شور پىشانىلەر(ھېكايە)

پادىشاھ

	ئۆستەڭ بويىدىكى ئاسفالىت يولنىڭ ئىككىى قاسنىقىغا  قاتار  تىكىلگەن قۇيۇق دەرەخلەرنىڭ شاخلىرى مەيىن شامالدا يىنىك سېلكىنەتتى،دەرەخ شاخلىرىغا قونۇشىۋالغان تۈرلۈك قۇشلار،يېقىملىق ناخشىلىرى بىلەن ئىززەتگۈلنىڭ كۆڭلىنى ئېچىشقا ئۇرۇنۇشاتتى بىراق بۇلارنىڭ ھېچقايسىسى ئۇنىڭغا كار قىلمىدى.قىزنىڭ مەسۈم قەلبىدە ئەمدىلا بىخ سۈرۈشكە باشلىغان بىر ئوت يەنى مۇھەببەت ئوتى لاۋىلدايتى .ئۇ مەن ھەرگىزمۇ ئۇنىڭغا ياتلىق بولمايمەن ،ئۆلسەممۇ ياتلىق بومايمەن مېنىڭ قەلبىمدە ئۇنىڭغا ئورۇن يوق ،پەقەت ئاسىملا بار،مەيلى ئۇنىڭ نامرات بولۇشىدىن قەتئىنەزەر مەن  ئۇنىڭغا تەۋە،ئۇلار مېنىڭ يتىملىكىمدىن پايدىلىنىم شۇنداق قىلىشىۋاتىدۇ. رەھمەتلىك دادام ،بىلەن ئانام ھايات بولغان بولسا چوقۇم ئۇنداق قىلمىغان ،مېنىڭ تاللىشىمغا يول قويغان بولاتتى.قىز ئۆز –ئۆزىگە پىچىرلايتتى بىر دەم-بىردەم تېلىفونىنىڭ سائىتىگە قاراپ قوياتتى.ئارىدىن بىرەر سرئەت ئۆتۈپ كەتتى لېكىن ئۇنىڭ كۈتكەن ئادىمىنىڭ قارىسىمۇ كۆرۈنمەيتتى . قۇياش ئۆزىنى ئاستا-ئاستا تاغ كەينىگە يوشۇرۇشقا باشلىدى قارىغاندا ئۇ سەلىگە بارىدىغاندەك قىلاتتى .قانداق قىلىش كېرەك تېلىفون قىلايمۇ؟قىز بىردىنلا ئەقلىگە كەلگەندەك بولدى-دە،كۆۋرۈكتىن ئۆتۈپ ئۇدۇل ئېتىزلىق تەرەپكە يول ئالدى ئۇ خېلى ماڭغاندىن كېيىن ئېتىز بېشىدا كىتمىنىنى ئىگىز كۆتۈرۈپ توپا ئېتىۋاتقان ئاسىمنى كۆردى شۇنىڭ بىلەن ئۇنىڭ يۈرەكلىرى گويا كىچىك بالىغا ئوخشاش تىچەكلەشكە باشلىدى. قىز يېقىن كەلگەندە ئاسىم ئۇنى كۆردى بولغاي كەتمىنىنى ئاستا يەرگە قويۇ تۇرۇپ. _قانداقراق ئەھۋالىڭىز ؟مەن ھازىرلا سىزنىڭ يېنىڭىزغا باراي دەپ تۇرغاندىم،سۇنى ۋاقتىدا باشلىۋەتمىسەم بولمىغۇدەك شۇڭلاشقا ساقلىتىپ قويدۇم خاپا بولماڭ دىدى ئۈرە ئېيتىپ . _نىمىشقا خاپا بولغۇدەكمەن دىدى قىز پەرىشان ھالدا. _سىزگە نېمە بولدى؟ مىجەزىڭىز يوقمۇ،چىرايىڭىز باشقىچىلا كۆرۈنىدۇغۇ؟دىدى ئاسىم قىزدىن كۆزىنى ئۈزمەي تۇرۇپ ۋە يېقىنلاپ كېلىپ ئۇنىڭ پىشانىسىنى تۇتتى.قىزنىڭ يۈزى ۋىللىدە قىزىرىپ كەتتى : _باشىقىلار كۆرۈپ قالىدۇ ئۇنداق قىلماڭ دىدى تۆۋەن ئاۋازدا. _كۆرسە كۆرمەمدۇ نىمە كارىمىز . _ئۇنداق دىگىنىڭىز بىلەن ئەتىلىككىلا پۈتۈن يېزىغا ھەتتا ناھىيىگە بىر كېتىدۇ دىدى قىز. _ھېلىغۇ ناھىيەگە بىر كەتكۈدەك،پۈتۈن يەر شارىغا بىر كەتسىمۇ پەرۋايىم پېلەك دىدى يىگىت كۈلۈمسىرەپ تۇرۇپ. _سىزگە دەيدىغان گېپىم بارئىدى. _ھە دەڭە قۇلىقىم سىزدە . _ئاچام نېمە دەيدۇ بىلەمسىز؟ _نېمە دىدى؟ _ئەتە ئەتىرەت باشلىقى سالاملارنىڭ ئۆيىدىكىلەر چاي ئەكىرىدۇ دەيدۇ. _ئەكىرسە ئەكىرمەمدۇ؟ئۇنىڭ يېشىمۇ كىچىك ئەمەس دىدى ئاسىم ئويلاشمايلا. _قىزنىڭ يۈزلىرى ئاچچىقتىن پۇكاندەك قىزىرىپ كەتتى شۇ تاپتا ئۇنىڭ قەلبىدە غەزەپ ئوتى لاۋىلداشقا باشلىغاندى.ۋە بۇ نېمە دىگىنىڭز؟ئەكىرسە ،ئەكىرمەمدۇ دېگىنىڭىز نېمىسى؟ئۇنىڭ كىمگە چاي ئەكىرمەكچى بولغانلىقىنى بىلەمسىز؟ -مگە ئەكىرىشى بىلەن مېنىڭ كارىم نېمە دىدى ئاسىم قىلچە ئويلاشمايلا.قىزنىڭ كۆزلىرىدىن نەپرەت ئۇچقۇنلىرى ئۇچقۇنداشقا باشلىدى. _ئۇ قېرى كالا بىزنىڭ ئۆيگە چاي ئەكىرىدىكەن دىدى غەزەب بىلەن. _نېمە سىلەرنىڭ ئۆيگە ئاسىم بىر نەرسىنى چۈشەنگەندەك بولدى ۋە قايتىلاپ سوراشقا باشلىدى.كىم شۇنداق دەيدۇ؟ _ئاچام . _سىز نېمە دىدىڭىز ؟ _مەن قوشۇلمايمەن ئەگەر شۇنداق دەپ تۇرۇۋالساڭلار ئۆلۈپلا تۈگىشىمەن دىدىم.ئاسىم چاققانلىق بىلەن ئۇنىڭ ئاغزىنى ئېتىۋالدى . _بۇندىن كېيىن مۇنداق گەپلەرنى دىگۈچە بولماڭ دىدى قىزغا تىكىلىپ تۇرۇپ. _مەن ئىككىمىزنىڭ ئىشىنى ئاچامغا ئېيتتىم لېكىن ئۇ قەتئىي تېقىن كەلگىلى ئۇنىمىدى.نېمە دىگەنلىكىنى دەپ بەرسەم خاپا بولامىسز؟ _خاپا بولمايمەن دەڭڭە قېنى. _ئاسىم ياخشى بالا بولغىنى بىلەن بەك نامىرات،چوڭ دادىسى كېسەل ،سەن ئۇنىڭ بىلەن توي قىلساڭ كۈنىڭ ياخشى ئۆتمەيدۇ، ئۇنىڭ ئۈستىگە سېلىم بوۋايغا قارىمىساڭلا ئۇنىڭ ھالىدىن خەۋەر ئالمىساڭلار بولمايدۇ،ئۆزۈڭلارنى باقامسىلەن بوۋاينىمۇ .سالام بىلەن توي قىلساڭ جاپا تاتمايسەن ئاتا –ئانىسىنىڭ قول ئىگىلىكىدە بار دەيدۇ دىدى قىز يېغلامسىراپ تۇرۇپ. _يا شۇنداق قىلامسىز يە دىدى چاقچاق ئارىلاش ئاسىم. _قىز  ئاسىمنىڭ دۈمبىسىگە مۇشتلاپ تۇتۇپ.ئەمدى مېنى بوزەك قىلمىغان سىز قالدىڭىزمۇ؟دىدى زەردە بىلەن. _ئەمىسە قانداق قىلىش كېرەك؟ _ئوغۇل بالا بولغاندىن كېيىن ئۆزىڭىز بىر نەرسە دەپ بېقىڭ قىز ئاسىمغا مەنىلىك قاراپ قويدى. _ئەمىسە ئەتە تاڭ ئېتىشىغىلا بوۋامنى سىلەرنىڭكىگە ئەلچىلىككە كىرگۈزەيمۇ.قىز پاتتىڭىغىچە قىزىرىپ كەتتى ۋە ئەركىلىگەن قىياپەتتە. _ئەمدى سىز ھەقىقى ئاسىمغا مېنىڭ ئاسىمىغا ئوخشاش گەپ قىلدىڭىز دىدى خۇشال ھالدا.