كــىــم

yagilak

	كـىــم تال چىۋىقنى ئات قىلىپ مىنسەڭ، كىيىك كەبى قىيغىپ ئۆتكەن كىم؟ چىمەنلىكتە  گۈللەر  بەرگىگە  ، كېپىنەكتەك سىرغىپ چۈشكەن كىم؟ شوخ شاماللىق كەڭرى دالىدا، لەگلىكىڭنى ئېلىپ قاچقان كىم ؟ پەر-پەرىدىن نۇرلار چاقنىتىپ، ئاسمىنىڭدىن ئۇچۇپ ئۆتكەن كىم؟ غەمسىز ،ئوماق  بالىلىقىڭنى  ، شۇنچە ئەرزان سېتىۋەتكەن كىم؟ يا  ئوقىدەك  نىگاھلىرىدا  ، كۈلۈپ تۇرۇپ ئېتىۋەتكەن كىم؟ شۇنچە لاچىن  ئىچىدىن  پەقەت، پەقەت سېنى دەل ئوۋلىغان  كىم؟ يىقىلساڭ  گەر  بەيگىدە  ئاتتىن، «دەست تۇر يىگىت!»دەپ توۋلىغان كىم؟ غېرىب كۆلبەڭ روجەكلىرىدىن، تولۇن ئاي بوپ مارىلىغان كىم؟ شەھرىزاتتەك تاتلىق پىچىرلاپ، چۈشلىرىڭنى ئارىلىغان كىم؟ گۈل ئىسمىنى  دىلىڭ  قېتىغا ، مېھرى بىلەن كەشتىلىگەن كىم ؟ ئاساۋ ئاتتەك ئويناق يۈرەكنى، رىشتى بىلەن يۈگەنلىگەن كىم؟ 2010-يىل12-ئاپرېل مەنبە:«يالپۇز يازمىلىرى»مدىن

بېھزات

	شېئىردىكى 4- كۇبلىتتن باشقا كۇبلىتلىرى ئاساسەن ياخشى چىقىپتۇ !!!بولۇپمۇ ئاخىرقى بىر كۇبلىتى:_ گۈل ئىسمىنى  دىلىڭ  قېتىغا ،   مېھرى بىلەن كەشتىلىگەن كىم ؟   ئاساۋ ئاتتەك ئويناق يۈرەكنى، رىشتى بىلەن يۈگەنلىگەن كىم؟ تېخىمۇ تىرىشىڭ !!!

arkanaz

	ياخشى يىزىپ سىز

ah~tilek

	ياخشى يېزىپسىز داۋاملىق تىرىشىڭ .

MILYONIR

	ياىشى چىقىپتۇ تېخىمۇ ياخشى ئەسەرلەرنى يازغايسىز

پالۋان

	مەن دەي دېگەن... لېكىن مەن ئەمەس... سۆيگۈنىڭىز بولىشى مۇمكىن.