مۇھەممەد(س ئە ۋ) تىلىدىن دۇردانىلەر

Gvljahan

	دىلغا ئازار بەرگۈچىلەرنىڭ ھەممىسى دوزاخقا مەھكۈمدۇر . يامانلىقىڭنى كىشىلەردىن يىراق تۇتساڭ شۇنىڭ ئۆزىمۇ ساڭا سەدىقە ھىسابىدا يىزىلىدۇ . زەئىپلىرى كۈچلۈكلىرىدىن ھەققىنى ئالالمىغان خەلىقىنى ئاللا قانداق ئۇلۇغلىسۇن ؟ رەشك (كۈنلەش) -ئىماندىندۇر ، كۈنلىمەسلىك مۇناپىقلىق ئالامىتىدۇر . ئەي ئاللانىڭ بەندىلىرى ، كېسىلىڭلارنى داۋالىتىڭلار ، چۈنكى ئاللا ھەربىر دەردنىڭ داۋاسىنىمۇ ياراتقان ، پەقەت قېرىلىقنىڭ داۋاسى يوق . ئاتىغا ئىتائەت قىلىش ئاللاھقا ئىتائەت  قىلىشتۇر . ئۇنىڭ ئالدىدا گۈناھ قىلىش ئاللانىڭ ئالدىدا گۇنا قىلىش بىلەن باراۋەر  .   تاڭ سەھەردىكى ئۇيقۇ رىزىقنى قىسقارتىۋىتىدۇ . سېخى كىشىنىڭ تائامى شىپادۇر ، بېخىل كىشىنىڭ تائامى بولسا كېسەللىكتۇر . خۇپىيانە قىلىنغان سەدىقە ، ئاللانىڭ غەزىپىنى سۇندۇرىدۇ . ھايا -ئىمان دىمەكتۇر . ئىمكانىيىتىڭلار ۋە تاقىتىڭلارغا قاراپ ئىبادەت قىلىڭلار ، سىلەر چارچايسىلەر ،لىكىن ئاللا چارچىمايدۇ . ئاللانىڭ ھەربىر مۆمىندىكى ھەققى -يەتتە كۈندە بىر قىتىم پۈتۈن ئەزايىنى يۇيۇپ غۇسلى قىلىشتۇر . خۇتۇننىڭ ئەرگە نىسبەتەن ھەق ھۇقۇقى : ئەر ئۆزى تاماق يىگەندە خۇتۇنىغىمۇ تاماق بىرىش  ، ئۆزى يېڭى كىيىم ئېلىپ كىيگەندە خۇتۇنىغىمۇ ئېلىپ كىيگۈزىشى ، يۈزىگە ئۇرماسلىقى ، ھاقارەت قىلماسلىقى ، ئارازلاشقاندا يىراقلاپ كەتمەي ، پەقە ئايرىم يېتىشىلا كېرەك . مۆمىنلەرنىڭ بىر-بىرىدە ئالتە ھەق-ھۇقۇقى بار :سالام بىرىش ، چاقىرسا بېرىش ، نەسىھەت قىلىپ قۇيۇشنى تەلەپ قىلسا نەسىھەت قىلىش ، چۈشكۈرۈپ ئاللاغا ھەمدۇ -سانا ئۇقۇسا جاۋاپ قايتۇرۇش ، كېسەل بولسا يوقلاش ، ۋاپات بولسا دەپنىسىگە قاتنىشىش . تاھارەتتە قول -ئاياغلىرىنىڭ ئارىسىنى ئىنچىكىلەپ يۇيىدىغان ۋە تاماقتىن كىيىن چىشلىرىنى تازىلايدىغان ئۈممەتلىرىم نىمە دىگەن ياخشى -ھە! چوڭ ياشتىكىلەر بىلەن مەسلىھەتتە بۇلۇڭلار ، ئۆلىمالاردىن مەسلىھەت سوراڭلار ، ۋە ھۆكۈمالار بىلەن ئارىلىشىپ تۇرۇڭلار . ئۈچ خىل سۈپەت باركى ، كىمدە كىم ئۇنىڭغا ئىگە بولسا ئاللا قىيامەت كۈنى ئۇنى ھىمايە قىلىپ جەننىتىگە كىرگۈزىدۇ : 1.زەئىپ - ئاجىزلار بىلەن خۇش  مۇئامىلىدە بولىشى ، 2.ئاتا-ئانىسغا ياخشىلىق قىلىشى  ،  3.قۇلغا ياخشى مۇئامىلە قىلىش تويدا مىسكىنلەر قېلىپ ، بايلارلا يەپ كىتىدىغان تائام -يامان تائامدۇر . قايسىبىر قەۋم باشلىقى ئۆز ئادەملىرىگە خىيانەت قىلىپ ئۇلارنى ئالدىسا قىيامە كۈنى دوزاخقا مەھكۈم بولىدۇ . بەخىتلىك ئادەم پىتنە پاساتلاردىن چەتلەپ يۈرەۈچى ۋە مۇسىبەتلەرگە سەۋر قىلغۇچى ئادەمدۇر . ئاللا ئۆز بەندىلىرى ئىچىدىن غەيرەتلىكلىرىنى ياقتۇرىدۇ . ئاللا غىم-تەشۋىشلىكلەرگە ياردەم بىرىدىغنالارنى دوست  تۇتىدۇ . ئاللا گۈزەلدۇر ، شۇڭا گۈزەللىكنى  ياخشى كۈرىدۇ . ياخشىلىقنى چىرايى ئۇچۇق ، خۇشخۇي ئادەمدىن كۈتۈڭلار . ھالال كەسىپتىن چارچاپ ئۇخلىغان ئادەم گۇناھلىرى كەچۈرۈلگەن ھالدا تۈنەيدۇ . قەبرىستاننى زىيارەت قىلىپ تۇرۇڭلار ، چۈنكى ئۇ سىلەرگە ئاخرەتنى ئەسلىتىدۇ . مۆمىن كىشىنى ھاقارەتلىگۈچى ئۆزى ھالاكەتكە ئۇچرايدۇ . مەنبە :سەھىھ ھەدىسلەر --- شىنجاڭ خەلىق نەشىرىياتى

