ئادەملىك كېنىشكەڭنى چىقار
گۈدۈك ئاۋازى بىلەن تەڭ پويىز قوزغالدى ، بۇ چاغدا ئايال پويىز خىزمەتچىسى يولۇچىلارنىڭ بىلەتلىرىنى تەكشۈرۈشكە باشلىدى ، بىر يولۇچى يانچۇغىدىن بىلەتنى تەستە چىقىرىپ ئۇنىڭغا بەردى ، پويىز خادىمى بىلەتنى كۆرۈپ ، مەسخىرە ئارىلاش كۈلۈپ :
_ بۇ بالىلار بىلىتى ئىكەنغۇ ؟_ دىدى ، يولۇچى :
_ بالىلار بىلىتىنىڭ باھاسى مىيىپلار بىلىتىنىڭ باھاسى بىلەن ئوخشاش ئەمەسمۇ ؟_ دىدى ئوڭايسىزلانغان ھالدا ، پويىز خىزمەتچىسى :
_ سەن مىيىپمۇ ؟ _ دەپ سورىدى .
_ مەن مىيىپ
_ ئۇنداقتا مىيىپلىق كىنىشكاڭنى چىقار ! يولۇچى :
_ مىيىپلىق كىنىشكام يوق ، بىلەت ساتقان ئايالمۇ مەندىن مىيىپلىق كىنىشكامنى سورغانتى ، مەندە بولمىغاچقا ئامالسىز بالىلار بىلىتى ئالغانتىم ، _ دىدى جىددىلەشكەن ھالدا .
_ مىيىپلىق كىنىشكاڭ بولمىسا ئۆزەڭنى نىمىگە ئاساسلىنىپ مىيىپ دەيسەن ؟
يولۇچى ئارتۇق گەپ قىلمايلا ئىشتىنىنىڭ پۇچقىقىنى كۆتۈرۈپ ناكا بولغان پۇتىنى كۆرسەتتى ، بۇ چاغدا پويىز خىزمەتچىسى
_ مىنىڭ كۆرمەكچى بولغۇنۇم تامغا بىسىلغان مىيىپلىق كىنىشكىسى _ دىدى . يولۇچى بىچچارە قىياپەتتە :
_ مەن بىر ئىشلەمچى ئىدىم ، ئىش ئۈستىدە يارىلانغاندىن كىيىن ، بىزنى ياللىغان خوجايىن قىچىپ كەتتى ، پۇلۇم بولمىغاچقا دوختۇرخانىغىمۇ بارالمىدىم ، _ دىدى . ئاڭغىچە پويىز باشلىقى كەلدى :
_ بىزنىڭ تونۇيدىغىنىمىز پەقەتلا كىنىشكە ،مىيىپلىق كىنىشكەڭ بولسا ، ئاندىن مىيىپلار ئېرشەلەيدىغان ئىمتىيازلاردىن بەھرىمان بولالايسەن ، تىز بول ، دەرھال بېلەت سېتىۋال ، _ دىدى پويىز باشلىقى .
_ پۇتۇم ناكا بولغاندىن بۇيان پۇل تاپالمىدىم ، بالىلار بىلىتىنىمۇ يۇرتداشلىرىم ئىلىپ بەرگەن ، ئۆتۈنۈپ قالاي مىنى قويۋەتسىڭىز ..........
_ بولمايدۇ ،_ دىدى پويىز باشلىقى قەتئى ھالدا ، بايىقى پويىز خىزمەتچىسى پويىز باشلىقىغا :
_ بولمىسا ئۇنى كۆمۈر توشۇغۇزۇپ بىلەت پۇلىنى چىقىرۋالايلى _ دىدى ، بۇ گەپلەرنى ئاڭلاپ چىداپ تۇرالمىغان بىر يولۇچى پويىز باشلىقىدىن :
_ سەنمۇ ئەركەكمۇ ؟ _ دەپ سورىدى . پويىز باشلىقى چۈشەنمىگەندەك :
_ بۇنىڭ ئەركەكلىكىم بىلەن نىمە مۇناسىۋىتى؟ _ دىدى . يولۇچى يەنە :
_ ماڭا جاۋاپ بەر ، ئەركەك بولساڭ ئەركەكلىك كېنىشكەڭنى چىقار ، _ دىدى ، ئەتراپتىكى كىشىلەر بۇ گەپنى ئاڭلاپ قاقاقلاپ كۈلۈشتى ، يولۇچى يەنە پويىز خىزمەتچىسىگە قاراپ :
_ سەن ئادەم ئەمەس _ دىدى .
_ ئاغزىڭنى چايقىۋىتىپ گەپ قىل ، مەن ئادەم بولماي نىمىكەنمەن ؟_ دىدى خىزمەتچى تاتارغان ھالدا . يولۇچى ئۇنىڭغا مەنسىتمىگەندەك قاراپ :
_ ئۇنداقتا سەنمۇ ئادەملىك كېنىشكەڭنى چىقار ، _ دېدى .
مەنبە : شىنجاڭ قانۇنچىلىق گىزىتى