ئائىلىدىكى يۇمۇرىستىك دىيالوگلار

nazila998

	ئائىلىدىكى يۇمۇرىستىك دىيالوگلار      بىر كۈنى ئايالى ئېرىدىن :     _ سۆيۈملۈكۈم ، مېنى ياخشى كۈرەمسىز ؟ _ دەپ سوراپتۇ .     _ ناھايىتى ياخشى كۈرىمەن _ دەپ جاۋاپ بىرىپتۇ ئېرى .     _ ئۇنداقتا مەن ئۈچۈن قۇربان بىرەلەمسىز ؟       _  بىرەلەيمەن ، بىراق ئۇنداق قىلىش خاتالىق ،مەن قۇربان بەرسەم كىم سىزنى ياخشى كۈرىدۇ ؟     _ باشقىلار ئايالىنى «قۇياشىم »دەپ ئەركىلىتىدىكەن ، مەن نېمىڭىز ؟    _ قول چىرىغىم .    _ نېمە ؟ قۇياش بولالمامدىمەن ؟    _ قۇياش بولسىڭىز بولمايدۇ ، قۇياش ھەممە ئەرلەرگە ئورتاق ،سىز پەقەت ماڭىلا نۇر بەرسىڭىز بولىدۇ ،   ئېرىنىڭ جاۋابىدىن سۆيۈنگەن ئايال يەنە سوراپتۇ :     _ نېمىشقا ماڭا ھەر قاچان شۈنچە ياخشى مۇئامىلە قىلىسىز  ، خاتالىقىم _ كەمچىلىكىم يوقمۇ ؟    _ تويدىن ئىلگىرى ئاتامدىن « ئانام بىلەن ئۇرۇشۇپ قالغىنىڭلارنى كۆرمۈدۈم ، مەنمۇ شۇنداق ئۈتەلەرمەنمۇ ؟» دەپ سورىغانتىم ، ئۇ «ئايالىڭنىڭ خاتالىقى ۋە كەمچىلىكىنى ئەيىپلەپ يۈرمە ،چۈنكى شۈنچە گۈزەل قىز قىسمەن كەمچىلىكلىرى بولغاچقىلا سەندىنمۇ ياخشى ئەرنى تاپالماي ساڭا تەگمەكچى ، ئاناڭمۇ ئوخشاش » دىگەن ، ئايال گەپنى باشقا ياققا بۇراش ئۈچۈن :   _ ئاڭلىسام غېنى باي لايىقىدىن ئايرىلىپ قىلىپ ، ئەلەمدە «باي بولىمەن » دەپ قەسەم ئىچىپتىكەن ، قاراڭ ،ھازىر ئۇلارنىڭ ئائىلىسى نېمە دىگەن باياشات-ھە _ دەپتۇ .    _ ئەينى يىللىرى سىزمۇ مېنى تاشلاپ ، بىرە بايۋەچچە بىلەن كىتىپ قالغان بولسىڭىز ، بەلكىم مەنمۇ غېنى بايدىنمۇ بەكرەك بىيىپ كىتەر بولغىيىتتىم .      ئايال توي قىلغانلىغىنىڭ ئون يىللىق خاتىرە كۈنى پولۇ ئىتىپتۇ ، ئەمما ئاشقا ئىس ئۆتۈپ قاپتۇ ،ئېرى ئۆيگە كىرىپلا نېمە ئىش بولغانلىغىنى بىلىپتۇ-دە ئايالنى باغرىغا چىڭ بىسىۋاپتۇ ،      _ نېمە قىلىۋاتىسىز ؟ ئادەمنىڭ خۇيى تۇتۇپ تۇرغاندا _ دەپتۇ ئايال .     _ ھا.....ھا.....ھا......خاتىرە كۈن دىگەن مۇنداق بولمامدۇ ، يىڭى توي قىلغان چاغدىكىدەك پولۇ ئىتىپسىز ، شۇڭا سىزنى كىلىنچەكتەك قۇچاقلىۋالغۇم كەلدى ،_ دەپتۇ ئەر .      ئايالنىڭ كۆزلىرىدىن ھاياجان ياشلىرى تاراملاپتۇ .                                      مەنبە  : «شىنجاڭ قانۇنچىلىق گىزىتى »

kugul

	بەزىدە ئائىلىدىكى ئىشلارنى سۆزلەپ كەلسە، راستنىلا يۇمۇرىستىك گەپلەر چىقىپمۇ قالىدۇ.

Tughrul

	بۇ تېمىنىڭ مەزمۇنىدىن بەزى ئىشلارنى چۈشەنگەندەك بولدۇم ،بولۇپمۇ ئايالىمغا يەنىمۇ كۈيۈنىشىم كېرەكلىكىنى ! يەنى مۇھەببەت __ كۈيۈنۈشكە ، ئاسراشقا ،پەپىلەشكە مۇھتاج . رەھمەت سىزگە .

چېچەك

	ئاددىي ئەمما ئىچىگە نۇرغۇن ھەقىقەت يۇشۇرۇنغان ئەسەركەن.تىلىمۇ شۇنداق يېقىشلىق ھەم يېنىك..بۇلۇپمۇ ئەرنىڭ ئەڭ ئاخىرىقى دېگەن بىر جۈملە سۆزىنى ئوقۇپ ئىللىقىنە بۇلۇپ قالدىم. دادامنىڭ ئاپامغا دائىم دەيدىغان مۇنۇ سۆزى ئېسىمگە كېلىپ قالدى:‹خوتۇنگۈل،ھېچكىم سىلىدەك تاماق ئېتەلمەيدۇ ›.

kaqmixlar

pariay

	نىمە دىگەن رومانتىك ،،مۇشۇنداق يۇمۇرىستىك ئائىلىلەرگە قاراپ ھەۋەسلىنىمەن،تولىمۇ ئاددى ئىچىگە نۇرغۇن مەنالار يۇشۇرۇنغان ئەسەركەن !

2256

	ھەقىقەتەن ياخشىكەن ....!

sazguri

	ما تىمىنى كۆرۇپ مىنىڭمۇ توي قىلغۇم كەپ قالدىيا

natik

	دىئىالگۇدىكىدەك ئۆي مىنىڭچە يوقىمىكىن.

ZaRRin

	بىرىنجىسى بىلەن ئۈچۈنجىسى بەك ياخشىكەن ~~~