azizgul

	ئەسسالامۇ -  ئەلەيكۇم ،  ئۇلۇغ  اللاھ  ھەر  بىر  مۇسۇلماننى سۈيۈملۈك  پەيغەمبىرىمىز مۇھەممەد  مۇستافا سەللەللەھۇ ئەلەيھى  ۋەسسەللەمنىڭ پەزىلەتلىرىنى ئۆزىدە  يىتىلدۈرۈشكە  نىسىپ  قىلغاي  ،  اميىن !

kaharjan

	رەخمەت سىزگە  اللاھ  ئەجرىڭىزنى بەرسۇن.

mujahid517

	رەھمەت، بىلىۋالدىم، بۇندىن كېيىن داۋاملىق يوللاپ تۇرغايسىز...

yalkun10

	كۆپ رەھمەت قېرىندىشىم ، ياخشى تېما يوللاپسىز

yalkun10

	اللا ساۋاپ بەرگەي

nasridin

	ئەسسالامۇ ئەلەيكۇم!!!Gvljahanتوردىشىم ھەقىقەتەن ياخشى يوللاپسىز!لىكىن،بىر ئىشقا دىققەت قىلىڭكى پەيغەمبىرىمىز مۇھەممەد سەللەللاھۇ ئەلەيھى ۋەسەللەمنىڭ مۇبارەك ئىسمىنى ھۇرمەت بىلەن تىلغا ئىلىڭ،ئۇنداق مۇھەممەد(س ئە ۋ) مۇنداق تىلغا ئىلىشىڭىزغا قەتئىي بولمايدۇ.سىز يازغان بۇ سۆزلەر مۇنداقلا دىيىلىپ قالغان سۆزلەر ئەمەس،بەلكى ئاللاھ سۇبھانە ۋەتەئالا رۇخسەت قىلغاندىن كىيىن پەيغەمبىرىمىز ئاندىن ئىيتقان مۇبارەك سۆز بۇ .ھەتتا ھازىرقى ئىسلام دۇنيا رادىئو - تىلبۇزۇرلىدىمۇ پەيغەمبىرىمىزنىڭ مۇبارەك نامىنى ھۈرمەت بىلەن تىلغا ئالىدۇ.چۈنكى بۇ بولسا ئىلاھىي بۇيرۇقتۇر.شۇڭا دىققەت قىلىڭ

花蕾

	ھەقىقەتەن ئېسىل دۇردانىلەركەن بۇ، رەھمەت قېرىندىشىم، بۇنىڭدىن كېيىنمۇ مۇشۇنداق ياخشى تېمىلارنى كۆپرەك يوللىشىڭلارنى ئۈمىد قىلىمەن.