ۋەيرانە سۆيگۈ(ھېكايە)

پادىشاھ

	مۇھەببەت نۇرلۇق چىراغ، ئۇ كىشىگە يول باشلايدۇ. (خاتىرەمدىن)            - بىز مەڭگۈ ئايرىلمايمىز،دۇنيادا بىزنى ئايرىۋېتىدىغان پەقەت ئاللاھدىن باشقا ھېچقانداق كۈچ يوق.مەيلى نازارەت ئاستىدا ياشايلى مەيلى ،نامراتچىلىقتا ئىش قىلىپ ھەرقانداق جاپا مۇشەققەت بىزنى باش ئەگدۈرەلمەيدۇ،- سۆزلەيتتى يىگىت توختىماي.ئاي نېپىز بىر قەۋەت چۈمپەردىسىنى قايرىۋېتىپ مارىلاشقا باشلىدى.مۇھەببەت ئىلاھىمۇ  يىگىتنىڭ سۆزىنى قوللاۋاتقاندەك قىلاتتى.      _ مەنمۇ شۇ مەن سىزنى دەپ ئاتا-ئانا ،ئۇرۇغ-تۇغقانلىرىمنى نارازى قىلىپ سىز بىلەن قېچىپ چىقتىم بۇمۇ مېنىڭ سىزنى جېنىمدىن ئەزىز كۆرگەنلىكىمنىڭ ئىپادىسى، مەن ئۆمرۈمنىڭ ئاخرىغىچە سىز بىلەن ئۆتۈشكە نېسىپ قىلىشىنى ئۇلۇغ ئاللاھدىن تىلەيمەن .قىز ئىختىيارسىز يىگىتنىڭ مۆرىسىگە بېشىنى قويدى، ئۇنىڭ بۈدرە چاچلىرى يىگىتنىڭ مەڭزىگە تېگىشى بىلەن ئۇنىڭ پۈتۈن بەدىنى قىززىپ گويا سىماپتەك ئېرىشكە باشلىدى. يىگىت ئاستا قىزنىڭ يۇمران لەۋلىرىگە لېۋىنى تەككۈزدى، قىزدىمۇ بىر خىل سېزىم بولدى بۇ خىل سېزىمغا ھەرقانداق كىشىنىڭ بەرداشلىق بېرەلىشى مۇمكىن ئەمەسئىدى.يىگىت ئاستى قىزنى كۈچلۈك بەدىنى بىلەن باستى. يۇمران مايسىلار قىزغا گويا مامۇق سېلىنجىدەك تۇيۇلدى شۇنىڭ بىلەن ئۇ قەتئى قارشىلىق كۆرسەتمىدى .چۈنكى ئۇ ئەمدى ئۆزىنى، ئۆزىنىڭ بارلىقىنى يىگىتىگە تاپشۇرغانىدى. ئارىدىن بىر ئاز ئۆتكەندىن كېيىن قىزنىڭ نازلىق ئىڭراشلىرى يىگىتكە شۇنداق خۇشاللىق ئېلىپ كەلدىكى ئۇنى ھەرگىزمۇ  تىل بىلەن تەسۋىرلەپ تۈگەتكىلى بولمايتتى. ئاي خىجىل بولغاندەك ئۆزىنى ئاستا دالدىغا ئالدى ،نېمىشقىدىندۇر جاھاننىڭ شەرق تەرىپى قىزىرىشقا باشلىغاندى.يىگىت ئاستا قىزنى ئويغاتتى. ئىككىيلەن دەريا بويىغا باردى-دە ،تاھارەت ئېلىپ بولۇپ يۇيۇنۇشتى. ئەمدى قايەرگە بارغۇلۇق ؟ تېزراق ماڭمىساق ئۇلارنىڭ ئۆيىدىكىلەر كېلىپ قالسا ئىشىمىز چاتاق بولۇپ قالىدۇ دېگەنلەرنى ئېسىگە ئالدى.شۇنىڭ بىلەن ئاسىمگۈلگە:      __ تېزراق بۇلۇڭ سومكىدا نان بار ئازراق ناشتا قىلىۋېلىپ شەھەرگە كىرىۋالايلى بولمىسا ئۆيدىكىلەر كېلىپ قالمىسۇن دېدى كەسكىنلىك بىلەن. _بولىدۇ قىز بىر نەچچە چىشلەم نان يىگەندىن كېيىن دەريا سۈيىدىن ئازراق ئوتلىۋالدى. ئۇلار شەھەرگە يېتىپ بارغاندا كۈن ئولتۇراي دەپ قالغاندى، بىر جۈپ ياش بېكەتكە كەلگەندىن كېيىن ئۈرۈمچىگە ماڭىدىغان بېلەتنى ئالدى-دە .مۇۋاپىق ئاشخانىدىن بىرنى تېپىپ غىزالاندى.      ماشىنا قوزغالدى ئىككىيلەن ئۇف !