مانا ئىككىيلەننىڭ مەسلىھەتىمۇ پىشىپ بولغاند. _كەچ بولۇپ كەتتى مەن قايتىپ كېتەي ،سىز ئىشىڭىزنى قىلىۋېرىڭ ئەتە كۆرۈشەيلى دىگىنىچە ئاسفالىت يولغا قاراپ يۈرۈپ كەتتى. سۈزۈك ئاسماندا يۇلتۇزلار جىمىرلىشاتتى ئاسىم ئاسفالىت يولدىن ئۆتۈپ توپىلىق يولنى بويلاپ مەھەللە تەرەپكە يۈرۈپ كەتتى كوچىدا ئۇنىڭدىن باشقا جانلىق كۆرۈنمەيتتى .باغ تەرەپتىن ئۆرۈكنىڭ ھىددى كېلىپ تۇراتتى ،ئېرىقتىكى سۇلار مۇڭلىنىپ ئېقىشاتتى،ئىتلارنىڭ قاۋاشلىرى كىشىنى تەشۋىشكە سالاتتى ئۇ تۇرۇپ –تۇرۇپ ئارقىغا قاراپ قوياتتى. ئاسىم قايتىپ كەلگەندە سېلىم بوۋاي ئاللا بۇرۇن ئۇيقۇ دۇنياسىغا غەرق بولغاندى.ئۇ بوۋىسىنى ئۇيغۇتۇۋەتمەسلىككە تىرىشاتتى بىراق ئىشىكنى ئېچىلىشى بىلەن بۇ ھۇشيار بوۋاي ئۇيغۇنۇپ كەتكەندى. _كەلدىڭمۇ ئوغلۇم. _كەلدىم بوۋا . _زىرائەتلەر خېلى ئوخشاپتۇمۇ ؟ _ھەرقايسى يىللارقىغا قارىغاندا بەكلا ئوخشاپتۇ بوۋا. _بۇ يىل يەنە بۇلتۇرقىدەك ئاپەت بولۇپ كەتمىسە بولاتتى دىدى بوۋاي ساقىلىنى سىللاپ تۇرۇپ.ئاسىم چايداندىكى قايناقسۇنى چەينەككە قۇيۇپ چاي دەملىدى ۋە داستىرخان سېلىشقا تەمشەلدى. ئىككىيلەن مۇڭداشقاچ چاي ئىچىشتى .سۆز ئارىلىقىدا ئاسىم ئويلىغانلىرىنى بوۋايغا بىرنى قالدۇرماي ئېيتتى.بوۋاي بىر ئۇلۇغ-كىچىك تىنىۋالغاندىن كېيىن . _رەھمەتلىك داداڭ-ئاناڭ بولغان بولسا قانچە خۇش بولار ئىدى دىدى ۋە كۆزيېىشى قىلىشقا باشلىدى ئىككىيلەن بىر پەس كۆز يېشى قىلىشقاندىن كېىن . _بولىدۇ ئوغلۇم ناھايىتى ئوبداب ئويلاپسەن ئۇمۇ ساڭا ئوخشاش قارا يىتىم .مەن ئەتە نامازدىن يېنىپ بىرقانچە جامائەت بىلەن ئەلچىلىككە باراي دىدى مەمنۇن بولغان قىياپەتتى. مانا ئاخرى بۇ بىر جۈپ ياش مىرادىغا يەتتى ،كۈنلە ئايلارنى،ئايلار يىللارنى قوغلۇشۇپ ئۆتتى ئۇلار ئوغۇل پەرزەنتلىك بولغان بولۇپ ئىسىمىنى ئىمىران قويغاندى.بالىمۇ ھەش-پەش دىگۈچە 3ياشقا كىرىپ قالدى.سېلىم بوۋاي نەۋرىلىك بولغانلىقىدىن تولىمۇ مەمنۇن ئىدى كۈندە دىگۈدەك ئىمراغا قارايتى.<<قوغۇن پىشسا ساپىقىدا تۇرماپتۇ>>دېگەندەك  بوۋاي بۇ يىل ئەتىيازدا ئۇ ئالەمگە سەپەر قىلغاندى. مانا يازنىڭ يېتىپ كېلىشى بىلەن ئېتىز-ئېرىق ئىشلىرى تولىمۇ ئالدىراش بولۇپ كەتكەندى.تۇيۇقسىز ياغقان يامغۇر بىلەن تەڭ دەريا سۈيى يامراقا باشلىدى .خۇددى<<ېشىكى ئۆلەي دىسە بىر يەرلىرى غېجەك تارتىپتۇ>>دېگەندەك ھاشار باشلىنىپ كەتتى .