۇپ.

geltagh

	دوسلارنىڭ ياخشى تىلەكلىرىگە رەھمەھ!!!!دىگەنلىرىڭلار كەلگەي.

mr_me

	چۈش دېگەن ئاجايىب بولىدۇ - ھە

qolpinay

	بۇدۇنيادا چۈشكۆرمەيدىغان ئادەممۇ بارمىدۇ؟ مەن پەقەت چۇش كۆر مىسەمكەن دەيمەن.

geltagh

	[چۈشمۇ بەزىدە ئددەمگە ۋاقىتلىق بولسىمۇ شېرىن تۇيغۇلارغا  چۆمدۈرەلەيدۇ، ۋاقىتلىق بولسىمۇ خوشاللىق ئاتا قىلالايدىكەن.....دوسلارغا رەھمەت!!!!!!!!!!/b]

jamxiit

	ئاپتور جاۋابىنى بويلاپ 10قەۋەت  qolpinay كە 2011-12-12 04:42 PMئەۋەتىلدى  : بۇدۇنيادا چۈشكۆرمەيدىغان ئادەممۇ بارمىدۇ؟ مەن پەقەت چۇش كۆر مىسەمكەن دەيمەن. تىبابەتتە سىز چۈش كۆرمەي ئۇخلىسىڭىز سىز چوقۇم كېسەلگە دۇچار بولىسىز دەيدۇ، چۈش كۆرۈش نورمال ئەھۋال!!

geltagh

	مىنىڭ ئۇيقۇم ياخشى بولمىغاچقا ياتساملا قالايمىقان چۈشنى تولا  كۆرۈپ ، چۈشتىنمۇ بىزار بولۇپ كېتىمەن

tag~dir

	سىز بۇ چۈشىڭىزنى ئەتىگەن تاڭ سۈزۈلۈشكە يېقىن كۆرگەن بولسىڭىز خۇدايىم بەلكىم رىئاللىققا مېڭىپمۇ قالار ،ئاللا سىزگە يار بولسۇن