دىگىنىچە بىر –بىرىگە بېقىشىپ  تاتلىققىنا كۈلۈشتى.شۇ تاپتا ئۇلار بىر-بىرىگە قېنىشمايتتى.ماشىنىدا قويۇلۇۋاتقان سىن ئالغۇ فېلىمىمۇ ئىككىيلەننى جەلپ قىلالمىدى بولغاي ھېچ نەرسىگە پەرۋا قىلماستىن يەنىلا بىر-بىرىگە قېنىشماي بېقىشاتتى.ئاي جامالىنى بىر قەۋەت پەردە توسۇۋالدى، ھەممە ئۇيقۇ دۇنياسىغا غەرق بولۇشتى بىراق بۇ بىر جۈپ ياش ئۇخلايدىغاندەك ئەمەس ئىدى. ماشىنا تېز سۈرەتتە ئۇلانبايدىن ئۆتۈپ قارلىغاچلىققا قاراپ ئىلگىرلىدى، يولنىڭ ئىككى قاسنىقىدىكى دەل-دەرەخلەر مەيىن شامالدا يىنىك سېلكىنىشىپ گويا بۇ بىر ياشنى  قارشى ئېلىۋاتقاندەك قىلىشاتتى.مانا ئۇلار ئاخىرى ئۈچ تاشتىكى بېكەتكە يېتىپ كەلدى، ماشىنىدىن چۈشكەنلەر خۇددى تۇپراققا سۇ سىڭگەندەك سىڭىپ كېتىۋاتماقتا ئىدى.ئىككىيلەن دۆڭ كۆۋرۈككە يېتىپ كەلگەندىن كېيىن ناشتا قىلىۋېلىپ ئىجارە ئۆي ئىزدەشكە كىرىشتى.      - كىملىكىڭلارنى چىقىرىڭلار دېدى. خوجايىن ئۇلار كىملىكلىرىنى كۆرسەتتى ،خوجايىن تىزىملاپ بولغاندىن كېيىن مانا موشۇ ئۆي شۇ، ئايلىقى 800سوم ئالدىن يېرىم يىللىقىنى تاپشۇرىسىلەر دېدى.      _ ئۈچ ئايلىقىنى بېرىپ تۇرساق بولماسمۇ دېدى يىگىت مۇلايىملىق بىلەن.      _ ئۇنداق قىلساڭلارمۇ مەيلى بىراق قالغان قىسىمىنى كېچىكتۈرمەي تاپشۇرۇشۇڭلار كېرەك دېدى.      _ بولىدۇ دېدى يىگىت مەمنۇن بولغان قىياپەتتە. ئايلارنىڭ كەينىدىن يىللار بىر-بىرىنى قوغلۇشۇپ ئۆتۈۋەردى ،مانا بۇ بىر جۈپ ياش بىر ئوغۇل پەرزەنتلىك بولدى، بالىنى بەختلىك بولارمىكىن دېگەن خىياللار بىلەن ئىسىمىنى بەختىيار قويدى بالا ئىنتايىن زېرەك چوڭ بولۇشقا باشلىدى ،مانا ئەمدى ئۇ باشلانغۇچ 5-يىللىقنىڭ ئوقۇغۇچىسىغا ئايلانغاندى.      بۈگۈن نېمىشقىدۇر ئالىم ئىشتىن بۇرۇنقىغا قارىغاندا بىر نەچچە سائەت بۇرۇن قايتىپ كەلدى، ۋە ئىشىكتىن كىرگىنىچە ئىش كىيىملىرى سېلىپ ئەخلەت ساندۇقىغا سېلىۋەتكەندىن كېيىن ئۆيدىكى كونا كىيىملەرنىڭ ھەممىنى ئېلىپ چىقىپ كۆيدۈرۈشكە باشلىدى ،خوجايىننىڭ ئايالى ھەيرانلىق ئىلىكىدە:      _ ھوي ئۇكام بۇ نېمە قىلىق ئەمدى نەرسە-كېرەكلىرىڭىزنى كۆيدۈرگىلى تۇرۇپسىزغۇ؟ خۇددى لازىمى يوقتەك يا سىزمۇ خەنزۇلارنى دوراپ ئىسرىق سېلىۋاتامسىزيا؟! دېدى چاقچاق ئارىلاش.      _ئەمدى كېرىكى يوق ھەدە ،بىر نەچچە كۈندىن كېيىن ئاللاھ خالىسا بۇ ئۆيىڭىزدىمۇ ئولتۇرمايمەن.      _نېمە دىدىڭىز ئولتۇرمايمەن دېدىڭىزما ؟يۇرتقا قايتامسىلەر نېمە؟      _ياقەي سەھرادا نېمە بار يۇرت ياخشى بولغان بولسا چىقمىغان بولاتتۇق،بىزگە خۇدايىم بەردى دەڭە ھەدە،ھازىر مەن سىزنىڭ قورويىڭىزدەك قورودىن بىر نەچچىنى سېتىۋالالايمەن دېدى مەغرۇرانە قىياپەتتە خوجايىننىڭ ئايالىغا.     _مۇباراك بولسۇن ئۇكام بىر ئۇيغۇر بولسىمۇ باي بولسۇن دېدى كۈلۈمسىرىگەن ھالدا . نىمانداق تاڭ ئاتمايدىغاندۇ؟ ئەر –ئايال ئىككىيلەن تاڭغا تەلمۈرۈشكە باشلىدى قېرىشقاندەك تاڭ ئاتمايۋاتاتتى،يەنە مەسلىھەتكە چۈشتى :      - پۇللارنى قانداق قىلساق بۇلار؟      _قانداق قىلاتتۇق،بىر يۈرۈش ئۆي سېتىۋالىمىز، ئېسىل ماشىنىدىن بىرنى ئالىمىز ،قالغىنىنى راسا خەجلەيمىز بىزمۇ ئىنسان بولغاندىن كېيىن ئىنساندەك ياشاپ باقايلى دېدى كۈلۈمسىرەپ تۇرۇپ ئالىم.      _ئاكام بىلەن ھەدىڭىزگە ئازراقتىن بەرمەمدۇق؟      _ ياق نېمىشقا بېرىمىز ؟بىزنىڭ بېشىمىزغا كۈن چۈشكەندە كىم بىزگە بىر تىيىن بېرىپتىكەن؟      _ ئۇنداقمۇ دەپ كەتمەڭ ئەمدى ؟      _ ئۇنداق دىمەي نېمە دەيمەن.بىز پۇل بېرىدىغان ئاتا-ئانىمىز بۇرۇنلا ئۆلۈپ كەتكەن.      - نېمە قىلغىنىغا بېرىمىز ئۇلارغا تولا  قاملاشمىغان گەپ قىلماڭ، ھەممە ئادەمنىڭ چىرىقى ئۆزىگە يورۇيدۇ دېدى،- ئالىم سەل خاپا بولغان ھالدا.       مانا تاڭمۇ ئاتتى. ئەر-ئايال ئىككىيلەن ئوغلىنى مەكتەپكە يولغا سېلىۋەتكەندىن كېيىن ئىدارىلىرىغا بۈگۈندىن باشلاپ ئىشتىن توختايدىغانلىقى توغرىلىق تېلىفون بەرگەندىن كېيىن ئۇدۇل لاتارىيە خانىغا چاپتى ،خادىملار ئۇلارنىڭ كۆكسىلىرىگە گۈللەرنى تاقاپ مۇكاپات پۇللىرىنى بەردى.نىمانچە كۆپ پۇل بۇ توۋا <<خۇدايىم بەرسە پەيغەمبەر غىڭ قىلالماپتۇ>>دېگەن شۇ دە!خۇشاللىقىدىن ئىككىيلەننىڭ ئاغزى قۇلىقىغا يېتەيلا دەپ قالغاندى.      موشۇ كۈنلەردە بەختىيارنىڭ ئۆگىنىش نەتىجىسى تولىمۇ تۆۋەنلەپ كەتكەندى. ئوقۇتقۇچى بىر نەچچە قېتىم ئۇنىڭ ئاتا-ئانىسىغا تېلىفون قىلغان بولسىمۇ بىراق ئۇلار بىر دەم بېيجىڭدا، بىر دەم شاڭخەيدە دەپ بارمىغاچقىمىكىن ئوقۇتقۇچىنىڭ بالا بىلەن ئانچە كارى يوق بولۇپ قالغاندى.ئۇنىڭ كۈنلىرى مەكتەپتىن قايتىپ كەلگەندىن كېيىن ئاشخانىدا تاماق يەپ كەچلىكى ئۆيدە يالغۇز تورغا چىقىش بىلەن ئۆتمەكتە ئىدى.دادىسى بىلەن ئانىسىنىڭ ئىچكىرىگە كىرىپ كەتكەنلىكىگە بىر ئايدىن ئاشقاندى. مانا بۈگۈن ئۇلار قايتىپ كېلىشتى. كەلگەن كۈنىدىن باشلاپ تولىمۇ سىرلىق بولۇپ كېتىشتى. ھە دىسىلا تېلېفونى سايرايدىغان ،ھەر قېتىملىق تېلېفوندىن كېيىن ئۆيگە ھەر خىل كىشىلەر كېلىدىغان بولدى. بۈگۈن مەكتەپتىن بالدۇرلا قايتىپ كەلگەن بەختىيار ئۆيگە كىرىپلا ھەيرانلىق ئىلىكىدە تۇرۇپلا قالدى. چۈنكى ئۆينىڭ ئىچى ئىس بىلەن توشقاندى ،دادىسى بىلەن ئاپىسى بىر پارچە پارقىراق قەغەزنىڭ ئۈستىگە قۇيۇلغان بەرسىنىڭ ئاستىدىن ئوت يېقىپ ھەۋەس بىلەن ئىسىنى شورىماقتا ئىدى ئۇلارنىڭ ئالدىدا يەنە بىر دا سۇمۇ تۇراتتى بەختىيار سومكىسىنى ياتاق ئۆيىگە قويغاندىن كېيىن ئاستا چىقىپ.      _ قۇرسىقىم ئېچىپ كەتتى دېدى،- ئانىسىغا تەلمۈرۈپ تۇرۇپ.      _ ئۈستەلدە نانمۇ بار،سامسىمۇ بار قايسىسىنى خالىساڭ شۇنى يىگىن دېدى،- ئانىسى خۇش ياقمىغان قىياپەتتە. كۈنلەر شۇ تەرىقىدە ئۆتىۋەردى بەختىيار تولۇق ئوتتۇرىنىڭ ئوقۇغۇچىسى بولۇپ قالدى.بىر كۈنى كەچ قۇرۇن ئاسىمگۈل بىلەن ئالىم بەختىيارغا ئەتە بىز گۇاڭشىغا بارىمىز، بۇ نۆۋەت سەل ئۇزۇن تۇرىمىز ،سەن ئۆيگە ئوبدان قارىغاچ تۇرغىن ،مۇنۇ كارتىغا پۇل سېلىپ قويدۇق ئېلىپ ئىشلەت دىگىنىچە كارتىنى ئۇزارتتى بەختىيارغا . دەرۋەقە ئۇلار شۇ كەتكىنىچە يىرىم يىلدىن كېيىن قايتىپ كەلدى. دادا بىلەن ئانا تەڭلا ئورۇقلاپ كەتكەندى، بۇ ھالنى كۆرگەن بەختىيار ھەيرانلىق بىلەن.      _ سىلەرگە نېمە بولدى ئورۇقلاپ كېتىپسىلەرغۇ دەپ سورىدى.     _ئىچكىرىدە تاماقتا قىينالغاچ سەل ئورۇقلاپ قالدۇق دېيىشتى ئۇلار ،كەچقۇرۇنلۇقى بەختىيار مەكتەپتىن قايتىپ كەلگەندە، ئۆيگە خۇددى ئوغرى كىرگەندەك قالايمىغان بولۇپ كەتكەندى. ئۇ دادىسى بىلەن ئانىسىغا تېلىفون قىلىپ ئالالمىدى.ئۇنىڭ كۆڭلى سەل بىئارام بولۇشقا باشلىدى.بىر نەچچە كۈندىن كېيىن ئۇدۇل قوشنىسى بەختىيارنى ئۆيىگە تاماققا چاقىردى ۋە دادىسى بىلەن ئانىسىنى ساقچىلار تۇتۇپ كەتكەنلىكىنى ئېيتىپ بەردى. بەختىيار بىر ئىشنى چۈشەنگەندەك بولدى ۋە شۈكلەپ قالدى.      بەختىيار دادىسى بىلەن ئانىسىنى مىڭ بىر مۇشەققەتتە تاپتى. ئۇلار ئاق سارايدا بولۇپ زەھەرلىك بۇيۇم يۆتكەش،سېتىش،چېكىش جىنايىتىنى سادىر قىلغان لېكىن ھەر ئىككىلىسى ئەيدىز ۋىروسى بىلەن يۇقۇملانغانلىقى ئۈچۈن كېپىللىككە قويۇۋېتىلگەن ئىدى.      كۈنلەر ،ئايلار ئۆتۈۋەردى بەختىيار مەكتەپتىن توختىدى .مانا بۈگۈن ئۇنىڭ دادىسى بىلەن ئانىسى تەڭلا ئۇ ئالەمگە سەپەر قىلغاندى جامائەتمۇ يوق ،قۇلۇم –قوشنىلار تېخى كىرمىدى پەقەت دادىسىنى ئاكىسى بىلەن ئانىسىنىڭ دۇنيالىقتىكى بىر ھەدىسىلا كەلگەندى مېيىت كۆمۈلدى ساقچى دائىرلەر ئۇلارنىڭ ئۆيىنى مۇسادىرە قىلدى.ئاتا-ئانىسىنىڭ ھېلىقى ئىككى نەپەر قېرىندىشى بەختىيارنى ئەگەشتۈرگەن پېتى بۇ شۆھرەتپەرەس، ساختىلىق بىلەن تولغان شەھەردىن يېزىغا قاراپ يول ئالدى...     (مەنبەئۆزۈم)