ئەتىرەت باشلىقى ئاسىمنىڭ ھاشارغا بارىدىغانلىقىنى ئۇقتۇردى.ئاسىم خۇددى بوينىدىن سۆرىگەندەك ھاشارغا يۈرۈپ كەتتى. كەچقۇرۇن ئېتىز ئىشىدىن ھېرىپ –ئېچىپ كەلگەن ئىززەتگۈل ئىمىراننىڭ قۇرسىقىنى توقلاپ ئۇخلۇتۇپ قويغاندىن كېيىن ،چارۋىلارغا ئوت-ھۆپ سېلىپ بېرىۋاتاتتى،دەرۋازىنىڭ ئېچىلغانلىقىنىمۇ سەزمىگەن ئىدى .تۇيۇقسىز ئەتىرەت باشلىقى ئۇنىڭ يېنىدا پەيدا بولدى . _بۇ كەچتە بىزنىڭ قورادا نېمە قىلىسىز؟ __نېمە قىلاتتىم سىزنى سېغىنىپ كەلدىم . _يوقال كۆزۈمدىن! _نېمە ئاچچىقلايسىز ،مېھمان دىگەنگىمۇ شۇنداق مۇئامىلە قىلامدۇ؟دىدى مۇغەمبەرلىك بىلەن ئەتىرەت باشلىقى. _دەرھال كۆزۈمدىن يوقال !بولمىسا ئادەم چاقىرىمەن. _چاقىرىڭ قېنى كىمنى چاقىرىسىزكىن بۇ كېچىدە.ماڭا تەگكەن بولسىڭىز بۇنداق جاپالارنى تارتمىغان بولاتتىڭىز،دىگىنىچە ئۇنىڭ يۈزىگە قولىنى ئۇزاتتى. _ئىپلاس قولۇڭنى تارت !بولمىسا كۆرگىلىكىڭنى كۆرسىتىمەن . _نىمانداق ئاچچىقىڭىز يامان جېنىم كېلىڭە سىزنى بىر خوش قىلىپ قوياي! _مېنى خۇش قىلىمەن دىگۈچە ئايالىڭنى خۇش قىلغىنە بېرىپ ھوي كال. _نېمە دىگىنىچە ئۇ ئىززەتگۈلگە ئېتىلدى ۋە ئۇنىڭ بىر دەمدىلا تۇتۇۋدلدى .بىچارە ئايال خۇددى بۈركۈرنىڭ چاڭگىلىغا چۈشكەن ئولجىدەك قىمىر قىلالمىدى ئۇ كۈچىنىڭ بارىچە قارشىلىق كۆرسەتتى بىراق بۇ قاۋانغا تەڭ كېلەلمىدى. ئەتىرەت باشلىقى ئىشنى تۈگەتكەندىن كېيىن ئىشتىنىنى كىيىپ سىرتقا قاراپ ماڭدى .بۇ خورلۇققا چىدىمىغان ئىززەتگۈلنىڭ كۆزى سەل نېرىدا تۇرغان ئورغاققا چۈشتى ۋە ئۇنى قولىغا ئالغىنىچە ئارقا تەرەپتىن پاتتىڭىغا كېلىشتۈرۈپ بىرنى چاپتى،ئۇ يەر چىشلىدى ۋە چوشقىدەك بىر نەچچىنى خىرتلىدىغىنىچە جان بەردى. ئايال يۇيۇنۇپ بولغاندىن كېيىن بىر ۋاراق قەغەزنىڭ ئۈستىگە خىەت يېزىشقا باشلىدى خەت يېزىلىپ بولغاندىن كېيىن ئىمىراننى كۆتۈرگىنىچە نەۋرە ئاچىسىنىڭ ئۆيىگە يىتىپ كەلدى .ئۇيقىدىكى بالىنى ئاستا كارىۋاتقا ياتقۇزغاندىن كېيىن . _بالىغا قاراپ تۇرۇڭلار مېنىڭ ئازراق ئىشىم بارئىدى دەپ چىقىپ كەتتى ئۇلار ئۇنى تاڭ ئاتقىچە ساقلىغان بولسىمۇ ،قايتىپ كىرمىدى.نەۋرە ئاچىسىنىڭ كۆڭلى بىر ئىشنى تۇيغاندەك بولۇپ ئۇنىڭغا تېلىفون قىلدى لېكىن سومكىدىن تېلىفون ئاۋزى ئاڭلاندى. _تېلىفونىنىمۇ ئالماي نەلەرگە كەتكەندۇر بۇ دىدى خاپا ھالدا سومكىنى ئېچىۋېتىپ .