ئۇيغۇرچە فامىلەمگە دېققەت!(ئۇييارۇق)

samsaq

	ئەسسالامۇ ئەلەيكۇم ئەزىز مۇسۇلمان ۋە ئۇيغۇر قىرىنداشلىرىم!   ئۇيغۇر نەسەب-فامىلىچىلىقى ئۇيغۇرلاردا كەم بولىۋاتقان،يىلتىمىزغا بىۋاستە چىتىلىدىغان بىر مەسىلە بولغاچقا، ئۇزۇندىن بۇيان بىر فامىلە قوللىنىش ئويۇم بار ئىدى. شۇڭا قايتا-قايتا ئويلىنىش ۋە ئىزدىنىش ئارقىلىق ساپ ئۇيغۇر تىلىدىن تۈزۈلگەن‹ئۇييارۇق›دىگەن بۇ ئىسىمنى ئۆز نەسەبىمگە فامىلە قىلىپ تاللاشنى قارار قىدىم.       ئەسلى ئىسمىم :كامىلجان ئابلىمىت(ئۇييارۇق)      ئۇييارۇق=ئۇي(ئۇيغۇر،بۇنى چۈشەندۇرۈش كەتمەيدۇ)+يارۇق( ساپ ئۇيغۇرچە سۆز بولۇپ، يورۇتقۇچى ،يارغۇچى‹قورال مەنىسىدە› قورال-ياراق دەپ مەنىسى چىقىدۇ.)     مەنىسى: ئۇيغۇرلارنى يورۇتىدىغان كىشى،ئۇيغۇرلارغا يار-يۆلەك بولىدىغان كىشى دەپ مەنىسى چىقىدۇ.ھەم شۇ مەنىنىڭ چىقىشىنى بەكمۇ ئۈمىد قىلىمەن.       بۇ ئىسىم ئۇيغۇرلارنىڭ تارىختىكى ‹ئىل يارۇق› دىگەن ئىسىم بىلەن ئوخشاش تۈزۈلگەن ۋە شۇنىڭدىن پايدىلىنىپ تۈزۈپ چىقىلغان ئاددىي لىكىن مەنىسى چوڭقۇر ئىسىم ھىسابلىنىدۇ.     مەقسىتىم:بۇندىن كىيىنكى ئەۋلادلىرىمنىڭ ئۆز نەسەبىنى ئىزچىل تونۇپ تۇرىشى ۋە شۇ ئارقىلىق نەسەبىمنىڭ ئىناقلىقىنى،بىرلىككە ئىگە بولۇشىنى ئىلگىرى سۈرمەكچى.ھەمدە نەسەبىمىزنىڭ ساپ ئۇيغۇر سېستىمىسىدىن ئىكەنلىكىنى چوقۇم ئىسىدە چىڭ تۇتۇپ،مۇشۇ فامىلىگە لايىق ئىش قىلىشنى ئىلگىرى شۈرۈش ۋە ھەرقىتىم مۇشۇ فامىلىنى ئەسكە ئالغاندا ئۆزىنىڭ بىر مۇسۇلمان ئۇيغۇر مىللىتى ئۈچۈن يانتاياق بولۇشى كىرەكلىكىنى ئەسكە ئالالايدىغان قىلىشنى،كىيىنچە نەسەبىمدىن بىرەر دۇنياغا تەسىر كۆرسەتكىدەك كىشى چىقىپ قالسا،پىشانىسىدە‹مەن مۇسۇلمان ئۇيغۇر پۇشتىدىنمەن!›دەپ جەۋلانلىنىپ تۇرسۇن دەپ مەقسەت قىلدىم.ئىنشائاللاھ!      ئاللاھ خالىسا ئۆيۈمدىكىلەر بىلەن قارارىم پۇتكەندە بۇ فامىلىنى رەسمىي قوللانماقچى ۋە بۇندىن كىيىنكى ئەۋلاتلىرىمنىڭ‹پالانى كامىلجان›دىگەندەك ئىسىم قوللىنىشقا خاتىمە بېرىپ،‹پالانى ئۇييارۇق›دەپ داۋاملاشتۇرۇشنى ئەمەلىيلەشتۈرمەكچى.(ئاللاھ ھەم شۇنىڭغا نىسىپ قىلسۇن،ئامىن!).      شۇڭا بۇ توردا ئەۋۋال ئالاھىدە ئۇقتۇرۇش بىرىپ بۇ ئىسىمنى ئېلان قىلىش بىلەن بىرگە، بۇ ئىسىمنى باشقا بىرى ‹ئېلان قىلىپ بولغان ›ۋە تەخەللۇس قىلىپ ياكى باشقا ئىشلارغا ئىشلىتىۋاتقان قىرىنداشلىمىز بولسا ،مەن بىلەن ئالاقىلىشىشىنى سورايمەن.ئەگەر شۇنداق ئەھۋال بولسا مەن قايتا ئىزدىسەم بولىدۇ. ھەم بۇنى بىلىدىغان دوسلىرىڭلارغا يەتكۈزۈپ قويۇشۇڭلارنى سورايمەن. ئەگەر ئامما ئىچىدە ئېلان قىلماي تۇرۇپ ئىشلەتكەن تورداشلارنىڭ مەن ئېلان قىلغاندىن كىيىن بۇ ئىسىمنى قالايمىقىن ئىشلەتمەسلىكىنى چەكسىز سەمىمىي ئۈمىد قىلىمەن. چۈنكى بۇنى مەن ھازىر ئاممىغا ئېلان قىلىپ بولدۇم.بەلكىم بۇندىن كىيىنكى نەسەبىمگە تاقىشىشى مۇمكىن. شۇڭا قالايمىقانلىق چىقماسلىقى ئۈچۈن تەلىپىمگە ھۆرمەت قىلساڭلار!بۇنىڭ ئۈچۈن ھەم ئىلىپ كەلگەن ئاۋارىچىلىم ئۈچۈن سەمىيمىي كەچۈرۈم سورايمەن!   بۇندىن كىيىن ھەم تورلاردا مەتبۇئاتلاردا بۇ فامىلىنى كۆرسەڭلار مىنى شۇكەن دەپ بىلسەڭلار بولىدۇ ئىنشائاللاھ...ئەگەر ئەمەليلەشمىسە يەنە ئېلان بىېرىۋىتىمەن.(ئىنشائاللاھ) -------------------   پىكىر بولسا ئىلخەت ساندۇقۇمغا يوللىساڭلار بولىدۇ:Uyyaruq@gmail.com

