ئۈمىت بىلەن ياشايمەن ھەر چاغ

geltagh

	كېلەر  ئىنسان  دۇنياغا  بىر  رەت ،                                                                           كېتەر  يەنە  مەڭگۈلۈك  ئەبەت .                                                                           ئەلمىساقتىن  قالغان  ئۇدۇمكەن ،                                                                           كۆرمىگەننى  ئۆمرىدە  كۆرمەك .                                                                                                                                                                     بەزىلىرى  سۈرەركەن  راھەت ،                                                                           بەزىلىرى   چەكسە رىيازەت .                                                                           بەزىلىرى  ئۈمىدلىك  مەغرۇر ،                                                                         بەزىلىرى ئۈمىدسىز غەم يەر .                                                                           بەزىلىرى  جاپا  -مېھنەتتە ،                                                                           بەزىلىرى  ئۆتەر  ئىشرەتتە .                                                                           بىلىپ  بولماس  ھېچكىم  ئۆزىنىڭ ،                                                                           كېلەچىكى  نېمە  قىسمەتتە .                                                                                           نى  قىسمەتلەر  چۈشتى  بېشىمغا ،                                                                           ئىگىلمىدىم  مەزمۇت  ياشىدىم .                                                                           ئۈمىد  بىلەن  قاراپ  دۇنياغا ،                                                                           ھەر  قەدەمنى  دادىل  تاشلىدىم .                                                                           كۆرەلمەسلەر  قۇردى  توزاقنى                                                                           ئىشلىرىمدىن  قۇسۇر  ئىزدىشىپ ،                                                                           غەيۋەت  بىلەن  پىتنە  تاراتتى ،                                                                           كاۋاك  ئىزدەپ  ھەر  يان  چېپىشىپ .                                                                           غەيۋەتچىلەر  بولما  ئاۋارە ،                                                                           ئامال - چارە  پۇرسەت  ئىزلىشىپ .                                                                           چۈشۈرەلمەيسەن  مېنى  قاپقانغا ،                                                                           مەن  قالمىسام  يولدىن  ئادىشىپ .                                                                           ئۈمىد  بىلەن  ياشىدىم  شۇڭا ،                                                                           بولغاچ  ماڭا  ۋىجدان  مەدەتكار .                                                                           تاغدەك  مۈشكۈل  توسالمىدى ھېچ ،                                                                           ئۈمىد-ئارزۇ بولغاچ  ماڭا  يار .                                                                                                                                             ئۈمىد بىلەن  ياشاڭ  دۇنيادا ،                                                                          ئۈمىدسىزلىك  تاپقۇزماس  روناق .                                                                          شام  بولساممۇ  يورۇتۇپ  تۈننى ،                                                                         ئۈمىد بىلەن  ياشايمەن  ھەر  چاغ .                                                                                                 (مەنبە : زۆھرەم غاپپار-ئۆزۈم)

327563313

	ۋاي رەھمەت بۇرادەر شېرلىرىڭىزغا،داۋاملىق !!

XIJAAT520

	ھەقىقەتەن ياخشى يىزىپسىز

geltagh

	مىسرسنىمدىكى ئۇستازلارنىڭ  مۇنبەرداشلارنىڭ مىنى قوللاپ قۇۋۋەتلىگىنىگە يېقىندىن ياردەم بەگىنىگە رەھمەت ئىيتىمەن.  قىممەتلىك تەنقىدى پىكىرلەرنى بېرىشىنى،شۇنداقلا مىنىڭ تېىخىمۇ ياخشى  نەتىـىجىلەرگە ئېرىشىشىم ئۈچۈن ياردەم قوللىرىنى سۇنۇشلىرىنى ئۈمۈت قىلىمەن.