سومكىنىڭ ئۈستىدىلا پىر پارچە خەت تۇراتتى .ئۇ خەتكە كۆز يۈگۈرتتى.    ھۆرمەتلىك ئاچا مەن سىلەرگە .شۇنداقلا ئاسىمغا يۈز كېلەلمەيمەن.ئاخشام ئەتىرەت  باشلىقى ئاسىمنىڭ يوقلىقىدىن پايدىلىنىپ مېنىڭ نۇمۇسۇمغا تەگىدى مەن بۇ قاۋاننى جەھەننەمگە يولغا سېلىپ قويدۇم بالا كىچىك ئاسىم قاراپ كېتەلمەيدۇ خاپا ەولماي قارىشىپ بەرسەڭلا خەير مەن كەتتىم ئۇ ئالەمدە كۆرۈشەيلى.ئۇنىڭ كۆز چاناقلىرىدىن سېرىلىپ چۈشكەن ياش تامچىلىرى خەتنى ھۆل قىلىۋەتتى.ھە ئۈنسېلىپ يېغلىغىنىچە سىرتقا قاراپ چاپتى.نېمە بولغانلىقىنى بىلەلمىگەن يولدىشى ئىمىراننى كۆـئۈرىگىنىچە ئۇنىڭ ئارقىسىن ماڭدى.    توۋا ئەتىرەت باشلىقى ئاسىمنىڭ قوروسىد ئۆلۈپ قاپتۇدەك،ئېيتىشلارغا قارىغاندا ئۇنىڭ باشقىلار ئۆلتۈرىۋېتىپتىمىش.كوچا دوقمۇشىغا توپلىشىۋالغان بىر مۇنچە كىشى شۇ توغۇرلۇق غولۇ-غۇلا قىلىشىۋاتاتتى. چۈشكە يېقىن ساقچى ماشىنىسى ئىززەتگۈلنىڭ نەۋرە ئاچىسىنىڭ ھويلىسى ئالدىغا پەيدا بولدى .ئىككى نەپەر ساقچى ئۇلاردىن ئەھۋال ئىگىىللىگەندىن كېيىن ماشىنىغا چىقىپ مېڭىشقا تەمشەلدى. _خاپا بولمىساڭلار ئاسىمجان  تاماق يەۋالسۇن ،ئۇنىڭدا گۇناھ يوق يالۋۇرۇشقا باشلىدى ئايال. _بولمايدۇ ھازىر ئۇ گۇماندار . _ئەمىسە ئوغلىنى كۆرۈۋاسۇن . _نىمانداق تولا گەپ قىلىدىغان ئايال بۇ ؟سەنمۇ گۇماندار جىنايەتچىنى قايەرگە يۇشۇرغانلىقىڭنى ئوبدانراق ئويلۇشۇپ قوي بولمىسا جىنايەتچىنى يۇشۇرغانلىق جىنايىتى بىلەن قولغا ئېلىنىسەن ،دىگىنىچە يۈرۈپ كەتتى ساقچى.ئىمراننى يېتىلىگۈنىچە ماشىنىنىڭ كەينىدىن قاراپ قېلىشتى ئۇلار. ئارىدىن بىر ئايچە ۋاقىت ئۆتتى ئاسىم يەنىلا كۈنلۈكى قىيىن –قىستاققا ئېلىنىپ سوراق قىلىنماقتا. چۈشكە يېقىن ناھىيە بازىرىدىن 80كىلومېتىر يىراغلىقتىكى ازلىقتا بىر ئايال كىشىنىڭ جەسىدىنىڭ بايقالغانلىقى ،جەسەتنىڭ چىرىپ كەتكەنلىكى ھەققىدە خەۋەر كەلدى.ساقچىلار دەرھال نەق مەيدانغا يىتىپ كەلدى ،ۋە جەسەتنى تونۇپ بېقىش ئۈچۈن ئاسىمنىمۇ بىر گە ئېلىپ باردى . -ئاھ خۇدا !بۇ نېمە ئىش ئاسىم  كويزا سېلىغلىق قولى بىلەن جسەتننىڭ بېشىنى تۇتقۇنىچە ئۈن سېلىپ يېغلاپ كەتتى. بۈگۈن ئەتىگەن ئىككى نەپەر ساقچى كامىرغا كىرىپ كەلدى ۋە ئاسىمنى ئېلىپ چىقىپ بىر ھازا سوراق قىلشقاندىن كېيىن بىر تالاي قەغەزگە بارماق ئىزىنى باستۇرغاندىن كېيىن. _سەن قويۇپ بېرىلدىڭ دىيىشكىنىچە ئۇنى قويۇۋەتتى. ئاسىم ئاسمانغا قاراشقا جۈرەت قىلالمىدى چۈنكى ئۇنىڭ كۆزى چاڭقاپ كېتىۋاتاتتى ... _ئاچا رەھمەت سىلەرگە ،بالىنى ئاۋۋال ئاللاھقا ،ئاندىن كېيىن ھەرقايسىڭلارغا تاپشۇردۇم.