anamihri

	ۋەقەلىكى ئاددى لىكىن تەسىرلىك ھىكايە . ئامەت ۋە ئاپەت رومانىنى تولوق ئوقوغانلار ئاق تاماكىنىڭ  ‹‹پايدا››سىنى تولوقى بىلەن چۇشىنەتتى

hekmat-uyghur

	مۇھاببەت نۇرلۇق  چىراغ، ئۇكىشىگە يول باشلايدۇ!      بۇ گېپىڭىز  شۇنداق  ئورۇنلۇق  بولسىىمۇ لېكىن مېنىڭ مۇھاببەت ھېكايەمگە تازا ماس كەلمەيدىكەن.      ئەمما  ئەسەرنى  ياخشى يېزىپسىز، رەھمەت.

吾日古丽

	مەزمۇنى ئاپەت ۋە ئاماەتكە ئازىراق ئوخشايدىكەن ، ھەي ھەمىمىنى قىلغان ئاشۇ سۆيۈملۈك ‹پۇل›، ھازىر كۆپىنچە كىشلەر پۇل دېسە جېنىنىسەپ بىرىشتىن يانمايدۇ ، ھەتتا ئاتا- ئانىسىنمۇ تونىمايدۇ، ھەي ‹پۇل› ! كونىلار بىكار ئېيتماپتىكەن ئەسلى ‹ پۇل تاپقۇچە ، ئەقىل تاپ › دەپ، نىمدىگەن توغرا ئېيتىلغان ھە! ئاللا ھەمىمىزنىڭ كۆڭلىگە ئىنساپ بەرسۇن ! يامان يولغا كىرىپ قېلىشتىن ساقلىسۇن!

almelek

	مەيلى قانچىلىك پۇل بولىشىدىن قەتىنەزەر .....ئادەم ئۈزىنى توتۋىلىشنى بىلىش كىرەك

ansar1013

	ئۇلارنىڭ باسقان بىرىنچى قەدىمىلا ھارام ئش بىلەن باشلانغاچقا ئاخىرىمۇ شۇنداق چۈشۈپتۇ ،

نۇربىيە

	تەسىرلىك چىقىپتۇ ، ئامەت ۋە ئاپەت رومانىغا  ئاز بىر قىسىملىرى ئوخشايىدىكەن ،

kaqmixlar

	قالتىسيىزىپ سىز

tag~dir

	خۇدايىم بېرىپ باقىدۇ ،بەرگەن خۇدايىمنىڭمۇ ئالمىقى بىر دەمچىلىك....ئاللا بىزگە ئەقىلنى بەرگەن ،كانداق ئىشىلتىشنى بىلمەي ،‹مانتا كۆرمىگەن قەلەندە قاسقانغا دۈم چۈشۈپتۇ›دىگەندەك قىلساق مانا مۇشۇنداق بولىدۇ

erol

	شۈكرى ئاللاھ!