ZERO903

	بىزدەك بىر مەدەنىيەتلىك مىللەتنىڭ فامىلىسىز قىلىش ئادەمنىڭ ئىچىنى ئاچچىق قىلىدۇ.....................

axkar

	مەنچە بولغاندا فامىلە دىگەن  بىر نەسەبنىڭ ئىچىدىكى بىرەر كىشىنىڭ ئىسمىنى فامىلە قىلىپ قوللىنىش ، نىمە ئۇ چىرايلىق ئاڭلىنىدۇ دەپ كۆكتۈرىك ، ئەلتىكىن ، كۆلتىكىن دەپ نەسەبىدە بىرەرسىمۇ ئىشلىتىپ باقمىغان ئىسىمنى قوللىنىش .     كىمنىڭ ئەۋلادىكەن دىسە پالانچىنىڭ دەيدىغان بولۇش كىرەك .  شەخسەن ئۆزۈمنى ئېلىپ ئىيتسام  دادامنىڭ ئىسمىنى فامىلە قىلىپ قوللانماقچى .  ئەلۋەتتە بۇ ئويۇم بالامدىن بالىسىغا  شۇنداق داۋاملىشىدۇ ، كىمنىڭ ئەۋلادىكەن دىسە پەرھادنىڭ دىيىشىدۇ ،

adalet

	مەنچىمۇ ئاشكارنىڭ دىگىنى ئورۇنلۇق....

begzeda

	مەمنمۇ شۇنداق بىر فامىلە تەتىقىق قىلىۋاتقان ئىدىم. ھازىرغىچە 61 دانە ساپ ئۇيغۇرچە فامىلىنى(ئەرەبچە ئەمەس) توپلاپتىمەن. شۇنداقلا ئۆزۈمگە سەيدۇللا دەپ فاملە قوللۇنۇشنى قارار قىلىدىم. ئەلىۋەتتە بالامدىن باشلاپ شۇنداق بولىدۇ. ئاللا نىسىپ قىلسا. ھەممىڭلارغا سەمىمى تەكلىۋىم بىز ئۇيغۇرلارنىڭ فامىلىسى بولمىسا نامىمىز مىللەت سۈپىتىدە كىتىشى مۇمكىن. شۇڭا فامىلە قوللۇنايلى. تۈركلەرمۇ 1915-يىلدىن باشلاپ فامىلە ئىشلەتتى، قىرغىز، ئۆزبىك،قازاقلاردىمۇ ئاساسى جەھەتتىن ئومۇملاشتى. بىزلا قالدۇق.

Hacker

	‹ئۇي› دىگەننى  ھەممە ئادەم ئۇيغۇر دەپ چۈشىنىشى ناتايىن،يەنە كالىنىمۇ ئۇي دەپ ئاتايمىزغۇ،ئۇييارۇق دىسىڭىز ،مەنمۇ يۇقارقى مەزمۇننىڭ بىشىنى كۆرگەندە دەماللىققا چۈشىنەلمەي،يۇقارقى بىرىككەن فامىلىگە قارىتا بەرگەن ئايرىم -ئايرىم چۈشەنچىڭىزدىن ئاندىن بىلدىم،

adil820

	فامىلە قوللىنىشنى ئويلاشقىنىڭىز ياخشى بوپتۇ ، ئەمما قوللانماقچى بولغان فامىلىڭىزنى چۈشەندۈرۈپ بەرمىگەن بولسىڭىز چۈشۈنەلمەسكەنتۇقمەن... سىز بۇ فامىلىنى يېزىقتىلا قوللۇنۇپ ، ئېغىزدا قوللۇنۇشنى ئويلىمىغان ئوخشايسىز ،ئېغىزچىدا ئۇيرۇق بوپ قىلىشىدىن ئەنسىرمىدىڭىزمۇ ؟

بېھزات

	ئۈستىدىكى تورداشلىرىمىز ناھايىتى ئورۇنلۇق تەكلىپ بىرىپتۇ !!! ئۇي سۆزىنىڭ مەنىسى ھەر خىل ،شۇڭا بۇ توغرىسىدا بەكرەك ئويلىشىڭ...مەنمۇ مۇشۇ فامىلە توغرىسىدا ئۇزاق ئويلۇشۇپ دادامنىڭ ئىسمىنى فامىلە قىلىشنى قارار قىلدىم !!!

0903halipa

	مەن بۇگۇندېن    باشلاپ پامېلەم خەلېپە   دوسلارنېڭ  ۋاقېپ بولوشېنې ئۇمۇت قېلېمەن

kunsanap

	بىزگىمۇ ئۇمۇملىششامۇ ؟؟ سەيدۇللا  بولسا  ،،بالڭىزنى قانداق چاقىرىمىز ؟