ئاللاھقا ئامانەت.ئوغلۇم ،چىرايلىق ئوۈلۇم گەپ ئاڭلىغىن مەن سېنى چوقۇم ئېلىپ كېتىمەن. كۈز ئايلىرى ئۈرۈمچىنىڭ ھاۋاسى تولىمۇ سالقىن بولۇپ كىشىگە ھوزۇر بەخش ئېتەتتى .ئاسىم كۈندىلىك ئادىتى بويىچە <<گېزىت ساتىمەن گېزىت،مۇھىم خۋەر سادام ھۈسەييىن قولغا چۈشت>>دەپ توۋلىغىنىچە بۇلاق بشىدا گېزىت ساتماقتا ئىدى. ھازىر ئۇنىڭ ئوقىتى يامان ئەمەس ئىدى.شۇنداق قىلىپ ئارىدىن ئىككى يىل ئۆتۈپ كەتتى ئاسىمنىڭ تىجارىتى كۈنسايىن ياخشىلىنشقا باشلىدى .بىراق ئۇنىڭ مەيدىسىنىڭ سول تەرىپى تۇرۇپ –تۇرۇپلا سانىجىلىپ ئاغرىيدىغان بولۇۋالدى.ھەي ئەشۇ ساقچىلار موشۇ تەرىپىمگە بەك ئۇرغاندى شۇنۇڭ تەسىرى بولسا كېرەك دەپ ئويلايتى ئۇ. ئاسىم بۇ شەھەرگە كەلگەندىن بۇيان نۇرغۇن كىشىلەر بىلەن تونۇشتى يېقىنلىرىغا كەچمىشلىرىنى سۆزلەپمۇ بەردى ئۇلار ئاسىمنىڭ ئۆتمۈشى ئۈچۈن قايغۇ ئۇرۇشۇپ كۆز يېشى قىلىشتى ۋە كەلگۈسىنىڭ گۈزەل بولۇشىنى ئۇلۇغ ئالاھدىن تىللەشتى.مانا بۈگۈن ئۇ بۇلاق بېشىدا كىيىم –كېچەك دۇكىنى ئاچتى دوست-بۇرادەرلەر ئۇنىڭ دۇكىنىنى مۇبارەكلەپ كېلىشتى...   ئاسىمنىڭ سودىسى كۈنسايىن ياخشىلىنىشقا باشلىدى .بۈگۈن ئۇ شادلىققا چۆمدى يىراق-يېقىندىن دوست بۇرادەرلىرى ئۇنىڭ ئۆيىنى مۇبارەكلەپ كېلىشتى ،لېكىن تۇيۇقسىز ئۇنىڭ كۆڭلى غەش بولۇشقا باشلىدى قانداقتۇر بىرىنى سېغىنغاندەك قىلاتتى . ئۇ كېچىنى كىرپىق قاقماي دىگۈدەك ئۆتكۈزدى سەھەردىلا ماشىنىسىنى ھەيدەپ يۇرتىغا ئوغلىنى ئەكىلىش ئۈچۈن ماڭدى.   ئاسىمنىڭ يۇرتقا كەلگىنىگىمۇ 10كۈندىن ئاشقاندى بۈگۈن ئۇ ئىمىراننى ئېلىپ تۇغقانلار بىلەن خۇشلۇشۇپ ئۈرۈمچىگە قاراپ يول ئالدى. ئىمىران ئۈرۈمچىگە كەلگەندىن كېيىن ئۆزىنىڭ ئەقىللىقلىقى بىلەن ساۋاغداشلىرىنى ھەيران قالدۇرۇپلا قالماستىن بەلكى دادىسىنىڭ ئۆي ئىشلىرىغا ياردەملىشىپ دادىسىنىمۇ تەسىرلەندۈرگەندى. بۈگۈن سىنىپ مىەسئۇلى ھاياجانلانغان ھالدا سىنىپقا كىرىپ كەلدە-دە،كۆپچىلىككە. _مەن سىنىپىمىزدىكى مەلۇم بىر ساۋاقداشنىڭ ماقالىسىنى ئوقۇپ بېرەي كۆڭۈل قويۇپ ئاڭلاڭلار !دېگنىچىگ ماقالىنى ئوقۇشقا باشلىدى. مەن 16ياشقا كىردىم موشۇ ۋاققىچە <<ئانا>>دەپ بىرەرسىنى چاقىرىپمۇ باقماپتىمەن.ئانامنىڭ كىملىكىنى ،ئۇنىڭ قانداقراق ئانا ئىكەنلىكىنى ئەسلا بىمەيمەى.چۈنكى مېنىڭ ئانام كىچىكىمدە دادام بىلەن ئىككىمىزنى ھەسرەت-نادامەتتە قويۇپ ئۇ ئالەمگە كېتىتىكەن .شۇندىن بۇيان مەن دادامنىڭ تەربىيىسىدە بولدۇم مۇئەللىم سىز بىزگە <<ئانا>>دېگەن تېمىداماقالە يېزىپ كېلىشنى تاپشۇرۇق بەردىڭىز مەن ئانىنىڭ قانداق بولىدىغانلىقىن بىلمىگەچ قانداق باشلاشنى بىلمەي تۇرۇپتىمەن. خەير شۇنداق بولسىمۇ مەن يېزىپ باقاي مەن دائىم ساۋاقداشلىرىم ۋە باشقىلارنىڭ ئانىسىنىڭ قولىدىن تۇتۇپ باغچىلارغا كىرىپ كېتىۋاتقانلىقىنى كۆرگىنىمدە ئۇلارغا تولىمۇ ھەۋىسىم كېلىدى.لېكىن مەن ئۇنىڭ ئەكسىچە ئاشۇ مېھرىبان دادامنىڭ قولىدىن تۇتۇپ باغلارغا،كوچىلارغا چىقىپ كەلدىم مېنىڭ دادام دۇنيادىكى ئەڭ ئۇلۇغ ئىنسان ،ئۇ ھەم دادا سەم ئانا ،ئۇ دۇنيادىكى ھەرقاداق بىرى ئادا قىلالمايدىغان مەجۇرىيەتنى 16يىلدىن بۇيان ئۈنتىسىز ئادا قىلىپ كەلدى شۇنۇڭ ئۈچۈن مەن كېسىپ ئېيتالايمەنكى مېنىڭ دادام ئانىلارغا ئوخشاش مەدھىيىلىنىشكە تېگىشلىك دادا. ماقالە ئوقۇلۇپ شۇ يەرگە كەلگەندە مۇئەللىمنىڭ كۆز چاناقلىرى نەملەشتى،سىنىپتا گۈلدىراس-ئالقىش سادالىرى ياڭرىدى... -مەن كەچراق كېلىمەن تاماققا ساقلىما . _بولىدۇ دادا . _ئاسىم ماشىنىسىنى ھەيدىگىنىچە چىقىپ كەتتى . ئىمران ئەمدىلا چۈشلۈك تاماق يىيىشكە باشلىغاندى تۇيۇقسىز كەلگەن تېلىفوندىنكېيىن ئۇنىڭ ئۆڭى ئۆچۈپ كەتتى ۋە تېزلىكتە خەلق دوختۇرخانىسى تەرەپكە چاپتى .ئۇ دوختۇرخانىغا يېتىپ كەلگەندە سېستىرالا ئاسىمنى كارىۋاتتا ئىتتىرىپ ئېلىپ ماڭغاندى. _دادا،دادا! دادامغا نېمە بولدى دادامنى قايەرگە ئېلىپ بارىسىلەر ؟ _داداڭنىڭ يۈرەك كېسىلى قوزغۇلۇپ كېتىپ قۇتقۇزۇش ئۈنۈم بەرمەي قازا قىلدى. دادا!كۆزۈڭنى ئاچقىن دادا مېنى تاشلاپ كېتىشكە كۆڭلۈڭ قانداق ئۇنىدى؟ئاھ خۇدا!دۇنيا كارمىتىڭنى كۆرسەت دادام كۆزىنى ئاچسۇن بۇ ئوڭۇممۇ –چۈشۈممۇ ؟دادا ،جېنىم دادا كۆزۈڭنى لاپپىدە ئاچقىنە ئاھ خۇدا بۇ نېمە ئىش ؟دۇنيا كارامىتىڭنى بىر كۆرسەت دادام كۆزىنى ئاچسۇن ئۆتۈنۈپ قالاي.مېنىڭ بۇ رىئاللىقنى كۆرە كۆزۈم يوق ،پۈتۈن ئۆمرۈم چۈش ئىچىدە ئۆتسىمۇ مەيلى ئاھ دۇنيا كارامىتىڭنى كۆرسەتسەڭچۇ؟دادامنى قايتۇرۇپ بەر!دۇنيا ئۇنۇتما دۇنيا شور پىشانىلەرنى... (مەنبە ئۆزۈم)

پادىشاھ

	1-قەۋەتكە ئەۋەتىلدى،تەكلىپىڭىز ناھايىتى ئورۇنلۇق مەن بۇ ئەسەرنى ئىشخانىدا يېزىپلا يوللىۋېىپتىمەن ئەسلى خىيالىمدا ئۆيگە قايتىپ كەلگەندىن كېيىن تەھرىرلىگەچ  سەل كېڭەيتىشنى ئويلىغاندىم. ئەپسۇس قايتىپ كېلىپ تەھرىرلەي دىسەم 120مىنوت ئۆتۈپ كېتىپتۇ شۇنىڭ بىلەن ئامال قىلالمىدىم.قىممەتلىك پىكىر-تەلەپلەرنى بەرگەنلىكىڭزگە تەشەككۈر ئېيتىش  بىلەن ئەسەرنى قىززىقىپ ئوقۇغىنىڭىز ئۈچۈن رەھمىتىمنى بىلدۈرىمەن.

nazila998

	ئازراق ئىملا خاتالىقىنى ھىساپقا ئالمىغاندا ، شۇنداق تەسىرلىك چىقىپتۇ ، ئاخىرغا كەلگەنچە كۆزلۈرۈم ياشقا تولدى ، قەلىمىڭىز ھارمىسۇن !

akyupurmak

	ساقلىۋالاي. تېما ئىگىسىگە رەخمەت

吾日古丽

	بەك تەسىرلىك چىقىپتۇ، مەنمۇ ئاپامنى بەك سېغىندىم.

نۇربىيە

	ئەجەپ كۆڭلىم بىر قىسما بۇلۇپ قالدى ،

بېھزات

	بۇ بىر ئائىلە كىشىلىرىنىڭ كەچمىشىگە ،ئىمراننىڭ كىچىك تۇرۇپلا يىتىملىق كوچىسىغا قەدەم تاشلىغانلىقىغا ئىچىم ئېچىشتى !!!لىكىن ،ئىمراننىڭ ئانىسىدىكى ئۆز پاكلىقىنى ،ئىرىگە بولغان ساداقەتمەنلىكىنى ،ئامانىتىنى ساقلاشقا بولغان قەيسەرلىكىگە قايىل بولدۇم ...

saraghutun

	جىق  مەزمۇننى قىستاپ قىستاپلا  بىر  ھېكايىگە  جەملىۋىتىپسىزغۇ

tag~dir

	نىمە دەپ نەۋرە ئاچىسى قاتىلنىڭ ئاسىم ئەمەسلىكىنى ئېيتمايدۇ ،ئىززەتگۈلنىڭ يۇقاي كىتىسى باشقىلارنى ئەجەپلەندۈرمەيدۇ؟